تيانشان تورى
تيانشان تورى   ›   جاڭالىقتار   ›   سپورت الەمى

ليۋ مىڭتاۋ: مەملەكەت تۋىن ەڭ بيىكتەن جەلبىرەتسەم دەپ ويلايمىن

  3 - ايدىڭ 8 - كۇنى جۇڭگولىق ساڭلاق ليۋ مىڭتاۋ جارىستان كەيىن.

  سول كۇنى بەيجيڭ 2022 - جىلعى مۇگەدەكتەر قىسقى وليمپيادا سپورت جارىسى قىسقى ويىندار ەكى ءتۇرى بويىنشا ەرلەردىڭ ورتا ارالىق (وتىرۋ فورماسىندا) جارىسى حىبەيدىڭ جاڭجياكوۋىنداعى مەملەكەتتىك قىسقى ەكى ءتۇر جارىس ورتالىعىندا وتكىزىلدى.

□ شينحۋا اگەنتتىگىنىڭ ءتىلشىسى پىڭ زىياڭ تۇسىرگەن

شينحۋا اگەنتتىگىنىڭ تىلشىلەرى گىڭ حۇيحۋاڭ، گو يارۋ، ليۋ نيڭ

  3 - ايدىڭ 8 - كۇنى وتكەن مۇگەدەكتەر قىسقى وليمپيادا سپورت جارىسى قىسقى ويىندار ەكى ءتۇرى بويىنشا ەرلەردىڭ ورتا ارالىق (وتىرۋ فورماسىندا) جارىسىندا 20 جاستاعى ليۋ مىڭتاۋ التىن مەدالدى قانجىعاسىنا بايلادى، بۇل جۇڭگو ۋاكىلدەر ۇيىرمەسىنىڭ بەيجيڭ مۇگەدەكتەر قىسقى وليمپيادا سپورت جارىسىندا العان 8 - التىن مەدالى. وسىنىڭ الدىندا 3 - ايدىڭ 5 - كۇنى وتكەن ەرلەردىڭ قىسقا ارالىق (وتىرۋ فورماسىندا) جارىسىندا ول ءبىر قولا مەدال العان بولاتىن.

  بۇل ليۋ مىڭتاۋدىڭ مۇگەدەكتەر قىسقى وليمپيادا سپورت جارىسىنا تۇڭعىش رەت قاتىناسۋى. حىبەي ولكەسىنىڭ حاندان قالاسىنان كەلگەن ول ءوز اۋىلىنىڭ ەسىك الدىندا ءوتىپ جاتقان وسىنشاما ۇلكەن جارىس الاڭىندا وزىنە ءبىراز قىسىم تۇسكەندەي سەزىنگەنىن ايتىپ اعىنان اقتارىلدى. تۇڭعىش كۇنگى جارىستا قولا مەدال العانىندا وتباسىنداعىلارعا قۋانىشتى حاباردى جەتكىزىپ، تۋىس - تۋعاندارىنىڭ، دوس - جاراندارىنىڭ كوڭىل ءبولۋى مەن شابىتتاندىرۋىنا يە بولدى.

  ”وتباسىمداعىلار باستان - اياق ماعان كوڭىل كۇيىمدى ورنىقتى ۇستاۋدى ءناسيحاتتادى، الايدا بۇكىل ەلدەگى كورەرمەندەردىڭ ءبارىنىڭ نازارىندا ەكەندىگىمدى ويلاعاندا، ءوزىم دە جارىستىڭ ويداعىداي بولماي قالۋىنان الاڭدادىم. كەشە كەشتە وتباسىمداعىلارمەن تىلدەسكەنىمدە دە ابىرجىپ تۇردىم. ءبىراق شاڭعى الاڭىندا جولعا شىقتىم بولدى، نازارىم جارىس الاڭىنا شوعىرلانادى، باسقا نارسەنى كوپ ويلاپ جاتپايمىن. سوڭىنا تاياعاندا دىڭكەم قۇرىپ كەتكەن كۇننىڭ وزىندە دە توقتاماي سىرعاناي بەردىم. وتانعا داڭق اپەرىپ، مەملەكەت تۋىن (سيلىق العان كەزىمدە) ەڭ بيىكتەن جەلبىرەتسەم دەپ ويلادىم“، - دەدى ليۋ مىڭتاۋ.

  ”ەندىگىدە مۇگەدەكتەر قىسقى وليمپيادا سپورت جارىسىنىڭ قىسقى ويىندار ەكى ءتۇرى جانە مۇگەدەكتەر قىسقى وليمپيادا دالالىق قار شاڭعى سىندى ەكى ءتۇرلى جارىسىم بار. كوڭىل كۇيىمدى ورنىقتىرىپ، كوبىرەك ۇيىقتاپ، دەنە قۋاتىمدى جاقسىراق قالپىنا كەلتىرەمىن دە ارى قاراي بار كۇشىمدى سالامىن“، - دەدى ليۋ مىڭتاۋ.

(شينحۋا اگەنتتىگىنىڭ 3 - ايدىڭ 8 - كۇنى حىبەيدىڭ چۇڭليىنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.