تيانشان تورى   ›   جاڭالىقتار   ›   ماڭىزدى حابارلار

بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى سالتاناتپەن باستالدى

  بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى سالتاناتپەن باستالدى

  شي جينپيڭ باستالۋ سالتىنا قاتىناستى ءارى بەيجيڭ مۇگەدەكتەر قىسقى وليمپيادا سپورت جارىسىنىڭ باستالعاندىعىن جاريالادى

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس قاتىناستى

  3 - ايدىڭ 4 - كۇنى كەشتە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ باستالۋ سالتى مەملەكەتتىك دەنە تاربيە الاڭىندا سالتاناتپەن وتكىزىلدى. مەملەكەت ءتوراعاسى شي جينپيڭ باستالۋ سالتىنا قاتىناستى ءارى بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ باستالعاندىعىن جاريالادى.

  □ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

  3 - ايدىڭ 4 - كۇنى كەشتە بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ باستالۋ سالتى مەملەكەتتىك دەنە تاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى باستالۋ سالتىنا قاتىناستى

  □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. ءومىردىڭ ءساليقالى ساتتەرى ساۋلە شاشىپ، تالىقپاي تالپىنۋعا القاۋ ايتىلدى. بەيجيڭ 2022 - جىلعى مۇگەدەكتەر قىسقى وليمپيادا سپورت جارىسىنىڭ باستالۋ سالتى 3 - ايدىڭ 4 - كۇنى كەشتە مەملەكەتتىك دەنە تاربيە الاڭىندا سالتاناتپەن وتكىزىلدى، مەملەكەت ءتوراعاسى شي جينپيڭ باستالۋ سالتىنا قاتىناستى ءارى بەيجيڭ مۇگەدەكتەر قىسقى وليمپيادا سپورت جارىسىنىڭ باستالعاندىعىن جاريالادى.

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس باستالۋ سالتىنا قاتىناستى.

  مۇگەدەكتەردىڭ الەمدەگى جالپى جان سانىندا يەلەيتىن سالىستىرماسى شامامەن %15، ولار قۋانىش پەن جۇبانىشتى بىرگە وتكەرەتىن ادامزاتتىڭ تاعدىرلاس ورتاق تۇلعاسىنىڭ ماڭىزدى قۇرامداس بولىگى. بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى − بەيجيڭ 2008 - جىلعى مۇگەدەكتەر وليمپيادا سپورت جارىسىنان كەيىن جۇڭگو وتكىزگەن مۇگەدەكتەردىڭ تاعى ءبىر الەمدىك سپورت سالتاناتتى جينالىسى.

  مەملەكەتتىك دەنە تاربيە الاڭىندا اشەكەيلى شامدار جايناپ، الۋان نۇرعا شومدى. ساعات 19دان 57 مينۋت وتكەندە بەيجيڭ مۇگەدەكتەر قىسقى وليمپيادا سپورت جارىسىنىڭ جينالىس بەلگىسى دەنە تاربيە الاڭىنىڭ ورتاسىنداعى الىپ ەدەن ەكراننان كورىندى. «بەيبىتشىلىك − تاعدىرلاس ورتاق تۇلعا» اتتى مۋزيكا اۋەنى ىشىندە شي جينپيڭ مەن حانىمى پىڭ لييۋان پارسونس قاتارلىلارمەن بىرگە ءتوراعالار مىنبەسىنە كوتەرىلىپ، كورەرمەندەرگە قول بۇلعاپ قۇرمەت ءبىلدىردى. بۇكىل الاڭنان ۇزاققا سوزىلعان قىزۋ شاپالاق ءۇنى مەن سالتانات ءۇنى كوتەرىلدى.

  الاڭنىڭ ورتاسىنداعى جامىراعان جۇلدىزدار اراسىنان وتكەن 12 كەزەكتى مۇگەدەكتەر قىسقى وليمپيادا سپورت جارىسىن وتكىزگەن قالالاردىڭ اتى كورىنىپ، ەڭ سوڭىندا ”2022 بەيجيڭ“ بولىپ تۇراقتاندى. مۇگەدەكتەر قىسقى وليمپيادا سپورت جارىسىنىڭ 6 ۇلكەن باسەكەلىك جارىس تۇرىنە ۋاكىل بولعان سپورتشىلار قار شاڭعى جولىنان جۇيتكي ءتۇسىپ، الاڭعا سىرعاناپ كىردى. الاڭنىڭ ورتاسىنان مۇز شاۋگىم جارىس جولى كورىنىپ، مۇز شاۋگىمنىڭ سىرعىپ وتۋىمەن شەگەرىپ ساناۋ سيفرى الاڭ ىشىندە جارقىرادى: 1، 2، 3، 4، 5، 6،7، 8، 9، 10... بۇكىل الاڭنان سالتانات ءۇنى كوتەرىلدى.

  ديكتور كورەرمەندەرگە جۇڭگونىڭ مەملەكەت ءتوراعاسى شي جينپيڭدى، حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونستى تانىستىردى، شي جينپيڭ مەن پارسونس كوپشىلىككە قول بۇلعاپ قۇرمەت ءبىلدىردى، بۇكىل الاڭنان تاعى قىزۋ قول شاپالاق ءۇنى كوتەرىلدى.

  مۇگەدەكتەر حور ۇيىرمەسى ورىنداعان «مەن جانە مەنىڭ وتانىم» اتتى ءاننىڭ تامىلجىعان ءۇنى ىشىندە جۇڭگونىڭ مۇگەدەك سپورتشىلارىنىڭ جانە مۇگەدەكتەر ىسىنە ۇلەس قوسقان قايراتكەرلەردىڭ 8 ۋاكىلى بەس جۇلدىزدى قىزىل تۋدى قورعاپ، دەنە تاربيە الاڭىنىڭ تۋ شىعارۋ اۋماعىنا كەلدى. ساعات 20دان 08 مينۋت وتكەندە جۇڭحۋا حالىق رەسپۋبليكاسىنىڭ ايبىندى مەملەكەت ءانى ءۇنى ىشىندە بەس جۇلدىزدى قىزىل تۋ جەلبىرەي كوتەرىلدى.

  بەيجيڭ مۇگەدەكتەر قىسقى وليمپيادا سپورت جارىسىنىڭ سۇيكىمدى دە پاك 4 قۇت بەلگىسى ”شۋەرۇڭرۇڭ“ الاڭنىڭ ورتاسىنا سىرعاناپ كىردى، سپورتشىلاردىڭ الاڭعا كىرۋ سالتى باستالدى. دۇنيە ءجۇزىنىڭ جەر - جەرىنەن كەلگەن مۇگەدەكتەر قىسقى وليمپيادا سپورت جارىسىنىڭ سپورتشىلار ۋاكىلدەرى كوتەرىڭكى رۋحپەن دەنە تاربيە الاڭىنا كىردى. الاڭداعى كورەرمەندەر قىزۋ قول شاپالاق ۇنىمەن جانە سالتانات ۇنىمەن ولاردى قارسى الدى جانە ولارعا قۇرمەت ءبىلدىردى. وسى كەزەكتى مۇگەدەكتەر قىسقى وليمپيادا سپورت جارىسىنا 46 مەملەكەتتىڭ (رايون) ۋاكىلدەر ۇيىرمەسى قاتىناسادى. الداعى 9 كۇندە 600گە جۋىق مۇگەدەك سپورتشى 6 ۇلكەن ءتۇر بويىنشا جارىسقا قاتىناسادى.

  «وتاندى جىرلايمىز» ءان اۋەنىمەن داياشى ەل جۇڭگونىڭ ۋاكىلدەر ۇيىرمەسى ەڭ سوڭىنان الاڭعا كىردى. مۇگەدەكتەر وليمپياداسىنىڭ دالالىق شاڭعى جانە قىسقى ەكى ءتۇر سپورتشىسى گو يۇيجيە، مۇگەدەكتەر وليمپياداسىنىڭ مۇز دوپ سپورتشىسى ۋاڭ جىدۇڭ جايناعان بەس جۇلدىزدى قىزىل تۋدى ۇستاپ، قاتاردىڭ ەڭ الدىندا ءجۇردى. وسى كەزەكتى مۇگەدەكتەر قىسقى وليمپيادا سپورت جارىسىنداعى جۇڭگو ۋاكىلدەر ۇيىرمەسىندە جيىنى 217 ادام بار، مۇنىڭ ىشىندە سپورتشى 96 ادام، ولار بارلىق 6 ۇلكەن تۇردەگى، 73 شاعىن تۇردەگى جارىسقا قاتىناسادى. بۇل ەلىمىزدىڭ مۇگەدەكتەر قىسقى وليمپيادا سپورت جارىسىنا قاتىناسقاننان بەرگى ۋاكىلدەر ۇيىرمەسىنىڭ كولەمى ەڭ زور، سپورتشىلار سانى ەڭ كوپ، جارىسقا قاتىناسقان ءتۇرى ەڭ تولىق ءبىر كەزەك بولدى.

  سپورتشىلاردىڭ الاڭعا كىرۋى اياقتاعان سوڭ، ۇلكەن ەكراننان حالىقارالىق مۇگەدەكتەر وليمپيادا كوميتەتىنىڭ «ءبىز وسى %15» اتتى قىسقا فيلمى قويىلىپ، مۇگەدەكتەردىڭ نىق سەنىمى مەن جالىندى بەينەسى ايگىلەنىپ، الەمدەگى ءبىر ميلليارد 200 ميلليون مۇگەدەككە نازار اۋدارۋ، باۋىرمال بولۋ جانە كەدەرگىسىز بولۋ دەڭگەيىن ونان ارى جوعارىلاتۋعا ۇندەدى.

  ىلە - شالا بەيجيڭ مۇگەدەكتەر قىسقى وليمپيادا سپورت جارىسىن ۇيىمداستىرۋ كوميسسياسىنىڭ ءتوراعاسى ساي چي ءسوز سويلەدى. ول بىلاي دەدى: ءتوراعا شي جينپيڭنىڭ تىكە ىلگەرىلەتۋىندە جانە جۇڭگو ۇكىمەتىنىڭ پارمەندى باسشىلىعىندا، ءبىز جاسىل، بىرگە يگىلىكتەنۋ، اشىق، پاك بولۋ سىندى وليمپيادا سپورت جارىسىن وتكىزۋ ۇستانىمىن امالياتتا ايگىلەپ، حالىقارالىق مۇگەدەكتەر وليمپيادا كوميتەتى سياقتى جاقتارمەن كۇش بىرىكتىرە سەلبەسىپ، بەيجيڭ قىسقى مۇگەدەكتەر وليمپيادا سپورت جارىسىنىڭ دايىندىق قىزمەتىن دەن قويا جاقسى ىستەپ، ”ەكى وليمپيادا سپورت جارىسى، بىردەي تارتىمدى“ بولۋعا شىنايى كەپىلدىك ەتتىك. مۇگەدەكتەر وليمپيادا سپورت ساڭلاقتارىنىڭ تاماشا بەينە كورسەتۋلەرىن كۇتەمىز، ءبىز مۇگەدەكتەر وليمپيادا سپورتى الا كەلگەن باسەكەلەسۋ كوركەمدىگىنەن، رۋحاني كوركەمدىكتەن، ءومىر كوركەمدىگىنەن ءلاززات الايىق. بەيجيڭ مۇگەدەكتەر قىسقى وليمپيادا سپورت جارىسىنىڭ دۇنيە جۇزىنە سەنىم، دوستىق جانە ءۇمىت تاراتىپ، ادامزاتتىڭ تاعدىرلاس ورتاق تۇلعاسىن قۇرۋ تاماشا ارمانىن ايگىلەيتىندىگىنە سەنەمىز. ءبىز قول ۇستاسا بولاشاققا بىرگە اتتانىپ، مۇگەدەكتەر وليمپيادا سپورتىنىڭ جاڭا تاراۋىن جازايىق.

  حالىقارالىق مۇگەدەكتەر وليمپيادا كوميتەتىنىڭ ءتوراعاسى پارسونس ءسوز سويلەدى. ول مىنالاردى ءبىلدىردى: بەيجيڭ مۇگەدەكتەر قىسقى وليمپيادا سپورت جارىسىنىڭ الاڭ - ساراي قۇرىلعىلارىندا وزىندىك وزگەشەلىك كورنەكتىلەنگەن، جارىستاردىڭ قامتاماسىزداندىرىلۋى كەمەلدى دە ەگجەي - تەگجەيلى، ىندەتتەن ساقتانۋ - تىزگىندەۋ حاۋىپسىز، جوعارى ءونىمدى بولعان، ىقىلاستى دا مەيماندوس جۇڭگو حالقى تۇرلىشە مەملەكەتتىڭ (رايون) سپورتشىلارى ءۇشىن مۇگەدەكتەر وليمپيادا سپورتىنىڭ تارتىمدىلىعىن تولىق ايگىلەيتىن تۇعىر ازىرلەدى. جۇڭگو جاقتىڭ مۇگەدەكتەردى قىسقى سپورتقا ات سالىسۋعا جىگەرلەندىرۋ جانە جۇمىلدىرۋ قىزمەتىنىڭ تابىسى مول بولدى.

  ساعات 21دەن 02 مينۋت وتكەندە باستالۋ سالتى جان تەبىرەنتەرلىك ءساتتى قارسى الدى. مەملەكەت ءتوراعاسى شي جينپيڭ: بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى باستالدى! - دەپ جاريالادى. سول ساتتە قار گۇلى پىشىنىندەگى كۇلگىن ءتۇستى الاۋ تۇنگى كەڭىستىككە كوتەرىلىپ، وليمپيك باقشاسىنا ەرەكشە كورىك قوستى.

  ءار سالا، ءار كاسىپتەن كەلگەن ۋاكىلدەر مۇگەدەكتەر مەن سالامات ادامدار قاۋىشقان مەيىرىمدى ءساتتى بىرگە ايگىلەدى. 8 تۋشى حالىقارالىق مۇگەدەكتەر وليمپيادا كوميتەتىنىڭ تۋىن ۇستاپ الاڭعا كىردى. ولار: جۇڭگو ايەلدەر دوڭگەلەكتى ورىندىق باسكەتبولى مەملەكەت قۇراماسىنىڭ جاتتىقتىرۋشىسى چىن چي، سوقىرلار بالعاشىق دوبىنىڭ حالىقارالىق دارەجەدەگى تورەشىسى حاۋ گوحۋا، مۇگەدەكتەر وليمپيادا سپورت جارىسى قاۋىرسىن دوپ جارىسى التىن مەدالىنىڭ يەگەرى ليۋ يۇيتۇڭ، مۇگەدەكتەر وليمپيادا سپورت جارىسى لاقتىرۋ جارىسى التىن مەدالىنىڭ يەگەرى ياۋ جۋان، مۇگەدەكتەر وليمپيادا سپورت جارىسى مالتاۋ جارىسى التىن مەدالىنىڭ يەگەرى جاڭ لي، مۇگەدەكتەر وليمپيادا سپورت جارىسى دوڭگەلەكتى ورىندىق قىلىشپازدىق جارىسى التىن مەدالىنىڭ يەگەرى سۇن گاڭ، مۇگەدەكتەر وليمپيادا سپورت جارىسى ۇستەل دوپ جارىسى التىن مەدالىنىڭ يەگەرى شۋە جۋان، مۇگەدەكتەر وليمپيادا سپورت جارىسى دوڭگەلەكتى ورىندىق قىلىشپازدىق جارىسى التىن مەدالىنىڭ يەگەرى لي حاۋ. كورۋ قۋاتى كەمتار وقۋشىلاردان ۇيىمداسقان ۇرمەلى اسپاپتار ۇيىرمەسى حالىقارالىق مۇگەدەكتەر وليمپيادا كوميتەتىنىڭ ءانىن اۋەلەتتى. حالىقارالىق مۇگەدەكتەر وليمپيادا كوميتەتىنىڭ تۋى باياۋ كوتەرىلىپ، بەس جۇلدىزدى قىزىل تۋمەن بىرگە اسقاق جەلبىرەدى.

  سودان كەيىن جۇڭگو مۇگەدەكتەر وليمپياداسىنىڭ تاۋ شاڭعى سپورتشىسى جاڭ مىڭچيۋ، دوڭگەلەكتى ورىندىق مۇز شاۋگىم سپورتشىسى چىن جيانشين جارىسقا قاتىناساتىن بارلىق سپورتشىلار اتىنان، جۇڭگو مۇگەدەكتەر وليمپياداسى مۇز دوپ جارىسىنىڭ تورەشىسى جاڭ ليحىڭ بارلىق تورەشىلەر اتىنان، جۇڭگو دوڭگەلەكتى ورىندىق مۇز شاۋگىم جاتتىقتىرۋشىسى يۋە چيڭشۋاڭ بارلىق جاتتىقتىرۋشى جانە قىزمەتكەرلەر اتىنان جەكە - جەكە سەرت بەردى.

  ۇلكەن ەكرانداعى «قۇلپىرۋ» اتتى قىسقا فيلم بۇكىل الاڭداعى كورەرمەندەردى جالت قاراتتى. بىرنەشە سۇيكىمدى سوقىر بالا جايناعان جايدارى بەينەنى سىزىپ شىقتى. الاڭنىڭ قاق ورتاسىندا الۋان تۇسپەن قۇلپىرعان بەينە ايگىلەندى، بۇل سوقىر بالالاردىڭ جۇرەگىندەگى شۇعىلامەن كەسكىندەلگەن كوركەم كورىنىس. «مۇگەدەكتەر قىسقى وليمپيادا سپورت جارىسى ءبي مۋزيكاسىنىڭ» ريتىمىنە ىلەسە، ەستۋ قابىلەتتەرى كەدەرگىگە ۇشىراعان ءبىر توپ ءبيشى يشارات ءتىلى مۇعالىمدارىنىڭ باستاۋىندا سالامات بيشىلەرمەن قاپىسىز سايكەسىپ، بۇرالا بيگە باسىپ، ادام مەن ادام اراسىنداعى دوستىقتى، ءومىردىڭ جالىندى كۇشى مەن كومەسكى قۋاتىن ايگىلەدى.

  ساعات 21دەن 23 مينۋت وتكەندە بەيجيڭ مۇگەدەكتەر قىسقى وليمپيادا سپورت جارىسىنىڭ الاۋى الاڭعا كىردى. بەيجيڭ مۇگەدەكتەر قىسقى وليمپيادا سپورت جارىسىنىڭ الاۋ ۇشقىنى مۇگەدەكتەر وليمپيادا سپورتىنىڭ باستالعان جەرى انگليانىڭ ماندەۆيلى جانە بەيجيڭ، يانچيڭ، جاڭجياكوۋ سىندى 3 جارىس رايونىنداعى جيىنى 9 جەردەگى الاۋ ۇشقىندارىن جيناۋدان قۇرالعان. 3 - ايدىڭ 2 - كۇنىنەن 4 - كۇنىنە دەيىن مۇگەدەكتەر قىسقى وليمپيادا سپورت جارىسىنىڭ الاۋىن جەتكىزۋ بەيجيڭ، يانچيڭ، جاڭجياكوۋ سىندى 3 جارىس رايونىندا جۇرگىزىلدى. مەملەكەتتىك دەنە تاربيە الاڭى ىشىندە پيونچان مۇگەدەكتەر قىسقى وليمپيادا سپورت جارىسى تاۋ شاڭعى جارىسى ايەلدەردىڭ جۇرەلەپ سىرعاناۋ گرۋپپاسىنىڭ ساڭلاعى ليۋ سىتۇڭ، ريو - دە جانەيرو مۇگەدەكتەر وليمپيادا سپورت جارىسى مەن توكيو مۇگەدەكتەر وليمپيادا سپورت جارىسىنىڭ جەڭىل اتلەتيكا جارىسىندا 5 التىن مەدال العان ۋىن شياۋيان، توكيو مۇگەدەكتەر وليمپيادا سپورت جارىسىنىڭ مالتاۋ جارىسىندا 2 التىن مەدال العان ما جيا، توكيو مۇگەدەكتەر وليمپيادا سپورت جارىسى دوڭگەلەكتى ورىندىق باسكەتبول جارىسىنىڭ جۇلدەگەرى جاڭ شۋەمەي، ريو - دە جانەيرو مۇگەدەكتەر وليمپيادا سپورت جارىسى مەن توكيو مۇگەدەكتەر وليمپيادا سپورت جارىسى جەڭىل اتلەتيكا جارىسىندا 4 التىن مەدال العان ليۋ سۇيچيڭ، ءۇرتىس 3 كەزەكتى مۇگەدەكتەر وليمپيادا سپورت جارىسىنىڭ نىسانا اتۋ جارىسىندا التىن مەدال العان دۇڭ چاۋ، ءۇرتىس 3 كەزەك مۇگەدەكتەر وليمپيادا سپورت جارىسى وتىرمالى ۆولەيبول جارىسىندا مەدال العان تاڭ شۋەمەي قاتارلى 7 الاۋگەر مۇگەدەكتەر قىسقى وليمپيادا سپورت جارىسىنىڭ الاۋىن بىرىنەن - بىرىنە جەتكىزىپ، كۇش جالعاپ ىلگەرىلەپ، بۇكىل الاڭداعى كورەرمەندەردىڭ قىزۋ قارسى الۋىنا بولەندى.

  كۇللى جۇرتتىڭ كوز تىگۋىندە، ەڭ سوڭعى الاۋگەر − افينا مۇگەدەكتەر وليمپيادا سپورت جارىسى مەن بەيجيڭ مۇگەدەكتەر وليمپيادا سپورت جارىسىندا ۇزاققا سەكىرۋ، ءۇش اتتامالى سەكىرۋ تۇرلەرىندە اعا جۇلدەگەر بولعان ءارى دۇنيە جۇزىلىك رەكوردتى جاڭالاعان لي دۋان قولىنداعى الاۋىن ”ۇلكەن قار گۇلى“ فورماسىنداعى نەگىزگى الاۋ تۇعىرىنىڭ ورتاسىنا قادادى. بەيجيڭ مۇگەدەكتەر قىسقى وليمپيادا سپورت جارىسى بەيجيڭ قىسقى وليمپيادا سپورت جارىسىنىڭ نەگىزگى الاۋىنىڭ جوبالانۋ فورماسىن قولدانىپ، جاسىل بولۋ، قورشاعان ورتانى قورعاۋ ۇستانىمىن تاعى ءبىر رەت ايگىلەدى.

  جايناعان الاۋ لاپىلداي كوتەرىلىپ، ادامداردىڭ كوڭىلىندەگى اسقاق سەزىمدى تۇتاندىردى، دەنە تاربيە الاڭى دۋمانعا بولەندى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى باستالۋ سالتىنا قاتىناستى.

  حالىقارالىق مۇگەدەكتەر وليمپيادا كوميتەتىنىڭ جاۋاپتىسى قاتارلىلار باستالۋ سالتىنا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.