تيانشان تورى
تيانشان تورى   ›   جاڭالىقتار   ›   شينجياڭ حابارلارى

حالىق تۇرمىسى جونىندە شىنايى كەڭەس بەرىپ، دامۋ جونىندە تاماشا شارالار العا قويدى

− مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ۇسىنىس جوبالاردى، ۇسىنىستاردى دەن قويا دايىندادى

انار بۇلت / شينجياڭ گازەتىنىڭ ءتىلشىسى جاڭ يۇنمەي

  3 - ايدىڭ 3 - كۇنى مەملەكەتتىك ساياسي كەڭەستىڭ شينجياڭدا تۇراتىن مۇشەلەرى بەيجيڭگە بارعاننان كەيىن، ۋاقىتتا ۇتا ۇسىنىس جوبالاردى، ۇسىنىستاردى سالالاپ، كەمەلدەندىرىپ، حالىق تۇرمىسى جونىندە شىنايى كەڭەس بەرىپ، دامۋ جونىندە تاماشا شارالار العا قويدى.

  ”بۇل جولى مەن 2 ۇسىنىس جوبا دايىندادىم، مۇنىڭ ءبىرى، دولاتى كەشەندى قورعامالى باجى رايونىن قۇرۋ جونىندەگى ۇسىنىس جوبا، ەندى ءبىرى، مۇگەدەك بالالار ءتالىم - تاربيەسىنە نازار اۋدارۋ جونىندەگى ۇسىنىس جوبا“. مۇشە گۋان فاڭفاڭ تىلشىگە مۇنىڭ ىشىندە مۇگەدەك بالالار ءتالىم - تاربيەسىنە نازار اۋدارۋعا قاتىستى مازمۇنعا ىشكەرىلەي وزگەرىس ەنگىزىپ، كەمەلدەندىرىپ جاتقاندىعىن ايتتى.

  ”الدىڭعى مەرزىمدە ارالاپ تەكسەرۋ - زەرتتەۋ جۇرگىزگەندە، شاپشال سىبە اۆتونوميالى اۋدانىندا اقىل - ويى كەمشىن ءىشىنارا بالالاردىڭ بار ەكەندىگىن بايقادىم، ولار وقۋ جاسىنا تولسا دا، مەكتەپكە بارىپ مىندەتتى وقۋ - اعارتۋدان يگىلىكتەنۋگە شاراسىز قالىپتى“. گۋان فاڭفاڭ: قازىر شاپشالدا مۇگەدەك بالالاردى قابىلدايتىن ەرەكشە وقۋ - اعارتۋ مەكتەبى جوق، ەڭ جاقىن ەرەكشە وقۋ - اعارتۋ مەكتەبى قۇلجا قالاسىندا، ونىڭ ۇستىنە ونىڭ قابىلدايتىن وقۋشى سانى شەكتى، - دەدى. ول جان سانى ءبىرشاما از اۋدانداردا، قالالاردا دا ەرەكشە وقۋ - اعارتۋ مەكتەبىن نەمەسە ەرەكشە وقۋ - اعارتۋ كلاسىن اشۋعا ۇندەدى.

  ۇسىنىس جوبا مۇشەلەردىڭ مىندەت اتقارۋىنىڭ ماڭىزدى فورماسى. بيىل شينجياڭدا تۇراتىن مەملەكەتتىك ساياسي كەڭەس مۇشەلەرى شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى مىقتاپ ارقاۋ ەتە وتىرىپ ۇسىنىس جوبالاردى، ۇسىنىستاردى دايىندادى، مازمۇنى ەكونوميكالىق دامۋ، حالىق تۇرمىسىن جاقسارتۋ، ۇلتتار ىنتىماعى سياقتىلاردى قامتيدى.

  مۇشە پان شياۋيان بيىل 4 ۇسىنىس جوبا دايىندادى، مۇنىڭ ىشىندە زاڭ شىعارۋ جاعىنداعى ۇسىنىس جوبالار دا، شينجياڭنىڭ ەكونوميكالىق دامۋىنا دەم بەرەتىن ۇسىنىس جوبالار دا بار. ”وسى ۇسىنىس جوبالاردىڭ بارلىعى الدىڭعى مەرزىمدە قىرۋار تەكسەرۋ - زەرتتەۋ جۇرگىزىپ، دەن قويا وڭدەلگەن، شينجياڭداعى ءار ۇلت بۇقاراسىنىڭ مۇنان دا كوپ تابىس سەزىمىنە، باقىت سەزىمىنە يە بولۋىنا مۇمكىندىك جاساۋدى ءۇمىت ەتەمىن“، - دەدى پان شياۋيان.

  مۇشە جيا ديانزىڭ جاڭا اقپارات قۇرالدارىنان، ينتەرنەت جاڭا تەحنيكاسىنان تولىق پايدالانىپ، بەينە جازبا ءتاسىلىن نەگىز ەتكەن جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسى فورماسى جونىندە ۇزدىكسىز ىزدەنىس جاساپ، ءار ۇلت جاستارى مەن ورەندەرىنىڭ كورۋىنە، كورە الۋىنا، ۇناتىپ كورۋىنە مۇمكىندىك جاساپ، جۇڭحۋا ۇلتى ورتاق تۇلعا تانىمىن تابيعي تۇردە ءسىڭىرۋ جونىندە ۇسىنىس بەردى.

  تاماشا بولاشاقتى ايتىپ، دامۋ جونىندەگى تىلەگىن ءبىلدىردى. شينجياڭداعى 25 ميلليون ءار ۇلت حالقىنىڭ تىڭ تىلەگىن، تىڭ ارمانىن ارقالاعان شينجياڭدا تۇراتىن مەملەكەتتىك ساياسي كەڭەس مۇشەلەرى وزەكتى ارقاۋ ەتىپ، كەلەلى جاعدايعا قىزمەت وتەپ، مىندەتىن دەن قويا اتقارىپ، ناقتى ونىمدىلىككە ۇمتىلىپ، حالىقتىڭ ءۇمىتىن، ءداۋىردىڭ سەنىمىن اقتاماق.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.