تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى بەيجيڭدە اشىلدى

  مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى بەيجيڭدە اشىلدى

  شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى

  ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي باسقاردى، ليۋ شينچىڭ ۇسىنىس جوبا قىزمەتى جاعدايىنان بايانداما جاسادى

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى بەيجيڭ حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىنەن ورىن الدى، ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  □ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى بەيجيڭ حالىق سارايىندا اشىلدى. مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

   □ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

  شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. ۇلى ارماندى بىرگە ورىنداۋعا زەيىن - زەردەنى شوعىرلاندىرىپ، كۇش - قۋات توپتاپ، اسقاق جىگەرمەن قايراتتانا ۇمتىلىپ، تاعى دا ءداۋىر داستانىن جازدى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2000عا جۋىق مۇشەسى پارتيا مەن مەملەكەت قىزمەتىنىڭ كەلەلى جاعدايىمەن تىعىز ۇشتاستىرا وتىرىپ، ۇكىمەت ءىسىن كەڭەسۋدى تەرەڭدەتىپ، مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، ورتاق تانىمدى كەڭ كولەمدە ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋعا اقىل - پاراسات جانە كۇش توپتايدى.

  مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

   پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

   مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 2157 ادام، ناقتى قاتىناسقانى 1988 ادام، بۇل بەلگىلەمەدەگى ادام سانىنا ۇيلەسەدى.

  تۇستەن كەيىن ساعات 3تە جاڭ چيڭلي ءماجىلىستىڭ اشىلعاندىعىن جاريالادى، زالداعىلار تۇگەلدەي ورىندارىنان تۇرىپ مەملەكەت ءانىن شىرقادى.

  ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 5 - ءماجىلىسىنىڭ كەڭەستىك ءتارتىبىن قاراپ ماقۇلدادى.

   ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

   ۋاڭ ياڭ بىلاي دەپ اتاپ كورسەتتى: 2021 - جىل پارتيا مەن مەملەكەت تاريحىنداعى بەلەستىك ماڭىز الاتىن ءبىر جىل بولدى. جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىنتىماق جانە دەموكراتيا سىندى ەكى ءىرى نەگىزگى تاقىرىپقا تاباندى بولىپ، ساياسي كەڭەستىڭ سيپاتىنا، ورنىنا تاباندى بولىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى نەگىزگى جەلى ەتىپ، يدەيالىق - ساياسي جەتەكشىلىكتى كۇشەيتىپ، ”14 - بەسجىلدىقتىڭ“ تاماشا باستاماسىن اشۋدى جەدەلدەتۋدى ءتۇيىن ەتىپ مۇقيات مىندەت وتەپ، جاۋاپكەرشىلىكتى ادا ەتىپ، ساياسي كەڭەس ءتۇزىمىنىڭ ونىمدىلىگىن جوعارىلاتۋدى نىسانا ەتىپ، ارناۋلى كەڭەس قۇرىلىمى قۇرىلىسىن ىلگەرىلەتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

  ۋاڭ ياڭ مەملەكەتتىك ساياسي كەڭەستىڭ وتكەن ءبىر جىلداعى قىزمەتتەرىن 5 جاقتان قورىتىندىلادى. ءبىرىنشى، نازاردى جۇڭگو كوممۋنيستىك پارتياسى قۇرىلعاندىعىنىڭ 100 جىلدىق مەرەيتويىن قۇتتىقتاۋعا شوعىرلاندىرىپ، جۇڭگو كوممۋنيستىڭ پارتياسىنىڭ تاريحىن ءتۇيىن ەتكەن ”ءتورت تاريح“ تاربيەسىن ىشكەرىلەي ورىستەتىپ، قالىڭ ساياسي كەڭەس مۇشەلەرىن ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ەكىنى قورعاۋ“ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتۋگە باستاپ، ورتاق يدەيالىق - ساياسي نەگىزدى مىقتاپ بەكەمدەدى. ەكىنشى، جوعارى ساپالى دامۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ەكولوگيالىق وركەنيەت قۇرىلىسىن ىلگەرىلەتۋ، جوعارى دەڭگەيدە سىرتقا ەسىك اشۋدى كەڭەيتۋ سياقتى ۇكىمەت ءىسىن كەڭەسۋدى، ۇسىنىس قويۋدى ارقاۋ ەتىپ، ”14 - بەسجىلدىقتىڭ“ تاماشا باستاماسىن اشۋعا كۇش ۇستەدى. ءۇشىنشى، ساياسي كەڭەستىڭ كەڭەسۋ مازمۇندارىن بايىتىپ، ارناۋلى كوميتەتتەردىڭ نەگىزدىك رولىن كۇشەيتىپ، ماماندار كەڭەسىن قۇرىپ، كەڭەس ۇلگىسىندەگى باقىلاۋ ەرەكشەلىگىن كورنەكتىلەندىرىپ، مۇشەلەردىڭ دەربەس تەكسەرۋ - زەرتتەۋ ارتىقشىلىقتارىن ساۋلەلەندىرىپ، قوعام جاعدايى، حالىق رايى ينفورماتسيالارىن اڭىس ەتۋ ارنالارىن كەڭەيتىپ، ارناۋلى كەڭەس قۇرىلىمىندىق ونىمدىلىگىن اناعۇرلىم ويداعىداي ساۋلەلەندىردى. ءتورتىنشى، ىنتىماق، دوستىق ادىستەرىن، دانەكەرىن كەمەلدەندىرىپ، سىرلاسۋ، اڭگىمەلەسۋ، مۇشەلەردىڭ ۇگىت لەكسياسى سياقتى قىزمەتتەردى بەلسەنە ورىستەتىپ، ىندەتتەن ساقتانۋ - تىزگىندەۋدى ۇدايىلاندىرۋ شارتى استىندا سىرتپەن قارىم - قاتىناس جاساۋ قىزمەتىن ويداعىداي ىستەدى، شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسىن ءساتتى وتكىزىپ، كەڭ كولەمدە اقىل - پاراسات جانە كۇش - قۋات توپتادى. بەسىنشى، ساياسي كەڭەستىڭ ءوز قۇرىلىسىن كۇشەيتىپ، مىندەت وتەۋ ونىمدىلىگىن شىن مانىندە جوعارىلاتتى.

  ۋاڭ ياڭ بىلاي دەپ باسا دارىپتەدى: 2022 - جىلى حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن مۇقيات تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىنتىماق جانە دەموكراتيا سىندى ەكى ءىرى نەگىزگى تاقىرىپقا تاباندى بولىپ، ۇسىنىس قويىپ، ۇكىمەت ءىسىن اقىلداسۋ جانە ورتاق تانىم ۇيىستىرۋ سىندى ەكى بەتالىسقا كۇش سالۋعا تاباندى بولىپ، جۇڭگو كوممۋنيستىك پارتياسىنىڭ 20 - قۇرىلتايىن قارسى الۋدى، جۇڭگو كوممۋنيستىك پارتياسىنىڭ 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تۇتاس جىلعا جالعاسقان كەلەلى ساياسي مىندەت ەتىپ، يدەيالىق جەتەكشىلىك، كۇش - قۋات ۇيىستىرۋ، ۇكىمەت ءىسىن كەڭەسۋ، ۇسىنىس قويۋ، كەلەلى جاعدايعا قىزمەت وتەۋ سىندى ءتۇرلى قىزمەتتەردى مۇقيات، ويداعىداي ىستەپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋعا ۇلەس قوسۋى كەرەك.

  ۋاڭ ياڭ بىلاي دەپ باسا دارىپتەدى: حالىق ساياسي كەڭەسى ىنتىماق ارقىلى بارلىققا كەلدى، ىنتىماق ارقىلى ءومىر ءسۇرىپ، ىنتىماققا سۇيەنىپ كوركەيدى، ول ۇلى ىنتىماقتىڭ، ۇلى بىرلىكتىڭ سيمۆولى. جۇڭحۋا پەرزەنتتەرىنىڭ ۇلى ىنتىماعىن كۇشەيتۋ جاڭا داۋىردەگى حالىق ساياسي كەڭەسىنىڭ تاريحي جاۋاپكەرشىلىگى ەكەندىگىن جەتە تانىپ، بىركەلكىلىك پەن الۋان تۇرلىلىكتىڭ بىرلىگىنە تاباندى بولىپ، ءتۇزىم ابزالدىلىعىنان ءونىمدى پايدالانىپ ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەر سىزىپ، اناعۇرلىم كوپ ادامدى جۇڭگو كوممۋنيستىك پارتياسىنىڭ توڭىرەگىنە ىنتىماقتاستىرۋ، اناعۇرلىم مول كۇش - قۋاتتى گۇلدەنۋ ۇلى ءىسىنىڭ تاريحي بارىسىنا جابال ۇيىستىرۋ كەرەك. حالىق ساياسي كەڭەسىنىڭ كەڭەسۋ ابزالدىلىعىن اناعۇرلىم ويداعىداي ساۋلەلەندىرىپ، نيەتتەس، باعدارلاس بولىپ شىنايى اقىلداسۋ ارقىلى مۇشەلەردىڭ ەكونوميكالىق، قوعامدىق دامۋ جاعدايىن دۇرىس باعامداۋىنا جەتەكشىلىك ەتىپ، پارتيانىڭ باعىت - ساياساتىن ءتىپتى دە ويداعىداي ءتۇسىنىپ جانە تياناقتاندىرىپ، كوڭىل كۇيدى ورنىقتىرۋ، مەجەگە جەتەكشىلىك ەتۋ، سەنىمدى بەكەمدەۋ قىزمەتىن دالمە - ءدال، ءونىمدى، ويداعىداي ىستەپ، كەڭەسۋ ارقىلى ورتاق تانىم ۇيىستىرىپ، ورتاق تانىم ارقىلى ىنتىماقتى بەكەمدەۋ كەرەك. ىنتىماقتاسۋ ءۇشىن سەنترلەس شەڭبەر بولۋ كەرەك، سەنترلەس شەڭبەردى مىقتى ساقتاعاندا عانا كۇللى حالىق ءبىر نيەتپەن جۇمىلاتىن بولادى. جۇڭگو كوممۋنيستىك پارتياسى جۇڭحۋا پەرزەنتتەرىنىڭ ۇلى ىنتىماق شەڭبەرىنىڭ سەنترى، بۇل تاريحتىڭ تالعامى، حالىقتىڭ تالعامى. حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىنا تاباندى بولۋى، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋى، پارتيانىڭ تۋى استىندا وتانشىلدىق بىرلىكساپتى بەكەمدەپ جانە زورايتىپ، جۇڭگو حالقىنىڭ جانە ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ءونىمدى ۇيىستىرىپ، شىنايى، كەڭ كولەمدى، بەرىك ۇلى ىنتىماق قالىپتاستىرۋى كەرەك.

  مەملەكەتتىك ساياسي كەڭەستىڭ ورىنباسار ءتوراعاسى ليۋ شينچىڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى كوميتەتى 4 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس مۇشەلەرى، ساياسي كەڭەسكە قاتىناسۋشى ورىندار ءبىرىنشى 100 جىلدىق كۇرەس نىساناسىن جۇزەگە اسىرۋدى، ”14 - بەسجىلدىقتىڭ“ باستالۋ اياق الىسى جانە حالىق بۇقاراسى جاپپاي كوڭىل ءبولىپ وتىرعان قولامتالى، قيىن ماسەلەلەردى ارقاۋ ەتە وتىرىپ، 6117 ۇسىنىس جوبا ورتاعا قويدى، مۇنىڭ 5039ى ەستەلىككە الىندى، ءبىر جاقتى ەتىلىپ، جاۋاپ قايتارىلعانى %99.8 بولدى. ۇسىنىس جوبالاردى ءبىر جاقتى ەتۋگە تاپسىرۋ مەحانيزمى اقاۋسىزداندىرىلدى، ءبىر جاقتى ەتۋدى ۇستىنە العان ءارقايسى ورىندار ساياسي كەڭەستىڭ ۇسىنىس جوبالارىن ءبىر جاقتى ەتۋگە باسا ءمان بەرىپ، ۇيىمدىق باسشىلىقتى كۇشەيتىپ، ۇسىنىس جوبالاردى ءبىر جاقتى ەتۋدى كەڭەسۋدى تەرەڭدەتىپ، ءبىر جاقتى ەتۋ ساپاسىن ونان ارى جوعارىلاتتى. ۇسىنىس جوبادا ورتاعا قويىلعان پىكىر - ۇسىنىستار پارتيا مەن مەملەكەتتىڭ شەشىمدەرىنە، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋعا، ءتۇرلى ىستەردىڭ العا باسۋىن جەبەۋگە قىزمەت ەتۋگە كۇش - قۋات قوستى.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا ءتوراعالار مىنبەسىنەن ورىن الدى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ جينالىسىنا سىرتتاي قاتىناستى. ءار ەلدىڭ جۇڭگوداعى ەلشىلەرى، ت. ب ۇسىنىس بويىنشا اشىلۋ جينالىسىنا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.