مەملەكەتتىك ساياسي كەڭەستىڭ شينجياڭدا تۇراتىن مۇشەلەرى شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتۋدى توڭىرەكتەي سىندارلى اقىل - كەڭەس بەردى
ۇلتتاردىڭ ورتاق رۋحاني مەكەنىن قۇرايىق
انار بۇلت / شينجياڭ گازەتىنىڭ ءتىلشىسى جاڭ يۇنمەي
”شينجياڭدى مادەنيەتپەن نارلەندىرۋ جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ماڭىزدى قۇرامداس بولىگى، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جونىنەن ەرەكشە ماڭىزدى ءمان الادى“. بيىل مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىندە مەملەكەتتىك ساياسي كەڭەستىڭ شينجياڭدا تۇراتىن مۇشەلەرى تۇگەلدەي نازارلارىن شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتۋگە شوعىرلاندىردى. كوپشىلىك جۇڭحۋا ۇلتى ورتاق تۇلعا تانىمىن اناعۇرلىم بەرىك ورناتىپ، ۇلتتاردىڭ ورتاق رۋحاني مەكەنىن قۇرۋ كەرەك دەپ قارادى.
”3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭدى مادەنيەتپەن نارلەندىرۋ ينجەنەرياسى تىڭعىلىقتى ىلگەرىلەتىلىپ، مادەنيەت، كوركومەنەر ىستەرىندە گۇلدەنۋدىڭ، دامۋدىڭ جاندى جاعدايى جارىققا شىقتى“. مۇشە ءدىلنار ابىلا: ناتيجەدەن شاتتانىپ، شابىت الۋمەن بىرگە، مۇنداعى ولقىلىقتار مەن جەتەرسىزدىكتەردى دە كورە ءبىلۋ كەرەك، - دەدى.
ول بىلاي دەپ قارادى: كەزەكتە قاتىستى قۇرىلىمداردىڭ شينجياڭدى مادەنيەتپەن نارلەندىرۋ جونىندەگى نازاريالىق زەرتتەۋى ءالى دە تەرەڭ، جۇيەلى ەمەس، جاستار مەن ورەندەردىڭ جۇڭحۋانىڭ تاڭداۋلى ءداستۇرلى مادەنيەتى تاربيەسىندە ءالى دە ساباق جۇيەسى كەمەلدى بولماۋ، وقۋ - اعارتۋ بايلىعى مول بولماۋ سياقتى ماسەلەلەر ورىن تەۋىپ وتىر.
مۇشە ءدىلنار ابىلا مىناداي ۇسىنىس بەردى: مەملەكەت دەڭگەيىندە جوعارى ساتىلى جوبالاپ، جوبانى سايكەستىرۋ، نىساندارمەن جەتەكتەۋ، باقىلاۋ - باعالاۋ سياقتى مەحانيزمدەردى ورناتىپ، كەمەلدەندىرىپ، شينجياڭدى مادەنيەتپەن نارلەندىرۋدى جالپى جاعدايلىق، ستراتەگيالىق، ءتۇبىرلى مىندەت ەتىپ ءار دارەجەلى پارتكومدار مەن ۇكىمەتتەردىڭ كەلەلى قىزمەت ورنالاستىرۋىنا ەنگىزۋ كەرەك. سونىمەن بىرگە شينجياڭدى مادەنيەتپەن نارلەندىرۋ نازاريالىق زەرتتەۋىن كۇشەيتىپ، شينجياڭنىڭ ادەبيەت - كوركەمونەر سارا تۋىندىلارىن جاراتۋدى جانە ادەبيەت - كوركەمونەر دارىندىلارىن باۋلۋدى ىلگەرىلەتىپ، شينجياڭداعى ءار دارەجەلى مەكتەپتەردە جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسى ساباعىن اشۋ، جۇڭحۋا ولەڭ - جىرلارى، كلاسسيكالىق ادەبيەت جانە جۇڭگوشا سۋرەت، وتاندىق ءىلىم سياقتى جۇڭحۋانىڭ تاڭداۋلى ءداستۇرلى مادەنيەتىن مەكتەپتەرگە جەتكىزۋ قيمىلى سياقتىلاردى ورىستەتۋ ارقىلى شينجياڭدى مادەنيەتپەن نارلەندىرۋدى مەكتەپ تاربيەسىنە جاندى توعىستىرۋ كەرەك.
مۇشە جيا ديانزىڭ مۇنى ايرىقشا قۇپتادى. وقۋ - اعارتۋ قىزمەتكەرى رەتىندە ول مىناداي ۇسىنىس بەردى: ءار دارەجەلى مەكتەپتەردە، عىلمي زەرتتەۋ قۇرىلىمدارىندا ارناۋلى تاقىرىپتىق ساباق ورنالاستىرىپ، ءار ۇلت وقىتۋشىلارى مەن عىلمي زەرتتەۋ قىزمەتكەرلەرىن جۇڭحۋا ۇلتى ورتاق تۇلعا تانىمىن بەرىك ورناتۋ جاقتارىندا زەرتتەۋ ورىستەتۋگە شابىتتاندىرىپ، بەينەت پەن زەينەتتە بىرگە بولاتىن، داڭق پەن نامىستا بىرگە بولاتىن، ءومىر مەن ولىمدە بىرگە بولاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋ كەرەك.
ول تاعى جاستار مەن ورەندەردىڭ جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن كۇشەيتۋ ءتاسىلى مەن تۇزىمدىك ورنالاستىرۋىندا جاڭالىق اشۋ كەرەك دەپ قارادى. ”جاڭا مەديالاردان، ينتەرنەت جاڭا تەحنيكاسىنان تولىق پايدالانىپ، بەينە ەكران ءتاسىلىن نەگىز ەتكەن جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسى ءتاسىلى جونىندە ۇزدىكسىز ىزدەنىس جاساپ، ءار ۇلت جاستارى مەن ورەندەرىنىڭ كورگىسى كەلۋىنە، كورە الۋىنا، ۇناتىپ كورۋىنە مۇمكىندىك جاساۋدى، جاستار مەن ورەندەردىڭ شات - شادىمان بەينەدە جۇڭحۋا ۇلتى ورتاق تۇلعا تانىمىن تابيعي تۇردە بەرىك ورناتۋىنا مۇمكىندىك جاساۋدى ۇسىنامىن“، - دەدى مۇشە جيا ديانزىڭ.
بايىنبۇلاق ساحاراسى ەلىمىزدەگى ەڭ ۇلكەن تاۋلى جايلىم، ەرەكشە جاراتىلىستىق كورىنىسى بار، باتىرلىق ەپوسى «جاڭعىردى»، حالىقتىق ءبي ساۋىردىندى، شىعىسقا ورالۋ نادام مەرەكەسىن ۋاكىل ەتكەن مەملەكەت دارەجەلى بەيزاتتىق مادەنيەت مۇرالارى وسى ارادا جالعاسقان. مۇشە سانجە جياسو بايىنبۇلاقتا مەملەكەت دارەجەلى مادەنيەت ەكولوگياسىن قورعاۋ رايونىن قۇرىپ، وڭىرلىك بەيزاتتىق مادەنيەت مۇرالارىن قورعاۋدى جانە جالعاستىرۋدى ىلگەرىلەتىپ، مادەنيەت ماركاسىن جاراتىپ، مادەنيەت سانالىلىعىن جوعارىلاتىپ، ۇلتتاردىڭ سەنىمى مەن ۇيىسۋ قۋاتىن كۇشەيتىپ، ونى شينجياڭدى مادەنيەتپەن نارلەندىرۋ ينجەنەرياسىن ىلگەرىلەتۋدىڭ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى دانەكەرىنە اينالدىرۋدى ۇسىنىس ەتتى.
