تيانشان تورى - شينجياڭ گازەتىنىڭ حابارى (ٴتىلشى حان چين - يان، ەرىكتى ٴتىلشى ياڭ جيە حابارلايدى). الەۋمەتتىك اۋماققا كىرىپ، بۇقارانىڭ دەنە تەمپەراتۋراسىن، قان قىسىمىن تەگىن ولشەپ، ٴجيى كەزدەسەتىن سوزىلمالى اۋرۋلاردان، كوپ تۋىلاتىن اۋرۋلاردان ساقتانۋ جانە ونى ەمدەۋگە كاسىپتىك جاقتان جەتەكشىلىك ەتىپ، سۇيەنىشسىز قارتتارعا، مۇگەدەكتەرگە وتباسىلىق قىزمەت وتەۋ، سۇيىسپەنشىلىكپەن سەرىك بولۋ، تۇرمىستىق كومەك بەرۋ سياقتى قىزمەت وتەدى. مەملەكەتتىك 59 ـ رەتكى لەي فىڭنان ۇيرەنۋ كۇنى شاندۇڭ ولكەسىنىڭ قاشقار ايماعىنا باعىتتامالى كومەكتەسۋ الدىڭعى شەپ قولباسشىلىق شتابى كادرلار مەن دارىندىلاردى كومەك قابىلداعان جەردەگى الەۋمەتتىك اۋماقتارعا بارىپ، ٴتۇرلى فورماداعى ”شاندۇڭ − شينجياڭ انار ٴدانى“ ەرىكتى قىزمەت وتەۋ قيمىلىن ورىستەتۋگە ۇيىمداستىردى.
”شاندۇڭ − شينجياڭ انار ٴدانى“ ەرىكتىلەرى جاڭاٴشار اۋدانى بوۋاڭ الەۋمەتتىك اۋماعىندا ”تەگىن دياگنوز قويۋ“ ەرىكتى قىزمەت وتەۋ قيمىلىن ورىستەتتى. سۋرەتتى ياڭ جيە تۇسىرگەن
جاڭاٴشار اۋدانى بوۋاڭ الەۋمەتتىك اۋماعىندا، شينجياڭعا كومەككە كەلگەن كادرلار مەن جاڭاٴشار اۋداندىق حالىق شيپاحاناسىنداعى شينجياڭعا كومەككە كەلگەن شيپاگەرلەردەن ۇيىمداسقان مەيىر باعىشتاۋ ەرىكتى قىزمەت وتەۋ اترەتى قاراستى رايونداعى بۇقارانىڭ دەنە تەمپەراتۋراسىن، قان قىسىمىن تەگىن ولشەپ، ٴدارى ـ دارمەكتەردى اقىسىز تاراتىپ، ٴدارىنى ۇيلەسىمدى تۇتىنۋعا جەتەكشىلىك ەتتى، ٴجيى كەزدەسەتىن سوزىلمالى اۋرۋلاردان، كوپ تۋىلاتىن اۋرۋلاردان ساقتانۋ جانە ونى ەمدەۋگە كاسىپتىك جاقتان جەتەكشىلىك ەتتى.
”ەرىكتى قىزمەت وتەۋ قيمىلىن ورىستەتۋ ارقىلى ’شاندۇڭ − شينجياڭ انار ٴدانى‘ ەرىكتى قىزمەت وتەۋى سىندى وسى ماركا شاندۇڭنىڭ شينجياڭعا كومەكتەسۋىنىڭ جوعارى ساپالى دامۋىن ىلگەرىلەتۋدەگى جاڭا جارقىن تۇيىنگە اينالدى“، ـ دەدى شاندۇڭ ولكەسىنىڭ قاشقار ايماعىنا باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشىسى، قاشقار ايماقتىق پارتكومىنىڭ ورىنباسار شۋجيى جاڭ چىڭۋي.
” شاندۇڭ − شينجياڭ انار ٴدانى“ ەرىكتىلەرى الەۋمەتتىك اۋماققا بارىپ ەرىكتى قىزمەت وتەۋ قيمىلىن ورىستەتتى. سۋرەتتى ياڭ جيە تۇسىرگەن
بيىل جىل باسىنان بەرى، شاندۇڭ ولكەسىنىڭ قاشقار ايماعىنا باعىتتامالى كومەكتەسۋ الدىڭعى شەپ قولباسشىلىق شتابى مەن ٴارقايسى كومەك قابىلداۋشى اۋدان، قالا ”شاندۇڭ − شينجياڭ انار ٴدانى“ ينجەنەرياسىن اتقارۋدى بىرگە ىلگەرىلەتىپ، شينجياڭعا كومەكتەسۋ قىزمەتى قاي جەرگە دەيىن كەڭەيسە، جۇپ قۇراپ، تۋىس بولۋ سول جەرگە دەيىن ىلەسۋدى، ۇلتتار ىنتىماعى سول جەرگە دەيىن توعىسۋدى جۇزەگە اسىرىپ، ۇلتتار ىنتىماعى قيمىل تۇعىرى مەن دانەكەرىن بايىتىپ، ۇلتتار ىنتىماعى ىستەرىنىڭ دامۋى مەن العا باسۋىن جەبەپ، ۇلتتار ىنتىماعىنىڭ ”شاندۇڭ − شينجياڭ انار ٴدانى“ ينجەنەريا ماركاسىن قالىپتاستىردى.
ۇعىسۋىمىزشا، شاندۇڭنان شينجياڭعا كومەككە كەلگەن 180 نەشە كادر سول كۇنگى قيمىلعا قاتىناسقان.
اۋدارعان: قادىر ماقان
