تيانشان تورى
تيانشان تورى   ›   جاڭالىقتار   ›   شينجياڭ حابارلارى

پارتيانى ءسۇيۋدىڭ، وتاندى سۇيۋدىڭ حيكاياسى ايتىپ تاۋىسقىسىز

  ۇلتتاردىڭ ۇلى ىنتىماعى تۋىن بيىك ۇستاپ، ءار ۇلت اراسىندا مەملەكەت تانىمىن، ازامات تانىمىن، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىن ەڭ زور دارەجەدە ىنتىماقتاستىرىپ، ولارعا سۇيەنىپ، ءاربىر ۇلتتىڭ، ءاربىر ازاماتتىڭ تۇگەلدەي جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇش قوسۋىنا مۇمكىندىك جاساپ، وتاننىڭ گۇلدەنۋ، دامۋ جەتىستىگىنەن بىرگە يگىلىكتەندىرۋ كەرەك.

  − شي جينپيڭ

□ انار بۇلت / شينجياڭ گازەتىنىڭ ءتىلشىسى لياڭ ليحۋا

  ۋاقىتتى 2017 - جىلى 3 - ايدىڭ 10 - كۇنىنە شەگەرەيىك، باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسىنە كەلىپ ۋاكىلدەرگە امانداسىپ، كوپشىلىكپەن بىرگە مەملەكەت ىستەرىن اقىلداستى. حوتان ايماعىنان كەلگەن ۋاكىل مامەترەيىم ءمامتيمىن لەبىز بىلدىرگەن كەزدە، قۇربان اتايدىڭ وتباسىنداعىلاردىڭ تىلەگىن باس شۋجيگە جەتكىزىپ، پارتيانىڭ قامقورلىعىن، ءسوز جوق، ماڭگى ەستە بەرىك ساقتايتىندىقتارىن بىلدىرگەن ەدى.

  قۇربان اتايدىڭ حيكاياسى بىرنەشە ۇرپاق ادامدى اسەرلەندىردى، بۇگىنگى تاڭدا، پارتيانىڭ نۇر - شۇعىلاسىندا، شينجياڭنىڭ بايتاق دالاسىندا پارتيانى ءسۇيۋدىڭ، وتاندى ءسۇيۋدىڭ حيكاياسى ايتىپ تاۋىسقىسىز بولىپ، شينجياڭ استانا بەيجيڭنەن شالعاي بولعانىمەن، الايدا شينجياڭداعى ءار ۇلت بۇقاراسىنىڭ تىلەگى قاشاندا باس شۋجي شي جينپيڭمەن، پارتيا ورتالىق كوميتەتىمەن بىتە قايناسقاندىعىن، تىعىز توعىسقاندىعىن جاندى ءتۇسىندىرىپ وتىر!

”پارتيانىڭ قامقورلىعى ناقتى“

  مەملەكەتتىك حالىق قۇرىلتايىنىڭ ۋاكىلى رۇقيام ءماتسايدى قۇربان اتايدىڭ شوبەرە جيەن قىزى، ونىڭ ۇيىندە ەكى اسىل مۇرا بار، بىرەۋى، ءتوراعا ماۋ زىدۇڭ قۇربان تۇلىمدى قابىلداعان كەزدەگى سۋرەت، ەندى ءبىرى، باس شۋجي شي جينپيڭنىڭ قۇربان تۇلىمنىڭ قىزىنا قايتارعان جاۋاپ حاتى.

  ”مەن كىشكەنتايىمنان اپامنىڭ ايتقان ۇلى ناعاشى اتامنىڭ حيكاياسىن تىڭداپ ەرجەتتىم“، - دەدى رۇقيام ءماتسايدى.

  ۇلى ناعاشى اتاسى نە ءۇشىن پارتيا مەن مەملەكەتكە وسىنشاما تەرەڭ سۇيىسپەنشىلىك ورناتقان؟ كىشكەنە كەزىندە رۇقيام ءماتسايدى تەك عانا اڭگىمە بارىسىنان ۇعىناتىن.

  رۇقيام ءماتسايدىنىڭ ەسەيۋىنە ىلەسە، اۋىلىندا تۋىلعان وراسان زور وزگەرىستەردەن ول ۇلى ناعاشى اتاسىنىڭ پارتيا مەن مەملەكەتكە دەگەن قىزۋ سۇيىسپەنشىلىگىن شىنايى سەزىندى.

  اۋىلدىڭ بەت - بەينەسى شىت جاڭارىپ، تام ۇيلەردىڭ ورنىنا بەرىك تاس كەرپىش ۇيلەر سالىنىپ، اسفالت جول ەسىك الدىنا دەيىن تۇتاستىرىلىپ، بارلىق وتباسى قۇبىر سۋىن پايدالاندى...

  وزگەرىس قىستاق كەلبەتىندە عانا ەمەس، پارتيا مەن ۇكىمەتتىڭ تاربيەلەۋىندە، جەتەكشىلىگىندە اۋىلداستاردىڭ رۋحاني بەينەسى بارعان سايىن سەرپىلدى. حالىققا تيىمدىلىك جەتكىزۋ ساياساتتارىنىڭ كومەگىندە، كەزىندەگى كەدەي وتباسىلار وزدەرىنىڭ قاجىرلى ەڭبەگىنە سۇيەنىپ، قالتالارى بارعان سايىن قامپايىپ، كەدەيلىكتەن ارىلىپ، دوڭگەلەك داۋلەتتى تۇرمىس كەشىردى. ”پارتيانىڭ قامقورلىعى ناقتى“، - دەدى رۇقيام ءماتسايدى.

  پارتيانى سۇيەتىن، وتاندى سۇيەتىن وتباسى سالتىنىڭ اسەرىندە، رۇقيام ءماتسايدى كىشكەنتاي كەزىنەن اسكەرگە بارۋدى ارماندايتىن، 2012 - جىلى تەڭىز ارمياسى شينجياڭعا كەلىپ اسكەر قابىلدايدى، ول الدىمەن تىزىمدەلەدى ءارى ارمانىنا جەتەدى. ونى ءتىپتى دە قۋانىشقا بولەگەنى، ول جاڭا اسكەرلەر ليانىندا جۇڭگونىڭ تۇڭعىش اۆياماتكاسى ”لياۋنيڭ اۆياماتكاسىنىڭ“ ايەل اسكەرى بولىپ تاڭدالادى. ”كەمە الاڭقىسىنا شىققان سول ساتتە، وتانعا دەگەن ماقتانىش سەزىمىم تۇلا بويىمدى شارپىدى“، - دەدى رۇقيام ءماتسايدى.

  اسكەري قوسىننان قايتقان سوڭ، رۇقيام ءماتسايدى اۋىلىنا قايتىپ، كەريا اۋدانى قۇربان تۇلىم ەسكەرتكىش سارايىنىڭ ءتۇسىندىرۋشىسى بولدى. ول بىلاي دەدى: ”مەن قۇربان اتايدىڭ حيكاياسىن ءتىپتى دە كوپ ادامعا ايتىپ بەرىپ، پارتيانى ءسۇيۋ، وتاندى ءسۇيۋ رۋحىن جۇرت جۇرەگىنە تەرەڭ ۇيالاتامىن“.

باقىتتى تۇرمىستى پارتيا مەن مەملەكەت بەرگەن

  قازىر كوپ ءتولدى قوي تولدەيتىن قاۋىرت مەزگىل، قاراقاش اۋدانى قاراساي قالاشىعىنىڭ باقچي قىستاعىندا جاڭادان تۋىلعان قوزىلاردىڭ كۇي جاعدايىن تەكسەرۋمەن قاربالاستاپ جاتقان قىستاق تۇرعىنى مامەتجان سىراجىاحمەتتىڭ جۇزىنەن قۋانىش لەبى ەسەدى.

  ”جاڭادان 60 نەشە قوزى تۋىلدى، تولدەگەلى تۇرعان قويلار دا بار، بيىل تولدەۋ مولشەرى %95كە جەتەدى“، - مامەتجان تەبىرەنە: ”باقىتتى تۇرمىستى پارتيا مەن مەملەكەت بەرگەن“، - دەدى.

  مامەتجان شىن جۇرەكتەن تەبىرەنىپ وتىر. 2014 - جىلى مامەتجان سالماقتى ناۋقاسقا شالدىعىپ، جيعان - تەرگەن اقشاسىن جۇمساپ تاۋىسىپ، ءبىر ۇيدەگى 3 جان ارحيۆ تۇرعىزىلىپ، كارتچكالاندىرىلعان كەدەي وتباسى قاتارىنا ەنگىزىلەدى، ءۇيىنىڭ 12 مۋ جەرىنە ءبيداي، كىرىكتىرىلىپ ەگىلەتىن جاڭعاق اعاشى ەگىلگەن، جىلدىق كىرىسى نە بارى 5000 نەشە يۋان عانا بولىپ، تۇرمىستارى قالت - قۇلت كەتىپ بارا جاتقان ەدى.

  2017 - جىلى مامەتجان وتباسى قىستاق ”ەكى كوميتەتىنىڭ“ شابىتتاندىرۋىندا كوپ ءتولدى قوي باعۋدى سىناپ كورمەكشى بولادى. ”قىستاق تۇرعىندار كوميتەتى بانكەدەن قارىز اقشا الۋدى ءوتىنىش ەتۋىمە كومەكتەسىپ، ماعان كوپ ءتولدى 10 ساۋلىق ساتىپ الىپ بەردى، تەحنيكا ۇيرەتۋگە ارناۋلى ادام دا ۇسىنىس ەتتى، سول جىلى 18 قوزى تۋىلىپ، جىل سوڭىندا كىرىسىمىز 20 مىڭ يۋاننان اسىپ، سونان بىلاي وتباسىمىز كەدەيلىكتەن ارىلدى“، - دەدى مامەتجان.

  قازىر مامەتجاننىڭ كوپ ءتولدى ساۋلىعىنىڭ قولداعى ءتول سانى 250گە جەتىپ، ول كوپ ءتولدى قوي باعۋعا سۇيەنىپ قىستاقتاعى ايتۋلى اۋقاتتانۋ جەتەكشىسىنە اينالدى.

  مامەتجان تۋرالى حيكايا رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىنىڭ جاندى مىسالى. پارتيانىڭ پارمەندى باسشىلىعىندا رايونىمىزداعى كەدەي جان سانى كەدەيلىكتەن ءدال ۋاعىندا ارىلىپ، اۋىل - قىىستاقتى گۇلدەندىرۋ جولىندا ارشىندى قادام تاستاۋدا.

  ”ءبىز بارلىعىمىز قۇربان اتايدىڭ حيكاياسىن تىڭداپ ەرجەتكەنبىز، پارتيانى ءسۇيۋ، مەملەكەتتى ءسۇيۋ سۇيىسپەنشىلىگى جۇرەگىمىزگە تەرەڭ ورناعان“، - دەدى. مامەتجان: ”جاڭا جورىقتا، ءبىز، ءسوز جوق، مىزعىماستان پارتيانىڭ سوزىنە قۇلاق اسىپ، پارتيانىڭ مەيىرىنە العىس ايتىپ، پارتياعا ىلەسەمىز“.

”پارتيانى ءسۇيۋ، وتاندى ءسۇيۋ رۋحىن ۇرپاقتان - ۇرپاققا جالعاستىرامىز“

  ”مەملەكەتىمىز قۇدىرەتتەندى ءارى سەنىمى دە ارتا ءتۇستى“. 3 - ايدىڭ 4 - كۇنى كەشتە بەيجيڭدە مەملەكەتتىك ەكى ماجىلىسكە قاتىناسىپ جاتقان شينجياڭدا تۇراتىن مەملەكەتتىك ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى، شينجياڭ اۋىل شارۋاشىلىق داشۋەسىنىڭ باستىعى جياڭ پيڭان بەيجيڭ مۇگەدەكتەر قىسقى وليمپيادا سپورت جارىسىنىڭ باستالۋ سالتىن كورگەننەن كەيىن توتەنشە تەبىرەندى.

  باس شۋجي شي جينپيڭ بىلاي دەپ اتاپ كورسەتتى: ”وتانشىلدىق ءبىزدىڭ ۇلت رۋحىمىزدىڭ وزەگى، جۇڭحۋا ۇلتىنىڭ ىنتىماقتاسا كۇرەس جاساۋىنىڭ، ءوزىن تالماي الۋەتتەندىرۋىنىڭ رۋحاني دانەكەرى. جاڭا داۋىردە وتانشىلدىق تاربيەنى كۇشەيتۋ ۇلتتىق رۋحتى اسقاقتاتىپ، بۇكىل ۇلتتىڭ كۇشىن ۇيىستىرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى مانگە يە“.

  ”سوڭعى جىلدارى ءبىز يدەيالىق ساياسي ساباققا باعىتتاي وتىرىپ رەفورما جۇرگىزىپ، ’يدەيالىق ساياسي ساباقتى‘ كەمەلدەندىرۋمەن بىرگە، ’ساباقتاردىڭ يدەيالىق ساياسي مازمۇن الۋىنا‘ دەيىن اناعۇرلىم كەڭەيتتىك“. جياڭ پيڭان: ”يدەيالىق ساياسي ساباق بەرەتىن مۇعالىمدار ماركسيزم، لەنينيزم، ماۋ زىدۇڭ يدەياسى قاتارلى نازاريالىق ساباقتاردى وتۋمەن بىرگە، كاسىپتىك ساباقتاردى وتەتىن ءاربىر مۇعالىم دا ءوزىنىڭ كاسىپتىك ساباعىن ءوتۋ بارىسىنا يدەيالىق تاربيە مازمۇنىن ءسىڭىردى“، - دەپ ءتۇسىندىردى.

  2021 - جىلى شينجياڭ اۋىل شارۋاشىلىق داشۋەسى پارتيا تاريحىن ۇيرەنۋ تاربيەسىن الۋان ءتۇرلى فورمادا ىشكەرىلەي ورىستەتىپ، ”اۋەلگى ماقساتتى ۇمىتپاي، پارتياعا ىلەسىپ، جاڭا داۋىردە ەڭبەك ءسىڭىرۋدى مۇرات تۇتامىز“، ”پارتيا، الاڭسىز بولىڭىز، مەملەكەتتى قۇدىرەتتەندىرۋدە مەن بارمىن“ توپتىق وداققا كىرۋ سالتىن وتكىزدى؛ ”1 - شىلدە“، ”1 - قازان“ سياقتى ماڭىزدى مەرەكەلەردە مەملەكەت تۋىن شىعارۋ قيمىلىن وتكىزۋگە ۇيىمداستىرىپ، ”مەملەكەت تۋى استىنداعى تاربيەنى“ ۇدايىلاندىرىپ ورىستەتتى؛ ”پارتياعا جىر ارناپ، جاستىق شاقتا جاڭا داۋىردە ەكپىندەي ىلگەرىلەيمىز“ اتىندا جوعارى مەكتەپ وقۋشىلارىنىڭ حور جارىسى سياقتى قيمىلدار وتكىزىپ، ۇيرەنۋ ونىمدىلىگىن تەرەڭدەتتى؛ ”پارتياعا ماڭگى ىلەسىپ، جاڭا داۋىردە ەكپىندەي ىلگەرىلەيىك“ ءۇشتى اۋىلعا جەتكىزۋ جازعى دەمالىس قوعامدىق امالياتتىق قيمىلىن ورىستەتىپ، جوعارى مەكتەپ وقۋشىلارىنىڭ جازعى دەمالىس قوعامدىق امالياتتىق ۇجىمىنان 43ىن قۇرىپ، سان مىڭداعان جوعارى مەكتەپ وقۋشىلارى وقىتۋشىلاردىڭ جەتەكشىلىگىندە وتاننىڭ جەر - جەرىنە اتتانىپ، قوعامدىق امالياتتىق جۇمىستاردى ىستەپ، جاس وقۋشىلار قوعام ۇلكەن ساباقحاناسىندا ءوزىن شىڭدادى.

  ”جاستار وتاننىڭ بولاشاعى، ءبىز پارتيانى ءسۇيۋ، وتاندى ءسۇيۋ تاربيەسىن ونەگە كورسەتىپ ادام تاربيەلەۋدىڭ تۇتاس بارىسىنا سىڭىرۋگە تاباندى بولىپ، پارتيانى ءسۇيۋ، وتاندى ءسۇيۋ رۋحىن ۇرپاقتان - ۇرپاققا جالعاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا مۇنان دا كوپ ارىس بولار ازامات باۋلۋىمىز كەرەك“، - دەدى جياڭ پيڭان.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.