تيانشان تورى   ›   جاڭالىقتار   ›   سپورت الەمى

مۇگەدەكتەر قىسقى وليمپيادا سپورت جارىسىندا سىڭار تاقتايمەن قاردا سىرعاناۋدان ەرەك ناتيجە جاراتتى

مەدال تاقتاسىندا جۇڭگو ۇزدىكسىز الدىڭعى ورىندا كەلەدى

  شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى (تىلشىلەر جاۋ جيانتۇڭ، دۇڭ يشيڭ). 3 - ايدىڭ 7 - كۇنى بەيجيڭ مۇگەدەكتەر قىسقى وليمپيادا سپورت جارىسىندا مۇگەدەكتەر قىسقى وليمپياداسىنىڭ تاۋ شاڭعى، مۇگەدەكتەر قىسقى وليمپياداسىنىڭ سىڭار تاقتايمەن قاردا سىرعاناۋ، مۇگەدەكتەر قىسقى وليمپياداسىنىڭ دالالىق شاڭعى جانە دوڭگەلەكتى ورىندىقتى مۇز شاۋگىم جارىسى وتكىزىلدى. جۇڭگو ۋاكىلدەر ۇيىرمەسى ءبىر التىن، 4 كۇمىس، 4 قولا مەدال الدى، جي ليجيا، ۋاڭ پىڭياۋ، جۋ يۇڭگاڭ مۇگەدەكتەر قىسقى وليمپيادا سپورت جارىسىندا التىن، كۇمىس، قولا مەدالداردى بىردەي قورجىندارىنا سالىپ، 3 بىردەي بەس جۇلدىزدى قىزىل تۋ قاتار كوتەرىلگەن ەرەك ناتيجە جاراتتى.

  3 - ايدىڭ 7 - كۇنگى مۇگەدەكتەر قىسقى وليمپياداسىنىڭ تاۋ شاڭعى امبەباپ تۇرىندەگى جارىستا جۇڭگو قۇراماسى 6 تۇردەن 2 كۇمىس، ءبىر قولا مەدال الدى. ايەلدەردىڭ كورۋ كەمىستىگى بار امبەباپ گرۋپپا جارىسىندا جۇڭگولىق شەبەر جۋ داچيڭ ءبىرىنشى اينالىمداعى اسا ۇلكەن يرەك جارىس باسەكەسىندە 1 - ورىننان كورىندى، الايدا 2 - اينالىمداعى جارىس بارىسىندا سلوۆاكيالىق شەبەر حىنريتا فاركاسوۆانىڭ العا ءوتىپ كەتۋىنەن، سوڭىندا كۇمىس مەدالعا يە بولدى. جارىستان كەيىن جۋ داچيڭ ءبىراز وكىنىپ بىلاي دەدى: ”جارىس باستالاردان بۇرىنعى رەسمي جاتتىعۋ بارىسىندا جارالانىپ قالدىم، بۇل، جارىسقا ىقپالىن تيگىزدى. الداعى جەردە كوڭىل كۇيىمدى ورنىقتىرىپ، كەيىنگى جارىستاردا ءتىپتى دە جاقسى ناتيجە جاراتامىن“.

  سول كۇنى مەملەكەتتىك تاۋ شاڭعى ورتالىعىندا، جۇڭگولىق شەبەر جاڭ مىڭچيۋ دا وكىنىشتى تۇردە التىن مەدالدان ايرىلىپ قالدى. ايەلدەردىڭ تۇرعان بەينەدەگى امبەباپ گرۋپپا جارىسىندا ول دا ءبىرىنشى اينالىمدا الدا كەلە جاتقان جاعدايدا باسقالاردىڭ ارتىندا قالىپ، كۇمىس مەدال الدى، التىن مەدالدى شۆەتسيالىق شەبەر ەببا ارسجو يەلەدى. جارىستان كەيىن جاڭ مىڭچيۋ مىنالاردى ءبىلدىردى: ”وكىنىشتەۋ بولدى. الايدا مەن بارىمدى سالدىم، كەلەسى جارىستا كوڭىل كۇيىمدى ورنىقتىرىپ، وسى جولعى جارىستىڭ ىقپالىنا ۇشىرامايمىن“.

  مۇگەدەكتەر قىسقى وليمپياداسىنىڭ سىڭار تاقتايمەن قاردا سىرعاناۋ بويىنشا كەدەرگىدەن قۋالاي سىرعاناۋ جارىسى سول كۇنى يۇنديڭ شاڭعى باقشاسىندا 4 تۇردە مەدالعا تالاسۋ جارىسىن وتكىزدى. ەرلەردىڭ كەدەرگىدەن قۋالاي سىرعاناۋ بويىنشا UL دارەجەلى جارتىلاي شەشۋشى جارىسىندا، جي ليجيا، جۋ يۇڭگاڭ، ۋاڭ پىڭياۋ جانە جاڭ يچي ۇلكەن شەشۋشى جارىسقا تۇگەل جولداما الىپ، جۇڭگو قۇراماسى ءۇشىن الدىن الا بارلىق مەدالدى تۇراقتاندىردى. ۇلكەن شەشۋشى جارىس باستالار جەردە 4 شەبەردىڭ تورتەۋى دە ءبىر ۋاكىلدەر ۇيىرمەسىنىڭ سپورتشىسى بولدى، كومبەدە 3 بىردەي بەس جۇلدىزدى قىزىل تۋ جەلبىرەدى − جۇڭگو قۇراماسى مەدال الا الماۋ قامالىن تالقانداپ قانا قويماي، وسى جارىس تۇرىندە مۇگەدەكتەر قىسقى وليمپيادا سپورت جارىسىندا ەشقاشان بولىپ كورمەگەن ەرەك ناتيجە جاراتتى. سوڭىندا، 19 جاستاعى جاس ساڭلاق جي ليجيا التىن مەدال، ۋاڭ پىڭياۋ كۇمىس مەدال الدى، جۋ يۇڭگاڭ جاڭ يچيمەن جارىس جولىندا سوعىلىسىپ جىعىلىپ قالىپ قولا مەدالعا يە بولدى.

  جي ليجيا جارىستان كەيىن بىلاي دەدى: ”دەنە تاربيەمەن اينالىسقان سوڭ، ماڭىمدا مۇگەدەك دوستارىمنىڭ كوبەيگەنىن سەزىندىم، سول كەزدەن باستاپ مەن قاراڭعى تۇنەكتەن شىققانىمدى سەزىندىم، دەنە تاربيە مەنىڭ بۇكىل عۇمىرىمدى وزگەرتتى“.

  مۇگەدەكتەر قىسقى وليمپياداسىنىڭ دالالىق شاڭعى جارىسىندا، ەرلەردىڭ الىس ارالىقتاعى ءداستۇرلى تەحنيكا تۇرعان بەينەدەگى جارىستا جۇڭگولىق شەبەر ساي جيايۇن ايرىقشا بەينە كورسەتىپ جۇلدەگەر بولدى، چيۋ ميڭياڭ قولا مەدال الدى، اعا جۇلدەگەرلىكتى جاپونيالىق شەبەر چۋانچۋداحۇي يەلەدى.

  ”مۇز تەكشەدە“ وتكىزىلگەن مۇگەدەكتەر قىسقى وليمپياداسىنىڭ دوڭگەلەكتى ورىندىقتى مۇز شاۋگىم اينالمالى جارىسىندا، اعا جۇلدەگەرلىكتى ساقتاعان جۇڭگو قۇراماسىنىڭ جاعدايى جاقساردى، 3 - ايدىڭ 6 - كۇنى ەستونيا قۇراماسىن جەڭگەن سوڭ، 3 - ايدىڭ 7 - كۇنى تاعى كورەيا مەن شۆەتساريا قۇراماسىن ىركەس - تىركەس جەڭدى.

  قازىر جۇڭگو ۋاكىلدەر ۇيىرمەسى 7 التىن، 8 كۇمىس، 10 قولا مەدالدىق ناتيجەمەن وزگە ۋاكىلدەر ۇيىرمەسىنەن كوش بويى الدا كەلەدى، مۇگەدەكتەر قىسقى وليمپيادا سپورت جارىسىنىڭ التىن مەدال تاقتاسى مەن مەدال تاقتاسىندا قازىرشە الدىڭعى ورىندا تۇر.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.