3 - ايدىڭ 3 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناساتىن مەملەكەتتىك حالىق قۇرىلتايىنىڭ رايونىمىزداعى ۋاكىلدەرى ۇشاقپەن بەيجيڭگە باردى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى لي ياڭ، جاڭ يۇنمەي، ۋاڭ شيڭرۇي 3 - ايدىڭ 3 - كۇنى بەيجيڭنەن حابارلايدى. 3 - ايدىڭ 3 - كۇنى تۇستەن بۇرىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى تۇتاس رايونداعى ءار ۇلت حالقىنىڭ ماڭىزدى تاپسىرماسى مەن ءۇمىتىن ارقالاپ استانا بەيجيڭگە كەلدى، الدا اشىلاتىن 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى مەن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسادى.
بيىل − جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا قادام باسقان ماڭىزدى ءبىر جىل، پارتيا 20 - قۇرىلتايى اشىلاتىن جىل، بيىلعى مەملەكەتتىك ەكى ءماجىلىستى ويداعىداي اشۋ يدەيانى بىرلىككە كەلتىرىپ، سەنىمدى بەكەمدەپ، بۇكىل ەلدەگى ءار ۇلت حالقىن اقىل - پاراساتى مەن كۇش - قۋاتىن پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا ۇيىستىرىپ، ءىس جۇزىندىك ارەكەتتەرى ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋعا جۇمىلدىرۋ جونىنەن ايرىقشا ماڭىزدى مانگە يە.
حالىق قۇرىلتايى ۋاكىلى جانە ساياسي كەڭەس مۇشەسى قىزمەت جاۋاپكەرشىلىگىن شىنايى ويداعىداي وتەۋ ءۇشىن، بەيجيڭگە اتتاناردان بۇرىن، ۋاكىلدەر، مۇشەلەر نەگىزگى ساتىعا ىشكەرىلەي بارىپ، تەكسەرۋ - زەرتتەۋ جۇرگىزىپ، قوعامدىق جاعدايدى ءبىلىپ، حالىق تىلەگىن ەستىپ، جوعارى ساپالى كەڭەستىك جوبا، ۇسىنىس جوبا، ۇسىنىس تاپسىرۋ ءۇشىن مۇقيات دايىندىق جاسادى.
”مەملەكەتتىك حالىق قۇرىلتايى ۋاكىلى رەتىندە، اۋىلداعى ءار ۇلت بۇقاراسىنىڭ كوكسەگەن ارمانىن ارقالاپ ماجىلىسكە قاتىناسپاقشىمىن، كوڭىلىم قاتتى تولقىپ تۇر، سونىمەن بىرگە ارقالاعان جاۋاپكەرشىلىگىمنىڭ دە سالماقتى ەكەنىن سەزىنىپ وتىرمىن“. مەملەكەتتىك حالىق قۇرىلتايىنىڭ ۋاكىلى قۇربان نيازدىڭ ۇسىنىسى شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋانىڭ تاڭداۋلى ءداستۇرلى مادەنيەتىن سان مىڭ وتباسىنا جەتكىزۋدى ىلگەرىلەتۋ.
2021 - جىلى، مەملەكەتتىك حالىق قۇرىلتايىنىڭ ۋاكىلى يوۋ لياڭيىڭ ۇسىنعان شينجياڭنىڭ ەرەكشە جەمىس ورمانى شارۋاشىلىعىنىڭ دامۋىنا قولداۋ كورسەتۋ ۇسىنىسى قاتىستى تاراۋلاردىڭ ايرىقشا ءمان بەرۋىنە يە بولدى. بيىل ول مەملەكەتتىڭ اۋىل شارۋاشىلىعى، اۋىل - قىستاق، شارۋالار ىستەرىنىڭ دامۋىن قولداۋ، اۋىل - قىستاقتى گۇلدەندىرۋگە دەم بەرۋ جونىندە ءتىپتى دە كوپ تاماشا ساياساتتار شىعارۋدى كۇتۋدە.
”مەن ماقتا توقىماشىلىق كاسىپ سالاسىنداعى ’القىمداپ وتىرعان‘ تەحنيكالاردان قامال الۋ تەبىنىن كۇشەيتۋ سياقتى ۇسىنىس جوبانى الا كەلدىم“. شينجياڭدا تۇراتىن مەملەكەتتىك ساياسي كەڭەستىڭ مۇشەسى دىڭ حۇڭ مىنالاردى ءبىلدىردى: بورىشتىڭ ۇددەسىنەن شىعىپ، كەلەلى تاپسىرمانىڭ ءۇمىتىن اقتاپ، ءتىپتى دە كوپ نەگىزگى ساتىنىڭ ءۇنى مەن حالىقتىڭ ءۇمىتىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە جەتكىزەمىن.
شينجياڭدا تۇراتىن مەملەكەتتىك ساياسي كەڭەستىڭ مۇشەسى يۇي مەي رۋحاني، دەنسالىق ساقتاۋ سالاسىمەن اينالىساتىن قىزمەتكەرلەردىڭ دەنساۋلىق، كوڭىل كۇي اقاۋسىزدىعىنا كوپ جاقتان نازار اۋدارۋ ۇسىنىسىن اكەلدى. ”مۇشەلىك اتاق - داڭق پەن مىندەت وتەگەن كەزدى ايرىقشا قاستەرلەپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، شينجياڭنىڭ تاماشا وبرازىن ايگىلەپ، شينجياڭنىڭ تاماشا ءۇنىن تاراتامىن“، - دەدى يۇي مەي.
ۋاكىلدەر، مۇشەلەر شينجياڭدى زاڭمەن باسقارۋ، جوعارى ساپالى دامۋ، اۋىل - قىستاقتى گۇلدەندىرۋ، حالىق تۇرمىسىن قامتاماسىز ەتۋ، قوعامدىق جونگە سالۋ، ەكولوگيالىق ورتانى قورعاۋ سياقتى رايونىمىزدىڭ ەكونوميكالىق، قوعامدىق دامۋىنداعى جانە حالىق تۇرمىسىنداعى قولامتالى ماسەلەلەردى ارقاۋ ەتە وتىرىپ، بەلسەندى تۇردە سىندارلى اقىل - كەڭەس بەرەدى، ولار مىنالاردى ءبىلدىردى: اسقاق ساياسي سۇيىسپەنشىلىك جانە كۇشتى بورىشتىلىق سەزىم ارقىلى قىزمەت جاۋاپكەرشىلىگىمىزدى ويداعىداي اتقارىپ، ءماجىلىستىڭ ءتۇرلى مىندەتتەرىن جوعارى ساپامەن ورىنداپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتتارىمىز مەن كۇش - قۋاتتارىمىزدى ارنايمىز.
