تيانشان تورى
تيانشان تورى   ›   ۇيرەنۋ   ›   شولۋ

ءبىر نيەتپەن ىنتىماقتاسىپ، كۇرەس جۇرگىزەتىن كۇش - قۋات ۇيىستىرايىق

− مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ اشىلعاندىعىن قىزۋ قۇتتىقتايمىز

  كوكتەم شۋاعىن توگىپ، كۇللى تىرشىلىك وركەن جايدى. بۇگىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى بەيجيڭدە اشىلدى، مەملەكەتتىك ساياسي كەڭەستىڭ 34 سالادان كەلگەن 2000نان استام مۇشەسى ماڭىزدى تاپسىرمانى ارقالاپ، اسقاق سەزىممەن استانادا باس قوسىپ، مەملەكەت ىستەرىن بىرگە اقىلداسادى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  وتكەن ءبىر جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءبىرسىپىرا ءىرى، ماڭىزدى ىستەردى تىندىرىپ، ءبىرسىپىرا حاۋىپ - قاتەر مەن سىن - سايىستاردى جەڭىپ، پارتيا مەن مەملەكەت ىستەرىن ىلگەرىلەتۋدە تىڭ كەلەلى تابىستارعا قول جەتكىزدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، ءۇشىنشى تاريحي قاراردى جاساپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە مەجەلى مەرزىمدە قول جەتكىزىپ، مەجەلى مەرزىمدە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادى. 100 جىلدىق وزگەرىس پەن عاسىرلىق ىندەتكە بايىپتىلىقپەن توتەپ بەرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكالىق دامۋ مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاپ، جاڭا دامۋ ارناسىن قالىپتاستىرۋدا جاڭا قادام تاستاپ، جوعارى ساپالى دامۋدا جاڭا ناتيجەگە قول جەتكىزىپ، ”14 - بەسجىلدىقتىڭ“ تاماشا باستاماسىن جۇزەگە اسىردى. بەيجيڭ قىسقى وليمپيادا سپورت جارىسى تولىق تابىسقا قول جەتكىزىپ، دۇنيە جۇزىنە تارتىمدى، وزگەشە، ەرەن وليمپيادا سالتاناتىن ۇسىنىپ، دۇنيە جۇزىنە شۋاقتى، باي - قۇدىرەتتى، اشىق، ۇمىتكە تولى مەملەكەت وبرازىن ايگىلەدى. قول جەتكەن ءبىرسىپىرا ناتيجەلەر پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ بىلەكتەس، تىلەكتەس بولا وتىرىپ، ىنتىماقتاسا كۇرەس جۇرگىزۋىنىڭ ناتيجەسى!

  وتكەن ءبىر جىلدا پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، ارناۋلى كەڭەس قۇرىلىمىنىڭ ءتۇرلى قۇرىلىسىن ىلگەرىلەتىپ، يدەيالىق - ساياسي جەتەكشىلىكتى كۇشەيتىپ، جۇڭگو كوممۋنيستىك پارتياسى تاريحىن ءتۇيىن ەتكەن ”ءتورت تاريح“ تاربيەسىن مۇقيات ورىستەتىپ، ”14 - بەسجىلدىقتا“ تاماشا باستامانى جۇزەگە اسىرۋدى ارقاۋ ەتە وتىرىپ، ىشكەرىلەي ۇكىمەت ءىسىن اقىلداسىپ جانە دەموكراتيالىق باقىلاۋ جۇرگىزىپ، قوعامدىق جاعداي مەن حالىق رايىن بەلسەنە اڭىس ەتىپ، مىندەت وتەۋ فورماسىندا جاڭالىق اشىپ، شينحاي توڭكەرىسىنىڭ 110 جىلدىعىن ەسكە ءتۇسىرۋ قيمىلىن وتكىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

  ىنتىماق − قۇرىش، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستاردى جەڭىپ شىعۋىنىڭ، ۇزدىكسىز جەڭىستەن جاڭا جەڭىسكە جەتۋىنىڭ ماڭىزدى كەپىلى. 100 جىلدىق كۇرەس بارىسىنا قايىرىلا قاراساق، جۇڭگو كوممۋنيستىك پارتياسى بىرلىكساپتى باستان - اياق ماڭىزدى ورىنعا قويىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، بىرگە كۇرەس جۇرگىزەتىن كۇشتەردى مۇمكىندىكتىڭ بارىنشا ۇيىستىرعاندىعىن كورەمىز. 70 نەشە جىلدان بەرى، اسىرەسە، پارتيا 18 - قۇرىلتايىنان بەرى جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى بىرلىكساپتىڭ ۇيىمدىق فۋنكتسياسىن تولىق ساۋلەلەندىرىپ، ۇلى ىنتىماققا، ۇلى بىرلىككە تاباندى بولىپ، بىركەلكىلىك پەن الۋان تۇرلىلىكتىڭ بىرلىگىنە تاباندى بولىپ، ورتاق يدەيالىق - ساياسي نەگىزدى ۇزدىكسىز بەكەمدەپ، ورتاق تانىمدى كەڭ كولەمدە ۇيىستىرىپ، ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەردى سىزىپ، ۇلتتىڭ گۇلدەنۋىن جۇزەگە اسىرۋدىڭ تەلەگەي كۇشىن توپتادى. اماليات بىرلىكساپتىڭ پارتيانىڭ جاۋدى جەڭىپ، جەڭىسكە جەتۋىنىڭ ماڭىزدى اسىلى ءارى پارتيانىڭ بيلىك جۇرگىزىپ، مەملەكەتتى كوركەيتۋىنىڭ ماڭىزدى اسىلى ەكەندىگىن تولىق دالەلدەدى. حالىق ساياسي كەڭەسى بىرلىكساپ قىزمەتىن ورىستەتۋدە جاۋاپكەرشىلىك ارقالاۋدى كۇشەيتىپ، اناعۇرلىم كوپ ادامدى پارتيانىڭ توڭىرەگىنە ىنتىماقتاستىرۋ كەرەك.

  كەڭەستىك دەموكراتيا − پارتيانىڭ حالىققا باسشىلىق ەتىپ، مەملەكەتتى ءونىمدى باسقارۋىنىڭ، حالىقتىڭ قوجايىن بولۋىنا كەپىلدىك ەتۋىنىڭ ماڭىزدى تۇزىمدىك جوباسى، پارتيانىڭ باسشىلىعىن جۇزەگە اسىرۋدىڭ ماڭىزدى ءتاسىلى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە دارا ابزالدىلىعى. حالىق ساياسي كەڭەسى سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندە، مەملەكەتتى باسقارۋ جۇيەسىنىڭ ماڭىزدى قۇرامداس بولەگى جانە جۇڭگوشا تۇزىمدىك ورنالاستىرۋ بولىپ تابىلادى. حالىق ساياسي كەڭەسى كەڭەسۋ بارىسىندا كەڭ كولەمدى ىنتىماقتى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن جۇزەگە اسىرىپ، ورتاق تانىمدى ءونىمدى ۇيىستىرىپ، ءارى تاريحي داستۇرگە مۇراگەرلىك ەتىپ، ءارى ءداۋىر ەرەكشەلىگىن بەينەلەپ، ەلىمىز سوتسياليستىك دەموكراتياسىنىڭ ءىستى كوبىرەك اقىلداسۋ، ىسكە جولىققاندا كوبىرەك اقىلداسۋ، ءىس ىستەگەندە كوبىرەك اقىلداسۋ ەرەكشەلىگى مەن ابزالدىلىعىن ايگىلەپ، جالپى بارىستىق حالىق دەموكراتياسىنىڭ قۇن ۇستانىمىن ايگىلەدى. اماليات جۇڭگوشا دەموكراتيانىڭ جۇڭگودا ىسكە اساتىندىعىن، وتە جارامدى ەكەندىگىن تولىق دالەلدەدى. جاڭا جاعدايدا ءبىز، ءسوز جوق، حالىق ساياسي كەڭەسى تۇزىمىنە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، ارناۋلى كەڭەس قۇرىلىمى قۇرىلىسىن ىشكەرىلەي ىلگەرىلەتىپ، ساياسي كەڭەس ءتۇزىمىنىڭ ابزالدىلىعىن مەملەكەتتى باسقارۋدىڭ ونىمدىلىگىنە شىنايى اينالدىرۋىمىز كەرەك.

  2022 - جىل جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنداعى ماڭىزدى جىل بولماق، سوڭعى جارتى جىلدا پارتيانىڭ 20 - قۇرىلتايى اشىلادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءتۇرلى قىزمەتتەردى تىڭعىلىقتى ىستەپ، ءىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك. جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋدا حالىق ساياسي كەڭەسى جاپالى مىندەت، كەلەلى جاۋاپكەرشىلىك ارقالايدى. ساياسي كەڭەس مۇشەلەرىنىڭ تاريحي ىرىقتىلىق رۋحىن ساۋلەلەندىرىپ، جاۋاپكەرشىلىك ارقالاۋدى كۇشەيتىپ، مىندەتىن مۇقيات اتقارىپ، جاۋاپكەرشىلىگىن ادا ەتىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم كەسەك ۇلەس قوسۋىن ءۇمىت ەتەمىز!

  ءماجىلىستىڭ تولىق تابىستى بولۋىن تىلەيمىز!

(شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.