تيانشان تورى   ›   جاڭالىقتار   ›   ماڭىزدى حابارلار

شي جينپيڭ حالىقارالىق وليمپيادا كوميتەتىنىڭ ءتوراعاسى باحقا جاۋاپ حات قايتاردى

  شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. 3 - ايدىڭ 2 - كۇنى مەملەكەت ءتوراعاسى شي جينپيڭ حالىقارالىق وليمپيادا كوميتەتىنىڭ ءتوراعاسى باحقا جاۋاپ حات قايتاردى.

  شي جينپيڭ بىلاي دەپ اتاپ كورسەتتى: بەيجيڭ 2022 - جىلعى قىسقى وليمپيادا سپورت جارىسى تابىسپەن اياقتادى. جۇڭگو جاق وليمپيادا سپورت جارىسىن وتكىزۋ ۋادەسىن جان - جاقتى ورىنداپ، دۇنيە جۇزىنە ءبىر كەزەك ۇنەمشىل، حاۋىپسىز، تارتىمدى وليمپيادا سالتاناتىن ۇسىنىپ، حالىقارالىق قوعامنىڭ جوعارى باعاسىنا يە بولدى.

  شي جينپيڭ بىلاي دەپ باسا دارىپتەدى: بۇل جۇڭگو حالقىنىڭ تابىسى. جۇڭگو حالقى ءبىزدىڭ بەيجيڭ قىسقى وليمپيادا سپورت جارىسىن وتكىزۋىمىزدىڭ كۇش قاينارى. بەيجيڭ قىسقى وليمپيادا سپورت جارىسى ارقىلى جۇڭگودا 300 ميلليوننان استام ادام قار - مۇز سپورتىنا ات سالىسىپ، سالاماتتى جۇڭگو قۇرۋعا، حالىقتىڭ قۇت - ىرىسىن جەبەۋگە تىڭ قوزعاۋشى كۇش ۇستەدى، سونداي - اق بۇكىل الەمنىڭ قار - مۇز سپورتىنىڭ دامۋىنا ءتىپتى دە كەڭ ءورىس اشتى.

  شي جينپيڭ بىلاي دەپ باسا دارىپتەدى: بۇل دۇنيە ءجۇزى حالقىنىڭ تابىسى. دۇنيە ءجۇزىنىڭ جەر - جەرىندەگى وليمپيادا سپورت ساڭلاقتارى 5 ساقينالى تۋ استىنا جينالىپ، ءوزارا قۇرمەت كورسەتىپ، ءبىرىن - ءبىرى جىگەرلەندىرىپ، شىرقاۋ شەكتى بۇزىپ ءوتىپ، وزدەرىنىڭ ەڭ زور مۇمكىندىكتەرىن ساۋلەلەندىرىپ، ”اناعۇرلىم تەز، اناعۇرلىم ورەلى، اناعۇرلىم قۋاتتى − اناعۇرلىم ىنتىماقتى بولۋداي“ وليمپيادا جاڭا ناقىلىن مۇلتىكسىز ورىنداپ، دۇنيە ءجۇزى حالقىنا مەيىر مەن ءۇمىت سيلاپ، دۇنيە جۇزىنە بەيبىتشىلىك پەن دوستىقتىڭ تۇقىمىن شاشىپ، ادامزاتتىڭ ىنتىماقتى نىعايتۋداعى، ۋاقىتتىق قيىنشىلىقتى بىرگە جەڭۋدەگى، بولاشاققا بىرگە اتتانۋداعى قۋاتتى كۇشىن تاسقىنداتتى.

  شي جينپيڭ ءتوراعا باحتىڭ جانە حالىقارالىق وليمپيادا كوميتەتىنىڭ ۇزاق ۋاقىتتان بەرى بەيجيڭ قىسقى وليمپيادا سپورت جارىسىنا تاباندى قولداۋ كورسەتكەندىگىنە العىس ايتا كەلىپ، جۇڭگو ۇكىمەتىنىڭ حالىقارالىق وليمپيادا كوميتەتىمەن تىعىز سەلبەستىكتى ساقتاپ، حالىقارالىق وليمپيادا كوميتەتىنىڭ قىزمەتىنە بۇرىنعىداي قولداۋ كورسەتىپ، وليمپيادا رۋحىن باتىل ساقتاپ، وليمپيادا سپورت جارىسىنىڭ قارىشتاپ دامۋىن بىرگە جەبەپ، ادامزاتتىڭ تاعدىرلاس ورتاق تۇلعاسىن قۇرۋدىڭ شىت جاڭا تاراۋىن بىرگە جازۋدى قالايتىندىعىن اتاپ كورسەتتى.

  تاياۋدا باح ءتوراعا شي جينپيڭگە حات جازىپ، 2022 - جىلعى بەيجيڭ قىسقى وليمپيادا سپورت جارىسىنىڭ تابىسپەن اياقتاعاندىعىن قۇتتىقتاپ مىنالاردى ءبىلدىردى: ءتوراعا شي جينپيڭنىڭ كەرەمەت باسشىلىعىندا، جۇڭگو قىسقى سپورت مەملەكەتتەرى قاتارىنان ورىن الدى، 300 ميلليوننان استام ادام قار - مۇز سپورتىنا ات سالىستى. بۇل بەيجيڭ قىسقى وليمپيادا سپورت جارىسى جاراتقان قۇندى بايلىق، ول بۇكىل الەمنىڭ قىسقى سپورتىنىڭ جاڭا ءداۋىرىن اشتى. بەيجيڭ قىسقى وليمپيادا سپورت جارىسى ايبىندى ۋادەسىن ورىنداپ، جارىس وتكىزۋ نىساناسىن ەڭ جوعارى ولشەممەن جۇزەگە اسىرىپ، جارىسقا قاتىناسقان بارلىق ادامنىڭ حاۋىپسىزدىگىنە شىنايى كەپىلدىك ەتتى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.