شينجياڭدا تۇراتىن مەملەكەتتىك ساياسي كەڭەستىڭ مۇشەلەرى ۇكىمەت قىزمەتىنەن بايانداما قاتارلىلاردى تالقىلادى
جوعارى ساپالى دامۋدى ىلگەرىلەتۋگە اقىل - پاراسات ارناپ، كۇش - قۋات توپتايمىز
انار بۇلت / شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 6 - كۇنى بەيجيڭنەن ۇرىمجىگە جالعاپ بەرگەن حابارى. 3 - ايدىڭ 6 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەستىڭ مۇشەلەرى جەكە - جەكە ءارقايسى سالالىق گرۋپپالاردا ۇكىمەت قىزمەتىنەن بايانداما قاتارلىلاردى تالقىلادى. شينجياڭدا تۇراتىن مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپا تالقىسىنا قاتىناستى.
مۇشە نۇرلان ءابىلماجىن بىلاي دەدى: بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بارىسىنا سىڭىرگەن، شىندىققا جۇگىنىپ، ناقتى ءىس ىستەۋگە تالپىنعان، جۇرت كوڭىلىن جەلپىندىرگەن تاماشا بايانداما بولدى. ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوننىڭ رەفورما، دامۋ، ورنىقتىلىق سىندى ءتۇيىندى قىزمەتتەرىمەن تىعىز بايلانىستىرا وتىرىپ ۇسىنىس قويىپ، ۇكىمەت ءىسىن اقىلداسۋ جانە ورتاق تانىم ۇيىستىرۋ سىندى ەكى جاققا كۇش سالۋعا تاباندى بولىپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋعا ۇلەس قوسىپ، ۇزدىك ناتيجەمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
”كۇردەلى دە قاتاڭ ەل ءىشى - سىرتى جاعدايى مەن كوپتەگەن حاۋىپ - قاتەر، سىن - سايىس الدىندا، وسىنشاما ماقتانارلىق ناتيجەگە قول جەتكىزۋ، راسىندا، وڭاي ەمەس“. مۇشە باۋ انميڭ بىلاي دەدى: ۇكىمەت قىزمەتىنەن بايانداما بۇقارانىڭ كۇتكەنىنە ءۇن قاتىپ، دامۋدىڭ قاجەتىن اشىق ايتىپ، مۇشەلەردىڭ قىزمەت مىندەتىن وتەۋىنە اناعۇرلىم ايقىن بەتالىس كورسەتتى. باياندامادا ”ەكولوگيالىق ورتانى ۇزدىكسىز جاقسارتىپ، جاسىل، تومەن كومىر قىشقىل گازدى دامۋدى ىلگەرىلەتۋ“ اتاپ كورسەتىلدى. عىلمي زەرتتەۋدىڭ ءبىرىنشى شەبىندە كۇرەس جاساپ جاتقان ساياسي كەڭەس مۇشەسى رەتىندە، ءسوز جوق، ورايدى مىقتاپ يگەرىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرامىز.
مۇشە جيا ديانزىڭ بىلاي دەدى: بايانداما حالىق تۇرمىسىنىڭ ىرىس - قۇتىنا نازار اۋدارىپ، نازىك تۇستاردان باستاپ يگەرگەن، اسىرەسە، وقۋ - اعارتۋدى دامىتۋعا ايقىن تالاپ قويعان، ايرىقشا جەلپىندىم. ول مىنالاردى ءبىلدىردى: شينجياڭ داشۋەسىنىڭ دارىندىلار قوسىنى مەن جاڭالىق اشۋ تۇعىر قۇرىلىسىن اناعۇرلىم كۇشەيتىپ، ەرەكشەلىكتى كورنەكتىلەندىرىپ، قىزمەت وتەۋدى كۇشەيتىپ، ساپانى جوعارىلاتۋ جاعىندا كۇش سالىپ، شينجياڭنىڭ جوعارى دارەجەلى وقۋ - اعارتۋىنىڭ ماندىك دامۋىن جەبەۋگە، ەرەكشەلىگىن دامىتۋعا اقىل - پاراساتىمدى جانە كۇش - قۋاتىمدى ارنايمىن.
”ۇكىمەت قىزمەتىنەن بايانداما حالىق تۇرمىسىمەن جاناسقان، جۇرت تىلەگىن ۇيىستىرعان، نىساناسى ايقىن، شارالارى ناقتى“. مۇشە ەرزات زادا بىلاي دەدى: بايانداما ەمدەۋ - دەنساۋلىق ساقتاۋعا قىزمەت وتەۋ قابىلەتىن جوعارىلاتۋدى العا قويدى، يىعىمىزداعى بورىشتى تەرەڭ سەزىندىك. ءبىز اۋرۋدىڭ الدىن الۋ، تىزگىندەۋ تورىن ۇزدىكسىز اقاۋسىزداندىرىپ، كاسىپتىك قوسىن قۇرىلىسىن كۇشەيتىپ، ءىس جۇزىندىك ارەكەتىمىز ارقىلى سالاماتتى جۇڭگو قۇرىلىسى ءۇشىن قۇلشىنا كۇرەس جاسايمىز.
”ەرەكشە شابىتتاندىرىپ، ايرىقشا جەلپىندىردى!“. مۇشە باعداۋلەت مىنالاردى ءبىلدىردى: بۇدان كەيىنگى قىزمەتكە تولىق سەنىمدىمىز، جاڭا جاعدايدا ساياسي كەڭەس مۇشەلەرىنىڭ مىندەت وتەۋ قىزمەتىنىڭ جاڭا جولىنا، جاڭا تاسىلىنە بەلسەندى ىزدەنىس جاساپ، جاۋاپكەرشىلىك ارقالاۋدى كۇشەيتىپ، مىندەت وتەپ، جاۋاپكەرشىلىكتى ادا ەتۋگە تاباندى بولامىز.
شينجياڭدا تۇراتىن مەملەكەتتىك ساياسي كەڭەس مۇشەلەرى دۇڭ شينگۋاڭ، كۇڭ شيڭلۇڭ، پىڭ يۇڭ، ءمۇتالىپ قاسىم، ورگۇل جاپپار، ليۋ جيانشين، ۋان حايچۋان، ماعاۋ سەيىتقامزا، عايرات ءومار قاتارلىلار تالقىعا قاتىناستى.
