ۋاكىل شۇي تاۋ:
”بۇقارانى مەيىرگە بولەيتىن ۋاكىل بولۋعا قۇلشىنامىن“
□ انار بۇلت / شينجياڭ گازەتىنىڭ ءتىلشىسى حي حۇڭۋي
”بيىل مەن ەرىكتىلەر زاڭىن ورناتۋ، كەمەلدەندىرۋ، قوسىننان بوساعان اسكەريلەردى قوعامدىق قىزمەت وتەۋگە ات سالىسۋعا ۇيىمداستىرۋ، جۇمىلدىرۋ سياقتى جاقتاردان ۇسىنىس قويامىن“. 3 - ايدىڭ 5 - كۇنى مەملەكەتتىك ەكى ماجىلىسكە قاتىناسىپ جاتقان مەملەكەتتىك حالىق قۇرىلتايىنىڭ ۋاكىلى، قۇتىبي اۋدانى لەي فىڭ اۆتوموبيل اترەتىنىڭ باستىعى شۇي تاۋ وسىلاي دەدى.
”مەنىڭ ەرىكتىلەر قاۋىمىنا نازار سالعانىما 5 جىل بولدى، ەرىكتىلەردىڭ قىزمەت وتەۋ ساپاسىن ونان ارى جوعارىلاتۋ سياقتىلار جونىندە ۇسىنىس قويىپ، بارىنە دەر كەزىندە جاۋاپ الدىم“، - دەدى شۇي تاۋ.
شۇي تاۋ تاكسي شوفەرى، وسى كاسىپپەن اينالىسقانىنا 20 نەشە جىل بولدى. 2007 - جىلى ول بىرنەشە تاكسي شوفەرىمەن بىرگە قۇتىبي اۋدانى لەي فىڭ اۆتوموبيل اترەتىن قۇرىپ، ءوزى اترەت باستىعى بولدى.
مىندەتىن اتقارىپ، جاۋاپكەرشىلىگىن ادا ەتۋ جولىندا شۇي تاۋدىڭ حالىق رايىنا قۇلاق ءتۇرۋ، جيناي ءجۇرۋ سىندى تابيعي ارتىقشىلىعى بار. ول ءار كۇنى جولاۋشىلاردى اپارىپ - اكەلۋ جولىندا جولاۋشىلارمەن شۇيىركەلەسۋ ارقىلى قوعام جاعدايىن، حالىق رايىن جيناي جۇرەدى.
”تۇرلىشە كاسىپتەگى، تۇرلىشە جاستاعى جولاۋشىلارمەن اڭگىمەلەسۋ ارقىلى بۇقارانىڭ كوپتەگەن تالاپ - تىلەكتەرىنەن حاباردار بولدىم ءارى مۇقيات ەستەلىككە الىپ، رەتتەۋ ارقىلى ۇيلەسىمدى ۇسىنىسقا اينالدىردىم“، - دەدى شۇي تاۋ.
مەملەكەتتىك حالىق قۇرىلتايىنىڭ ۋاكىلى بولىپ سايلانعاننان بەرى شۇي تاۋ ءوزىنىڭ حالىققا قىزمەت وتەۋ ورەسىن ۇزدىكسىز جوعارىلاتتى. ول الەۋمەتتىك اۋماقتاردى، اۋىل - قىستاقتاردى ارالاپ، نەگىزگى ساتىداعى بۇقارانىڭ كوڭىل ءبولىپ وتىرعان ماسەلەلەرىنە نازار اۋدارىپ، بۇقارانى مازالاعان، ۋايىمداتقان، الاڭداتقان ىستەردى جاقىننان ءبىلدى ءارى ءبىرسىپىرا ۇسىنىس قويدى.
قوسىننان بوساعان اسكەري رەتىندە شۇي تاۋ باستان - اياق لەي فىڭ رۋحىن امالياتتا ايگىلەدى. ول اترەتتەستەرىمەن بىرگە ۇنەمى بالالار جانە قارتتار، دەنساۋلىعى ناشارلار، ناۋقاستار، مۇگەدەكتەر سياقتى كومەككە ءزارۋ ادامداردى تەگىن اپارىپ - اكەلدى، ولاردىڭ ارەكەتى ءتىپتى دە كوپ قوسىننان بوساعان اسكەريلەردى ەرىكتىلەر قوسىنىنا قوسىلۋعا باستادى.
شۇي تاۋ ەرىكتىلەر قوسىنىنىڭ ۇزدىكسىز ۇلعايۋىنا ىلەسە، ەرىكتى قىزمەت وتەۋ ءتۇرىنىڭ الۋان تۇرلىلەنۋىمەن بىرگە، ولشەمسىز بولۋ، ۇقىق - مۇددەنى قامتاماسىزداندىرۋ جەتكىلىكسىز بولۋ، سيلاۋ مەحانيزمىنىڭ جەتەرلىكتەي كەمەلدى بولماۋى سياقتى ماسەلەلەردىڭ ساقتالىپ وتىرعاندىعىن بايقادى.
بۇعان شۇي تاۋ مىناداي ۇسىنىس قويدى: ەرىكتى قىزمەت وتەۋ ۇجىمى ءتۇزىلىسى قۇرىلىسىن كۇشەيتىپ، زاڭ بويىنشا ۇيلەسىمدى ەرەجە - ءتۇزىم شىعارىپ، ەرىكتىلەر قوسىنىن ولشەمدى، ۇيلەسىمدى، جۇيەلى ەتىپ، ۇكىمەتتىڭ جەتەكتەۋىن، سۇيەمەلدەۋىن كۇشەيتىپ، ەرىكتىلەر شوعىرىنىڭ جاڭا داۋىردە دامىپ زورايۋىنا شىنايى كەپىلدىك ەتۋ كەرەك.
قايتكەندە حالىق قۇرىلتايى ۋاكىلىنىڭ رولىن جوعارى ونىممەن ساۋلەلەندىرىپ، حالىق بۇقاراسىنىڭ تاماشا تۇرمىسقا دەگەن تىلەگىنە اناعۇرلىم ويداعىداي جاۋاپ قايتارۋعا بولاتىندىعى دا شۇي تاۋ باس قاتىرىپ كەلە جاتقان ماسەلەنىڭ ءبىرى. ”نازاريالىق ورەنى جوعارىلاتۋمەن بىرگە، تاعى نازاريانى امالياتقا اينالدىرۋعا كوڭىل ءبولۋ، نەگىزگى ساتىعا ىشكەرىلەي ەنىپ، باعىتتامالى تۇردە تەكسەرۋ - زەرتتەۋ جۇرگىزىپ، كوپ جاقتىڭ پىكىر - ۇسىنىستارىن مۇقيات تىڭداۋ كەرەك“، - دەدى شۇي تاۋ: ”مەن لەي فىڭ اۆتوموبيل اترەتى ارقىلى اناعۇرلىم مول مەيىر جەتكىزىپ، بۇقاراعا جان اشىر ۋاكىل، بۇقارانى مەيىرگە بولەيتىن ۋاكىل بولعىم كەلەدى“.
