13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى دايىندىق جيىنىن وتكىزەدى
شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى 3 - ايدىڭ 4 - كۇنى تۇستەن كەيىن ساعات 3تە بەيجيڭ حالىق سارايىندا اشىلادى.
اشىلۋ جينالىسىندا جينالىسقا قاتىناسقان مەملەكەتتىك ساياسي كەڭەس مۇشەلەرى مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ كەڭەستىك ءتارتىبىن قاراپ ماقۇلدايدى، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن جانە ساياسي كەڭەس مەملەكەتتىك كوميتەتى تۇراقتى كوميتەتىنىڭ ساياسي كەڭەس 13 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەتىنىڭ جاعدايى جونىندەگى بايانداماسىن تىڭدايدى.
ورتالىق راديو - تەلەۆيزيا باس ستانسياسى اشىلۋ جينالىسىندا ۋاڭ ياڭنىڭ مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن جاساعان بايانداماسىن ۇستىنەن تىكە تاراتادى؛ شينحۋا سايتى اشىلۋ جينالىسىنىڭ ماقالاسى مەن سۋرەتىن قوسا ۇستىنەن تىكە تاراتادى.
3 - ايدىڭ 4 - كۇنى تۇستەن بۇرىن، 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى دايىندىق جيىنىن وتكىزىپ، ءماجىلىستىڭ ءتوراعالار القاسى مەن باس حاتشىسىن سايلايدى، ءماجىلىستىڭ كەڭەستىك ءتارتىپ جوباسىن داۋىسقا سالادى. دايىندىق جيىنىنان كەيىن، ءماجىلىستىڭ ءتوراعالار القاسى 1 - جيىنىن وتكىزەدى. ساعات 12دە 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى اقپار جاريالاۋ ءماجىلىسىن وتكىزەدى، ءماجىلىستىڭ مالىمدەمەشىسى ءماجىلىستىڭ كەڭەستىك ءتارتىبى مەن حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋىنا جاۋاپ بەرەدى. ىندەتتەن ءونىمدى ساقتانۋ جانە ونى تىزگىندەۋ، الەۋمەتتىك دەنساۋلىق ساقتاۋ مەن سالاماتتىقتى بىرگە قورعاۋ ءۇشىن، اقپار جاريالاۋ ءماجىلىسى ينتەرنەتتە بەينە ەكران فورماسىمەن وتكىزىلەدى. سول كەزدە ورتالىق راديو - تەلەۆيزيا باس ستانسياسى ۇستىنەن تىكە تاراتادى، جۇڭگو سايتى ماقالاسى مەن سۋرەتىن قوسا ۇستىنەن تىكە تاراتادى.
