− باس شۋجي شي جينپيڭنىڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندىعىنىڭ 5 جىلدىعى بايلانىسىمەن
انار بۇلت / شينجياڭ گازەتىنىڭ ءتىلشىسى جاڭ يانفاڭ
شۋاقتى كوكتەمدەگى 3 - ايدا كۇللى تىرشىلىك جارىسا جانداندى، كوكتەمدەگى سالتاناتتى جينالىس مەجەلى مەرزىمىندە وتكىزىلدى.
2017 - جىلى 3 - ايدىڭ 10 - كۇنى باس شۋجي شي جينپيڭنىڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، ۋاكىلدەرمەن بىرگە مەملەكەت ىستەرىن اقىلداسىپ، شينجياڭ قىزمەتى جونىندە ىقىلاستى ءۇمىت ارتىپ، تيانشان پەرزەنتتەرىن ايرىقشا جىگەرلەندىرگەندىگىن شينجياڭداعى ءار ۇلت حالقى ماڭگى ەسىندە ساقتادى.
5 جىلدان بەرى باس شۋجيدىڭ ىقىلاستى تاپسىرماسى 25 ميلليون تيانشان پەرزەنتتەرىنىڭ جۇرەك تۇكپىرىنەن تەرەڭ ورىن الدى. پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم ءار ۇلت كادر - بۇقاراسىن باستاپ ىنتىماقتاسا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋدىڭ شۇعىلالى جولىندا ەرلىكپەن العا باستى، تيانشان الابىنان قارىشتاپ العا باسۋدىڭ ارىنى تاسقىنداپ، ادامدى قۋانتارلىق وزگەرىستەر جارىققا شىقتى.
بۇگىنگى وسى ماڭىزدى ءارى ايرىقشا ۋاقىت ساتىندە ءبىز باس شۋجي شي جينپيڭنىڭ شينجياڭعا دەگەن تەرەڭ قامقورلىعىنا ءتىپتى دە العىس ايتىپ، اناعۇرلىم بەرىك سەنىممەن، اسقاق جىگەرمەن قايراتتانا ۇمتىلىپ، كوكتەمدەگى شىت جاڭا جاۋاپناما جازامىز.
تەرەڭ سۇيىسپەنشىلىككە تولعان ىقىلاستى تاپسىرمالاردى تيانشان پەرزەنتتەرى ماڭگى ەستە بەرىك ساقتايدى
”سىزدەردىڭ حوتان ايماعىندا اۋىل - قىستاقتىڭ ەگىس جەرى از. سىزدەردىڭ قىستاقتا ءار وتباسىندا قانشالىقتى جەر بار؟“.
”قازىر استىق ەكتىڭىزدەر مە، الدە جەمىس اعاشىن ەكتىڭىزدەر مە؟“.
5 جىلدىڭ الدىندا شينجياڭ ۋاكىلدەر ۇيىرمەسىنىڭ باياندامانى قاراعان كەزدەگى باس شۋجيدىڭ كوكەيىندە ساقتاعان سۇراۋىن 12 - كەزەكتى مەملەكەتتىك حالىق قۇرىلتايىنىڭ ۋاكىلى، شەريا اۋدانى شەريا اۋىلى باش ۇجىمە قىستاعى پارتيا ياچەيكاسىنىڭ شۋجيى ماماترەيىم ءمامتيمىن ەسىنە السا بولدى ايرىقشا اسەرلەنەدى.
”باس شۋجيدىڭ پەيىلى بىزگە وسىنشاما ەتەنە“، - دەدى ماماترەيىم، - ”باس شۋجي بىزگە جان اشىر جاقىنىمىزداي مەيىر سيلاپ، تاماشا تۇرمىسقا دەگەن سەنىمىمىزدى ونان ارى بەكەمدەدى“.
5 جىلدىڭ الدىنداعى بۇگىنگى كۇن، باس شۋجي شي جينپيڭ شينجياڭ ۋاكىلدەر ۇيىرمەسىنە كەلىپ، كوپشىلىكپەن ىقىلاستى امانداسىپ، نەگىزگى ساتى ۋاكىلدەرىنىڭ ۇيرەنۋ، تۇرمىس، قىزمەت جاعدايىن كوڭىل قويا سۇراستىرىپ، ءار ۇلت ۋاكىلدەرىمەن بىرگە ورنىقتىلىق جايلى اڭگىمەلەسىپ، دامۋ تۋرالى كەڭەسىپ، حالىق تۇرمىسىن تىلگە تيەك ەتىپ، ىنتىماق جايلى ءماسليحات قۇرىپ، ماڭىزدى ءسوز سويلەدى. ءار اۋىز ءسوزى جۇرەككە جىلۋ بەرىپ، ۇمىتكە تولى بولىپ، كوپشىلىككە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرگەندىگىن، شينجياڭداعى ءار ۇلت حالقىنا ايرىقشا قامقورلىق جاساعاندىعىن تەرەڭ سەزىندىردى.
ءار ءسوزى سالماقتى تالاپ − ”ورنىقتىلىقتى قورعاۋدى ساياسي جاۋاپكەرشىلىك ەتۋگە تاباندى بولىپ، ەرتە يگەرۋدى، كىشكەنەدەن يگەرۋدى، تەز يگەرۋدى، ويداعىداي يگەرۋدى تياناق ەتىپ، ۇزاق بولاشاقتىق جوبا - جوسپار جاساۋ، نەگىزدى بەكەمدەۋ شارالارىن اتقارۋ، باياندى تىنىشتىق اۋقىمىن ساقتاۋ، باياندى جونگە سالۋ كەرەك“. ”جاڭا دامۋ ۇستانىمىن دايەكتىلەندىرۋ كەرەك“، ”اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ ءتيىس“.
تەرەڭ سۇيىسپەنشىلىككە تولى پەيىل − ”ءوندىرىس، تۇرمىس شارت - جاعدايىن جاقسارتۋ جاعىنداعى نىسانداردى كوبىرەك جولعا قويىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ءار ۇلت بۇقاراسى قام ەتىپ وتىرعان ماسەلەلەردى كوبىرەك شەشۋ كەرەك“، ”وڭتۇستىك شينجياڭداعى كەدەي وڭىرلەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتۋ كەرەك“، ”ءار ۇلت بۇقاراسىنىڭ اناعۇرلىم جاقسى تۇرمىس كەشىرۋىنە مۇمكىندىك جاساۋعا قۇلشىنۋ كەرەك“.
ماڭىزى تەرەڭ تاپسىرما − ”ۇلتتار ىنتىماعىن كوز قاراشىعىمىزداي قورعاپ، ۇلتتار ىنتىماعىن ومىرىمىزدەي قاستەرلەپ، اناردىڭ دانىندەي تىعىز ۇيىسايىق“.
...
ىقىلاستى تاپسىرما، شىنايى ءۇمىت باعدار كورسەتىپ، كۇش - قۋات بەردى. تيانشان پەرزەنتتەرى كوكەيىندە بەرىك ساقتاپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ قۋاتتى سەنىمى مەن سارقىلماس قوزعاۋشى كۇشىنە اينالدىردى.
قيىنشىلىق پەن جاپا - ماشاقات ادامدى شىڭداپ تابىسقا جەتەلەيدى. 5 جىلدان بەرى شينجياڭداعى ءار ۇلت كادر - بۇقاراسى باس شۋجي نۇسقاعان بەتالىسپەن ءجۇرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە باس شۋجيدىڭ ماجىلىستە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، تاباندىلىقپەن العا ىلگەرىلەپ، كۇرەسكەرلىكتىڭ قان - تەرىن تيانشان الابىنىڭ بارلىق الابىنا ءسىڭىردى. مىڭ جىلدىق كەدەيلىككە قوش ايتىپ، ءبىز بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، ”14 - بەسجىلدىقتى“ تاماشا باستامامەن باستاپ، جاڭا دامۋ ۇستانىمى ارقىلى جوعارى ساپالى دامۋدى ىلگەرىلەتتىك، ءار ۇلت بۇقاراسىنىڭ تۇرمىسى كۇن سايىن جاقساردى... جاراسىمدى دا ورنىقتى، باۋراۋ قۋاتى تاسقىنداعان جاڭا داۋىردەگى شينجياڭ بۇكىل ەل الدىندا كورىنىس بەردى.
ءاربىر ساندى مالىمەت رەفورمانىڭ، دامۋدىڭ، ورنىقتىلىقتىڭ جاڭا كارتيناسىن كەسكىندەدى
بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىنە ساي، شينجياڭنىڭ قار - مۇز ساياحاتى اناعۇرلىم جانداندى.
كۇن شۇعىلاسى اياسىندا قارلى القاپتارداعى قار شاڭعى جولدارى ۇزاقتان - ۇزاققا سوزىلىپ جاتىر. ”3 - ايدا وسىنشاما جاقسى قار شاڭعى جولىندا شاڭعى تەبۋدىڭ ءوزى ءبىر ءلاززات“، - دەدى 3 - ايدىڭ 4 - كۇنى كوكتوعاي اۋدانى حالىقارالىق قار شاڭعى دەمالىس اۋماعىنىڭ شاڭعى الاڭىندا گۋاڭدۇڭ شۋەليان دەنە تاربيە شەكتى سەرىكتەستىگىنىڭ قۇرۋشىسى چىن جيان - ان اسەرلەنىپ. وسى 2 جىلدا ول شينجياڭ سىرتىنداعى 1000عا جۋىق شاڭعىشىلاردى جالدامالى ۇشاققا وتىرىپ قار مەكەنى التايعا كەلىپ شاڭعى تەبۋگە ۇيىمداستىردى.
5 جىلدان بەرى سان ميلليونداعان ەل ءىشى - سىرتىنداعى ساياحاتشىلار شينجياڭعا كەلىپ، ايبىندى تاۋ - وزەننىڭ كوركىن سەزىنىپ، قار - مۇزدىڭ شەكسىز ءلاززاتىنا شومدى، شينجياڭ بارعان سايىن ەل ءىشى - سىرتىنداعى ساياحاتشىلاردىڭ، ءسوزسىز، كەلۋدى ارماندايتىن تاماشا جەرىنە اينالدى، بۇل ساياحات ارقىلى شينجياڭدى گۇلدەندىرۋ ستراتەگياسىن ۇزدىكسىز ىلگەرىلەتۋدىڭ ارقاسى، شينجياڭنىڭ جاراسىمدى، ورنىقتى قوعامدىق ورتاسىنىڭ ارقاسى.
5 جىلدان بەرى تۇتاس شينجياڭ جوعارىدان تومەنگە دەيىن باس شۋجيدىڭ تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ۇزاق بولاشاقتىق جوبا - جوسپار جاساپ، نەگىزدى بەكەمدەۋ شارالارىن اتقارىپ، العان بەتتەن قايتپايتىن تاباندىلىقپەن ىستەپ، شينجياڭداعى ءار ۇلت حالقىنىڭ كوپ جىلدان بەرگى تىنىشتىق، ورنىقتىلىققا بولعان ارمانى مەن تىلەگىن جۇزەگە اسىردى.
الەۋمەتتىك اۋماققا قويىپ قويعان ۆەلوسيپەدتى، ەلەكترسيكلدى كەيدە قۇلىپتاۋدى ۇمىتىپ كەتەمىز، قانشا كۇن وتسە دە جوعالمايدى، بۇل يانچي حۇيزۋ اۆتونوميالى اۋدانى يۇڭنيڭ قالاشىعى نانحى الەۋمەتتىك اۋماعىنىڭ كادرى جاۋ يان ءوز كوزىمەن كورگەن تاماشا زامان؛ قۇتىبي اۋدانى ۋگۇڭتاي قالاشىعى داچۋان قىستاعىنىڭ تۇرعىنى كۇلايزا جاقىپبايدىڭ قاراۋىنشا، الاڭدايتىن ىستەرگە جولىققاندا، قىستاق تۇرعىندارىنىڭ ءىس كەڭەسۋ جيىنىندا ورتاعا قويسا بولدى، ونى شەشۋدىڭ ءادىسى قاشاندا تابىلادى...
بۇگىنگى كۇندە ءار ۇلت بۇقاراسىنىڭ قوعام ورنىقتىلىعى مەن باياندى تىنىشتىققا دەگەن سەنىمى ۇزدىكسىز كۇشەيىپ، ورنىقتىلىقتىڭ پايداسى، ساياساتتىڭ پايداسى ىركەس - تىركەس جارىققا شىعىپ، ەكونوميكانىڭ، قوعامنىڭ جوعارى ساپالى دامۋى پارمەندى دە قۋاتتى قامتاماسىزدىققا يە بولدى.
جاڭا ۇستانىم جاڭا دامۋعا باستادى. بۇگىنگى كۇندە شينجياڭ جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، دامۋ ماسەلەسىن شەشەتىن وسى ”التىن كىلتتەن“ ويداعىداي پايدالانىپ، ءار سالا، ءار كاسىپتىڭ جوعارى ساپالى دامۋىنىڭ جاڭا قوزعاۋشى كۇشىن قاۋلاتىپ، تيانشان الابىندا ومىرشەڭدىك كۇش تاسقىنداتتى −
كاسىپ سالاسى دامىپ، ساپاسى جوعارىلاپ، ونىمدىلىگى ارتتى، وسى زامانعى اۋىل شارۋاشىلىعى جوعارى ءونىمدى، ساپالى دامۋ كەزەڭىنە اياق باسىپ، استىقتىڭ جالپى ءونىم مولشەرى جاڭا جوعارى دەڭگەيگە جەتىپ، ەرەكشە، ابزال كاسىپ سالالارى جىلدام دامىپ، ستراتەگيالىق جاڭادان كوركەيگەن ءبىر توپ كاسىپ سالاسى شينجياڭنىڭ بايتاق دالاسىندا جىلدام وركەندەدى؛
ءتۇيىندى سالالارداعى رەفورمادا كوپ تۇيىندە قامال الىنىپ، ەكونوميكانىڭ، قوعامنىڭ جوعارى ساپالى دامۋىنا پايدالى ءبىر توپ رەفورما شارالارى تياناقتانىپ، اتقارىلىپ، شارۋاشىلىق - ساۋدا ورتاسى ۇزدىكسىز ساپالىلاندى؛
جىبەك جولى ەكونوميكالىق بەلدەۋى وزەكتى رايون قۇرىلىسىنىڭ قارقىنى تەزدەپ، تارباعاتاي ءتۇيىندى دامىتۋ، ەسىك اشۋ سىناق رايونى قۇرىلىس باستاپ، ”ءبىر پورت“، ”ەكى رايون“، ”بەس ۇلكەن ورتالىق“ جانە ”شەكارا وتكەلى ەكونوميكالىق بەلدەۋى“ قۇرىلىسىنا ءۇرتىس كۇش سالىنىپ، ەلىمىزدىڭ ىشكى قۇرلىقتىق ەسىك اشۋدىڭ جانە شەكارا بويىنداعى ەسىك اشۋدىڭ بيىك بەلەسى كۇش سالا تۇلعالاندى؛
نەگىزدىك قۇرىلعى قۇرىلىسى جەدەل ىلگەرىلەپ، بەيجيڭ - شينجياڭ جوعارى جىلدامدىقتى تاس جولى تۇتاس جەلى بويىنشا تۇتاستىرىلىپ، سولتۇستىك شينجياڭنىڭ تۇڭعىش قۇمدى ءشول جوعارى جىلدامدىقتى تاس جولى سالىنىپ، ىسكە قوسىلدى، تارىم ويپاتىن اينالعان جوعارى جىلدامدىقتى تاس جول شەڭبەرى نەگىزىنەن سالىنىپ ءبىتتى، تۇتاس رايوننىڭ حالىقتىق اۋەجايىنىڭ جالپى سانى 23كە جەتتى، تەمىر جول تۇتاس رايوننىڭ ％80تەن استام اۋدان دارەجەلى اكىمشىلىك رايونىن قامتىپ، ادامدار ىركىلىسسىز قاتىنادى، زات ىركىلىسسىز جەتكىزىلدى؛
ەكولوگيالىق ورتا ساپاسى ءۇرتىس جاقسارىپ، تۇنىق سۋ، جاسىل تاۋ − باعالى بايلىق، قارلى دالا، مۇزدى القاپ تا باعالى بايلىق ۇستانىمىنا تاباندى بولىپ، اشىق اسپان، تۇنىق سۋ، تازا توپىراق سىندى ”3 ۇلكەن قورعاۋ شايقاسىن“ ارقاۋ ەتىپ، لاستانۋدان ساقتانۋ جانە ونى جونگە سالۋ، قۇمايتتانۋدان ساقتانۋ، قۇمايتتانۋدى تىزگىندەۋ تەبىنىن ارتتىرىپ، جاسىل، تومەن كومىر قىشقىل گازدى دامۋ جولىمەن ءجۇرىپ، بايتاق دا كورىكتى شينجياڭنىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولدى.
جاڭا دامۋ ۇستانىمى شينجياڭنىڭ دامۋ تامىرىنا ءسىڭىپ، ناقتى وي جەلىسىنە، ءىس جۇزىندىك شاراعا اينالدى. ءاربىر ساندى مالىمەت، ءاربىر ناتيجە شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋعا قاراي اياق باسقان نىق قادامىنا كۋا بولىپ، رەفورمانىڭ، دامۋدىڭ، ورنىقتىلىقتىڭ اناعۇرلىم جاڭا، اناعۇرلىم كورىكتى كارتيناسى ايشىقتالا ءتۇستى.
حالىق تۇرمىسى نىساندارى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشتى
2021 - جىلى 10 - ايدىڭ 1 - كۇنى كەريا اۋدانى ءداريابويى اۋىلى قونىس جاڭالاپ ورنالاستىرۋ تۇيىنىندەگى تۇرعىندار كەدەيلىكتەن ارىلعاننان كەيىنگى العاشقى مەملەكەت مەرەكەسىن وتكىزدى. اتا - بابالارى تۇرمىس كەشىرگەن جول توسەلمەگەن، سۋ جەتكىزىلمەگەن، ۇلكەن ەلەكتر تورى جالعانباعان قۇمدى ءشولدىڭ قويناۋىنان مەكتەپ، ەمحانا، جولاۋشى تاسىمال بەكەتى سياقتى قۇرىلعىلارى تولىق بولعان قونىس جاڭالاپ ورنالاستىرۋ تۇيىنىنە كوشىپ كەلدى، قىستاقتا تاعى مال باعىمشىلىق سەلبەستىك كووپەراتيۆى قۇرىلدى، سونىمەن بىرگە ساياحات كاسىبى بار كۇشپەن دامىتىلدى. اۋىل - قىستاقتى گۇلدەندىرۋ جولىمەن جۇرگەن قىستاق تۇرعىنى عۇنجيلا وبۇل قاباعات قۋاندى: ”باقىتتى تۇرمىسىمىزدى پارتيا مەن ۇكىمەتتىڭ قامقورلىعىنان بولە قاراۋعا بولمايدى. ەڭبەكشىل قوس قولىمىزبەن اۋىلىمىزدى ءتىپتى دە كورىكتەندىرە ءتۇسۋ ءبىزدىڭ وتانعا سيلاعان ەڭ تاماشا سيىمىز بولماق“.
حالىق تۇرمىسى حالىق باقىتىنىڭ تياناعى، قوعام جاراسىمدىلىعىنىڭ نەگىزى. حالىق تۇرمىسىنىڭ ىرىس - قۇتىن مولايتۋ دامۋدىڭ ءتۇبىرلى ماقساتى. باس شۋجي شي جينپيڭ شينجياڭداعى ءار ۇلت بۇقاراسىنىڭ باقىتتى تۇرمىسىن كوكەيىندە ساقتاپ، ەسىنەن شىعارمادى.
اۆتونوميالى رايوندىق پارتكوم مەن ۇكىمەت شينجياڭنىڭ ورنىقتىلىعىن، تىنىشتىعىن ساقتاۋ ستراتەگيالىق تۇرعىسىن تياناق ەتىپ، حالىقتى وزەك ەتكەن دامۋ يدەياسىن بەرىك ورناتىپ، قازىنالىق شىعىستىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىن تىعىز ارقاۋ ەتىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى حالىققا تيىمدىلىك جەتكىزۋ ينجەنەرياسىن اتقارىپ، ءار ۇلت بۇقاراسى قام قىلعان، شۇعىل، قيىن، ۋايىمداعان، ءزارۋ ءبىرسىپىرا ماسەلەنى ءونىمدى شەشىپ، حالىق بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىردى.
”ەندىگارى كەرمەك سۋ ىشپەيتىن بولدىق!“، شۇمەكتەن سىلدىراپ اققان تۇنىق سۋدى كورگەن ءپايزاۋات اۋدانى جامباز اۋىلى يىپاكچى قىستاعىنىڭ تۇرعىنى مۇسا اشىم شۇمەك سۋىن ”قىلقىلداتا جۇتتى“. 2020 - جىلدىڭ جازى، ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسى سالىنىپ ءبىتىپ، پايدالانۋعا بەرىلىپ، اۋىز سۋ حاۋىپسىزدىگىن جالپى بەتتىك جۇزەگە اسىردى. اسفالت جول تارتىلدى، ديناميكالىق ەلەكتر جەتكىزىلدى، راديو - تەلەۆيزيا جالعاندى، كەڭ بەلدەۋلى تور جالعاندى، اۋەجاي سالىندى... كەدەي بۇقارانىڭ ءوندىرىس، تۇرمىس شارت - جاعدايى زور مولشەردە جاقسارىپ، وڭتۇستىك شينجياڭنىڭ وزگەرىسى ەرەسەن بولدى.
شينجياڭ جالپىعا ءتيىمدى، نەگىزدىك، ەڭ تومەنگى شەكتەن تۇسىرىلمەيتىن حالىق تۇرمىسى قۇرىلىسىن تىڭعىلىقتى ويداعىداي جۇرگىزىپ، مەكتەپكە دەيىنگى تاربيەدەن يگىلىكتەنە الۋ، وقيتىن مەكتەبى بولۋ، ەڭبەگىنىڭ جەمىسىن كورۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراتىن باسپاناسى بولۋ، كومەككە ءزارۋ جاندار كومەكتەن يگىلىكتەنە الۋ سياقتى جاقتاردا جاڭا ىلگەرىلەۋشىلىكتەرگە ۇزدىكسىز قول جەتكىزدى.
جۇمىستانۋ، شارۋاشىلىق قۇرۋدى كوپ ارنالارمەن جەبەدى، اناعۇرلىم كوپ ەگىنشى - مالشى ۇيلەرىنەن ۇزاپ شىعىپ، زاۆودتاردا ىستەپ، جۇمىستانۋ جولىن مىقتى يگەردى؛ وقۋ - اعارتۋ ساپاسى ۇزدىكسىز جوعارىلاپ، وقۋ جاسىنداعى بالالاردىڭ جانە جاستار مەن ورەندەردىڭ وقۋعا ءتۇسۋىن تولىق قامتۋ جۇزەگە اسىرىلدى، مەكتەپكە دەيىنگى تاربيە بويىنشا بالاباقشاعا كىرۋ سالىستىرماسى، 9 جىلدىق مىندەتتى وقۋ - اعارتۋدى بەكەمدەۋ سالىستىرماسى، تولىق ورتا ساتىسىندا وقۋعا تولىق ءتۇسۋ سالىستىرماسى جەكە - جەكە ％98.19، ％95.69، ％98.87كە جەتتى؛ اۋىل - قىستاق نوپوسىنداعىلاردىڭ قاراستى جەرلەرىندەگى ۇكىمەتتىك شيپاحانالاردا ”الدىمەن ەمدەلىپ، سوڭىنان اقى تاپسىرۋ“ سىندى ءبىر رەتتىك ەسەپ جابۋ بۇكىل ەل بويىنشا الدىمەن اتقارىلىپ، بۇقارانىڭ اۋرۋ كورسەتۋى اناعۇرلىم قولايلى بولدى؛ وڭتۇستىك شينجياڭداعى 892 مىڭ ەگىنشى - مالشى وتباسى تازا ەنەرگيادان پايدالاندى...
5 جىلدان بەرى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، تۇرمىستارى كۇن سايىن جاقساردى، باس شۋجيدىڭ ”ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرەيىك“ دەگەن تاپسىرماسى شىن مانىندە ناقتى تياناقتاندى، ءار ۇلت بۇقاراسى شىن جۇرەكتەن العىس ايتتى.
قاراپايىم ادامداردىڭ ىزگى ىستەرى سەنترلەس شەڭبەردى بارعان سايىن ۇلكەيتتى
ۇلتتار ىنتىماعى ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى. باس شۋجي شي جينپيڭ شينجياڭنىڭ ۇلتتار ىنتىماعى، العاباسارلىعى ىستەرىنە زور ءۇمىت ارتتى.
باس شۋجيدىڭ ءتالىمىن ەستە بەرىك ساقتاعان اۆتونوميالى رايوندىق پارتكوم ۇلتتار ىنتىماعىن ەڭ ۇلكەن بۇقارالىق قىزمەت رەتىندە مىقتى، ناقتى يگەرىپ، ۇلتتار ىنتىماعى ۇگىت تاربيەسىن جانە ۇلتتار ىنتىماعىنداعى، العاباسارلىعىنداعى وزات ورىن قۇرۋ قيمىلىن ۇزدىكسىز ىشكەرىلەي ورىستەتتى، ءار دارەجەلى، ءار ءتۇرلى مەكتەپتەردە ”ءۇشتى جەتكىزۋ، ەكىمەن بايلانىس ورناتۋ، بىرمەن دوستاسۋ“ قيمىلىن ۇدايىلاندىرا ورىستەتىپ، ءار ۇلتتىڭ كىرىكپەلى قوعامدىق قۇرىلىمى مەن الەۋمەتتىك اۋماق ورتا قۇرىلىسىن كۇش سالا ىلگەرىلەتىپ، ءار ۇلت بۇقاراسىن ”بەستى شىنايى مويىنداۋدى“ كۇشەيتۋگە جاپپاي جەتەكتەپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن ءومىرىن قاستەرلەگەندەي قاستەرلەدى، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ سۇيىسپەنشىلىك دانەكەرى اناعۇرلىم بەكەمدەلدى.
سۋعا ءتۇسىپ كەتكەن بالانى قۇتقارۋ جولىندا جان قيارلىق كورسەتىپ قىمباتتى ءومىرىن ارناعان لاچين بايەكە؛ مۇلدە تانىمايتىن ساياحاتشىنىڭ اۆتوكولىگىن باتپاقتان شىعارىپ، اقشا بەرسە الماي، پارتيا مۇشەسى زناگىن كورسەتكەن ابدۇجاپپار مەڭدى؛ ۋاقىتپەن جارىسىپ، كۇش قوسا وتىرىپ حوتاندىق بىلەگى ۇزىلگەن بالانى قۇتقارىپ - ەمدەۋگە قاتىناسقان ءاربىر بەيتانىس جاندار؛ 8 كۇن - ءتۇن جول ءجۇرىپ، 4700 كيلومەتر الىسقا مەيىر جەتكىزگەن ”وكىلدىك جۇرگىزۋشى“ شينجياڭدىق جۇك اۆتوكولىك شوفەرى... ءار ۇلت اناردىڭ دانىندەي تىعىز ۇيىسىپ، شينجياڭنىڭ بايتاق دالاسىندا ادامدى تەبىرەنتەتىن كورىنىسكە اينالدى، قاراپايىم جانداردىڭ ىزگى ىستەرى ءار ۇلتتىڭ ەتەنە سۇيىسپەنشىلىكتە بولعان، ءوزارا قارايلاسقان سەنترلەس شەڭبەرىن بارعان سايىن ۇلكەيتتى.
جۇڭحۋا ۇلتى ورتاق تۇلعا تانىمى ۇلتتار ىنتىماعىنىڭ نەگىزى. اۆتونوميالى رايون ”شينجياڭدى مادەنيەتپەن نارلەندىرۋ“ ينجەنەرياسى سياقتىلاردى ىشكەرىلەي اتقارىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن ىلگەرىلەتىپ، جۇڭحۋا ۇلتى ورتاق تۇلعا تانىمىن ءار ۇلت كادر - بۇقاراسىنىڭ جۇرەگىنە تەرەڭ تامىر تارتتىردى، بۇكىل رايوندا جوعارىدان تومەنگە دەيىن پارتيانى ءسۇيۋدىڭ، وتاندى ءسۇيۋدىڭ، سوتسياليزمدى ءسۇيۋدىڭ ءداۋىر نەگىزگى اۋەنى اناعۇرلىم اسقاقتاپ، وڭ ەنەرگيا اناعۇرلىم تولىستى.
وسى ساتتە ءبىز ساعات ءتىلىن 5 جىلدىڭ الدىنا بۇرايىق. شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسار الدىندا باس شۋجي شي جينپيڭ قۇربان اتايدىڭ ۇرپاقتارىنا ىقىلاستى تۇردە جاۋاپ حات جازدى: ”وتباسىلارىڭىزدىڭ ۇزدىكسىز قۇربان اتاي سياقتى اۋىلداستارمەن بىرگە پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم كوركەم بولاشاعىن بىرگە اشۋلارىڭىزدى ءۇمىت ەتەمىن“.
3 - ايدىڭ 7 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسىنىڭ گرۋپپا جيىنىندا مەملەكەتتىك حالىق قۇرىلتايىنىڭ ۋاكىلى، قۇربان اتايدىڭ جيەنشارى رۋحيام ءماتسايدى تەرەڭ سۇيىسپەنشىلىكپەن بىلاي دەدى: ”ءبارىمىز اناردىڭ ءدانىمىز، ءاربىر ادام مىعىم قايراتقا كەلىپ، تاباندىلىقپەن العا ىلگەرىلەيتىن بولسا، شينجياڭنىڭ بولاشاعى ۇمىتكە تولى بولادى“.
شىعىس جەلى جەلپىپ ءوتتى كۇن ەلشىسى سەكىلدى ءبىر مامىرلاپ. گۇل - بايشەشەك بۇرشىك جارىپ، قاۋلاي ءوستى جامىراپ. جاڭا ءداۋىردىڭ جالىندى كوكتەم سامالىندا شينجياڭداعى ءار ۇلت تاتۋ - ءتاتتى ءوتىپ، قيىندىقتى بىلەك بىرىكتىرە جەڭىپ، جاراسىمدى دامىدى، قالىڭ كادر - بۇقارا باس شۋجي نۇسقاعان بەتالىستى بويلاي ىنتىماقتاسا ەكپىندەي ىلگەرىلەپ، وتانىمىزدىڭ شينجياڭىن بىرگە اناعۇرلىم كوركەم ەتىپ قۇرىپ شىعادى!
