اۆتونوميالى رايون تۇقىم شارۋاشىلىعىن گۇلدەندىرۋ ارەكەتىن ىلگەرىلەتۋ جونىندە بەينە ەكران ءماجىلىسىن اشتى
تۇقىم شارۋاشىلىعىن گۇلدەندىرۋدەگىءتۇيىندى مىندەتتەردى ەگجەي - تەگجەيلى تياناقتاندىرايىق
انار بۇلت / شينجياڭ گازەتىنىڭ ءتىلشىسى جاڭ يانفاڭ 3 - ايدىڭ 2 - كۇنى ۇرىمجىدەن حابارلايدى. 3 - ايدىڭ 2 - كۇنى اۆتونوميالى رايون تۇقىم شارۋاشىلىعىن گۇلدەندىرۋ ارەكەتىن ىلگەرىلەتۋ جونىندە بەينە ەكران ءماجىلىسىن اشتى. ءماجىلىس باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىك تۇقىم شارۋاشىلىعىن گۇلدەندىرۋدى ىلگەرىلەتۋ تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، مەملەكەتتىڭ «تۇقىم شارۋاشىلىعىن گۇلدەندىرۋ ارەكەت جوباسى» مەن «اۆتونوميالى رايوننىڭ تۇقىم شارۋاشىلىعىن گۇلدەندىرۋ ارەكەتىن اتقارۋ جوباسىن» دايەكتىلەندىرىپ، تياناقتاندىرىپ، يدەيالىق تانىمدى اناعۇرلىم بىرلىككە كەلتىرىپ، نىسانا مىندەتتەردى قاداعالاي كوزدە ۇستاپ، تۇتاس رايوننىڭ تۇقىم شارۋاشىلىعىن گۇلدەندىرۋ قىزمەتىنە ورنالاستىرۋ جاساپ، ناقتى ونىمدىلىككە قول جەتكىزۋگە شىنايى كەپىلدىك ەتتى.
اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: تۇقىم − اۋىل شارۋاشىلىعى ءوندىرىسىنىڭ قاينارى، جۋىق جىلداردان بەرى رايونىمىز جاراتىلىستىق ەكولوگيا ابزالدىلىعىنا سۇيەنىپ، تۇقىم جەتىلدىرۋ، تۇقىم ءوسىرۋدى ىلگەرىلەتۋ، تۇقىم شارۋاشىلىعى باستاماشى كاسىپورىندارىن زورايتۋ سياقتى جاقتاردا بەلگىلى ناتيجەگە قول جەتكىزدى. كەزەكتە جاڭا كەزەڭدە تۇقىم شارۋاشىلىعىن گۇلدەندىرۋدى ىلگەرىلەتۋدىڭ ماڭىزدىلىعى مەن كوكەي تەستىلىگىن تولىق تانىپ جەتىپ، وسى زامانعى تۇقىم شارۋاشىلىعىن دامىتۋدى وسى زامانعى اۋىل شارۋاشىلىعى قۇرىلىسىنىڭ ماڭىزدى ورنىنا قويۋعا تاباندى بولىپ، شينجياڭنىڭ ەرەكشە باسىمدىققا يە اۋىل شارۋاشىلىعى ونىمدەرىن تياناق ەتىپ، بايلىقتى توپتاپ، شوعىرلى قامال الىپ، ءتۇيىندى ناتيجە جاراتىپ، تۇقىم شارۋاشىلىعىن گۇلدەندىرۋدى جەدەلدەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ مەن حالىقتىڭ تاماشا تۇرمىسقا دەگەن قاجەتىن قاناعاتتاندىرۋدىڭ نەگىزىن بەكەمدەۋ كەرەك.
ءماجىلىس مىنالاردى باسا دارىپتەدى: نىسانانى مىقتاپ كوزدەپ، شينجياڭنىڭ ءىس جۇزىندىگىمەن بىرلەستىرىپ، تۇقىم شارۋاشىلىعىن گۇلدەندىرۋدىڭ ءتۇيىندى مىندەتتەرىن تياناقتاندىرۋدى مىقتى يگەرۋ كەرەك. اۋىل شارۋاشىلىعى تۇقىم ساپا بايلىعىن قورعاۋ، پايدالانۋ نەگىزىن بەكەمدەپ، اۋىل شارۋاشىلىعى تۇقىم ساپا بايلىعىن جاپپاي تەكسەرۋ قىزمەتىن ويداعىداي ىستەپ، اۆتونوميالى رايوننىڭ تۇقىم ساپا بايلىعى قورىن جاپپاي اداقتاپ، اۋىل شارۋاشىلىعى تۇقىم ساپا بايلىعىن قورعاۋ جۇيەسىن ورناتىپ، كەمەلدەندىرىپ، تۇقىم ساپا بايلىعىن ساراپتاۋ، باعالاۋ جانە پايدالانۋدى اتقارۋدى مىقتاپ يگەرىپ، تۇقىم ساپا بايلىعى سىندى وسى نەگىزدى شىنايى بەكەمدەۋ، نىعايتۋ كەرەك. تۇقىم شارۋاشىلىعىنداعى دەربەس جاڭالىق اشۋ ولقىلىعىن جەدەل تولىقتاپ، تۇقىم شارۋاشىلىعىندا شەشۋشى وزەكتى تەحنيكادان قامال الۋدى ىلگەرىلەتىپ، ءبىر توپ دەربەس ءبىلىم مەنشىگى ۇقىعىنا يە ساپالى تۇقىم سورتىن جەدەل جەتىلدىرىپ، تۇقىم شارۋاشىلىعىنىڭ نەگىزدىك، الدىڭعى لەكتەگى زەرتتەۋدى كۇشەيتىپ، تۇقىم شارۋاشىلىعى عىلىم - تەحنيكا جەتىستىگىن جالپىلاستىرۋدى، پايدالانۋدى جەدەلدەتىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەۋ كەرەك. تۇقىم شارۋاشىلىعى كاسىپورىندارىنىڭ تۇلعالىق رولىن تولىق ساۋلەلەندىرىپ، ءتۇقىم شارۋاشىلىعى كاسىپورىندارىنىڭ دامۋ ورتاسىن ساپالىلاندىرىپ، باسىمدىققا يە كاسىپ سالاسىنىڭ دامۋىن ءتۇيىندى سۇيەمەلدەپ، ”باستى تىزبەك“ كاسىپورنىن، باسىمدىققا يە تۇقىم شارۋاشىلىعى باستاماشى كاسىپورىندارىن نەگىزگى تۇلعا ەتىپ، ۇكىمەت، ءوندىرىس، ۇيرەنۋ، زەرتتەۋ، پايدالانۋدى ىشكەرىلەي توعىستىرىپ ساۋدالاندىرىلعان تۇقىم جەتىلدىرۋ جۇيەسىن جەدەل ورناتۋ كەرەك. وسى زامانعى تۇقىم شارۋاشىلىعى بازاسىن جەدەل قۇرىپ، وسى زامانعى تۇقىم شارۋاشىلىعى بازاسىنىڭ ورنالاسۋىن ساپالىلاندىرىپ، ”4 ميلليون مۋلىق“ ساپالى تۇقىم جەتىلدىرۋ بازاسى قۇرىلىسىن ۇزدىكسىز ىلگەرىلەتىپ، ساپالى تۇقىمدى جەتىلدىرۋدى كولەمدەندىرۋ، ولشەمدەندىرۋ، زەردەلىلەندىرۋدى جۇزەگە اسىرۋ كەرەك. سونىمەن قاتار، وسى زامانعى تۇقىم شارۋاشىلىعى بازاسىن باقىلاۋ - باسقارۋدى كۇشەيتىپ، باسىمدىققا يە بازا مەن باسىمدىققا يە كاسىپورىنداردى ۇشتاستىرۋدى ىلگەرىلەتىپ، شينجياڭنىڭ تۇقىم جەتىلدىرۋ، تۇقىم وسىرۋدەگى جاراتىلىستىق ابزالدىلىعىن ەكونوميكالىق ابزالدىلىققا اينالدىرۋ كەرەك. تۇقىم شارۋاشىلىعى بازار ورتاسىن جاپپاي ساپالىلاندىرىپ، تۇقىم شارۋاشىلىعى ءبىلىم مەنشىك ۇقىعىن قورعاۋ ارناۋلى رەتتەۋ، وڭاۋ، باسقارۋدى ورىستەتىپ، بازاردى باقىلاۋ، باسقارۋ تەبىنىن كۇشەيتۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكوم مەن ۇكىمەت تۇلعالىق جاۋاپكەرشىلىكتى شىنايى اتقارىپ، ءتۇرلى قىزمەتتى مىقتاپ، ويداعىداي يگەرىپ، اۆتونوميالى رايوننىڭ ءارقايسى قاتىستى ورىندارى تۇقىم شارۋاشىلىعىن گۇلدەندىرۋدى ىلگەرىلەتەتىن ساياسات جۇيەسىن بەلسەنە ورناتىپ، دارىندىلار قوسىنىن زورايتىپ، قۋاتتى بىرىككەن كۇش قالىپتاستىرىپ، تۇقىم شارۋاشىلىعىن گۇلدەندىرۋدى تىڭعىلىقتى ىلگەرىلەتۋگە پارمەندى كەپىل ازىرلەۋ كەرەك.
