شينحۋا اگەنتتىگىنىڭ تىلشىلەرى چۇي تيڭ، يۇي ۋىنجيڭ، حان چاۋياڭ
حىناننىڭ شين - ياڭ قالاسى حۋاڭچۋان اۋدانىنىڭ جىڭجوۋداعى جىلجىمالى پارتيا قىزمەتى كوميتەتىنىڭ شۋجيى حۋاڭ جيۋشىڭنىڭ كوكەيىندە 76 جاستاعى يان چۋانجۇڭ قاريا اتىنان باس شۋجيگە سالەم ايتۋداي ەرەكشە مىندەت ءتۇيۋلى.
2019 - جىلى 3 - ايدىڭ 8 - كۇنى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە حىنان ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، شارۋا جۇمىسكەرلەرىنىڭ ۋاكىلى حۋاڭ جيۋشىڭنىڭ ءسوزى باس شۋجيدى اسەرلەندىرگەن ەدى.
”3 ۇرپاق 7 جان سانى بىرگە تۇرمىس كەشىرىپ كەلە جاتقان ءبىر وتباسى بار، ولاردىڭ بارلىعى دا قۇرىلىس باسىندا. 70 نەشە جاستاعى يان چۋانجۇڭ وسى ءۇيدىڭ يەسى، ول بىلاي دەدى: ’باس شۋجي پارتيا 19 - قۇرىلتايىنىڭ بايانداماسىندا 3 ساعاتتان ارتىق ءسوز سويلەدى، مەن باياندامانى تىك تۇرىپ تىڭدادىم، ەگەر تىك تۇرىپ تىڭداماسام، ءوزىمدى باس شۋجيدىڭ الدىندا ىڭعايسىز سەزىنگەن بولار ەدىم، ويتكەنى پارتيا ءبىز بۇقارانىڭ كەدەيلىكتەن ارىلىپ اۋقاتتانۋىنا مۇمكىندىك جاسادى عوي‘“.
”سول كەزدە وسى ءسوزدى ەستىپ اسەرلەنگەنىمنەن كوزىمە جاس ىركىلگەن بولاتىن. مەكتەپ ەسىگىن دە اشپاعان ءبىر اق سامايلى قارت شارۋا باس شۋجيگە، پارتيامىزعا وسىنشاما تەرەڭ سۇيىسپەنشىلىك ورناتىپتى...“. وسىنى ايتقاندا حۋاڭ جيۋشىڭنىڭ داۋىسىنا ءدىرىل ارالاسىپ كەتتى، ۋاكىلدەر قىزۋ قول سوقتى.
”سەن قايتىپ بارعاننان كەيىن وسى جولداسقا مەنىڭ سالەمىمدى جەتكىز!“. باس شۋجي شي جينپيڭنىڭ مەيىرىمگە تولى ءسوزى بۇكىل الاڭدى ءتىپتى دە قىزۋ قول شاپالاق ۇنىنە بولەدى.
ءماجىلىس تاراعاننان كەيىن، حۋاڭ جيۋشىڭ يان چۋانجۇڭعا اسىعىس تەلەفون جالعادى.
”چۋانجۇڭ اعاي، باس شۋجي شي جينپيڭ مەن ارقىلى سىزگە سالەم ايتتى! قۋانىپ تۇرسىز با؟“.
”ەرەكشە قۋانىشتامىن! قاتتى اسەرلەنىپ تۇرمىن!“، - دەپ قايتا - قايتا ايتا بەردى يان چۋانجۇڭ.
ەكى ءماجىلىس اياقتاعاننان كەيىن، حۋاڭ جيۋشىڭ تاعى دا قۇرىلىس ورنىنا قايتىپ كەلىپ، يان چۋانجۇڭعا باس شۋجيدىڭ سالەمىن جەتكىزدى.
وسىدان سوڭ يان چۋانجۇڭ حۋاڭ جيۋشىڭدى كورسە بولدى، ىلعي وعان: ”ءساتى تۇسكەندە، ءسوزسىز، باس شۋجيگە مەنىڭ اتىمنان سالەم ايت“، - دەپ تاپسىرا بەرەتىن بولدى.
وسىدان 3 جىل بۇرىن، باس شۋجيدىڭ الدىندا حۋاڭ جيۋشىڭ ۋاكىلدەر ۇيىرمەسىندە قويۋ حىنان شين - ياڭ اكسەنتىندە قاعازعا قاراماي 10 مينۋت سويلەپ، كوڭىلىندەگى ايتار ءسوزىن تۇگەل اقتارعان بولاتىن:
ول ءوزىنىڭ كوپتىڭ قامقورلىعىندا ەرجەتكەن، كۇرەسپەن اترەتتى باستاپ 2 رەت ”لۋبان سيلىعىنا“ يە بولعان كەشىرمەسىن؛ ءوزىنىڭ جىلجىمالى پارتيا ياچەيكاسى ارقىلى شارۋا جۇمىسكەرلەرگە كوڭىل ءبولۋ ويىن؛ كەدەيلىكتەن ارىلتۋدان قامال الۋ شايقاسىنىڭ سان مىڭداعان شارۋانىڭ تاعدىرىن وزگەرتكەندىگىن تىلگە تيەك ەتتى...
”باس شۋجي قاربالاس بولسا دا، شارۋا جۇمىسكەرلەردى كوكەيىنەن شىعارمادى، مەن قالايشا باۋىرلارىمدى باستاپ ىستەمەيىن، قايتىپ جاقسى ىستەمەيمىن؟“، - دەيدى حۋاڭ جيۋشىڭ.
وسى جىلدارى ول جيىنى 22 مىڭنان استام كەدەي بۇقارانى كەدەيلىكتەن ارىلىپ اۋقاتتانۋعا باستادى. 2014 - جىلى ول ىرىقتىلىقپەن اۋىلعا ورالىپ، كەدەيلىكتەن ارىلتۋدان قامال الۋعا ات سالىسىپ، شاي باقشاسى، گۇل - اعاش سياقتى كاسىپ سالالارىمەن شۇعىلداندى. قۇرىلىس ورنىندا ول كەشكى مەكتەپ اشىپ، ۇكىمەتتىڭ قولداۋىنا يە بولىپ، شارۋا جۇمىسكەرلەردى شەبەرلىك بويىنشا باۋلۋعا ۇيىمداستىردى.
بيىلعى ماجىلىسكە قاتىناسۋ ءۇشىن، حۋاڭ جيۋشىڭ جاڭاشا اۋىل شارۋاشىلىق تيجارات تۇلعاسىن جەتىلدىرۋ، كەدەيلىكتەن ارىلعان اۋدانداردىڭ كاسىپ سالالارىن دامىتۋ سياقتى جاقتارداعى ۇسىنىستارىن مۇقيات دايىندادى. ول سول باياعى اۋىل شارۋاشىلىعى، اۋىل - قىستاق، شارۋالار ىسىنە نازار اۋدارىپ كەلە جاتقان شارۋا جۇمىسكەر ۋاكىلى سانالادى.
(شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى)
