ەركىن يمىرباقى، ما شيڭرۇي، ەركىن تۇنياز، شاۋكەت يمىن، لي يفي قاتىناستى
انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسى باس شۋجي شي جينپيڭنىڭ مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان اۋىل شارۋاشىلىعى سالاسىنىڭ، قوعامدىق يگىلىك جانە قوعامدىق قامتاماسىزداندىرۋ سالاسىنىڭ مۇشەلەرىنە امانداسا بارعاندا سويلەگەن ماڭىزدى ءسوزىنىڭ رۋحىن مۇقيات جەتكىزدى، ۇيرەندى.
مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى قاتىناستى. مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي قاتىناستى ءارى ءسوز سويلەدى. مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، شاۋكەت يمىن، شوكىرات زاكىر، نايىم ياسىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار قاتىناستى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ وسكەلەڭ تاريحي سەنىمىن تولىق ايگىلەدى، كۇشتى بورىش ارقالاۋدى جانە تەرەڭ حالىقتى ءسۇيۋ ىنتا - ىقىلاسىن ايگىلەدى. ءبىز شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باس شۋجي شي جينپيڭنىڭ كەزەكتەگى جاعداي جونىندەگى عىلمي تالداۋىن تەرەڭ ءتۇسىنىپ، جاڭا جورىقتا ەكپىندەي العا ىلگەرىلەۋدىڭ سەنىمىن، بەكىمىن ۇزدىكسىز كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، العا ىلگەرىلەۋ جولىنداعى جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭىپ، رەفورما، دامۋ، ورنىقتىلىق قىزمەتتەرىن تىڭعىلىقتى جاقسى ىستەپ، قۇلشىنا ءىس تىندىراتىن رۋحاني كۇيمەن پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك.
ما شيڭرۇي بىلاي دەپ باسا دارىپتەدى: ”مەملەكەتتىڭ زور ءىسىن“ ەستە بەرىك ساقتاپ، شينجياڭنىڭ اۋىل شارۋاشىلىعىن دامىتۋعا جۇيەلى، تۇتاس تۇلعالى زەرتتەۋ جۇرگىزۋدى، جوسپار جاساۋدى كۇشەيتىپ، استىق حاۋىپسىزدىگى سىندى ارقاۋدى قاي - قاشان دا مىقتاپ شيراتىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، استىق حاۋىپسىزدىگىندە پارتيا مەن ۇكىمەتتىڭ بىردەي جاۋاپكەرشىلىك ارقالاۋىن جاپپاي تياناقتاندىرىپ، ەگىستىك جەر قىزىل سىزىعىن قاتاڭ ساقتاپ، جوعارى ولشەمدى ەگىس اتىزى قۇرىلىسىن كۇشەيتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، اۋىل شارۋاشىلىق عىلىم - تەحنيكا ءتۇزىلىسى رەفورماسى مەن تۇقىم قىزمەتىن ويداعىداي يگەرىپ، اۋىل شارۋاشىلىعىنىڭ دامۋ ساپاسى مەن ونىمدىلىگىن ۇزدىكسىز جوعارىلاتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جالپى بەتتىك ىلگەرىلەتۋمەن ءونىمدى ۇشتاستىرىپ، اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، شارۋالاردىڭ يدەيا - ءمورال قۇرىلىسىن جانە زاڭمەن باسقارۋ ۇگىت تاربيەسىن كۇشەيتىپ، اۋىل - قىستاقتى باسقارۋ جۇيەسىن اقاۋسىزداندىرىپ، كەمەلدەندىرىپ، كورىكتى دە جانعا جايلى، شارۋاشىلىق گۇلدەنگەن، ادامدار تاتۋ - ءتاتتى بولعان سوتسياليستىك جاڭاشا اۋىل - قىستاق قۇرۋ كەرەك.
ما شيڭرۇي بىلاي دەپ باسا دارىپتەدى: حالىقتى وزەك ەتكەن دامۋ يدەياسىن بەرىك ورناتىپ، حالىق تۇرمىسىن قامتاماسىز ەتۋ جانە جاقسارتۋ تەبىنىن ۇزدىكسىز ارتتىرىپ، زەينەتكەرلىك قامسىزداندىرۋىنىڭ كوپ ساتىلى، كوپ تىرەكتى جۇيەسىن دامىتىپ، اناعۇرلىم كوپ ادامدى قوعامدىق قامتاماسىزداندىرۋ جۇيەسىنە ەنگىزىپ، يكەمدى جۇمىستانۋشىلاردى قوعامدىق قامتاماسىزداندىرۋ ءتۇزىمىن اقاۋسىزداندىرىپ، قوعامدىق قامتاماسىزداندىرۋ قورىن باقىلاۋ - باسقارۋدى زاڭ بويىنشا كۇشەيتىپ، ءار ۇلت حالقىنىڭ تۇرمىسىن شىن مانىندە تىنىش، الاڭسىز ەتۋ كەرەك. حالىق تۇرمىسىن تومەنگى شەكتەن تۇسىرمەي قامتاماسىز ەتۋدى جانە ەرەكشە قيىنشىلىعى بار بۇقاراعا كومەك كورسەتۋدى، قامقورلىق جاساۋدى كۇشەيتىپ، ولارعا جاردەمدەسىپ، ۋايىمنان ارىلتىپ، قيىنشىلىقتارىن شەشىپ، اۋىل - قىستاق قوعامدىق يگىلىگىندەگى ولقىلىقتاردى ۇزدىكسىز تولىقتاپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
مەملەكەتتىك حالىق قۇرىلتايىنىڭ ۋاكىلدەرى شى داگاڭ، لي ۋي، ءزۇمىرات وبۇل، عانيبات سابىكەي، مۇقيات جارمۇقامەت، جۋ حايلۇن، پىڭ جيارۇي، ابدۇرىقىپ ءتومۇرنياز، ءدىلشات قىدىرقان قاتارلىلار جيىنعا قاتىناستى.
