تيانشان تورى   ›   ۇيرەنۋ   ›   شولۋ

جاڭا جورىقتا كۇرەس جۇرگىزەتىن كۇش - قۋات ۇيىستىرىپ، شىت جاڭا داستان جازايىق

− 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ اشىلعاندىعىن قىزۋ قۇتتىقتايمىز

  ۇلان - بايتاق وتان جەرىندە كوكتەم سامالى ەسىپ، تىرشىلىك تىنىسى جالىندادى. بۇگىن 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەيجيڭدە اشىلدى. مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، قىزمەت ۇقىقتارىن زاڭ بويىنشا جۇرگىزىپ، رەفورمانىڭ، دامۋدىڭ، ورنىقتىلىقتىڭ ۇلى جوباسىن بىرگە اقىلداسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن بىرگە اقىلداسادى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  تاريحتى قورىتىندىلاپ، وتكەنگە قايىرىلا قاراعاندا، تاريحقا قۇرمەت كورسەتىپ، بولاشاققا بەت العاندا، وتكەن ءبىر جىلدىڭ ءمانى وزگەشە بولدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن تويلادىق، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشتىق ءارى ءۇشىنشى تاريحي قاراردى شىعاردىق، پارتيا تاريحىن ۇيرەنۋ تاربيەسىن ورىستەتتىك، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جۇزەگە اسىردىق، ءبىز پارتيا مەن مەملەكەت تاريحىندا بەلەستىك مانگە يە ءىرى ىستەردى تىكە باسىمىزدان كەشىرىپ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستاپ، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىندە ايشىقتى ارىپتەرمەن تاماشا ورنەكتەر كەستەلەدىك. 100 جىلدىق وزگەرىس پەن عاسىرلىق ىندەتتىڭ قاباتتاسۋى الدىندا، ەل ىشىندەگى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ايرىقشا كۇردەلى، اۋىر، ماشاقاتتى مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ماڭىزدى جاۋاپكەرشىلىكتى ءبىلىپ، ماڭىزدى جاۋاپكەرشىلىكتى ارقالاپ، قامال الىپ، قيىندىقتاردى جەڭىپ، ۇدەرە العا تارتىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتىپ، ”14 - بەسجىلدىقتىڭ“ باستاماسىن جاقسى اشىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ كورنەكتى ابزالدىلىعىن ايگىلەپ، سان ميلليونداعان حالىقتىڭ جاڭا جورىقتا ەكپىندەي ىلگەرىلەۋىنە، جاڭا داۋىردە ەسە قوسۋىنا قۋاتتى سەنىم جانە كۇش ۇستەدى.

  وتكەن ءبىر جىلدا پارتيا ورتالىق كوميتەتى تۇڭعىش رەت حالىق قۇرىلتايى قىزمەتى ءماجىلىسىن اشىپ، جاڭا داۋىردەگى حالىق قۇرىلتايى قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنا ءجىتى ىلەسىپ، حالىق بۇقاراسىنىڭ تاماشا تۇرمىسقا دەگەن تىلەگىنە تىعىز جاناسىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ قاجەتىمەن تىعىز بايلانىستىرىپ، نەگىزگى زاڭعا قاتىستى زاڭ - تۇزىمدەردى ونان ارى كەمەلدەندىرىپ، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتە وتىرىپ، زاڭ شىعارۋ، زاڭعا وزگەرىس ەنگىزۋ قادامىن جەدەلدەتىپ، زاڭ بويىنشا باقىلاۋ جۇرگىزىپ، باقىلاۋدىڭ تەبىنى مەن ناقتى ونىمدىلىگىن كۇشەيتىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىق قۇرىلتايىنىڭ سىرتقا باعىتتالعان قىزمەتىن جان - جاقتى ىلگەرىلەتىپ، حالىق قۇرىلتايى تۇراقتى كوميتەتىنىڭ ءوز قۇرىلىسىن كۇشەيتىپ، قىزمەتتەردىڭ بارلىعىندا تىڭ ىلگەرىلەۋشىلىكتەرگە قول جەتكىزىپ، پارتيا مەن حالىقتىڭ ۇلى ىستەرىن ىلگەرىلەتۋ بارىسىندا حالىق قۇرىلتايىنىڭ جاۋاپكەرشىلىگى مەن ىسكەرلىگىن كورسەتتى.

  ءتۇزىم تۇراقتى بولسا، مەملەكەت ورنىقتى بولادى، ءتۇزىم بەرىك بولسا، مەملەكەت مىعىم بولادى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاپ، جۇڭگوشا سوتسياليستىك ءتۇزىم سەنىمىن بەكەمدەۋدە، ەڭ اۋەلى، جۇڭگوشا سوتسياليستىك ساياسي ءتۇزىم سەنىمىن بەكەمدەۋ كەرەكتىگىن باسا دارىپتەدى. حالىق قۇرىلتايى ءتۇزىمى − پارتيامىزدىڭ حالىققا باسشىلىق ەتىپ، ادامزاتتىڭ ساياسي ءتۇزىم تاريحىندا جاساعان ۇلى جاسامپازدىعى، ەلىمىزدىڭ ساياسي دامۋ تاريحىندا، ءتىپتى، دۇنيە ءجۇزىنىڭ ساياسي دامۋ تاريحىندا كەلەلى ماڭىز الاتىن شىت جاڭا ساياسي ءتۇزىم، ول پارتيانىڭ حالىققا باسشىلىق ەتىپ، ەكونوميكانىڭ شاپشاڭ دامۋ كەرەمەتى مەن قوعامنىڭ ۇزاق ۋاقىت ورنىقتى بولۋ كەرەمەتىن جاراتۋىنا ماڭىزدى تۇزىمدىك قامتاماسىزدىق ازىرلەدى. جۇڭگو كوممۋنيستىك پارتياسىنىڭ باسشىلىعىنا تاباندى بولىپ، ماركستىك مەملەكەت ءىلىمىنىڭ نەگىزگى پرينسيپتەرىنە تاباندى بولىپ، حالىق دەموكراتياسى ديكتاتۋراسىندىق مەملەكەت قۇرىلىمىنا ۇيلەسكەندىكتەن دە، حالىق قۇرىلتايى ءتۇزىمى مەملەكەتتىڭ سوتسياليزم جولىن بويلاپ العا باسۋىنا ءونىمدى تۇردە كەپىلدىك ەتتى. مەملەكەتتىڭ بارلىق بيلىگى حالىققا ءتان بولۋعا تاباندى بولىپ، حالىقتىڭ قوجايىن بولۋىن ەڭ جوعارى شەكتە قامتاماسىز ەتىپ، پارتيانىڭ باسشىلىعىن، حالىقتىڭ قوجايىن بولۋىن، مەملەكەتتى زاڭمەن باسقارۋدى ورگانيكالى ۇشتاستىرا بىلگەندىكتەن دە، حالىق قۇرىلتايى ءتۇزىمى مەملەكەتتى باسقارۋدىڭ تىنىشتىق - بىلىقپالىق، گۇلدەنۋ - قۇلدىراۋ سىندى تاريحي پەريودتىلىعىنان شىعۋىنا ءونىمدى كەپىلدىك ەتتى. مەملەكەتتىڭ بولاشاعى مەن تاعدىرىنا ساياتىن ءبىرسىپىرا كەلەلى ساياسي قاتىناستاردى دۇرىس ءبىر جاقتى ەتىپ، مەملەكەتتىڭ ءتۇرلى ىستەردى ءبىر تۇتاس، جوعارى ونىمدىلىكپەن ۇيىمداستىرۋىن جۇزەگە اسىرىپ، مەملەكەتتىڭ تۇتاستىعى مەن ۇلتتار ىنتىماعىن قورعاي بىلگەندىكتەن دە، حالىق قۇرىلتايى ءتۇزىمى مەملەكەتتىڭ ساياسي ءومىرىنىڭ ومىرشەڭ كۇشكە تولى ءارى تىنىش، ءتارتىپتى بولۋىنا ءونىمدى كەپىلدىك ەتتى. اماليات حالىق قۇرىلتايى ءتۇزىمىنىڭ ەلىمىزدىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن ابزال ءتۇزىم ەكەندىگىن تولىق دالەلدەدى.

  جالپى بارىستىق حالىق دەموكراتياسى حالىقتىڭ قوجايىن بولۋىنىڭ جاندى امالياتى جانە ءسوزسىز باسىپ وتەر جولى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگونىڭ دەموكراتيالىق ساياسيىنىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى سىندى كەلەلى ۇستانىمدى العا قويدى ءارى ونى زور كۇشپەن ىلگەرىلەتتى. حالىقتىڭ قوجايىن بولۋىنىڭ جان - جاقتى، كەڭ اۋقىمدى، ورگانيكالى ۇشتاسقان ءتۇزىم جۇيەسىن اقاۋسىزداندىرۋدا، الۋان ءتۇرلى، ىركىلىسسىز، ءتارتىپتى دەموكراتيالىق ارنا قالىپتاستىرۋدا، حالىقتىڭ زاڭ بويىنشا دەموكراتيالىق سايلاۋ، دەموكراتيالىق كەڭەسۋ وتكىزۋىنە، دەموكراتيالىق شەشىم جاساۋىنا، دەموكراتيالىق باسقارۋىنا، دەموكراتيالىق باقىلاۋىنا كەپىلدىك ەتۋدە كەمەلدى تۇزىمدىك ءتارتىپ بولۋمەن بىرگە، كەمەلدى ات سالىسۋ امالياتى دا بار ەلىمىزدىڭ جالپى بارىستىق حالىق دەموكراتياسى بارىستىق دەموكراتيا مەن جەتىستىك دەموكراتيانىڭ، تارتىپتىك دەموكراتيا مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى. حالىق قۇرىلتايى ءتۇزىمى ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرى. پارتيانىڭ باسشىلىعىندا، حالىقتىڭ تارتىپپەن ساياسيعا ات سالىسۋىن ۇزدىكسىز كەڭەيتىپ، ادامدىق ۇقىقتىڭ زاڭمەن باسقارۋ ارقىلى قامتاماسىز ەتىلۋىن كۇشەيتىپ، حالىقتىڭ زاڭ بويىنشا كەڭ كولەمدى ۇقىق - مۇددە مەن ەركىندىكتەن يگىلىكتەنۋىنە كەپىلدىك ەتتى. اماليات جالپى بارىستىق حالىق دەموكراتياسىنىڭ جالپى تىزبەكتى، جان - جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا ەكەندىگىن، ادامزاتتىڭ ساياسي وركەنيەتىن بايىتۋعا جانە دامىتۋعا جۇڭگو پاراساتىن، جۇڭگو جوباسىن ۇسىنعاندىعىن تولىق دالەلدەدى.

  حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. بۇگىنگى دۇنيە ءجۇزى 100 جىلدا بولماعان زور وزگەرىستەردى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر. جاڭا ەمتيحان تاپسىرۋ جولىنا قادام تاستاعاندا، ءبىز ۇلتتى گۇلدەندىرۋگە نەعۇرلىم تاياعان سايىن ءىستىڭ سولعۇرلىم بىردەن ءساتتى بولا بەرمەيتىندىگىن، سولعۇرلىم حاۋىپ - قاتەرگە، سىن - سايىستارعا تولى بولاتىندىعىن، ءتىپتى، اساۋ تولقىندارعا كەز بولاتىندىعىن ابدەن بىلەمىز. ءارقانداي ۋاقىتتا، ءارقانداي جاعدايدا جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقتىق تۇرعىدان تاپجىلماي، حالىقتىڭ نەگىزگى تۇلعالىق ورنىنا تاباندى بولىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ەڭ قالىڭ حالىقتىڭ اقىل - پاراساتى مەن كۇش - قۋاتىن ۇيىستىرۋىمىز كەرەك. حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى، سوتسياليستىك دەموكراتيالىق ساياسيدى دامىتۋ حالىقتىڭ ەركىن ايگىلەۋ، حالىقتىڭ ۇقىق - مۇددەسىن قامتاماسىزداندىرۋ، حالىقتىڭ جاسامپازدىق ومىرشەڭدىگىن تاسقىنداتۋ بولىپ تابىلادى. جۇڭگوشا سوتسياليستىك ساياسي دامۋ جولىنا تاباندى بولىپ، جالپى بارىستىق حالىق دەموكراتياسىن ۇزدىكسىز دامىتىپ، حالىق قۇرىلتايى ءتۇزىمى سىندى ءتۇبىرلى ساياسي ءتۇزىمنىڭ رولىن تولىق ساۋلەلەندىرىپ، حالىقتىڭ ءۇنىن تىڭداپ، حالىقتىڭ اقىل - پاراساتىن شوعىرلاندىرىپ، حالىقتىڭ تىلەگىنە جاۋاپ قايتارعاندا، مەملەكەت پەن ۇلتتىڭ بولاشاعى مەن تاعدىرىن، ءسوز جوق، حالىقتىڭ قولىندا مىقتاپ يگەرۋگە بولادى.

  بيىلعى جىل − جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىنداعى ماڭىزدى جىل، پارتيامىز 20 - قۇرىلتايىن اشادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قىزمەتتەردى تىڭعىلىقتى ويداعىداي ىستەپ، ءىس جۇزىندىك ارەكەتىمىز ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الىپ، جاڭا جورىقتا كۇرەس جۇرگىزەتىن كۇش - قايرات ۇيىستىرىپ، شىت جاڭا داستان جازۋىمىز كەرەك. قالىڭ ۋاكىلدەردىڭ حالىقتان كەلگەن، حالىققا تامىر تارتقان ابزالدىلىقتارىن ساۋلەلەندىرىپ، بۇقاراعا اناعۇرلىم ويداعىداي جاناسىپ، حالىقتىڭ جاعدايىن باعامداپ، حالىقتىڭ اقىل - پاراساتىن شوعىرلاندىرىپ، حالىق تۇرمىسىنا تيىمدىلىك جەتكىزىپ، قىزمەت مىندەتىن مۇقيات اتقارىپ، جاۋاپكەرشىلىگىن ادا ەتىپ، بەلسەنە اقىل - پاراسات جانە كۇش - قايرات ارناۋىن ءۇمىت ەتەمىز!

  ءماجىلىستىڭ تولىق تابىستى بولۋىن تىلەيمىز!

  (شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.