تيانشان تورى   ›   جاڭالىقتار   ›   ماڭىزدى حابارلار

ارميانى زاڭمەن باسقارۋ ستراتەگياسىن دايەكتىلەندىرىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتۋ كەرەك

شي جينپيڭ ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى

ارميانى زاڭمەن باسقارۋ ستراتەگياسىن دايەكتىلەندىرىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتۋ كەرەك

  3 - ايدىڭ 7 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ءارى ماڭىزدى ءسوز سويلەدى.

  □ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى (تىلشىلەر لي ليحان، مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: ارميانى زاڭمەن باسقارۋ− پارتيامىزدىڭ ارميا قۇرۋداعى، ارميانى باسقارۋداعى نەگىزگى ءتاسىلى، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋىنىڭ قاجەتتى تالابى. ارميانى زاڭمەن باسقارۋ ستراتەگياسىن دايەكتىلەندىرىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتىپ، ارميانى قۇدىرەتتەندىرۋ ىستەرىن ىلگەرىلەتۋدى زاڭمەن باسقارۋ جاعىنان پارمەندى قامتاماسىزدىق ازىرلەۋ كەرەك.

  ماجىلىستە حى لەي، شۇي شيشىڭ، لياڭ ياڭ، جياڭ چيڭچۇن، ۋاڭ جىنگو، گاۋ بۋميڭ قاتارلى 6 ۋاكىل جەكە - جەكە ءسوز سويلەپ، اسكەري ىستەر زاڭ ەرەجە، ءتۇزىم جۇيەسىن كەمەلدەندىرۋ، اسكەري ىستەر كۇرەسىنە زاڭ قاعيدالار دايىندىعىن ويداعىداي ىستەۋ، اسكەريلەردىڭ زاڭدى ۇقىق - مۇددەسىن زاڭ بويىنشا قامتاماسىز ەتۋ، مەملەكەت قورعانىسى عىلىم - تەحنيكاسىندا جاڭالىق اشۋدى جەدەلدەتۋ، مەملەكەت قورعانىسىنا جۇمىلدىرۋدا جاڭالىق اشا دامۋدى ىلگەرىلەتۋ سياقتى ماسەلەلەر جونىندە پىكىر جانە ۇسىنىس بەردى.

  ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: وتكەن ءبىر جىلدا بۇكىل ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، ءبىر جاعىنان، كۇرەس جۇرگىزىپ، ءبىر جاعىنان، سوعىسقا دايىندالىپ، ەندى ءبىر جاعىنان، قۇرىلىس جۇرگىزىپ، ”14 - بەسجىلدىقتا“ تاماشا باستاما باستاپ، پارتيا مەن مەملەكەت ىستەرىنىڭ دامۋىنا پارمەندى تىرەك ازىرلەدى.

  شي جينپيڭ ارميانى زاڭمەن باسقارۋ ستراتەگياسىن دايەكتىلەندىرۋدى ايرىقشا باسا دارىپتەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى ارميانى زاڭمەن باسقارۋدى مەملەكەتتى جاپپاي زاڭمەن باسقارۋدىڭ جالپى ارناسىنا ەنگىزدى، پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ارميانى زاڭمەن باسقارۋ جونىندە ماڭىزدى ورنالاستىرۋ جاسادى، ورتالىق اسكەري ىستەر كوميتەتى جاڭا جاعدايدا ارميانى زاڭمەن باسقارۋدى، ارميانى قاتاڭ باسقارۋدى ىشكەرىلەي ىلگەرىلەتۋ جونىندە ارناۋلى قاۋلى شىعاردى. سوڭعى جىلدارى قاجىماي - تالماي قۇلشىنىس جاساۋ ارقىلى ارميانى زاڭمەن باسقارۋ امالياتىندا كەلەلى ىلگەرىلەۋشىلىككە قول جەتكىزدىك. پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ارميانى زاڭمەن باسقارۋ ستراتەگياسىن دايەكتىلەندىرۋ ورتاعا قويىلدى، بۇل پارتيا ورتالىق كوميتەتىنىڭ جاڭا داۋىردەگى ارميا قۇرۋ، ارميانى باسقارۋ ەرەكشەلىگى مەن زاڭدىلىعىن يگەرىپ، ارميانى قۇدىرەتتەندىرۋ ىستەرىنىڭ جالپى جاعدايىن شىعار ءتۇيىن ەتە وتىرىپ جاساعان ماڭىزدى شەشىمى، ورنالاستىرۋى.

  شي جينپيڭ بىلاي دەپ باسا دارىپتەدى: ارميانى زاڭمەن باسقارۋ ستراتەگياسىن جاپپاي يگەرۋ كەرەك. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن دايەكتىلەندىرىپ، ارميامىزدىڭ توڭكەرىستەنۋ، وسىزاماندانۋ، جۇيەلىلەنۋ قۇرىلىسىن جاپپاي كۇشەيتۋدى كوزدە ۇستاپ، جۇڭگولىق ەرەكشەلىكتەگى اسكەري ىستەردى زاڭمەن باسقارۋ جۇيەسىن ورناتىپ، ارميانى باسقارۋ تاسىلىندە ءتۇبىرلى بۇرىلىس جاساۋدى جەدەلدەتىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتۋ كەرەك. پارتيانىڭ ارمياعا شارتسىز باسشىلىعىنان جازباۋ، جاۋىنگەرلىك قۋات ولشەمىنە تاباندى بولۋ، جۇڭگولىق ەرەكشەلىكتەگى اسكەري ىستەردى زاڭمەن باسقارۋ جۇيەسىن قۇرۋعا تاباندى بولۋ، زاڭمەن باسقارۋ تالابى بويىنشا ارميانى باسقارۋ تاسىلىنە بۇرىلىس جاساۋعا تاباندى بولۋ، ارميانى قاتاڭ باسقارۋدىڭ بولاتتاي بەرىك تارتىبىنە تاباندى بولۋ، باسشى كادرلار سىندى شەشۋشى ازشىلىقتى مىقتى يگەرۋگە تاباندى بولۋ، وفيتسەر - جاۋىنگەرلەردىڭ نەگىزگى تۇلعالىق ورنىنا تاباندى بولۋ، مەملەكەتتى جاپپاي زاڭمەن باسقارۋ تالابىن دايەكتىلەندىرۋگە تاباندى بولۋ كەرەك.

  شي جينپيڭ بىلاي دەپ اتاپ كورسەتتى: ارميانى زاڭمەن باسقارۋ ستراتەگياسىن دايەكتىلەندىرۋ − جۇيەلى ينجەنەريا، جالپى جاعدايدى ءبىر تۇتاس جوسپارلاپ، ءتۇيىندى كورنەكتىلەندىرىپ، تۇيىندەردەن قامال الۋ ارقىلى جالپى تۇلعالىق ىلگەرىلەتۋگە جەتەكشىلىك ەتۋ كەرەك. اسكەري زاڭ شىعارۋ قىزمەتىن تەرەڭدەتىپ، ساياسات - ءتۇزىم رەفورماسىنان قامال الۋ شايقاسىن ويداعىداي جۇرگىزىپ، زاڭ شىعارۋ ساپاسىن جوعارىلاتىپ، زاڭ شىعارۋدىڭ جۇيەلىلىگىن، تۇتاستىعىن، سايكەسىمدىلىگىن كۇشەيتۋ كەرەك. زاڭ ەرەجەنى، ءتۇزىمدى اتقارۋ قىزمەتىن ويداعىداي ىستەپ، بىرلەسىپ سوعىس جۇرگىزۋ زاڭ ەرەجەسىن، ءتۇزىمىن تياناقتاندىرىپ، زاڭ بويىنشا جاتتىعۋدى، باعدارلاما بويىنشا جاتتىعۋدى تەرەڭدەتىپ، ارميامىز قۇرىلىسى جوبا - جوسپارىنىڭ بۇلجىماس تەجەمىن كۇشەيتىپ، اسكەري بولىمدەردى قاتاڭ باسقارۋدى زاڭ بويىنشا كۇشەيتۋ كەرەك. زاڭ ەرەجەنىڭ، ءتۇزىمنىڭ اتقارىلۋىن باقىلاۋ قىزمەتىن كۇشەيتىپ، جاۋاپكەرشىلىك تۇلعالارى مەن باعالاۋ ولشەمىن ايقىنداپ، باقىلاۋ مەحانيزمىن اقاۋسىزداندىرىپ، جاۋاپكەرشىلىكتى قاتاڭ قۋزاستىرىپ، زاڭ ەرەجە، ءتۇزىمنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك. شەتەلگە ساياتىن اسكەري ىستەردى زاڭمەن باسقارۋ قىزمەتىن كۇشەيتىپ، اسكەري ارەكەت پەن زاڭمەن باسقارۋ كۇرەسىن ءبىر تۇتاس جوسپارلاپ، اسكەري ىستەر سالاسىنداعى شەتەلگە ساياتىن زاڭ ەرەجەلەردى اقاۋسىزداندىرىپ، زاڭمەن باسقارۋ ارقىلى مەملەكەتتىڭ مۇددەسىن اناعۇرلىم ويداعىداي قورعاۋ كەرەك.

  شي جينپيڭ بىلاي دەپ باسا دارىپتەدى: ارميانى زاڭمەن باسقارۋ ستراتەگياسىن دايەكتىلەندىرۋدىڭ قۋاتتى بىرىككەن كۇشىن ۇيىستىرۋ كەرەك. اسكەري ىستەر كوميتەتى ۇيىمدىق باسشىلىقتى كۇشەيتۋ، ءار دارەجەلى ورىندار مىندەتىن مۇقيات اتقارىپ، جاۋاپكەرشىلىگىن ادا ەتۋ، زاڭمەن باسقارۋ قىزمەت قۇرىلىمدارى فۋنكتسيالىق رولىن ويداعىداي ساۋلەلەندىرۋ، باسشى كادرلار باستاماشىلدىقپەن قىزمەتتەرگە زاڭ بويىنشا جەتەكشىلىك ەتۋ جانە ونى ورىستەتۋ كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، زاڭدا بەلگىلەنگەن مەملەكەت قورعانىسى قۇرىلىسى مىندەت جاۋاپكەرلىگىن سانالىلىقپەن اتقارىپ، ارميا قۇرىلىسىن، اسكەري ارەكەتتى جانە اسكەريلەردىڭ زاڭدى ۇقىق - مۇددەسىن زاڭ بويىنشا ويداعىداي قامتاماسىز ەتۋ كەرەك.

  شي جينپيڭ سوڭىندا مىنالاردى باسا دارىپتەدى: بۇكىل ارميا سوعىسقا دايىندالۋ، سوعىس جۇرگىزۋ قىزمەتىن مىقتاپ يگەرىپ، ناقتى يگەرىپ، جەرگىلىكتى ورىنداردىڭ قوعامدىق جالپى جاعدايدىڭ ورنىقتىلىعىن قورعاۋ قىزمەتىن ويداعىداي ىستەۋىنە سەلبەسىپ، ءتۇرلى توسىن جاعدايلاردى دەر كەزىندە ءونىمدى ءبىر جاقتى ەتىپ، مەملەكەتتىڭ حاۋىپسىزدىگى مەن ورنىقتىلىعىن ساقتاپ، پارتيا مەن حالىق جۇكتەگەن ءتۇرلى مىندەتتەردى ويداعىداي ورىنداۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ جيىندى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين جيىنعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.