شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى قارادى، جوسپار بايانداماسى مەن مەجە ەسەپ بايانداماسىن قاراپ تەكسەردى
ەركىن يمىرباقى، ما شيڭرۇي، ەركىن تۇنياز، شاۋكەت يمىن قاتىناستى
انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسى گرۋپپا جيىنىن وتكىزىپ، ۇكىمەت قىزمەتىنەن باياندامانى قارادى، جوسپار بايانداماسىن جانە مەجە ەسەپ بايانداماسىن قاراپ تەكسەردى.
مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، شاۋكەت يمىن، شوكىرات زاكىر، نايىم ياسىن قاتارلىلار قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار جيىنعا سىرتتاي قاتىناستى. مەملەكەتتىڭ مينيسترلىك - كوميتەتتەرىندەگى قاتىستى جولداستار بەينە ەكران ارقىلى پىكىر تىڭدادى.
ۋاكىل شوكىرات زاكىر بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن تولىق قۇپتايمىن. وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ قايسارلىقپەن العا تارتىپ، پارتيا مەن مەملەكەتتىڭ ءتۇرلى ىستەرىن ىلگەرىلەتۋدە تىڭ دا شۇعىلالى تابىستارعا قول جەتكىزدى. ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”ءبىر بەلدەۋ، ءبىر جولدى“ بىرگە قۇرۋدىڭ تاريحي ورايىن يگەرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تىڭعىلىقتى ىلگەرىلەتىپ، شينجياڭنىڭ وڭىرلىك ورىن، بايلىق، ساياساتتىق باسىمدىعىن تولىق ساۋلەلەندىرىپ، كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
ۋاكىل نايىم ياسىن بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن تولىق قۇپتايمىن. ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرگەن، ءبىزدىڭ سەنىمدى بەكەمدەپ، شىنايى يگەرىپ، ناقتى ىستەپ، بيىلعى قىزمەتتەردى ويداعىداي ىستەۋىمىز جونىنەن ماڭىزدى مانگە يە. ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، قوعامدىق كەلەلى جاعدايدىڭ ورنىقتىلىعىن ساقتاپ، حالىق تۇرمىسىن ۇزدىكسىز جاقسارتىپ، حالىق بۇقاراسىنىڭ كىرىسىن ۇزدىكسىز جوعارىلاتىپ، بىرگە بايۋدى تىڭعىلىقتى ىلگەرىلەتۋ كەرەك.
ۋاكىل لي ۋي بىلاي دەدى: ۇكىمەت قىزمەتىنەن باياندامانىڭ نىساناسى ايقىن، ساياساتى انىق بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ سەرگەك ستراتەگيالىق تۇجىرىمىن، بەرىك ساياسي سەنىمىن ايگىلەگەن. ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قايراتتانا ەكپىندەي العا ىلگەرىلەپ، ”14 - بەسجىلدىقتا“ تاماشا باستاما اشتى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ ەنەرگيا، بايلىق، وڭىرلىك ورىن سياقتى باسىمدىقتارىن تولىق ساۋلەلەندىرىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، ۇلعايتىپ، شينجياڭنىڭ شينجياڭعا كىرىپ - شىعاتىن زات اينالىمى دەڭگەيىن جوعارىلاتۋىنا قولداۋ كورسەتىپ، كاسىپ سالاسىنىڭ دامۋ ونىمدىلىگىن ۇزدىكسىز جوعارىلاتىپ، جوعارى ساپالى دامۋدى ىلگەرىلەتۋ كەرەك.
ۋاكىل ءزۇمىرات وبۇل بىلاي دەدى: وتكەن ءبىر جىلدا ەلىمىزدىڭ ەكونوميكالىق، قوعامدىق دامۋى تىڭ دا كەلەلى تابىستارعا قول جەتكىزىپ، ”14 - بەسجىلدىقتا“ تاماشا باستاما اشتى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى. ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايمىن. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولا وتىرىپ، ۇلت قىزمەتىن ويداعىداي ىستەپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋ كەرەك.
ۋاكىل عانيبات سابىكەي بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن تولىق قۇپتايمىن. 2021 - جىل پارتيا مەن مەملەكەت تاريحىندا بەلەستىك مانگە يە ءبىر جىل بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن ۇزدىكسىز بەكەمدەۋ كەرەك. مەملەكەتتىڭ ماكرولىق ەكونوميكالىق ساياساتىن مۇقيات دايەكتىلەندىرىپ، تياناقتاندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، نەگىزگى ساتىداعى ”ءۇشتى قامتاماسىز ەتۋدى“ تومەنگى شەكتەن تۇسىرمەي بەكەمدەپ، ساياساتتىڭ ونىمدىلىگىن ۇزدىكسىز جوعارىلاتۋ كەرەك.
ۋاكىل مۇقيات جارمۇقامەت بىلاي دەدى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن ءسىڭىرىپ، حالىقتى وزەك ەتكەن دامۋ يدەياسىن جانە قامال الىپ، قيىندىقتاردى جەڭۋ سەنىمىن، بەكىمىن تولىق ايگىلەپ، جۇرت كوڭىلىن جەلپىندىرىپ، ەكپىندەي ىلگەرىلەۋگە جەبەدى. ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايمىن. يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، زاڭمەن باسقارىلاتىن شينجياڭ قۇرىلىسىن كۇشەيتىپ، ”ءبىر بەلدەۋ، ءبىر جولدى“ جوعارى ساپالى قۇرۋعا قىزمەت ەتىپ جانە توعىسىپ، جۇڭحۋا ۇلتى ورتاق تۇلعا تانىمىن بەرىك ورناتىپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتۋ كەرەك.
ۋاكىل جۋ حايلۇن بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن تولىق قۇپتايمىن. ۇكىمەت قىزمەتىنەن باياندامانىڭ ساياسي دەڭگەيى جوعارى، نىسانا - مىندەتى ايقىن، ماسەلەگە تالداۋ جاساۋى ءدال، ساياسات - شارالارى ناقتى. باياندامانى تىڭداۋ، ۇيرەنۋ ءبىزدىڭ ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ تۇسىنۋىمىزگە مۇمكىندىك جاساپ، ”ەكىنى قورعاۋدى“ ورىنداۋىمىزداعى ساياسي سانالىلىعىمىزدى اناعۇرلىم بەكەمدەدى. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، شينجياڭنىڭ ەمدەۋ - دەنساۋلىق ساقتاۋ قۇرىلىسىن جەدەلدەتىپ، نەگىزگى ساتى كادرلارىنا كوڭىل ءبولىپ، قامقورلىق جاساپ، ءىس جۇزىندىك ارەكەت ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرۋ كەرەك.
ۋاكىل پىڭ جيارۇي بىلاي دەدى: ۇكىمەت قىزمەتىنەن باياندامانىڭ ءون - بويىنا شي جينپيڭ جاڭا ءداۋىر جۇڭگوشا سوتسياليزم يدەياسى سىڭىرىلگەن، ول ءار ۇلت بۇقاراسىنىڭ تاماشا تۇرمىسقا دەگەن جاڭا تىلەگىنە جاۋاپ قايتارىپ، ناتيجەلەردى جان - جاقتى، وبيەكتيۆ قورىتىندىلاپ، قىزمەتتەردى شىنايى ارەكەتكە ءمان بەرە وتىرىپ ناقتى ورنالاستىردى. ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايمىن. پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ءىس جۇزىندىك جاعدايمەن بىرلەستىرە وتىرىپ 2022 - جىلعى ەكونوميكالىق، قوعامدىق دامۋدىڭ ءتۇيىندى مىندەتتەرى مەن شەشۋشى شارالارىن تياناقتاندىرىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، شينجياڭنىڭ ”ءۇش بازا، ءبىر ارنا“ قۇرىلىسىن ىلگەرىلەتىپ، جوعارى ساپالى دامۋدى قۇلشىنا جۇزەگە اسىرۋ كەرەك.
ۋاكىل ابدۇرىقىپ ءتومۇرنياز بىلاي دەدى: ۇكىمەت قىزمەتىنەن بايانداما ەلىمىزدىڭ ەكونوميكالىق دامۋى، حالىق تۇرمىسىن جاقسارتۋ، قوعامنىڭ جاراسىمدىلىعى، ۇلتتاردىڭ تاتۋلىعى، ءدىننىڭ ۇيلەسىمدىلىگى سياقتى جاقتارداعى ناتيجەلەردى شىندىقتى ءىس جۇزىنەن ىزدەي وتىرىپ بەينەلەدى. ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايمىن. ءبىز پارتيانىڭ ءدىن قىزمەتى نەگىزگى باعىتىنا تاباندى بولىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىني قايراتكەرلەردىڭ رولىن اناعۇرلىم ويداعىداي ساۋلەلەندىرىپ، شينجياڭدا ءىسلام ءدىنىن سوتسياليستىك قوعامعا ۇيلەسۋگە جەتەكتەيمىز.
ۋاكىل ءدىلشات قىدىرقان بىلاي دەدى: ۇكىمەت قىزمەتىنەن باياندامانى جانە جوسپار بايانداماسىن، مەجە ەسەپ بايانداماسىن تولىق قۇپتايمىن. ۇكىمەت قىزمەتىنەن بايانداما كۇشتى ساياسي جاۋاپكەرشىلىك، تەرەڭ حالىقشىل سۇيىسپەنشىلىك جانە بەرىك بورىش تانىمىن ايگىلەپ، جۇرت كوڭىلىن جەلپىندىرىپ، ەكپىندەي ىلگەرىلەۋگە جەبەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋعا تاباندى بولىپ، قوعامدىق كەلەلى جاعدايدىڭ ورنىقتىلىعىن ۇزدىكسىز بەكەمدەپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتىپ، ستيلدى ۇزدىكسىز جاقسارتىپ، شىنايى يگەرىپ، ناقتى ىستەپ، ءار ۇلت بۇقاراسىنىڭ تۇرمىسىن جىلدان - جىلعا جاقسارتا ءتۇسۋ كەرەك.
مەملەكەتتىك حالىق قۇرىلتايىنىڭ ۋاكىلدەرى ياسىن سىدىق، جوۋ شۇييۇڭ، قايسار ابدۇكەرىم، مۇساجان نۇردۇن، يوۋ لياڭيىڭ، پارحات روزى، نياز ءاشىم، پۋربا دۇگرجاپ، جاۋ جينلۇڭ، قۇرماش سىرجان، مۋسا مامەت قاتارلىلار جەكە - جەكە ءسوز كەزەگىن الىپ، ۇكىمەت قىزمەتىنەن بايانداما مەن جوسپار بايانداماسىن، مەجە ەسەپ بايانداماسىن تولىق قۇپتايتىندىقتارىن ءبىلدىردى، سونداي - اق ەكونوميكانىڭ جوعارى ساپالى دامۋى، اۋىل - قىستاقتى گۇلدەندىرۋ، ەرەكشەلىككە يە كاسىپ سالالارى، ەمدەۋ - دەنساۋلىق ساقتاۋ، شينجياڭدى مادەنيەتپەن نارلەندىرۋ، وقۋ - اعارتۋ ىستەرى، نەگىزگى ساتىنىڭ اۋىرتپالىعىن جەڭىلدەتۋ، ەكولوگيالىق ورتانى قورعاۋ، قازىنالىق قولداۋدى كۇشەيتۋ سياقتىلار جونىندە پىكىر - ۇسىنىستارىن قويدى.
