ۋاكىل جاڭ شين:
جوعارى ساپامەن مىندەت اتقارۋ ارقىلى جوعارى ساپالى دامۋعا قىزمەت ەتەمىن
انار بۇلت / شينجياڭ گازەتىنىڭ ءتىلشىسى شى شين
2 - ايدىڭ 24 - كۇنى تاڭەرتەڭ ەرتە، مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور شەكتى جارنا سەرىكتەستىگى پارتكومنىڭ شۋجيى، القا باستىعى جاڭ شين كەڭسەسىنە كەلە سالا قاربالاس جۇمىسقا كىرىستى. ”مەملەكەتتىك ەكى ءماجىلىس اشىلۋ الدىندا تۇر، بەيجيڭگە اپاراتىن كەڭەستىك جوبالار، ۇسىنىستار ءۇشىن سوڭعى دايىندىق جۇمىستارىن ىستەۋىم كەرەك“، - دەدى ول.
جۇمىس ۇستەلىندە ونىڭ وتكەن ءبىر جىلدا بۇكىل ەلدىڭ جەر - جەرىندە تەكسەرۋ - زەرتتەۋ جۇرگىزۋدەن العان ەستەلىكتەرى ءۇيىلىپ جاتىر. بۇل ەستەلىكتەرگە جاسىل، تومەن كومىر قىشقىل گازدى دامۋ، ”ءبىر بەلدەۋ، ءبىر جول“ اياسىنداعى ەنەرگيا سەلبەستىگىن ىلگەرىلەتۋ، ءوندىرىس، وقىتۋ، زەرتتەۋ باسىمدىقتارىن شوعىرلاندىرىپ جاڭالىق اشۋدىڭ جەتەكتەۋ كۇشىن نىعايتۋ، دارىندىلاردى تياناقتاتۋ ينجەنەرياسىن ورىستەتىپ شينجياڭنىڭ ەكونوميكالىق دامۋىنا دارىندىلار باۋراۋ سياقتى مازمۇندار قامتىلعان.
13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلانعاننان بەرى، جاڭ شين ماجىلىسكە جالپى 37 كەڭەستىك جوبا جانە ۇسىنىس تاپسىرىپ، مەملەكەتتىڭ قاتىستى مينيسترلىك - كوميتەتتەرىنىڭ ايرىقشا ءمان بەرۋىنە يە بولدى. ”مەن ىلگەرىندى - كەيىندى عىلىم - تەحنيكا مينيسترلىگى، اۋىل - قىستاقتى گۇلدەندىرۋ مەكەمەسى، اۋىل شارۋاشىلىعى جانە اۋىل - قىستاق مينيسترلىگى، دامۋ جانە رەفورما كوميتەتى، ەكولوگيالىق ورتا مينيسترلىگى سياقتى قاتىستى مينيسترلىك - كوميتەتتەردەن جاۋاپ تاپسىرىپ الدىم، ءوز ۇسىنىسىمنىڭ ناتيجە بەرگەندىگىنە دە ءوز كوزىممەن كۋا بولدىم“، - دەيدى جاڭ شين.
وسى كەڭەستىك جوبا، ۇسىنىستار ىشىندە، وڭتۇستىك شينجياڭ وڭىرىندەگى اۋىل - قىستاقتىڭ كاسىپ سالاسىن گۇلدەندىرۋدى تەرەڭدەتۋ، شينجياڭعا قولداۋ ساياساتىن بەرىپ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن تياناقتاندىرۋدى ىلگەرىلەتۋ، جۇندۇڭداعى كومىر كاسىپ سالاسىندا ءوندىرىستى، وقىتۋدى، زەرتتەۋدى سايكەستىرە وتىرىپ جاڭالىق اشۋعا قولداۋ كورسەتۋ، بۇعى بايلىعى باسىمدىعىن اشىپ شەكارا وڭىردەگى ءار ۇلت حالقىن باقىتقا كەنەلتۋ، شينجياڭنىڭ ورتا، شاعىن، ۇساق كاسىپورىندارىنا قازىنا - سالىق، فينانس جاعىنان قولداۋ كورسەتۋ سەرپىنىن ارتتىرۋ سياقتى ماسەلەلەر تياناقتانىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ، ءار ۇلت بۇقاراسىنىڭ تۇرمىس دەڭگەيىن جاقسارتۋ ءۇشىن بەلسەندى ۇلەس قوستى.
جۇڭگونىڭ ءىرى تۇرپاتتى ەنەرگيا جابدىقتارىن جاساۋ كاسىپورنىنىڭ تىزگىن ۇستاۋشىسى رەتىندە، 2021 - جىلى، جاڭ شين پارتيا مەن مەملەكەتتىڭ وزەكتى قىزمەتىن ارقاۋ ەتىپ، نازاردى جاسىل، تومەن كومىر قىشقىل گازدى دامۋدى ىلگەرىلەتۋگە شوعىرلاندىرىپ مىندەت اتقارىپ، جاۋاپكەرشىلىگىن ادا ەتتى.
ول بىلاي دەدى: ”14 - بەسجىلدىق“ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدىڭ شەشۋشى مەزگىلى، تەرەزەلىك مەزگىلى سانالادى، جاڭا جاعداي مەن مىندەت الدىندا، جاسىل، تومەن كومىر قىشقىل گازدى دامۋدى ىلگەرىلەتۋ قابىلەتىن ونان ارى كۇشەيتكەندە عانا، جاسىل دامۋ ۇستانىمىن امالياتتا اناعۇرلىم ويداعىداي ايگىلەۋگە بولادى. ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدى ارقاۋ ەتە وتىرىپ، ءبىز ’14 - بەسجىلدىقتا‘ شينجياڭدا 100 ميلليارد يۋاننان استام قارجى قوسىپ، ’جەل، كۇن، وت، سۋتەگى، زاپاس ەنەرگيا، كرەمني نەگىزدى جاڭا ەنەرگيا اينالمالى ەكونوميكا كاسىپ سالاسى تىزبەگىن‘ جانە ’جەل، كۇن، وت، سۋتەگى، زاپاس ەنەرگيا، اليۋمين نەگىزدى جاڭا ماتەريالدار اينالمالى ەكونوميكا كاسىپ سالاسى تىزبەگىن‘ جەتىلدىرىپ، شينجياڭنىڭ جاسىل ەنەرگيا ىستەرىنىڭ دامۋىنا كۇش قوسۋدى جوسپارلاپ وتىرمىز“.
”ءبىر بەلدەۋ، ءبىر جول“ اياسىنداعى ەنەرگيا سەلبەستىگىن ىلگەرىلەتۋ ءۇشىن، جاڭ شين نىسان قاي جەرگە سالىنسا جۇڭگونىڭ دوستىعىن سول جەرگە جەتكىزۋگە تاباندى بولىپ، نىسان ورنالاسقان مەملەكەتتە قۇدىق قازىپ، جول سالىپ، كەدەيلەردى سۇيەمەلدەپ، قيىنشىلىعى بارلارعا قول ءۇشىن بەرىپ وتىردى. قازىرگە دەيىن، ەرەكشە ترانسفورماتور سەرىكتەستىگىنىڭ شەتەلدەگى نىساندارىنىڭ كەلىسىم - شارت جاسالعان جالپى سوماسى 20 ميلليارد دوللاردان اسسا، قۇرىلىسى اياقتاعان نەمەسە سالىنۋ ۇستىندەگى نىسانداردىڭ جالپى سوماسى 9 ميلليارد دوللار بولعان.
”ەرەكشە ترانسفورماتور سەرىكتەستىگى پارتيا مەن ۇكىمەتتىڭ جەتىلدىرۋى ارقاسىندا دامىدى، مەملەكەتتىك حالىق قۇرىلتايىنىڭ ۋاكىلى رەتىندە، مەن اناعۇرلىم ويداعىداي باستاماشى بولىپ، حالىق بۇقاراسىنىڭ رازى بولۋىن ولشەم ەتىپ، جوعارى ساپالى دامۋدى ءار جاققا، جالپى بارىسقا سىڭىرەمىن“ دەيدى جاڭ شين.
2021 - جىلى ەرەكشە ترانسفورماتور سەرىكتەستىگى ماماندارعا، تىرەكتى دارىندىلارعا كوڭىل ءبولۋ، قامقورلىق جاساۋ بويىنشا جەلىلەس ”حالىق تىلەگى ينجەنەريالارىن“ ورىستەتىپ، 100 ميلليون يۋانعا جۋىق قارجى قوسىپ جوعارى ساپالى، ماماندانعان، جاڭالىق اشۋشى دارىندىلاردى شينجياڭعا تامىر تارتۋعا ىنتالاندىردى. بۇدان سىرت، سەرىكتەستىكتەگى ءار دارەجەلى پارتيا ۇيىمدارى پارتيا مۇشەلەرىنىڭ قىزمەت وتەۋ اترەتتەرىن قۇرىپ، قامقورلىق مەكەمەلەرىنە، الەۋمەتتىك اۋماقتارعا، بۇقارانىڭ ۇيلەرىنە بارىپ ءىس جۇزىندىك قيىنشىلىقتارىن شەشۋگە كومەكتەستى.
شينجياڭنىڭ اۋىل - قىستاقتى گۇلدەندىرۋ ستراتەگياسىنا دەم بەرۋ ءۇشىن، 2021 - جىلى ەرەكشە ترانسفورماتور سەرىكتەستىگى حوتان قالاسىندا، يىڭسار اۋدانىندا نەگىزدىك قۇرىلعىلار قۇرىلىسى، اۋىل - قىستاق كاسىپ سالالارىن دامىتۋ، تاربيەلەۋ - باۋلۋ، كومەكتەسۋ - سۇيەمەلدەۋ سياقتى نىساندار ارقىلى جەرگىلىكتى بۇقارانىڭ كىرىستەرىن ارتتىرۋىنا كومەكتەستى.
2021 - جىلى 1 - ايدا، مەملەكەتتىك حالىق قۇرىلتايىنىڭ ۋاكىلى لاچين بايەكە مۇز جارىعىنا ءتۇسىپ كەتكەن بالانى قۇتقارۋ بارىسىندا قۇربان بولدى، جاڭ شين قاھارمان وتباسىنىڭ تۇرمىس، وقۋ - اعارتۋ، ەمدەلۋ سياقتىلارعا پايدالانۋى ءۇشىن قاشقار ايماقتىق قىزىل كرەست قوعامى ارقىلى 300 مىڭ يۋان جىلۋ اتادى.
بيىل جاڭ شيننىڭ ماجىلىسكە تاپسىراتىن كەڭەستىك جوبا، ۇسىنىستارى، باستىسى، ”14 - بەسجىلدىق“ جوبا، ەكولوگيالىق وركەنيەت قۇرىلىسى جانە جاسىل، تومەن كومىر قىشقىل گازدى دامۋ، عىلىم - تەحنيكادا جاڭالىق اشۋ، تۇلعالىق ەكونوميكانىڭ جوعارى ساپالى دامۋى، اۋىل - قىستاقتى گۇلدەندىرۋ سياقتى مەملەكەتتىڭ كەلەلى ستراتەگيالارى مەن قوعام، حالىق تۇرمىسى ماسەلەلەرىنە سايادى، ول 2022 - جىلدىڭ دا تولاعاي تابىستى ءبىر جىل بولۋىن ءۇمىت ەتىپ وتىر.
