انار بۇلت / شينجياڭ گازەتىنىڭ ءتىلشىسى جاڭ يۇنمەيدىڭ 3 - ايدىڭ 8 - كۇنى بەيجيڭنەن ۇرىمجىگە جالعاپ بەرگەن حابارى. 3 - ايدىڭ 8 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسقان مەملەكەتتىك ساياسي كەڭەستىڭ شينجياڭدا تۇراتىن مۇشەلەرى سالالىق گرۋپپالار بويىنشا ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى تالقىلادى.
مەملەكەتتىك ساياسي كەڭەستىڭ شينجياڭدا تۇراتىن مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن گرۋپپالار تالقىسىنا قاتىناستى.
مۇشەلەر بىلاي دەپ قارادى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەتىنەن باياندامادا شي جينپيڭنىڭ زاڭمەن باسقارۋ يدەياسى باستان - اياق ساباقتاستىرىلعان، حالىققا جاناسىمدى، حالىق تىلەگىنە جاناسقان، مەيىرگە تولى، ناق ساندى مالىمەتتەر، جاندى مىسالدار ارقىلى زاڭمەن باسقارۋ رۋحىن ايگىلەگەن، حالىقتىڭ تىلەگىنە بەيىمدەلگەن. 2021 - جىلى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دەن قويا تياناقتاندىرىپ، نازاردى كەلەلى جاعدايعا قىزمەت وتەۋ، ءادىليانى ادىلدىكپەن جۇرگىزۋ، ءادىليانى حالىق ءۇشىن جۇرگىزۋ قىزمەت نەگىزگى جەلىسىنە شوعىرلاندىرىپ، مىندەتىن زاڭ بويىنشا ىرىقتى تۇردە اتقارىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى، زاڭمەن باسقارىلاتىن شارۋاشىلىق - ساۋدا ورتاسى قۇرىلىسىن جەبەۋ، كىرشىكسىز ينتەرنەت كەڭىستىگىن قالىپتاستىرۋ، اۋىل - قىستاقتى گۇلدەندىرۋگە قىزمەت وتەۋ سياقتى جاقتاردا قىرۋار ءونىمدى قىزمەتتەر ىستەپ، مەملەكەت حاۋىپسىزدىگى مەن قوعام ورنىقتىلىعىن قورعاۋعا، ەكونوميكانىڭ، قوعامنىڭ جوعارى ساپالى دامۋىن جەبەۋگە، حالىق بۇقاراسىنىڭ ءادىليا قاجەتىن قاناعاتتاندىرۋعا جوعارى ءونىمدى ءادىليالىق قىزمەت وتەۋ مەن پارمەندى ءادىليا قامتاماسىزدىعىن ازىرلەدى.
مۇشەلەر مىنالاردى ءبىلدىردى: بيىل ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەتىنەن باياندامانىڭ ەرەكشەلىگى ايقىن بولدى، بۇل نەگىزىنەن ادىلدىكتى قورعاۋ، حالىق ءۇشىن قىزمەت ىستەۋ ءتۇبىرلى ماقساتىن امالياتتا ايگىلەۋ، كەلەلى جاعدايعا قىزمەت وتەۋ، ءادىليانىڭ جاۋاپكەرشىلىك ارقالاۋىن ايگىلەۋ، قاتاڭدىقتى ماڭداي الدى ورىنعا قويۋ، ءادىليا قۇرىش قوسىنىن تۇلعالاۋ سياقتى جاقتاردا بەينەلەندى. ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى ”مەملەكەتتىڭ زور ءىسىن“ ارقالاعان سايىن جاۋاپكەرشىلىك تە اۋىر بولادى دەگەندى باستان - اياق ەستە بەرىك ساقتاپ، نەگىزگى زاڭدا جانە زاڭداردا جۇكتەلگەن مىندەت جاۋاپكەرشىلىگىن ادالدىقپەن وتەپ، ”التىنى ورنىقتىرۋعا“، ”التىنى قامتاماسىز ەتۋگە“ دالمە - ءدال قىزمەت وتەپ، اۋىر زورلىقتى كۇش قىلمىستىق ىستەر دەلولارىن زاڭ بويىنشا قاراپ اياقتاتىپ، كاسىپورىندارعا سايعان قىلمىستىق ىستەردەگى ناقاق، قاتە دەلولاردى تۇزەتىپ، مەملەكەتتىڭ حاۋىپسىزدىگىن، قوعامنىڭ تىنىشتىعىن جانە حالىقتىڭ اماندىعىن باتىل قورعاپ، ءادىليا ورگانىنىڭ جاۋاپكەرشىلىگىن جانە جاۋاپكەرشىلىك ارقالايتىندىعىن ايگىلەدى. ناقتى ءادىليا امالياتىندا زاڭدى، قاعيدانى، سۇيىسپەنشىلىكتى توعىستىرىپ ءبىر تۇلعالاندىرۋ ۇستانىمىن امالياتتا ايگىلەۋگە ءمان بەرىپ، كورنەكتى ناتيجەگە قول جەتكىزىپ، ايقىن جۇڭگوشا ەرەكشەلىكتى ايگىلەدى.
بيىل پارتيا 20 - قۇرىلتايى اشىلاتىن جىل، مۇشەلەر مىناداي ۇسىنىستار بەردى: ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى نازاردى جوعارى ساپالى دامۋ نەگىزگى تاقىرىبى مەن ءار ۇلت حالقىنىڭ جوعارى ساپالى تۇرمىسىنا شوعىرلاندىرىپ، ءادىليا ءتۇزىلىسىنىڭ كەشەندى سايكەستى رەفورماسىن ىشكەرىلەي تەرەڭدەتىپ، ءادىليا دەڭگەيىن ۇزدىكسىز جوعارىلاتىپ، مۇنان دا جوعارى دەڭگەيدەگى تىنىش جۇڭگو، زاڭمەن باسقارىلاتىن جۇڭگو قۇرۋدى ىلگەرىلەتۋ كەرەك. سونىمەن بىرگە ”شينجياڭعا زاڭمەن باسقارۋ جاعىنان كومەكتەسۋ“ قىزمەتىن ۇزدىكسىز كۇشەيتۋ كەرەك. دەلو قاراۋ، زاڭدىق باقىلاۋ، كاسىپتىك باۋلۋ، قوسىن قۇرىلىسى سياقتى جاقتاردا جەتەكشىلىك ەتىپ جانە كومەكتەسىپ، شينجياڭنىڭ ءادىليا ورگاندارىنىڭ شينجياڭدى زاڭمەن باسقارۋ جانە زاڭمەن باسقارىلاتىن شينجياڭ قۇرىلىسىنا قىزمەت وتەۋ قابىلەتى مەن دەڭگەيىن قۇلشىنا جوعارىلاتۋ كەرەك.
شينجياڭدا تۇراتىن مەملەكەتتىك ساياسي كەڭەس مۇشەلەرى دۇڭ شينگۋاڭ، كۇڭ شيڭلۇڭ، پىڭ يۇڭ، ءمۇتالىپ قاسىم، ورگۇل جاپپار، ليۋ جيانشين، ۋان حايچۋان، ماعاۋ سەيىتقامزا، ءعايرات ءومار قاتارلىلار تالقىعا قاتىناستى.
