□ شينحۋا اگەنتتىگىنىڭ تىلشىلەرى شى جيڭنان، چىن شاڭساي، لي جيان
”باس شۋجي مەنىڭ اتىمدى جاڭىلماي ايتىپ بەرىپ تۇرسا، مەن قالايشا تەبىرەنبەيمىن؟“. 4 جىلدىڭ الدىنداعى سول مەيىرگە تولعان كورىنىستى ەسىنە العان، شيزاڭنىڭ شاننان قالاسى لۇڭزى اۋدانى يۇيماي اۋىلىنىڭ بۇرىنعى باستىعى جوگا اعىنان اقتارىلىپ ءماز - مايرام بولدى.
2018 - جىلى 3 - ايدا، 13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ جاڭادان سايلانعان جوگا چيڭحاي - شيزاڭ ۇستىرتىنەن اتتانىپ، بەيجيڭدەگى حالىق سارايىنا كەلدى.
”باس شۋجي بىزگە قاراي كەلە جاتتى، تەلەۆيزوردان كورگەنىمىزدەي جايساڭ، باۋىرمال ەكەن“. جوگا ەندى - ەندى ۇيرەنىپ جۇرگەن حانزۋ تىلىندە ءبىر ءارىپ، ءبىر ارىپتەن كىدىرىپ: ”باس شۋجي شي جينپيڭ، سالەمەتسىز بە!“، - دەدى.
”جانىمداعى ۋاكىلدەر باس شۋجيگە مەنىڭ يۇيمايدان كەلگەنىمدى ايتتى، باس شۋجي يۇيماي اۋىلىنداعى جوگا ما دەپ سۇرادى“. جوگا باسىن توقتاۋسىز يزەپ، باس شۋجيدىڭ كوڭىل بولگەنىنە ”جاشيدىلى“ دەپ جاۋاپ قايىردى.
سونان جارتى جىلعا جەتپەيتىن ۋاقىت بۇرىن، 2017 - جىلى 10 - ايدىڭ 28 - كۇنى، باس شۋجي شي جينپيڭ اپەكەلى - ءسىڭلى جوگالارعا جاۋاپ حات جازعان - دى − ”مەملەكەت بولسا عانا وتباسى بولادى، مەملەكەت شەكاراسىنىڭ تىنىشتىعى بولماسا، بارشا وتباسىلاردىڭ اماندىعى دا بولمايدى. وتانىمىز تەرريتورياسىنداعى ءار تال ءشوپ، ءار ءتۇپ اعاشتىڭ بارلىعىن ءبىز ويداعىداي كۇزەتۋىمىز، ويداعىداي قورعاۋىمىز كەرەك...“.
بۇل حات جوگا وتباسىنداعى ەڭ كورنەكتى ورىندا ءىلىنۋلى تۇر. ول بىلاي دەدى: ”باس شۋجيدىڭ حاتىندا ماعان ايتقان سوزدەرى ۇنەمى مەنىڭ ەسىمە اكەمە ىلەسىپ شەكارا شارلاعان كۇندەردى تۇسىرەدى“.
يۇيمايدا كەزىندە تەك قارت اۋىل باستىعى ساڭجيەچۇيبا مەن ونىڭ جوگا، ياڭزۇڭ ەسىمدى 2 قىزى بولىپ، ءۇش - اق ادام قالعان ەدى. 34 جىلدىڭ الدىندا، اكەسىنىڭ اسا تاياعىن قولىنا الىپ، جوگا مەملەكەت ءۇشىن شەكارا شارلاۋ جولىنا اتتانعان - دى.
جاياۋ ءجۇرىپ شارشاعاندا، ول باسىن كوتەرىپ قاسيەتتى رىلا قارلى تاۋىنا قاراپ، اكەسىنىڭ ءوز قولىمەن تىككەن بەس جۇلدىزدى قىزىل تۋدى ۇستاپ تۇرىپ ايتقان ”تابان استىڭداعى جەردى قورعاعانىڭ مەملەكەتتى قورعاعانىڭ“ دەگەن ءسوزىن ەسكە الادى.
دابىرا ايتىپ، دۇبىرلەتكەن جوق، بارلىعىن بايسالدىلىقپەن ىشىنە ساقتادى، باس شۋجيدىڭ جاۋاپ حاتىن تاپسىرىپ العان سوڭ، جوگا سوققان بوران مەن جاۋعان قارعا قاراماستان اۋەلگىسىندەي تاباندىلىقپەن شەكارانى شارلادى. ”باس شۋجيدىڭ تاپسىرماسى، اكەمنىڭ ارمانى − مەنىڭ تاباندىلىعىمنىڭ رۋحاني امانات تىرەگى“.
باس شۋجيدى تاعى ءبىر رەت جاقىن جەردەن كورگەنى 2021 - جىلى 6 - ايدىڭ 29 - كۇنى، بەيجيڭ حالىق سارايىنىڭ جينسى زالىندا ”1 - شىلدە وردەنىن“ تاراتۋ سالتىندا بولاتىن.
”جاشيدىلى!“، باس شۋجي شي جينپيڭ كۇلىمسىرەپ، ىستىق ىقىلاسپەن جوگاعا امانداستى.
كوڭىلى تولقىپ كەتكەن جوگا باس شۋجيدىڭ قولىن قىسا ۇستاپ، تارتىنشاقتاپ تۇرىپ: ”باس شۋجي سالەمەتسىز بە، جاپا شەكتىڭىز!“، - دەدى.
ومىرىندە ۇمىتىلماس ءسات قاستەرلى سۋرەتكە اينالدى. ءار رەت يۇيماي جاڭا قۇرۋشىلاردى قارسى العان كەزدە، جوگا سۋرەتتى كورسەتىپ ولارعا بىلاي دەيتىن: ”باس شۋجيدىڭ بەرگەن’1 - شىلدە وردەنى‘ تەك ماعان عانا تاۋەلدى ەمەس، پارتيا مەن مەملەكەت وتاننىڭ شەكاراسىن تاباندىلىقپەن كۇزەتىپ جاتقان بارلىق ءار ۇلت حالقىن ەستەن شىعارمايدى“.
كەزىندە قۋانىشى مەن العىسىن ارقالاپ، جوگا مەملەكەتتىك ەكى ماجىلىستە كوپشىلىككە يۇيماي اۋىلىنىڭ ”جوسپارىن“ كورسەتتى.
قازىر جوبا رەالدىققا اينالدى − ”كەزىندەگى 3 ادامدىق اۋىل“ قازىر 67 وتباسى، 200دەن استام ادامى بار، قاراستى اۋماعىندا 2 اكىمشىلىك قىستاق بار دوڭگەلەك داۋلەتتى اۋىلعا اينالدى. 2021 - جىلى تۇتاس اۋىلدىڭ جان باسىندىق جىلدىق كىرىسى 40 مىڭ يۋانعا تايادى. وتباسىلاردىڭ ەسىك الدىندا جايناعان بەس جۇلدىزدى قىزىل تۋ اسقاق جەلبىرەدى؛ جاڭادان سالىنعان بالاباقشا مەن باستاۋىش مەكتەپتەن بالالاردىڭ شاتتىق ءۇنى ەستىلدى...
جوگانىڭ ۇلكەن قىزى باساڭجوگا داشۋەدەگى وقۋىن ءبىتىرىپ، يۇيمايعا قايتۋدى تاڭداپ، اۋىل - قىستاقتى گۇلدەندىرۋدەگى ارناۋلى كادرعا اينالدى؛ ونىڭ جيەنى سولاڭدۇنجۋ داشۋەدەگى وقۋىن ءبىتىرىپ، يۇيماي اۋىلىنداعى ۇكىمەت قىزمەتكەرى بولدى... كوپتەگەن جاستار كورىكتى گىساڭ گۇلى سياقتى قارلى ۇستىرتتەگى شەكارا لەنياسىندا جايقالا اشىلدى.
بيىل مەملەكەتتىك ەكى ءماجىلىستىڭ اشىلۋ قارساڭى ءدال زاڭزۋ كۇن تىزبەسىنىڭ جاڭا جىلىنا تۋرا كەلدى. جوگا شەكاراداعى حالىقتىڭ كومەك قاراجاتى، جول قۇرىلىسى جانە ساياحاتتى دامىتۋىنا قاتىستى ۇسىنىستاردى دايىندادى.
قول تەلەفونىنداعى سۋرەت پەن كەسكىندەرىن كورسەتىپ، ول قۋانىشتى تۇردە بىلاي دەدى: ”ەگەر باس شۋجيدى تاعى كورىپ جاتسام، مەن وعان يۇيمايداعى تىڭ وزگەرىستەردى كورسەتسەم دەيمىن!“.
(شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى)
