شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جۇڭحۋا ۇلتى ورتاق تۇلعا يدەيالىق نەگىزىن ۇزدىكسىز بەكەمدەپ، ۇلى وتاندى بىرگە كوركەيتىپ، تاماشا تۇرمىستى بىرگە جاراتۋ كەرەك
3 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى قۇرامىندا بولعان 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ۇلتتار ىنتىماعى − ەلىمىزدەگى ءار ۇلت حالقىنىڭ جانى، جۇڭحۋا ۇلتى ورتاق تۇلعا تانىمى ۇلتتار ىنتىماعىنىڭ نەگىزى. جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتاپ يگەرىپ، ۇلتتار ىنتىماعى العاباسارلىعى تاربيەسىن تەرەڭدەتىپ، ءار ۇلت بۇقاراسىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى مەن تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەپ، جۇڭحۋا ۇلتى ورتاق تۇلعا يدەيالىق نەگىزىن ۇزدىكسىز بەكەمدەپ، ۇلتتاردىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسىپ، ۇلى وتاندى بىرگە كوركەيتىپ، تاماشا تۇرمىستى بىرگە جاراتۋىن جەبەپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى كۇش سالا ساقتاپ، ءىس جۇزىندىك ارەكەتپەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
ىشكى موڭعۇل ۋاكىلدەر ۇيىرمەسى باياندامانى بەلسەندى بەينەدە ىقىلاسپەن قارادى. جاڭ لەي، گو يانليڭ، جيا رۇن - ان، ۋاڭ شياۋحۇڭ، فىڭ يانلي، جاۋ حۇيجيە، شى يۇيدۇڭ قاتارلى 7 ۋاكىل جەكە - جەكە جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋ، جايلىم ەكولوگياسى قۇرىلىسىن كۇشەيتۋ، كومىر حيميا ونەركاسىبى كاسىپ سالاسىندا كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋعا، كومىر قىشقىل گازىن بەيتاراپتاندىرۋعا دەم بەرۋ، جۇڭحۋا ۇلتى ورتاق تۇلعا تانىمىن بەرىك ورناتۋدى وقىتۋ جۇرگىزۋدىڭ، مەكتەپ باسقارۋدىڭ، ءبىلىم بەرۋدىڭ، ادام تاربيەلەۋدىڭ جالپى بارىسىنا ءسىڭىرۋ، جوعارى ساپالى دامۋدى جۇزەگە اسىرۋعا عارىشقا ۇشۋ ىستەرىندە كۇش - قۋات قوسۋ، اۋىل - قىستاقتى گۇلدەندىرۋدى ىلگەرىلەتۋ، ۇلتتىق ءسۇت شارۋاشىلىعىن گۇلدەندىرۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى ءسوز قىستىرىپ، ەستەلىك الىپ وتىردى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىندىعىن ءبىلدىردى، ىشكى موڭعۇلدىڭ ءبىر جىلدان بەرگى قىزمەتتەرىن تۇراقتاندىردى، ىشكى موڭعۇلداعى جولداستاردىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ، ويداعىداي يگەرىپ، بۇلجىماستان ەكولوگيانى الدىمەن ويلاستىرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىمەن ءجۇرىپ، مەملەكەتتىڭ ەكولوگيالىق حاۋىپسىزدىگىن، ەنەرگيا حاۋىپسىزدىگىن، استىق حاۋىپسىزدىگىن، كاسىپ سالاسى حاۋىپسىزدىگىن قورعاۋداعى كەلەلى ساياسي جاۋاپكەرشىلىكتى شىن مانىندە اتقارىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، وتانىمىزدىڭ سولتۇستىك شەكاراسىنىڭ كورىنىس جەلىسىن اناعۇرلىم كورىكتى ەتىپ تۇلعالاپ، جاڭا داۋىردەگى ىشكى موڭعۇلدىڭ جوعارى ساپالى دامۋىنىڭ جاڭا تاراۋىن جازۋلارىن ءۇمىت ەتتى.
شي جينپيڭ بىلاي دەپ اتاپ كورسەتتى: ءبىز 2021 - جىلى رەفورما، دامۋ، ورنىقتىلىق قىزمەتتەرىن جاپپاي ىلگەرىلەتىپ، پارتيا مەن مەملەكەت ىستەرىنىڭ تىڭ دا ەلەۋلى تابىستارعا قول جەتكىزۋىن جەبەدىك. ءبىز پارتيا قۇرىلعاندىعىنىڭ 100 جىلدىعىن سالتاناتپەن قۇتتىقتاپ، پارتيا تاريحىن ۇيرەنۋ تاربيەسىن ورىستەتىپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشتىق ءارى پارتيانىڭ ءۇشىنشى تاريحي قارارىن شىعاردىق. ءبىز ءدال ۋاعىندا كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدىك، ءدال ۋاعىندا جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىردىق، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىن باستادىق. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، عىلمي دا دالمە - ءدال بولۋعا، يكەمدى اداقتاۋعا تاباندى بولىپ، جاڭا تيپتى ايدارشا ۆيرۋس وكپە قابىنۋ ىندەتىنەن ۇدايىلاندىرا ساقتانۋ - تىزگىندەۋدى باستان - اياق بايسالدىلىقپەن ويداعىداي يگەرىپ، ەكونوميكانى دامىتۋ مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاپ، ”14 - بەسجىلدىقتىڭ“ تاماشا باستاماسىن جۇزەگە اسىردىق. ءبىز بەيجيڭ قىسقى وليمپيادا سپورت جارىسىن ءساتتى وتكىزىپ، دۇنيە جۇزىنە قاراپايىم، حاۋىپسىز، تارتىمدى دەنە تاربيە سالتاناتىن ۇسىندىق، ەلىمىزدىڭ دەنە تاربيە ساڭلاقتارى قايراتتانا ايانباي شايقاسىپ، قىسقى وليمپيادا سپورت جارىسىنا قاتىناسۋ تاريحىنداعى ەڭ تاماشا ناتيجەگە قول جەتكىزدى. وسى ناتيجەلەردىڭ پارتيا مەن مەملەكەت ىستەرىنىڭ دامۋى جونىنەن ماڭىزى زور.
شي جينپيڭ بىلاي دەپ باسا دارىپتەدى: جاڭا داۋىردەگى پارتيا مەن حالىقتىڭ ەكپىندەي ىلگەرىلەۋ اياق الىسىنا قايىرىلا قاراپ، ءبىز تومەندەگىدەي ماڭىزدى تانىمدى اناعۇرلىم بەكەمدەي تۇستىك. بىرىنشىدەن، پارتيانىڭ جاپپاي باسشىلىعىنا تاباندى بولۋ − جۇڭگوشا سوتسياليزمگە تاباندى بولۋداعى جانە ونى دامىتۋداعى، ءسوزسىز، باسىپ وتەتىن جول. تەك بۇلجىماستان پارتيانىڭ جاپپاي باسشىلىعىنا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاساق، ءبىز،ءسوزسىز، بۇكىل پارتيادا، بۇكىل ەلدە ىنتىماقتاسا كۇرەس جاسايتىن قۇدىرەتتى ساياسي ۇيىستىرۋ كۇشىنە، دامۋ سەنىمىنە يە بولۋىنا، تۋراشىلدىقتان تايماي جاڭالىق اشاتىن، ۋاقىتتىق قيىندىقتى بىرگە جەڭەتىن قۇدىرەتتى كۇش - قۋات ۇيىستىرۋىنا شىنايى كەپىلدىك ەتىپ، قيىن - قىستاۋ كەزدەردە جالپى حالىقتىڭ ەڭ سەنىمدى تىرەگىن قالىپتاستىرا الامىز. ەكىنشىدەن، جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى، ءسوزسىز، باسىپ وتەتىن جول. تەك باستان - اياق جۇڭگوشا سوتسياليزم جولىمەن جۇرسەك، ءبىز، ءسوزسىز، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرىپ، جالپى حالىقتىڭ ورتاق بايۋىن ۇزدىكسىز ىلگەرىلەتە الامىز. ۇشىنشىدەن، ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ىستەر ىستەۋىندەگى، ءسوزسىز، باسىپ وتەتىن جول. تەك پارتيانىڭ باسشىلىعىندا بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزسا، باتىلدىقپەن كۇرەس جاساپ، شەبەرلىكپەن كۇرەس جۇرگىزسە، ءبىز، ءسوزسىز، العا باسۋ جولىنداعى قيىنشىلىق، سىن - سايىس اتاۋلىنى جەڭىپ، باسقالار تاڭدانا قارارلىقتاي جاڭا كەرەمەتتەردى تىنباي جاراتا الامىز. تورتىنشىدەن، جاڭا دامۋ ۇستانىمىن دايەكتىلەندىرۋ − جاڭا داۋىردەگى ەلىمىزدى دامىتۋدا، زورايتۋدا، ءسوزسىز، باسىپ وتەتىن جول. تەك جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، عىلىم - تەحنيكادا دەربەس بولۋدى، ءوزىن - ءوزى الۋەتتەندىرۋدى جەدەل جۇزەگە اسىرساق، ءسوزسىز، ەلىمىز دامۋىنىڭ باسەكەلىك قۋاتى مەن ۇلاستىرۋ قۋاتىن ۇزدىكسىز جوعارىلاتىپ، كۇن سايىن شيلەنىسكەن حالىقارالىق باسەكەدە ىرىقتىلىقتى يگەرىپ، بولاشاققا قول جەتكىزە الامىز. بەسىنشىدەن، پارتيانى جاپپاي قاتاڭ باسقارۋ − پارتيانىڭ جاندى، ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋداعى، ءسوزسىز، باسىپ وتەتىن جول. جۇڭگونىڭ ءىسىن ويداعىداي تىندىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا. پارتيا قۇرۋ ۇلى رۋحىن كۇش سالا اسقاقتاتىپ، اۋەلگى ماقساتتى، بورىشتى ۇمىتپاي، باتىلدىقپەن وزىنە توڭكەرىس جاساپ، پارتيانىڭ العاباسارلىعى مەن كىرشىكسىزدىگىنە نۇقسان كەلتىرەتىن بارلىق زياندى فاكتورلاردى ۇزدىكسىز الاستاپ، پارتيانىڭ سالامات تۇلعاسىن جەمىرەتىن بارلىق اۋرۋ قوزدىرعىش ۆيرۋستى ۇزدىكسىز جويىپ وتىرساق بولعانى، ءسوزسىز، پارتيانىڭ ساپاسىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە شىنايى كەپىلدىك ەتە الامىز.
شي جينپيڭ بىلاي دەپ اتاپ كورسەتتى: ەلىمىز ءبىر تۇتاس كوپ ۇلتتى مەملەكەت، ۇلتتار ىنتىماقتى دا جاراسىمدى بولسا، مەملەكەت گۇلدەنىپ - كوركەيەدى، قوعام تىنىش بولادى، حالىق باقىتقا كەنەلەدى؛ كەرىسىنشە بولسا، مەملەكەت توقىرايدى، قوعام الاساپىراندىققا تۇسەدى، حالىق زوبالاڭعا ۇشىرايدى. پارتيا ورتالىق كوميتەتىنىڭ جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتۋدى باسا دارىپتەۋى جۇڭحۋا ۇلتىنىڭ ۇلى ىنتىماعىن قورعاۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاپ جاسالعان كەلەلى شەشىمى، سونداي - اق تاريحي تاجىريبە - ساباقتاردى تەرەڭدەي قورىتىندىلاپ يە بولعان ماڭىزدى تۇجىرىمى.
شي جينپيڭ بىلاي دەپ باسا دارىپتەدى: ىشكى موڭعۇلدىڭ بۇگىنى ءار ۇلت بۇقاراسىنىڭ بىرگە كۇرەس جاساۋىنىڭ ناتيجەسى، ىشكى موڭعۇلدىڭ ەرتەڭى ءالى دە ءار ۇلت بۇقاراسىنىڭ ىنتىماقتاسا كۇرەس جاساۋىن قاجەت ەتەدى. جۇڭحۋا ۇلتى ورتاق تۇلعا تانىمىن بەرىك ورناتۋدا ءارى كوزبەن كورىپ، قولمەن ۇستاۋعا بولاتىن قىزمەت ىستەۋ، ءارى قىرۋار ”ىجداعاتتىلىقپەن نارلەندىرەتىن“ ءىس تىندىرۋ كەرەك. جۇڭحۋا ۇلتىنىڭ ورتاق رۋحاني مەكەنى قۇرىلىسىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، قىزمەتتەردى ناقتاپ يگەرۋ، ەگجەي - تەگجەيلى ىستەۋ، فورمالى، اسەرلى، ءونىمدى تىندىرۋ كەرەك. ءار ۇلت كادرلارى پارتيانىڭ ۇلت نازارياسى مەن ۇلت ساياساتىن جاپپاي ءتۇسىنىپ جانە دايەكتىلەندىرىپ، سانالى تۇردە پارتيا مەن مەملەكەت قىزمەتى كەلەلى جاعدايى، جۇڭحۋا ۇلتىنىڭ جالپى تۇلعالىق مۇددەسى بيىگىنەن ماسەلەلەرگە وي جۇگىرتىپ، شەشىم جاساپ، قىزمەتتەردى يگەرۋ، جۇڭحۋا ۇلتى ورتاق تۇلعا تانىمىن بەرىك ورناتۋعا پايدالى قىزمەت بولادى ەكەن كوبىرەك ىستەۋ، سونداي - اق ىشكەرىلەي، ەگجەي - تەگجەيلى، ناقتى ىستەۋ؛ جۇڭحۋا ۇلتى ورتاق تۇلعا تانىمىن بەرىك ورناتۋعا ءتيىمسىز ءىس بولادى ەكەن ونى استە ىستەمەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدىڭ قىزمەت تالاپتارىن بۇكىل رايوننىڭ تاريح، مادەنيەت، ۇگىت، وقۋ - اعارتۋ، الەۋمەتتىك مادەنيەت قۇرىلعىلارى قۇرىلىسى، قالالاردىڭ بەلگى سيپاتتى ءۇي قۇرىلىستارى قۇرىلىسى، ساياحات كورىنىس ورنالاسىمى سياقتى قاتىستى جاقتاردا دايەكتىلەندىرىپ، تياناقتاندىرىپ، جۇڭحۋا مادەنيەتى مەن ءوز ۇلتى مادەنيەتىنىڭ بايلانىسىن دۇرىس ءبىر جايلى ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ يدەيا مادەنيەت نەگىزىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: ىشكى موڭعۇل شەكاراداعى ۇلتتىق ءوڭىر، ۇلتتار ىنتىماعىن قورعاۋدا جانە شەكارا تىنىشتىعىندا كەلەلى جاۋاپكەرشىلىك ارقالاپ وتىر. ءىستىڭ قىلپىنا قاراپ ءمانى مەن دامۋ اۋقىمىن ءبىلىپ، تاۋقىمەت تانىمىن كۇشەيتىپ، ستراتەگيالىق وي - تۇيسىكتى جوعارىلاتىپ، ۇلت قىزمەتى سالاسىنداعى حاۋىپ - قاتەرلەردەن، كومەسكى اپاتتاردان ءونىمدى ساقتانىپ، وتانىمىزدىڭ سولتۇستىك شەكاراسىنداعى حاۋىپسىزدىك، ورنىقتىلىق قالتقىسىن شىن مانىندە بەكەمدەۋ كەرەك.
شي جينپيڭ مىنانى ەرەكشە باسا دارىپتەدى: ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ، ويداعىداي يگەرىپ، ۇدايىلاندىرا ىندەتتەن ساقتانۋ - تىزگىندەۋ شارالارىن ويداعىداي تياناقتاندىرىپ، ۇدايىلاندىرا ساقتانۋ - تىزگىندەۋ مەن تۇتقيىل تۋىلعان ىندەتكە شۇعىل توتەپ بەرۋ، ءبىر جايلى ەتۋ مەحانيزمىن كەمەلدەندىرىپ، شەكارا وتكەلى اۋماعىندا ىندەتتەن ساقتانۋ - تىزگىندەۋ سىندى ماڭىزدى ءتۇيىندى كورنەكتىلەندىرىپ، ىندەتتىڭ كولەمدى تۇردە قايتالانۋى تۋىلماۋىنىڭ تومەنگى شەگىن ساقتاۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن بەلسەندى دە ۇيلەسىمدى ىلگەرىلەتىپ، كومىر مول، مۇناي تاپشى، تابيعي گاز از بولعان نەگىزگى مەملەكەت جاعدايىن تياناق ەتىپ، مەملەكەتتىڭ ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ قىزمەت جوباسىنىڭ ورنالاستىرۋى بويىنشا، جۇيە كوزقاراسىن كۇشەيتىپ، ورنىقتىلىق بارىسىندا ىلگەرىلەۋگە، بىرتىندەپ جۇزەگە اسىرۋعا تاباندى بولىپ، كومىر قىشقىل گازىن شىعارۋ كوشەمەلىلىگىن تومەندەتۋدى، لاستانۋدى ازايتۋدى، جاسىلداندىرۋدى كەڭەيتۋدى، ارتتىرۋدى سايكەستى ىلگەرىلەتۋگە تاباندى بولىپ، كومىر قىشقىل گازىن شىعارۋ كۇشەمەلىلىگىن تومەندەتۋمەن بىرگە، ەنەرگيا حاۋىپسىزدىگىنە، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىنە، استىق حاۋىپسىزدىگىنە شىنايى كەپىلدىك ەتىپ، بۇقارانىڭ قالىپتى تۇرمىسىن قامتاماسىز ەتۋ كەرەك، ءىس جۇزىندىكتەن الشاقتاپ، ناتيجە شىعارۋعا اسىعۋعا بولمايدى. شىرىكتەسۋگە قارسى تۇرۋ ماڭگى جالعاسا بەرەدى سىندى سەرگەكتىك پەن تاباندىلىقتى باستان - اياق ساقتاپ، شىرىكتەسۋگە باتىلدىق ەتكىزبەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋگە تاباندى بولىپ، باتىلدىقپەن ۋلى وسپەنى جويىپ، ۋىت قاينارىن الاستاپ، ۋىتىن قۇرتىپ جىبەرۋ كەرەك. پارتيانىڭ ىشكى ساياسي تۇرمىسىن قاتايتۋدى پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋدىڭ نەگىزدىك ينجەنەرياسى ەتىپ، پارتيانىڭ ىشكى ساياسي تۇرمىسىنىڭ اقاۋسىز، ولشەمدى ارناعا جاپپاي ورالۋىن جەدەل ىلگەرىلەتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، ۇدايىلانعان، ۇزاق ءونىمدى ءتۇزىم مەحانيزمىن ورناتىپ، قالىڭ پارتيا مۇشەلەرىن، كادرلاردى پارتيا تاريحىن ۇيرەنۋدى، پارتيا تاريحىن پايدالانۋدى ءومىر بويى، ءسوزسىز، وقيتىن ساباعى ەتىپ، ۇزدىكسىز تاريحي سەنىمدى بەكەمدەپ، ساياسي سانالىلىقتى ارتتىرىپ، پارتيا قۇرۋ ۇلى رۋحىن اسقاقتاتىپ، اناعۇرلىم تولىق سەنىممەن جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسۋعا تاربيەلەۋ، جەتەكتەۋ كەرەك.
ديڭ شۋەشياڭ، حى ليفىڭ قاتارلىلار قاتىناستى.
