مەجەمەن تۇتاس جىلدا كاسىپورىندار ءۇشىن 8 ميلليارد 959 ميليون يۋاندىق اۋىرتپالىق جەڭىلدەتىلەدى
انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان سالىقتى ازايتىپ، اقىنى تومەندەتىپ، ارتۋدى ورنىقتىرۋ جونىندەگى اقپار جاريالاۋ ماجىلىسىنەن ۇعىسۋىمىزشا، رايونىمىزدىڭ ماۋسىمدىق ەكونوميكالىق قىزمەتىن تىڭعىلىقتى جاقسى ىستەپ، جاقسى باستاما باستاپ، ارتۋدى ورنىقتىرۋ ءۇشىن، كاسىپورىنداردىڭ دامۋ بارىسىندا جولىققان جاڭا قيىنشىلىقتارىنا، جاڭا ماسەلەلەرىنە قاراتا، اۆتونوميالى رايون سالىقتى ازايتىپ، اقىنى تومەندەتۋدە تاعى دا ”كەشەندى شارا“ قولدانىپ، ءبىر قىدىرۋ ساياساتتاردى اناعۇرلىم دالمە - ءدال شىعارىپ، تۇلعالىق ەكونوميكانىڭ ورنىقتى، اقاۋسىز دامۋىن ىلگەرىلەتەدى.
اقپار جاريالاۋ ماجىلىسىندە تۇلعالىق ەكونوميكانى قولداۋ تەبىنىن ارتتىرىپ، سالىق اقىسىندا تيىمدىلىك جاساۋ ساياساتىن تياناقتاندىرۋ ءتۇزىلىس - مەحانيزمىن ورناتىپ، ساياساتتى تياناقتاندىرۋدىڭ قىزمەت وتەۋ ناقتى ونىمدىلىگىن جوعارىلاتۋ؛ اقىنى تومەندەتىپ، پايدا بەرىپ، قارجى قۇراۋعا ۇكىمەتتىك كەپىلدىكتىڭ قوعامدىق، ەكونوميكالىق دامۋداعى سۇيمەن رولىن ساۋلەلەندىرۋ؛ جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋى اقى مولشەرىن رەتتەۋ مەحانيزمىن كەمەلدەندىرىپ، ەمدەۋ قامسىزداندىرۋ اقىسىن كەزەڭدىك ازايتىپ جيناۋ؛ جوعارى قارقىندى تاس جولدا پارىقتى اقى الۋدى جالپى بەتتىك تەرەڭدەتۋ، جالپىلاستىرۋ سياقتىلاردى توڭىرەكتەي وتىرىپ، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى، مەملەكەتتىك سالىق ىستەرى باس مەكەمەسى شينجياڭ ۇيعۇر اۆتونوميالى رايوندىق سالىق ىستەرى مەكەمەسى، اۆتونوميالى رايوندىق قازىنا مەڭگەرمەسى، اۆتونوميالى رايوندىق ەمدەۋ قامتاماسىزداندىرۋ مەكەمەسى، اۆتونوميالى رايوندىق قاتىناس - تاسىمال مەڭگەرمەسى سىندى 5 مەكەمە - ورىن سالىقتى ازايتىپ، اقىنى تومەندەتۋ ساياساتتارىن جەكە - جەكە جاريالاپ، ماۋسىمدىق ەكونوميكانىڭ ورنىقتى باستالۋىنا، ماكرولىق ەكونوميكانىڭ جالپى جاعدايىن ورنىقتىرۋعا شىنايى كەپىلدىك ەتتى.
اۆتونوميالى رايوندىق ەمدەۋ قامتاماسىزداندىرۋ مەكەمەسى، قازىنا مەڭگەرمەسى «اۆتونوميالى رايونداعى جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋىنىڭ قارجى توپتاۋ مەحانيزمىن اقاۋسىزداندىرۋعا قاتىستى ماسەلەلەر جونىندەگى حابارلاندىرۋدى» تاراتىپ، اقىنى تومەندەتۋ قىزمەتىنە ناقتى ورنالاستىرۋ جاسادى. جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋىنىڭ مەكەمە - ورنى تاپسىراتىن اقى مولشەرى (تۋىت قامسىزداندىرۋىن قامتىمايدى) ％7.5تەن اسسا، ونىڭ ۇستىنە ءبىر تۇتاس جوسپارلاناتىن قوردىڭ جيناق قالدىعىنان ورتاشا تولەۋ دەڭگەيى 15 ايداعى ءبىر تۇتاس جوسپارلاناتىن وڭىردەن جوعارى بولسا، جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋىنىڭ مەكەمە - ورنى تاپسىراتىن اقى مولشەرىن ％7.5كە دەيىن كەزەڭدىك تومەندەتۋگە بولادى. كەزەڭدىك تومەندەتىلگەن اقى مولشەرى 2022 - جىلى 3 - ايدىڭ 1 - كۇنىنەن باستاپ الدىمەن ءبىر جىل اتقارىلادى، مەرزىمى تولىپ باعالاۋ جۇرگىزىلگەننەن كەيىن جالعاستىرۋ - جالعاستىرماۋ جونىندە شەشىم جاسالادى. سونىمەن بىرگە، ءبىر تۇتاس جوسپارلاناتىن وڭىرلەردىڭ كەزەڭدىك تومەندەتكەن اقى مولشەرى ％7.5كە جەتكەندەرى اۆتونوميالى رايوندىق حالىق ۇكىمەتىنىڭ بەكىتۋىنە ەندىگارى جولدانبايدى، تومەندەتكەن اقى مولشەرى جوسپارىن اۆتونوميالى رايوندىق ەمدەۋ قامتاماسىزداندىرۋ مەكەمەسىنە، قازىنا مەڭگەرمەسىنە ارحيۆكە الۋعا جولدايدى.
كەزەڭدىك تومەندەتىپ جيناۋ بويىنشا ادام ىستەتۋشى ورىنداردىڭ اقى تاپسىرۋ اۋىرتپالىعى ءار جىلى مەجەمەن 2 ميلليارد 276 ميلليون يۋان تومەندەپ، كاسىپورىنداردىڭ اۋىرتپالىعىن ىشكەرىلەي جەڭىلدەتىپ، شارۋاشىلىق - ساۋدا ورتاسىن جاقسارتادى.
1 - ايدىڭ 18 - كۇنى «اۆتونوميالى رايوننىڭ تۇلعالىق ەكونوميكانىڭ دامۋىنا قولداۋ كورسەتىپ، سالىقتى ازايتىپ، اقىنى تومەندەتۋ جونىندەگى بىرنەشە ساياساتتىق شارالارى» شىعارىلدى. ەسەپتەۋگە قاراعاندا، ساياساتتىق شارالار اتقارىلعاننان كەيىن، 2022 - جىلى كاسىپورىنداردىڭ سالىق اقىسىنان مەجەمەن 4 ميلليارد 953 ميلليون يۋان ازايتىلىپ، كەشىرىم ەتىلىپ، كاسىپورىنداردىڭ اقى تاپسىرۋ اۋىرتپالىعى 4 ميلليارد 6 ميلليون يۋان جەڭىلدەگەن، ەكەۋىن قوسقاندا 8 ميلليارد 959 ميلليون يۋان بولادى.
ورتاشا، شاعىن، ۇساق كاسىپورىندار بازارداعى سانى ەڭ كوپ، ومىرشەڭدىك قۋاتقا ەڭ باي شارۋاشىلىق نەگىزگى تۇلعالارى. رايونىمىز قازىنانىڭ، فينانستىڭ تۇلعالىق ەكونوميكا جونىنەن ماڭىزدى قىزمەت وتەۋ رولىن تولىق ساۋلەلەندىرىپ، قارجى قۇراۋ كەپىلدىك اقى مولشەرىن ％1تەن تومەنگە ءتۇسىرۋ ساياساتىنان ويداعىداي، ناقتى پايدالانىپ، ورتاشا، شاعىن، ۇساق كاسىپورىنداردىڭ شارۋاشىلىقتى دامىتۋىنا پارمەندى قولداۋ كورسەتەدى. شينجياڭ اۋىل شارۋاشىلىعى سەنىمدى قارىز قارجى قۇراۋعا كەپىل بولۋ سەرىكتەستىگى مەن شينجياڭ قارجى قۇراۋعا كەپىل بولۋ سەرىكتەستىگىنىڭ 2022 - جىلعى جۇمىس مولشەرىنە جاساعان مەجەسىنە نەگىزدەلگەندە، بيىل قارجى قۇراۋ كەپىلدىك اقى مولشەرىن ％1تەن تومەنگە ءتۇسىرۋ ساياساتىن ۇزدىكسىز اتقارعان جاعدايدا مەجەمەن تۇتاس جىلدا ساياساتتان يگىلىكتەنەتىن ورتاشا، شاعىن، ۇساق كاسىپورىندار مەن ”اۋىل شارۋاشىلىعى، اۋىل - قىستاق، شارۋالار“ تۇلعالارىنىڭ سانى شامامەن 15 مىڭ بولىپ، شامامەن 5 ميلليارد يۋان كەپىلدىك قارىز اقشا تياناقتانادى، شامامەن 68 ميلليون 500 مىڭ يۋان كەپىلدىك اقى تومەندەيدى.
