شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. مەملەكەتتىك كەڭەستىڭ اقپارات كەڭسەسى 3 - ايدىڭ 3 - كۇنى «جۇڭگو مۇگەدەكتەر دەنە تاربيە ىستەرىنىڭ دامۋى جانە ۇقىقتى قامتاماسىز ەتۋ» اق تىستى كىتابىن جاريالادى.
اق تىستى كىتاپتا مىنالار تانىستىرىلدى: مۇگەدەكتەر دەنە تاربيەسى مۇگەدەكتەردىڭ دەنە قۋاتىن كۇشەيتۋىنىڭ، دەنساۋلىعىن قالپىنا كەلتىرۋىنىڭ، قوعامعا ات سالىسۋىنىڭ، جان - جاقتى دامۋدى جۇزەگە اسىرۋىنىڭ ءونىمدى جولى؛ ادامداردىڭ مۇگەدەكتەردىڭ كومەسكى قۋاتى مەن قۇنىن تانۋىنىڭ، قوعامنىڭ جاراسىمدىلىعىن، بىرگە ىلگەرىلەۋىن جەبەۋدىڭ ەرەكشە ارناسى. جاڭا جۇڭگو قۇرىلعاننان بەرى سوتسياليستىك توڭكەرىس پەن قۇرىلىس، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى، جاڭا داۋىردەگى جۇڭگوشا سوتسياليزم ۇلى ۇدەرەسىندە مۇگەدەكتەر ىستەرىنىڭ دامۋىنا ىلەسە، مۇگەدەكتەر دەنە تاربيەسى ۇزدىكسىز دامىپ، زورايىپ، جۇڭگوشا ەرەكشەلىككە يە، ءداۋىر اعىمىنا ۇيلەسەتىن مۇگەدەكتەر دەنە تاربيەسىنىڭ دامۋ جولىمەن ءجۇردى. جۇڭگو كوممۋنيستىك پارتياسىنىڭ 18 - قۇرىلتايىنان بەرى جۇڭگونىڭ مۇدەگەكتەر دەنە تاربيە ىستەرى تاريحي تابىسقا قول جەتكىزدى.
اق تىستى كىتاپتا مىنالار اتاپ كورسەتىلدى: جۇڭگو مۇگەدەكتەردىڭ ساۋىعۋ، شىنىعۋ دەنە تاربيەسىن جالپى حالىقتىق دەنە شىنىقتىرۋ، سالاماتتى جۇڭگو، دەنە تاربيەدە قۋاتتى ەل بولۋ سياقتى مەملەكەت ستراتەگياسىن اتقارۋدىڭ ماڭىزدى قۇرامداس بولىگى ەتتى. مۇگەدەكتەردىڭ بۇقارالىق سيپاتتى دەنە تاربيە قيمىلدارى كەڭ كولەمدە ورىستەتىلىپ، بۇكىل مەملەكەتتىك سيپاتتى مۇگەدەكتەر دەنە تاربيە قيمىلى قۇلاشىن كەڭ جايىپ، مۇگەدەكتەردىڭ بۇقارالىق قار - مۇز سپورتى قارىشتاپ دامىپ، مۇگەدەكتەردىڭ ساۋىعۋ، شىنىعۋ دەنە تاربيەسى قىزمەت وتەۋى ۇزدىكسىز جاقساردى.
اق تىستى كىتاپتا مىنالار باسا دارىپتەلدى: ەلىمىزدىڭ مۇگەدەكتەردىڭ باسەكەلىك دەنە تاربيەسىنىڭ دەڭگەيى ۇزدىكسىز جوعارىلاپ، مۇگەدەكتەردىڭ دەنە تاربيە جارىسىنا ات سالىسۋى كۇن سايىن ارتا ءتۇستى. جۇڭگو دۇنيە جۇزىلىك مۇگەدەكتەر دەنە تاربيە سپورتىنا ۇلەس قوستى. جۇڭگو حالىقارالىق مۇگەدەكتەر دەنە تاربيە ىستەرىنە جاپپاي ات سالىسىپ، باسقا ەلدەرمەن جانە حالىقارالىق مۇگەدەكتەر ۇيىمىمەن اۋىس - كۇيىسى، سەلبەستىگى ۇزدىكسىز كۇشەيىپ، مۇگەدەكتەردى قامتىعان ءار ەل حالقى اراسىنداعى دوستىقتى كۇشەيتتى.
اق تىستى كىتاپتا تاعى مىنالار اتاپ كورسەتىلدى: مۇگەدەكتەر دەنە تاربيەسى جۇڭگونىڭ ادامىق ۇقىق ىستەرىنىڭ دامۋىنىڭ، العا باسۋىنىڭ جاندى ايعاعى، بۇكىل ادامزاتتىڭ ورتاق قۇنىن اسقاقتاتتى، ءار ەل حالقىنىڭ اۋىس - كۇيىسىن، تۇسىنىگىن جانە دوستىعىن جەبەدى، ءادىل، تۋراشىل، ۇيلەسىمدى، سيىسىمدى الەمدىك ادامدىق ۇقىقتى باسقارۋ ءتارتىبىن ورناتۋعا، دۇنيە ءجۇزىنىڭ بەيبىت دامۋىن قورعاۋعا جۇڭگو اقىل - پاراساتىن ارنادى.
