ەركىن يمىرباقى، ما شيڭرۇي، ەركىن تۇنياز، شاۋكەت يمىن قاتىناستى
انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسى گرۋپپا جيىنىن وتكىزىپ، جوسپار بايانداماسى مەن مەجە ەسەپ بايانداماسىن تەكسەردى، جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جوباسىن، 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى مەن سايلاۋ ماسەلەلەرى جونىندەگى قاۋلى جوبانى، شياڭگاڭ ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسى جوباسىن، اۋمىن ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسى جوباسىن قارادى.
مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، شاۋكەت يمىن، شوكىرات زاكىر، نايىم ياسىن قاتارلىلار قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار جيىنعا سىرتتاي قاتىناستى. مەملەكەتتىڭ مينيسترلىكتەرى مەن كوميتەتتەرىندەگى قاتىستى جولداستار بەينە ەكران ارقىلى پىكىرلەردى تىڭدادى.
ۋاكىلدەر مىنالاردى ءبىلدىردى: جوسپار بايانداماسى مەن مەجە ەسەپ بايانداماسىن تولىق قۇپتايمىز. جوسپار بايانداماسى مەن مەجە ەسەپ بايانداماسىنىڭ تۇتاس مازمۇنى شي جينپيڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرىپ، ۇكىمەت قىزمەتىنەن باياندامامەن ءوزارا قابىسىپ، تىعىز ۇشتاسىپ، 2021 - جىلعى حالىق شارۋاشىلىعى مەن قوعامدىق دامۋ جوسپارىن، قازىنالىق مەجە ەسەپتىڭ اتقارىلۋ جاعدايىن جان - جاقتى، شىنايى بەينەلەپ، 2022 - جىلعى قىزمەتتەرگە عىلمي ورنالاستىرۋ جاسادى، بۇل تۇتاس جىلداعى قىزمەتتەرگە جەتەكشىلىك ەتۋدە كەلەلى ماڭىزعا يە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، مەملەكەتتىڭ ساياساتتارىن جان - جاقتى، قانىق يگەرىپ، ەگجەي - تەگجەيلى تياناقتاندىرىپ، تولىق، ويداعىداي پايدالانىپ، شينجياڭنىڭ ءىس جۇزىندىك جاعدايىمەن ۇشتاستىرىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ەكونوميكالىق اينالىمدى رەتتەۋدى كۇشەيتىپ، ەنەرگيا بايلىعى، جاڭا ماتەريال، اۋىل شارۋاشىلىعى، اۋىل - قىستاق، سۋ يگىلىگى قۇرىلىسى سياقتى سالالارعا ءونىمدى قارجى قوسۋدى بەلسەندىلىكپەن كەڭەيتىپ، عىلىم - تەحنيكالىق زەرتتەپ اشۋدى، ورتا، شاعىن، ۇساق كاسىپورىنداردى قولداۋعا قاتىستى جاقتارداعى جانە ەكونوميكالىق، قوعامدىق دامۋداعى ەلەۋلى نىسانداردى قازىنالىق قامتاماسىز ەتۋدى كۇشەيتىپ، ۇكىمەتتىك قارجى قوسۋدا حالىق تۇرمىسى نىساندارىنا ءتىپتى دە كوپ بەيىمدەلۋدى ىلگەرىلەتىپ، ەكونوميكانىڭ ورنىقتى، اقاۋسىز دامۋىن جەبەپ، ءار ۇلت بۇقاراسىن اناعۇرلىم ويداعىداي باقىتقا كەنەلتۋ كەرەك.
ۋاكىلدەر مىنالاردى ءبىلدىردى: جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭى − مەملەكەتتىڭ جەرگىلىكتى ءار دارەجەلى بيلىك ورگاندارىنىڭ، اكىمشىلىك ورگاندارىنىڭ مىندەت ۇقىعىن جۇرگىزۋىنىڭ، مىندەت جاۋاپكەرشىلىگىن اتقارۋىنىڭ ماڭىزدى تۇزىمدىك قامتاماسىزدىعى. امالياتتىق تاجىريبەلەردى مۇقيات قورىتىندىلاۋ نەگىزىندە، جەرگىلىكتى ورىنداردىڭ ۇيىمدىق زاڭىنا وزگەرىس ەنگىزىپ كەمەلدەندىرۋ توتەنشە قاجەتتى، ماڭىزى زور، وزگەرىس ەنگىزۋ جوباسىن تولىق قۇپتايمىز. شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ مەملەكەتتىڭ بيلىك ورگاندارى قىزمەتى مەن قۇرىلىسى جونىندەگى كەلەلى ورنالاستىرۋلارىن تياناقتاندىرىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتىپ جانە جاقسارتىپ، جالپى بارىستىق حالىق دەموكراتياسىن ۇزدىكسىز دامىتۋ؛ شينجياڭدى زاڭمەن باسقارۋ جاعىندا اناعۇرلىم زور كۇش سالىپ، حالىقتى وزەك ەتۋگە تاباندى بولىپ، فۋنكتسياسى عىلمي، ۇقىق - جاۋاپكەرشىلىگى زاڭدا بەلگىلەنگەن، زاڭ اتقارۋى قاتاڭ، اشىق، ادىلەتتى، زەردەلى دە جوعارى ءونىمدى، پاك تە سەنىمدى، حالىق رازى بولاتىن زاڭمەن باسقارىلاتىن ۇكىمەتتى جاپپاي قۇرىپ، زاڭ بويىنشا مىندەت اتقارۋ قابىلەتىن جاپپاي جوعارىلاتۋ كەرەك.
ۋاكىلدەر مىنالاردى ءبىلدىردى: مەملەكەتتىك حالىق قۇرىلتايى ۋاكىلدەرىن سايلاۋ قىزمەتىن جاقسى ىستەۋ پارتيا مەن مەملەكەتتىڭ ساياسي ومىرىندەگى ءىرى ءىس، ءار جاقتىڭ اقىل - پاراساتى مەن كۇش - قۋاتىن جاپپاي سوتسياليستىك وسىزاماندانعان مەملەكەت قۇرۋعا ۇيىستىرۋدا توتەنشە كەلەلى ماڭىزعا يە. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى مەن سايلاۋ ماسەلەلەرى جونىندەگى قاۋلى جوبانى تولىق قۇپتايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن، سايلاۋ ءتۇزىمىنىڭ بەلگىلەمەلەرىن قاتاڭ اتقارىپ، دەموكراتيالىق سايلاۋدىڭ، دەموكراتيالىق كەڭەسۋدىڭ، دەموكراتيالىق شەشىم جاساۋدىڭ، دەموكراتيالىق باسقارۋدىڭ، دەموكراتيالىق باقىلاۋدىڭ ءار بۋىندارىن ساباقتاستىرىپ، ءار ۇلت حالقىنىڭ قوجايىن بولۋىنا اناعۇرلىم ويداعىداي كەپىلدىك ەتەمىز.
ۋاكىلدەر مىنالاردى ءبىلدىردى: شياڭگاڭنىڭ، اۋمىننىڭ 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسى جوبالارى باس شۋجي شي جينپيڭنىڭ شياڭگاڭ، اۋمىن قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا جاعدايعا، جاڭا وزگەرىستەرگە ۇيلەسىپ، ”وتانشىلدار شياڭگاڭدى باسقارۋدى“، ”وتانشىلدار اۋمىندى باسقارۋدى“ باتىل تياناقتاندىردى، ءادىس جوبالارىن بۇكىلدەي قۇپتايمىز.
مەملەكەتتىك حالىق قۇرىلتايىنىڭ ۋاكىلدەرى شى داگاڭ، لي ۋي، ءزۇمىرات وبۇل، عانيبات سابىكەي، مۇقيات جارمۇقامەت، جۋ حايلۇن، پىڭ جيارۇي، ابدۇرىقىپ ءتومۇرنياز، ءدىلشات قىدىرقان قاتارلىلار قاتىناستى.
