شي جينپيڭ ساياسي كەڭەس ماجىلىسىنە قاتىناسقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا بارعاندا بىلاي دەپ باسا دارىپتەدى
اۋىل شارۋاشىلىعىنىڭ كەشەندى ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالۋ كەرەك
ۋاڭ ياڭ امانداسۋعا جانە تالقىعا قاتىناستى
3 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا باردى ءارى بىرلەسكەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا باردى ءارى بىرلەسكەن گرۋپپا جيىنىنا قاتىناسىپ، پىكىرلەر مەن ۇسىنىستاردى تىڭدادى. ول بىلاي دەپ باسا دارىپتەدى: اۋىل - قىستاقتى گۇلدەندىرۋ ستراتەگياسىن اتقارۋدا، ءسوز جوق، ماڭىزدى اۋىل شارۋاشىلىق ونىمدەرىمەن، اسىرەسە، استىقپەن قامداۋعا شىنايى كەپىلدىك ەتۋدى ماڭداي الدى مىندەت ەتىپ، اۋىل شارۋاشىلىعىنىڭ كەشەندى ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، ”استىق القاپتارىن قورعاۋدى، ەگىستىك جەر بايلىعىنان عىلمي، ۇيلەسىمدى پايدالانۋدى“ شىن مانىندە تياناقتاندىرۋ كەرەك. قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالىپ، قوعامدىق قامتاماسىزداندىرۋدىڭ حاۋىپسىزدىك تورىن بەرىك توقىپ، حالىق تۇرمىسىنىڭ تىنىش - الاڭسىز بولۋىنا كەپىلدىك ەتۋ كەرەك.
”8 - ناۋرىز“ حالىقارالىق ەڭبەكشى ايەلدەر مەرەكەسى كەلۋى بايلانىسىمەن شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان، مەملەكەتتىك ەكى ماجىلىسكە قاتىناسقان ايەل ۋاكىلدەردىڭ، ايەل مۇشەلەردىڭ، ايەل قىزمەتكەرلەردىڭ، بۇكىل ەلدەگى ءار ۇلت، ءار سالا ايەلدەرىنىڭ، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستاردىڭ، شەتەلدەگى ايەل چياۋباۋلاردىڭ مەرەكەسىن قۇتتىقتادى جانە ىزگى تىلەك تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋعا جانە تالقىعا قاتىناستى.
بىرلەسكەن گرۋپپا جيىنىندا ياڭ فىڭجي، ۋاڭ جيڭ، تاڭ جۇنجيە، مو رۇڭ، يشيداۋا، ۋان جيانمين، ۋاڭ حايجيڭ قاتارلى 7 مۇشە اۋىل - قىستاق كاسىپ سالاسىن زور كۇشپەن دامىتۋ، اۋىل شارۋاشىلىعى ونىمدەرى ساپاسىنىڭ حاۋىپسىزدىك نەگىزىن بەكەمدەۋ، تۇقىم شارۋاشىلىعىندا ءوز كۇشىنە سۇيەنىپ جاڭالىق اشۋدى جەبەۋ، قوعامدىق قامتاماسىزداندىرۋ جۇيەسىندەگى ولقىلىقتاردى تولىقتاۋ، قوعامدىق يگىلىك ىستەرىنىڭ باياندى دامۋىن ىلگەرىلەتۋ، اۋىل شارۋاشىلىعىن، اۋىل - قىستاقتى وسىزامانداندىرۋدى جاپپاي ىلگەرىلەتۋ، قوعامدىق كۇشتەردى بىرگە بايۋدى ىلگەرىلەتۋگە جۇمىلدىرۋ سياقتىلار توڭىرەگىندە ءسوز سويلەدى.
شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول مەملەكەتتىك ساياسي كەڭەستىڭ اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسىپ، بىرلەسكەن گرۋپپا تالقىسىنا قاتىناسقاندىعىنا ەرەكشە قۋانىشتى ەكەندىگىن ءبىلدىردى. ول جۇڭگو كوممۋنيستىك پارتياسى ورتالىق كوميتەتى اتىنان وسىنداعى ءاربىر مۇشەگە شىن ىقىلاسپەن امانداستى ءارى بۇكىل ەلدەگى قالىڭ ساياسي كەڭەس مۇشەلەرىنە ىقىلاستى سالەم جولدادى، بۇكىل ەلدەگى قالىڭ اۋىل شارۋاشىلىعى جانە قوعامدىق قامتاماسىزداندىرۋ، قوعامدىق يگىلىك قىزمەتكەرلەرىنەن ىقىلاستى حال سۇرادى.
شي جينپيڭ بىلاي دەپ اتاپ كورسەتتى: وتكەن ءبىر جىلدا كۇردەلى دە قاتاڭ حالىقارالىق جاعداي، ەل ىشىندەگى ماشاقاتتى دا اۋىر رەفورما، دامۋ، ورنىقتىلىق مىندەتتەرى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قايسارلىقپەن كۇرەس جۇرگىزىپ، قيىندىقتارعا قارسى اتتانىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادى، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جۇزەگە اسىردى، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستاپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزىپ، ”14 - بەسجىلدىقتىڭ“ تاماشا باستاماسىن جۇزەگە اسىردى. بۇل ناتيجەلەر وڭاي - وسپاق قولعا كەلگەن جوق، بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ قايسارلىقپەن شايقاس جاساۋىنىڭ جەمىسى، سونداي - اق قالىڭ ساياسي كەڭەس مۇشەلەرىنىڭ ىنتىماقتاسا ەكپىندەي ىلگەرىلەۋىنىڭ جەمىسى.
شي جينپيڭ بىلاي دەپ باسا دارىپتەدى: قازىر حالىقارالىق جاعدايدا تەرەڭ، كۇردەلى وزگەرىستەر ۇزدىكسىز تۋىلۋدا، 100 جىلدىق وزگەرىس پەن عاسىرلىق ىندەت قاباتتاسىپ، ەكونوميكانىڭ جاھاندانۋى كەرەعارلىققا تاپ بولدى، ءىرى ەلدەر سايىسى كۇن سايىن شيلەنىسىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، ەل ءىشىنىڭ رەفورما، دامۋ، ورنىقتىلىق مىندەتتەرى ماشاقاتتى دا اۋىر. ءبىز ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار ەكەندىگىن كورە ءبىلۋىمىز كەرەك. ءبىرىنشى، جۇڭگو كوممۋنيستىك پارتياسىنىڭ پارمەندى باسشىلىعى بار، جالپى جاعدايدى مەڭگەرىپ، ءار جاقتى سايكەستىرىپ، ءار ءتۇرلى ەلەۋلى حاۋىپ - قاتەرلەر مەن سىن - سايىستارعا بايسالدىلىقپەن توتەپ بەرۋگە ءتۇبىرلى ساياسي كەپىلدىك ازىرلەپ وتىر. ەكىنشى، جۇڭگوشا سوتسياليستىك ءتۇزىمنىڭ كورنەكتى باسىمدىعى بار، ەلىمىزدىڭ ساياسي ءتۇزىمى مەن باسقارۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋ سياقتى اماليات بارىسىندا كورنەكتى باسىمدىعىن ونان ارى ايگىلەدى، ”جۇڭگونىڭ باسقارۋى“ مەن ”باتىستىڭ بىلىقپالىعى“ اراسىنداعى سالىستىرما اناعۇرلىم ايقىندالا ءتۇستى. ءۇشىنشى، باياندى، تەز دامۋ قوردالاندىرعان مىعىم نەگىز بار، ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، مەملەكەت قورعانىس ناقتى قۋاتى، كەشەندى مەملەكەت قۋاتى كورنەكتى ارتتى، ەكونوميكانىڭ كولەمى زور، مۇمكىندىكتەرى كەڭ، ونىڭ ۇستىنە ەرەكشە زور كولەمدى بازارى بار، ۇزاق ۋاقىت جاقسارۋ سىندى نەگىزگى جاعى وزگەرمەيدى، كۇشتى سەرپىمدىلىككە جانە ومىرشەڭدىككە يە. ءتورتىنشى، ۇزاق ۋاقىت ورنىقتى بولعان قوعامدىق ورتا بار، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپ، قوعامدىق باسقارۋ دەڭگەيى ۇزدىكسىز جوعارىلاپ، قوعامنىڭ ۇزاق ۋاقىت ورنىقتى بولۋ كەرەمەتىن ۇزدىكسىز جارىققا شىعاردى. بەسىنشى، وزىنە سەنۋ، ءوزىن الۋەتتەندىرۋ سىندى رۋحاني كۇش - قۋاتى بار، جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداپ، ەرىك - جىگەرى، قاجىر - قايراتى، سەنىمى بۇرىن بولماعان دەڭگەيدە كۇشەيدى، پارتيانىڭ بەكىمى، ارميانىڭ بەكىمى، حالىقتىڭ تىلەگى سەرپىلدى. ءبىز قيىنشىلىققا تۋرا قاراۋمەن بىرگە سەنىمدى بەكەمدەپ، تاريحي ىرىقتىلىق رۋحىن اسقاقتاتىپ، قيىندىقتارعا قارسى اتتانىپ، باتىلدىقپەن كۇرەس جاساپ، قايراتتانا العا باسىپ، قۇلشىنا ىسكەرلىك كورسەتىپ، جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك.
شي جينپيڭ بىلاي دەپ اتاپ كورسەتتى: استىق حاۋىپسىزدىگى ”مەملەكەتتىڭ زور ءىسى“. ءارقانداي ىستە ىشەر اس ماسەلەسى ەڭ ماڭىزدى. اس − ادامنىڭ ارقاۋى. قاجىرلى قۇلشىنىستار جاساۋ ارقىلى ەلىمىز دۇنيە ءجۇزىنىڭ ％9ىن يەلەيتىن ەگىستىك جەر، ％6ىن يەلەيتىن تۇششى سۋ بايلىعىمەن دۇنيە ءجۇزى جان سانىنىڭ 5/1ىنە جۋىعىن باعىپ كەلەدى، كەزىندە 400 ميلليون ادامنىڭ قارنىن تويعىزا الماۋدان بۇگىنگى كۇنى ءبىر ميلليارد 400 ميلليوننان استام ادامدى جاقسى تاماقتاندىرۋعا دەيىن ”جۇڭگونى كىم اسىرايدى“ دەگەن ماسەلەگە پارمەندى جاۋاپ بەرىلدى. بۇل ناتيجە وڭاي - وسپاق قولعا كەلگەن جوق، ونى ۇزدىكسىز بەكەمدەۋ، كەڭەيتۋ كەرەك. استىق حاۋىپسىزدىگى سىندى وسى ماسەلەدە تيتتەي دە سالعىرتسۋعا، بەيعامدىق ىستەۋگە بولمايدى، ونەركاسىپتەندىرۋگە وتتىك دەپ قاراپ، ىشەر اس ماسەلەسىنىڭ پالەندەي ماڭىزى جوق دەپ ەسەپتەۋگە بولمايدى، حالىقارالىق بازارعا سۇيەنىپ شەشەمىز دەپ دامەلەنۋگە دە بولمايدى. ەرتە باستان قامدانىپ، استىق حاۋىپسىزدىگى سىندى وسى ارقاۋدى باستان - اياق مىقتى ۇستاپ، ءوزىمىزدى نەگىز ەتۋگە، ەل ءىشىن تياناق ەتۋگە، ءوندىرىس قۋاتىنا شىنايى كەپىلدىك ەتۋگە، لايىقتى يمپورت ەتۋگە، عىلىم - تەحنيكانى تىرەك ەتۋگە باستان - اياق تاباندى بولۋ كەرەك.
شي جينپيڭ بىلاي دەپ باسا دارىپتەدى: استىق حاۋىپسىزدىگىندە پارتيا مەن ۇكىمەتتىڭ بىردەي جاۋاپكەرشىلىك ارقالاۋىن جاپپاي تياناقتاندىرىپ، استىق حاۋىپسىزدىگى جاۋاپكەرشىلىك ءتۇزىمى بويىنشا باعالاۋدى قاتايتىپ، نەگىزگى ءوندىرىس رايونى، نەگىزگى ساتۋ رايونى، ءوندىرۋ مەن ساتۋ تەڭگەرىلەتىن رايون استىق ءوندىرىسىن بىرگە يگەرىپ، جاۋاپكەرشىلىكتى بىرگە ارقالاۋى كەرەك. ورنالاستىرۋدى ساپالىلاندىرىپ، ىشەر استىقتى ورنىقتىرىپ، جۇگەرى ءوندىرىسىن ورنىقتىرىپ، سويا بۇرشاق ءوندىرىسىن، مايلى داقىل ءوندىرىسىن كەڭەيتىپ، استىقتىڭ جىلدىق ءونىم مولشەرىنىڭ ءبىر تريلليون 300 ميلليارد جىڭنان جوعارى دەڭگەيدى ساقتاۋىنا كەپىلدىك ەتۋ، جۇڭگولىقتاردىڭ داستارقانىندا، باستىسى، جۇڭگونىڭ استىعى بولۋعا شىنايى كەپىلدىك ەتۋ كەرەك. شارۋالاردىڭ استىق ەگۋ بەلسەندىلىگىن قورعاپ، ۇيلەسىمدى كولەمدەنگەن تيجاراتتى دامىتىپ، شارۋالاردىڭ يگىلىككە كەنەلۋىنە، كوپ پايدا الۋىنا مۇمكىندىك جاساۋ كەرەك. اس - سۋ ىسىراپشىلدىعىن تەجەۋ ۇزاق ۋاقىتتىق مىندەت، ونى قاجىماي - تالماي يگەرىپ، ۇنەمشىل قوعام قۇرۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: ەگىستىك جەر − استىق ءوندىرىسىنىڭ جان تامىرى، جۇڭحۋا ۇلتىنىڭ ماڭگى توقتاۋسىز دامۋىنىڭ ءتۇبىرلى نەگىزى. اتىز قالايدا اتىز، ول تەك ەگىنشىلىكتى، اسىرەسە، استىق ءوندىرىسىن دامىتۋعا عانا پايدالانىلادى، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرىپ، پايدالانۋ ماقساتىن باسقارۋدى كۇشەيتىپ، يەلەۋ مەن تولىقتاۋدى تەڭگەرۋدى ارناعا ءتۇسىرىپ، جەردى اينالىمعا سالىپ، پايدالانۋدى باقىلاۋ - باسقارۋدى كۇشەيتىپ، بوس تۇرعان جەرلەردى پايدالانۋدى ىلگەرىلەتىپ، ەگىستىك جەردى ”اۋىل شارۋاشىلىعىنان باسقاعا پايدالانۋدى“، نەگىزگى اتىزدى ”استىق سالۋدان باسقاعا پايدالانۋدى“ قاتاڭ تەجەۋ كەرەك. اتىز، ءسوز جوق، قۇنارلى اتىز بولۋى كەرەك، مەملەكەتتىڭ استىق حاۋىپسىزدىگى كاسىپ سالاسى بەلدەۋىن قۇرىپ، ەگىنجاي، سۋ يگىلىگى قۇرىلىسىن كۇشەيتىپ، قارا توپىراقتى جەردى قورعاۋ ينجەنەرياسىن اتقارىپ، سورتاڭ جەردى تۇرگە ايىرىپ قۇنارلاندىرىپ، ءبىر ميلليارد مۋلىق جوعارى ولشەمدى اتىز قۇرۋعا قۇلشىنۋ كەرەك. ”تەگەۋرىندى“ قاتاڭ شارا قولدانىپ، ءار دارەجەلى جەرگىلىكتى پارتكومدار مەن ۇكىمەتتەردىڭ ەگىستىك جەردى قورعاۋ جاۋاپكەرشىلىگىن جاپپاي قاتايتۋ، ورتالىق جەر - جەرمەن ەگىستىك جەردى قورعاۋدىڭ ”اسكەري بۇيرىق سەرتىنە“ قول قويىسىپ، قاتاڭ باعالاۋ جۇرگىزىپ، ماڭگىلىك جاۋاپكەرشىلىگىن قۋزاپ، ءبىر ميلليارد 800 ميلليون مۋ ەگىستىك جەردىڭ اتى زاتىنا ساي بولۋىنا شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: ىشەر اس ماسەلەسىن شەشۋدىڭ ءتۇبىرلى شىعار جولى عىلىم - تەحنيكادا. تۇقىم قاينارىنىڭ حاۋىپسىزدىگى مەملەكەت حاۋىپسىزدىگىنە سايادى، ءسوز جوق، ەلىمىزدىڭ تۇقىم شارۋاشىلىعىن جاقسارتۋعا بەل بۋىپ، تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن - ءوزى الۋەتتەندىرۋدى، تۇقىم قاينارىن ءوزى مەڭگەرۋدى جۇزەگە اسىرۋ كەرەك. ەلىمىزدىڭ ءتۇزىم ابزالدىلىعىن ساۋلەلەندىرىپ، باسىمدىققا يە بايلىقتى عىلمي ورنالاستىرىپ، تۇقىم شارۋاشىلىعى سالاسىنداعى مەملەكەتتىڭ كەلەلى جاڭالىق اشۋ تۇعىرى قۇرىلىسىن ىلگەرىلەتىپ، نەگىزدىك، وزىق زەرتتەۋدى كۇشەيتىپ، تۇقىمدىق زات بايلىعىن جيناۋدى، قورعاۋدى جانە اشىپ پايدالانۋدى كۇشەيتىپ، بيولوگيالىق تۇقىم جەتىلدىرۋدى كاسىپ سالالاندىرۋ اياق الىسىن جەدەلدەتۋ كەرەك. اۋىل شارۋاشىلىق عىلىم - تەحنيكا ءتۇزىلىسى رەفورماسىن تەرەڭدەتىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، سورتىن تەكسەرىپ تۇراقتاندىرۋ مەن ءبىلىم مەنشىگى ۇقىعىن قورعاۋ ءتۇزىمىن اقاۋسىزداندىرىپ، جاڭالىق اشۋ تىزبەگى قۇرىلىسىن تۇتقا ەتۋ ارقىلى ەلىمىز تۇقىم شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: جالپىلىق ازىق - تۇلىك كوزقاراسىن ورناتىپ، حالىقتىڭ تاماشا تۇرمىسقا قاجەتىن اناعۇرلىم ويداعىداي قاناعاتتاندىرۋدان باستاپ كىرىسىپ، حالىق بۇقاراسىنىڭ ازىق - تۇلىك قۇرىلىمى وزگەرىسىنىڭ اۋقىمىن يگەرىپ، استىقپەن قامداۋعا شىنايى كەپىلدىك ەتۋمەن بىرگە، ەت تۇرلەرى، كوكونىس، جەمىس - جيدەك، سۋ ونىمدەرى سياقتى ازىق - تۇلىكتەرمەن ۇتىمدى قامداۋدى قامتاماسىز ەتۋ كەرەك، بۇلاردىڭ بىرەۋى دە كەم بولسا بولمايدى. ەكولوگيالىق ورتانى ويداعىداي قورعاۋ العى شارتىندا، ەگىستىك جەر بايلىعىنان تۇتاس مەملەكەت جەر بايلىعىنا قاراي ءورىس اشىپ، استىق ەگۋگە وڭتايلى بولسا استىق ەگىپ، تيجاراتقا وڭتايلى بولسا تيجارات جۇرگىزىپ، مال باعۋعا وڭتايلى بولسا مال باعىپ، بالىق وسىرۋگە وڭتايلى بولسا بالىق ءوسىرىپ، ورمان وتىرعىزۋعا وڭتايلى بولسا ورمان وتىرعىزىپ، بازار قاجەتىنە ۇيلەسەتىن، بايلىق ورتاسىنىڭ كوتەرىمدىلىك قۋاتىمەن سايكەسەتىن وسى زامانعى اۋىل شارۋاشىلىق ءوندىرىس قۇرىلىمى مەن وڭىرلىك ورنالاسىمدى قالىپتاستىرۋ كەرەك. ورماننان ازىق - تۇلىك الۋ، داريا، وزەن، كول، تەڭىزدەردەن ازىق - تۇلىك الۋ، قۇرىلعىلى اۋىل شارۋاشىلىعىنان ازىق - تۇلىك الۋ، سونىمەن بىرگە ءداستۇرلى ەگىس داقىلدارى مەن مال، قۇس بايلىعىنان اناعۇرلىم مول بيولوگيالىق بايلىققا قاراي ءورىس اشۋ، بيولوگيالىق عىلىم - تەحنيكانى، بيولوگيالىق كاسىپ سالاسىن دامىتىپ، وسىمدىكتەردەن، حايۋاناتتاردان، ميكرو ورگانيزمدەردەن كالوريا الۋ، بەلوك الۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن بەلسەنە ىلگەرىلەتىپ، ازىق - تۇلىك بايلىعىن جان - جاقتى، كوپ جولدارمەن اشىپ، مول دا الۋان ءتۇرلى ازىق - تۇلىك تۇرلەرىن جارىققا شىعارىپ، ازىق - تۇلىك جاعىنداعى قامداۋ مەن قاجەتسىنۋدىڭ تەپە - تەڭدىگىن جۇزەگە اسىرىپ، حالىق بۇقاراسىنىڭ كۇن سايىن كوپ نەگىزدەنگەن ازىق - تۇلىك تۇتىنۋ قاجەتىن اناعۇرلىم ويداعىداي قاناعاتتاندىرۋ كەرەك.
شي جينپيڭ بىلاي دەپ باسا دارىپتەدى: اۋىل - قىستاقتى گۇلدەندىرۋدە ەكونوميكانىڭ دامۋىن عانا كوزدەۋگە بولمايدى، بۇدان تىس، ءسوز جوق، اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، شارۋالاردىڭ يدەيا - ءمورال تاربيەسىنە ءمان بەرىپ، زاڭمەن باسقارۋ قۇرىلىسىنا ءمان بەرىپ، اۋىل - قىستاقتى باسقارۋ جۇيەسىن اقاۋسىزداندىرىپ، قىستاق تۇرعىندارىنىڭ ءوزىن - ءوزى باسقارۋ امالياتىن تەرەڭدەتىپ، قىستاق قاعيداسىنىڭ، تۇرعىندار كەلىسىمىنىڭ، وتباسى تاربيەسىنىڭ، وتباسى سالتىنىڭ رولىن ءونىمدى ساۋلەلەندىرىپ، وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن جەتىلدىرۋ كەرەك. اۋىل - قىستاقتاردا قارا كۇشتەرگە سوققى بەرىپ، سۇرقيا كۇشتەردى الاستاۋدى ۇدايىلاندىرۋ مەحانيزمىن اقاۋسىزداندىرىپ، اۋىل - قىستاقتارداعى قارا، سۇرقيا كۇشتەرگە، اۋلەتتىك سۇرقيا كۇشتەرگە ۇزدىكسىز سوققى بەرىپ، اۋىل - قىستاقتاعى سارى الاپات، قۇمار ويناۋ، ەسىرتكى تۇتىنۋ جانە ايەلدەر مەن بالالاردىڭ ۇقىق - مۇددەسىنە زيان جەتكىزۋ سىندى زاڭعا قايشى قىلمىستىق ارەكەتتەرگە زاڭ بويىنشا سوققى بەرۋ كەرەك.
شي جينپيڭ بىلاي دەپ اتاپ كورسەتتى: ەلىمىز دۇنيە جۇزىندەگى كولەمى ەڭ زور قوعامدىق قامتاماسىزداندىرۋ جۇيەسىن ورناتتى. قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالىپ، ءتۇزىمنىڭ ءبىر تۇتاستىعى مەن ولشەمدىلىگىن كۇشەيتىپ، زەينەتكەرلىك قامسىزداندىرۋىنىڭ كوپ ساتىلى، كوپ تىرەكتى جۇيەسىن دامىتىپ، اناعۇرلىم كوپ ادامدى قوعامدىق قامتاماسىزداندىرۋ جۇيەسىنە ەنگىزۋ كەرەك. يكەمدى جۇمىستانۋشىلاردى قوعامدىق قامتاماسىزداندىرۋ ءتۇزىمىن اقاۋسىزداندىرىپ، جۇمىسسىزدىق، جۇمىس ۇستىندە جارالانۋ، تۋىت قامسىزداندىرۋىنىڭ قامتۋ اياسىن كەڭەيتىپ، تۇزىمدىك ورنالاستىرۋدىڭ اناعۇرلىم ءادىل، قامتۋ كولەمىنىڭ اناعۇرلىم كەڭ بولۋىن جۇزەگە اسىرىپ، حالىق تۇرمىسىنىڭ تىنىش - الاڭسىز بولۋىنا كەپىلدىك ەتۋ كەرەك. قوعامدىق قامتاماسىزداندىرۋ قورىن باقىلاۋ - باسقارۋ جۇيەسىن اقاۋسىزداندىرىپ، الاياقتىقپەن قامسىزداندىرۋ اقشاسىن الداپ الۋ، قامسىزداندىرۋ قاراجاتىن قىمقىرۋ جانە ءار ءتۇرلى قوعامدىق قامتاماسىزداندىرۋ قارجىسىن باسقاعا پايدالانۋ، يەمدەنىپ الۋ سياقتى زاڭعا قايشى ارەكەتتەرگە قاتاڭ سوققى بەرىپ، حالىق بۇقاراسىنىڭ ”زەينەتكەرلىك اقشاسىن“، ”جان ساقتاۋ اقشاسىن“ ويداعىداي قورعاۋ كەرەك.
شي جينپيڭ بىلاي دەپ باسا دارىپتەدى: حالىق تۇرمىسىندا كىشكەنە ءىس بولمايدى، بارلىق ىسكە بىردەي كوڭىل ءبولۋ كەرەك. قيىنشىلىعى بار بۇقاراعا ايرىقشا نازار اۋدارۋىمىز، ايرىقشا قامقورلىق جاساۋىمىز، ولارعا ايرىقشا كوڭىل ءبولۋىمىز، ولاردىڭ ۋايىمنان ارىلىپ، قيىنشىلىعىن شەشۋىنە كومەكتەسۋىمىز كەرەك. قوعامدىق قۇتقارۋ - كومەكتەسۋ ءتۇزىمى رەفورماسىن تەرەڭدەتىپ، نەگىزگى تۇرمىستىق قۇتقارۋ - كومەكتەسۋدى، ارناۋلى قوعامدىق قۇتقارۋ - كومەكتەسۋدى، شۇعىل، قيىن كەزدەگى قوعامدىق قۇتقارۋ - كومەكتەسۋدى نەگىزگى تۇلعا ەتكەن، قوعامدىق كۇشتەر ات سالىسىپ تولىقتىراتىن، قامتۋى جالپى بەتتىك، ساتىعا، تۇرگە بولىنگەن، كەشەندى ءارى جوعارى ءونىمدى قوعامدىق قۇتقارۋ - كومەكتەسۋ ارناسىن قالىپتاستىرۋ كەرەك. ەرەكشە قيىنشىلىعى بار ادامداردىڭ ەرەكشەلىگى مەن قاجەتىنە قاراي دالمە - ءدال شارا قولدانىپ، قۇتقارۋ - كومەكتەسۋ قاراجاتتارىن دەر كەزىندە تولىق تاراتىپ، ۋاقىتشا قۇتقارۋ - كومەكتەسۋدى كۇشەيتىپ، تومەنگى شەكتەن تۇسىرمەي قامتاماسىز ەتۋگە، دالمە - ءدال قامتاماسىز ەتۋگە، جاقسى قامتاماسىز ەتۋگە شىنايى كەپىلدىك ەتۋ كەرەك. اۋىل - قىستاق قوعامدىق يگىلىك سالاسىنداعى ولقىلىقتاردى تولىقتاپ، اۋىل - قىستاقتاعى قارتتار، بالالار، ”ۇيدە قالعان بالالار، ۇيدە قالعان ايەلدەر جانە ۇيدە قالعان قارتتار مەن مۇگەدەكتەر“ سياقتى ەرەكشە جانە قيىنشىلىعى بار قاۋىمعا كوڭىل ءبولۋدى، ولارعا قامقورلىق جاساۋدى كۇشەيتۋ كەرەك. ىندەت سەبەبىنەن، اپات سەبەبىنەن قيىنشىلىققا ۇشىراعان بۇقاراعا ۋاقىتشا قۇتقارۋ - كومەكتەسۋ سەرپىنىن ارتتىرىپ، مۇگەدەكتەردى ساۋىقتىرۋ، تاربيەلەۋ، جۇمىستاندىرۋ سياقتى قىزمەتتەردى ويداعىداي ىستەپ، سەرگەلدەڭ قايىرشىلاردىڭ باس اماندىعى مەن نەگىزگى تۇرمىسىن قامتاماسىزداندىرىپ، رۋحاني كلتيپانى بار ادامدارعا كوڭىل ءبولىپ، قامقورلىق جاساپ، ايەلدەر مەن بالالاردى، قارتتاردى، مۇگەدەكتەردى قورلاۋ، جابىرلەۋ سياقتى زاڭعا قايشى ارەكەتتەردى باتىل تيۋ كەرەك.
ديڭ شۋەشياڭ، جاڭ چيڭلي، لي بين، ۋاڭ يۇڭچيڭ، گۋ شىڭزۋ قاتارلىلار بىرلەسكەن گرۋپپا جيىنىنا قاتىناستى.
