شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، باس شۋجي شي جينپيڭنىڭ ايەلدەر جانە ايەلدەر قىزمەتى جونىندەگى ماڭىزدى بايىمداۋىنىڭ رۋحىن مۇقيات تياناقتاندىرۋ، قالىڭ ايەلدەردى جاڭا جورىقتا ەكپىندەي ىلگەرىلەۋگە، جاڭا داۋىرگە ۇلەس قوسۋعا ىنتىماقتاستىرۋ، جۇمىلدىرۋ ءۇشىن، ”8 - ناۋرىز“ حالىقارالىق ايەلدەر مەرەكەسى كەلۋ بايلانىسىمەن ورتالىق كوميتەت ۇگىت ءبولىمى، مەملەكەتتىك ايەلدەر بىرلەستىگى تۇتاس قوعامعا 2022 - جىلعى ”ەڭ ارداقتى جەلەكتى كۇرەسكەرلەردىڭ“ ىزگى ىستەرىن ۇگىتتەدى جانە جاريالادى.
بۇرماحان مولدو، لي حۋانيىڭ، يىن جيانمين، گۋان شين، حۋ حايلان، لۋ يۇيتۇڭ، لۋ شىڭمەي، ياڭ نيڭ، گان گۇڭرۇڭ، ۋ رۇڭجين سىندى 10 مەملەكەتتىك 8 - ناۋرىز قىزىلتۋشى ۇلگىسى داڭقپەن 2022 - جىلعى ”ەڭ ارداقتى جەلەكتى كۇرەسكەرلەر“ بولىپ تاڭدالدى. ولار شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي امالياتتا ايگىلەپ، پارتياعا ادال، سەنىمدە بەرىك بولىپ، شىندىققا جۇگىنىپ، ناقتى ىستەپ، قاراپايىم قىزمەت ورنىن تياناق ەتىپ، ەرەكشە ناتيجەگە قول جەتكىزدى. ولاردىڭ كەيبىرەۋى 50 نەشە جىلدى ءبىر كۇندەي وتكىزىپ، شەكارانى شارلاپ، شەكارانى قورعاپ، مەملەكەت تەرريتورياسىن كۇزەتسە، كەيبىرەۋى ۇزاق ۋاقىت شەت - شالعايداعى تاۋلى وڭىرلەردە دامىل تاپپاي شاپقىلاپ، حالىقتىڭ سالاماتتىعىن قورعاپ كەلگەن، كەيبىرەۋى جوعارى دەڭگەيدەگى عىلىم - تەحنيكا الدىڭعى شەبى بيىك شىڭىنا ەرلىكپەن شىقسا، كەيبىرەۋى اۋىل - قىستاقتى گۇلدەندىرۋ بارىسىندا بەلسەنە ءىس تىندىرعان، كەيبىرەۋى تاماشا وتباسى سالتىنا مۇراگەرلىك ەتىپ، قىزىل قان تامىردى جالعاستىرسا، كەيبىرەۋى 3 چىلىق ساباق مىنبەرىندە تاپجىلماي ونەگە كورسەتىپ ادام تاربيەلەگەن... ولاردىڭ بارلىعى ءىس جۇزىندىك ارەكەتتەرىمەن اۋەلگى ماقسات - بورىشىن امالياتتا ايگىلەپ، ”قايسى كاسىپتى ىستەسە، سول كاسىپتى سۇيۋدەي“ تاباندىلىقپەن، ”قايسى كاسىپكە بەرىلسە، سول كاسىپتىڭ مايتالمانى بولىپ شىعۋداي“ تاماشا ناتيجەمەن جاڭا داۋىردەگى جۇڭگو ايەلدەرىنىڭ پارتيانىڭ باسشىلىعىندا ءورىس اشا ىلگەرىلەپ، ەرلىكپەن الدا جۇرۋدەي اسقاق بەينەسىن تولىق ايگىلەدى.
جاريالاۋ قيمىلى بەينە ەكراندا كورسەتۋ، كەيىپكەرمەن سۇحبات وتكىزۋ، بۇلتتىق جالعانىم سياقتى فورمالارمەن وتكىزىلىپ، ولاردىڭ ىزگى ىستەرى مەن قىزمەت، تۇرمىس اسەرلەرى ءار قىرىنان اڭگىمەلەندى. ورتالىق كوميتەت ۇگىت بولىمىندەگى، مەملەكەتتىك ايەلدەر بىرلەستىگىندەگى جاۋاپتى جولداستار ولارعا ”ەڭ ارداقتى جەلەكتى كۇرەسكەرلەر“ كۋالىگىن بەردى.
