− باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىز ۋاكىلدەرى، مۇشەلەرى جانە كادر - بۇقاراسى اراسىندا قىزۋ اڭىس قوزعادى
□ انار بۇلت / شينجياڭ گازەتىنىڭ تىلشىلەرى
3 - ايدىڭ 5 - كۇنى باس شۋجي شي جينپيڭ 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزى رايونىمىزدىڭ مەملەكەتتىك ەكى ماجىلىسكە قاتىناسىپ جاتقان ۋاكىلدەرىن، مۇشەلەرىن جانە ءار ۇلت كادر - بۇقاراسىن بارىنشا جىگەرلەندىردى. كوپشىلىك مىنالاردى ءبىلدىردى: شىن مانىندە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جەدەلدەتە قامشى باسىپ، اسقاق جىگەرمەن قايراتتانا ۇمتىلىپ، ىنتىماقتاسا كۇرەس جاساپ، اناردىڭ دانىندەي تىعىز ۇيىسىپ، ۇلى وتانىمىزدى بىرگە گۇلدەندىرىپ، تاماشا تۇرمىستى بىرگە جاراتىپ، جاڭا داۋىردەگى شينجياڭ قىزمەتىنىڭ شىت جاڭا تاراۋىن جازامىز.
باس شۋجي شي جينپيڭ ۇلتتار ىنتىماعى − ەلىمىزدەگى ءار ۇلت حالقىنىڭ جانى، جۇڭحۋا ۇلتى ورتاق تۇلعا تانىمى − ۇلتتار ىنتىماعىنىڭ تياناعى ەكەندىگىن باسا دارىپتەدى. اقسۋ قالاسى لانگان ءمالىسى چاۋياڭ الەۋمەتتىك اۋماعى پارتيا ياچەيكاسىنىڭ شۋجيى چۋ يۇيدۇڭ بۇدان تەرەڭ اسەر الدى.
”الەۋمەتتىك اۋماعىمىزدا حانزۋ، ۇيعۇر، حۇيزۋ، قازاق سياقتى كوپ ۇلت بار، تالاي جىلدان بەرى، ءار ۇلت تۇرعىندارى ەسىكتەس كورشى وتىرىپ، بىرگە تۇرۋ، بىرگە ۇيرەنۋ، بىرگە ىستەۋ، بىرگە شاتتانۋ بارىسىندا ارالاسىپ، ىشتەسىپ، توعىسىپ، كوپشىلىك ءبىر ءۇيلى جانداي بىرگە جاساپ كەلەدى“. چۋ يۇيدۇڭ مىنالاردى ءبىلدىردى: باس شۋجي شي جينپيڭ ايتقانداي، ۇلتتار ىنتىماقتى دا جاراسىمدى بولسا، مەملەكەت گۇلدەنىپ - كوركەيەدى، قوعام تىنىش بولادى، حالىق باقىتقا كەنەلەدى. بۇدان كەيىن ءبىز جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، مۇرات، سەنىم، سۇيىسپەنشىلىك، مادەنيەت جاعىندا اناعۇرلىم ىنتىماقتى، ءبىر تۇتاس بولىپ، جۇڭحۋا ۇلتى ورتاق تۇلعا يدەيالىق نەگىزىن ۇزدىكسىز بەكەمدەيمىز.
”باس شۋجي جۇڭحۋا ۇلتى ورتاق تۇلعا تانىمىن بەرىك ورناتۋدا ءارى كوزبەن كورىپ، قولمەن ۇستاۋعا بولاتىن قىزمەت ىستەۋ، ءارى قىرۋار ’ىجداعاتتىلىقپەن نارلەندىرەتىن‘ ءىس تىندىرۋ كەرەكتىگىن اتاپ كورسەتتى“. مەملەكەتتىك ساياسي كەڭەستىڭ مۇشەسى، شينجياڭ شىفان داشۋەسىنىڭ ورىنباسار باستىعى گۇلپاري ابدۇللا مىنالاردى ءبىلدىردى: جوعارى مەكتەپ ۇلتتار ىنتىماعى، العاباسارلىعى تاربيەسىن كۇشەيتەتىن ماڭىزدى شەپ. بۇدان كەيىن جۇڭحۋا ۇلتى ورتاق تۇلعا تانىمىن بەرىك ورناتۋدى وقىتۋ جۇرگىزۋدىڭ، مەكتەپ باسقارۋدىڭ جالپى بارىسىنا، ءارقايسى جاقتارىنا ءسىڭىرىپ، وقۋشىلاردى ”بەستى شىنايى مويىنداۋدى“ ۇزدىكسىز كۇشەيتىپ، اناردىڭ ءدانى بولۋعا ۇمتىلىپ، ۇلتتار ىنتىماعىن كوز قاراشىعىن ايالاعانداي ايالاۋعا، ءوز ءومىرىن قاستەرلەگەندەي قاستەرلەۋگە تاربيەلەپ، جەتەكتەپ، ۇلتتىڭ گۇلدەنۋى ۇلى مىندەتىن ارقالايتىن ءداۋىر جاڭا ادامدارىن باۋلۋعا قۇلشىنامىز.
”جاڭا داۋىردەگى پارتيا مەن حالىقتىڭ ەكپىندەي ىلگەرىلەۋ بارىسىنا قايىرىلا قاراعان باس شۋجي شي جينپيڭ ’5 ءسوزسىز باسىپ وتەتىن جول‘ ارقىلى بۇكىل ەلدەگى ءار ۇلت حالقىنا بولاشاقتاعى العا باسۋ بەتالىسىن ايقىنداپ بەردى“، - دەدى مەملەكەتتىك حالىق قۇرىلتايىنىڭ ۋاكىلى، كورلا قالاسى تەكەشى اۋىلدىق پارتكومنىڭ ورىنباسار شۋجيى، تومەنگى چياچي قىستاعى پارتيا ياچەيكاسىنىڭ شۋجيى لي بين بەكەم رايمەن.
”باس شۋجي شي جينپيڭ پارتيانىڭ جالپى بەتتىك باسشىلىعىنا تاباندى بولۋ − جۇڭگوشا سوتسياليزمگە تاباندى بولۋداعى جانە ونى دامىتۋداعى، ءسوزسىز، باسىپ وتەتىن جول ەكەندىگىن اتاپ كورسەتتى. سوڭعى جىلدارى، اۋىلداستار المۇرت كاسىپ سالاسىنا سۇيەنىپ، تولىعىمەن كەدەيلىكتەن ارىلىپ قالماستان، قالتالارى دا قامپايا ءتۇستى، تۇرمىستارى دا بارعان سايىن جاقساردى، مىنە بۇل پارتيانىڭ جالپى بەتتىك باسشىلىعىنىڭ ارقاسى“. لي بين بىلاي دەدى: ءبىز ”5 ءسوزسىز باسىپ وتەتىن جولدى“ ىشكەرىلەي ءتۇسىنىپ جانە يگەرىپ، پارتيانىڭ باسشىلىعىندا، ءار ۇلت كادر - بۇقاراسى ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزسا، جاڭا جورىقتا، ءسوزسىز، اناعۇرلىم شۇعىلالى ناتيجەگە قول جەتكىزە الاتىندىعىمىزعا سەنۋىمىز كەرەك.
”ءبىز شينجياڭنىڭ جاراسىمدى دا باقىتتى بۇگىنگى كۇنىنىڭ ءار ۇلت كادر - بۇقاراسىنىڭ ىنتىماقتاسا كۇرەس جاساۋىنىڭ ناتيجەسى ەكەندىگىن تەرەڭ سەزىندىك. مىنە مۇنىڭ ءوزى ءدال باس شۋجي اتاپ كورسەتكەن ’ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ىستەر ىستەۋىندەگى، ءسوزسىز، باسىپ وتەتىن جول‘ ەكەندىگىنىڭ پارمەندى دالەلى“. اۆتونوميالى رايوندىق جوعارى حالىق سوتى مەكەمەسى قارت كادرلار باسقارماسىنىڭ باستىعى اينۇر ابىليميت بىلاي دەدى: ”ءبىز مىناعان كامىل سەنەمىز: تەك پارتيانىڭ باسشىلىعىندا، ءار ۇلت حالقى ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزسا بولعانى، العا باسۋ جولىنداعى قيىنشىلىق، سىن - سايىس اتاۋلىنى، ءسوزسىز، جەڭىپ، وتانىمىزدىڭ شينجياڭىن اناعۇرلىم كورىكتى ەتىپ قۇرىپ شىعا الامىز!“.
(ءتىلشى جاڭ يانفاڭ، قاتىناسقان تىلشىلەر لياڭ ليحۋا، چىن چياڭۋي، ياڭ شۋحان، فان چيۇڭيان، شى شين، جاڭ تيڭ، جاڭ جىلي، ميھىرگۇل عوپۇر، ەرىكتى ءتىلشى شى چيان)
