شينجياڭدا تۇراتىن مەملەكەتتىك ساياسي كەڭەستىڭ مۇشەلەرى تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى گرۋپپالارعا ءبولىنىپ قارادى
بورىش، جاۋاپكەرلىك ارقالاۋدى كۇشەيتىپ، ەكپىندەي ىلگەرىلەۋ كۇشىن ۇيىستىرامىز
انار بۇلت / شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 5 - كۇنى بەيجيڭنەن جالعاپ بەرگەن حابارى. 3 - ايدىڭ 5 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەس مۇشەلەرى مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى سالالىق گرۋپپالار بويىنشا قارادى. شينجياڭدا تۇراتىن مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپانىڭ باياندامانى قاراۋىنا قاتىناستى.
مۇشە نۇرلان ءابىلماجىن بىلاي دەدى: بايانداما ”ەكى كەلەلى جاعدايدى“ كوكەيدە ساقتاۋدىڭ، ”مەملەكەتتىڭ زور ىسىنە“ قىزمەت وتەۋدىڭ بورىش جاۋاپكەرشىلىگىنە تولى بولدى، مەن تولىق قۇپتايمىن. 2021 - جىلى مەملەكەتتىك ساياسي كەڭەستىڭ ءتۇرلى قىزمەتىنىڭ ءونىمى كورنەكتى بولىپ، جارقىن تۇيىندەر كوپتەپ جارىققا شىعىپ، جاڭا داۋىردەگى حالىق ساياسي كەڭەسىنىڭ جاڭا بەينەسى، جاڭا رايى تولىق ايگىلەندى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ،” ەكىنى قورعاۋدى“ ورىنداپ، پارتيانىڭ باسشىلىعىن ساياسي كەڭەس قىزمەتىنىڭ ءارقايسى جاعىندا جانە تۇتاس بارىسىندا تياناقتاندىرىپ، بىرلىكساپ سىندى ماڭىزدى اسىلدان ويداعىداي پايدالانىپ، ايتقانى دۇرىس بولۋدان ايتقانى ساناعا ءسىڭىپ، كوڭىلگە ۇيالايتىن بولۋ سىندى قىزمەت قابىلەتىن جوعارىلاتىپ، ىنتىماقتاستىرۋعا بولاتىن بارلىق كۇشتەردى كەڭ كولەمدە ىنتىماقتاستىرىپ، نازاردى شينجياڭنىڭ باياندى تىنىشتىعىنا ساياتىن تەرەڭ قاتپارلى ماسەلەلەرگە شوعىرلاندىرىپ، ىشكەرىلەي كەڭەسىپ، ناقتى باقىلاپ، دالمە - ءدال ۇسىنىس قويىپ، دەموكراتيانى ساۋلەلەندىرۋ مەن جۇرت تىلەگىن ۇيىستىرۋدىڭ ورگانيكالى بىرلىگىن جۇزەگە اسىرۋ كەرەك.
مۇشە جياڭ پيڭ - ان بىلاي دەپ قارادى: تۇتاس باياندامادا يدەيالىق جەتەكتەۋ، كۇش - قۋات توپتاۋ، ۇكىمەت ءىسىن كەڭەسۋ، ۇسىنىس قويۋ، كەلەلى جاعدايعا قىزمەت وتەۋ سىندى ساياسي كەڭەس قىزمەتىنىڭ باستى مىندەتى قامتىلعان، بۇل ”ەكىنى تۇراقتاندىرۋدىڭ“، ”ەكىنى قورعاۋدىڭ“ ساياسي كەڭەس قىزمەتى سالاسىندا جالپى بەتتىك ايگىلەنۋى بولىپ تابىلادى. ”2021 - جىلى مەملەكەتتىك ساياسي كەڭەس جاسامپازدىقپەن قىرۋار قىزمەت ىستەدى، ناتيجەسى جۇرت جۇرەگىن جەلپىندىردى، مەن ءوزىم دە 2 رەت مەملەكەتتىك ساياسي كەڭەستىڭ تەكسەرۋ - زەرتتەۋ قيمىلىنا جانە ءبىر رەت قوس اپتالىق ءماسليحات اڭگىمە ماجىلىسىنە قاتىناستىم. حالىق ساياسي كەڭەسىنىڭ حالىق ءۇشىن ىستەۋ سىندى مىندەت وتەۋ ۇستانىمى تولىق ايگىلەندى“، - دەدى جياڭ پيڭ - ان.
باياندامانىڭ كوپ جەرىندە ”ىنتىماق“ دەگەن كىندىك ءسوز تىلگە الىندى، مۇشە ءدىلشات ياقۇپ مۇنى تەرەڭ سەزىندى. ءاربىر ساياسي كەڭەس مۇشەسىنىڭ ءبارى جۇڭحۋا پەرزەنتتەرىنىڭ ۇلى ىنتىماعىن كۇشەيتەتىن ماڭىزدى كۇش. ول مىنالاردى ءبىلدىردى: جۇڭگو كوممۋنيستىك پارتياسىنىڭ باسشىلىعىن باتىل قولداپ، ساياسي دەڭگەيدى جوعارىلاتىپ، ايتقانى دۇرىس بولۋدان ايتقانى ساناعا ءسىڭىپ، كوڭىلگە ۇيالايتىن بولۋ سىندى قىزمەت قابىلەتىن كۇشەيتىپ، سالالارداعى بۇقارانى جۇڭگو كوممۋنيستىك پارتياسىنىڭ توڭىرەگىنە تىعىز ىنتىماقتاستىرۋ كەرەك.
تۇراقتى كوميتەتتىڭ قىزمەت بايانداماسىندا بيىل كاسىپتىك وقۋ - اعارتۋدىڭ اۋىل - قىستاقتى گۇلدەندىرۋدەگى رولىن تولىق ساۋلەلەندىرۋ جونىندە ىشكەرىلەي تەكسەرۋ - زەرتتەۋ، كەڭەس جۇرگىزىلەتىندىگى العا قويىلدى. مۇشە گۇلپاري ابدوللا توتەنشە اسەرلەنىپ، تەرەڭ شابىت الدى. ول بىلاي دەدى: بيىل ماجىلىسكە ”وسى زامانعى كاسىپتىك وقۋ - اعارتۋدىڭ ساپاسىن جوعارىلاتۋ جوسپارىنا“ ارناۋلى قارجى قوسۋدى اناعۇرلىم كۇشەيتۋ جونىندە ۇسىنىس جوبا تاپسىردىم، بۇدان بىلاي بورىش جاۋاپكەرشىلىگىن كۇشەيتىپ، ەكپىندىلەرگە ءتان بەينەمەن جاڭا جورىقتا تىڭ جاۋاپكەرشىلىك ارقالاپ، جاڭا ىسكەرلىكتى ايگىلەيمىن.
مۇشە گۋان فاڭفاڭ مىنانى ءبىلدىردى: جاڭا داۋىردەگى ساياسي كەڭەس مۇشەسى رەتىندە، مۇقيات تۇردە باياندامادا ورتاعا قويىلعان تالاپتار بويىنشا شوگەلدىكپەن، تىرىسشاڭدىقپەن مىندەت وتەيمىن.
شينجياڭدا تۇراتىن مەملەكەتتىك ساياسي كەڭەس مۇشەلەرى دۇڭ شينگۋاڭ، كۇڭ شيڭلۇڭ، پىڭ يۇڭ، ءمۇتالىپ قاسىم، ورگۇل جاپپار، ليۋ جيانشين، ۋان حايچۋان، ماعاۋ سەيىتقامزا، عايرات ءومار قاتارلىلار باياندامانى قاراۋعا قاتىناستى.
