ەركىن يمىرباقى، ما شيڭرۇي، ەركىن تۇنياز، شاۋكەت يمىن قاتىناستى
انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 - ايدىڭ 9 - كۇنى بەيجيڭنەن حابارلايدى. 3 - ايدىڭ 9 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسى گرۋپپا جيىنىن وتكىزىپ، باس شۋجي شي جينپيڭنىڭ 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى ازاتتىق ارميا مەن قارۋلى ساقشى بولىمدەرى ۋاكىلدەر ۇيىرمەلەرىنىڭ جالپى جيىنىنا قاتىناسقاندا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلى جوبانى، 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلى جوبانىڭ وزگەرىس ەنگىزىلگەن نۇسقاسىن، شياڭگاڭ ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسى جوباسىنىڭ وزگەرىس ەنگىزىلگەن نۇسقاسىن، اۋمىن ەرەكشە اكىمشىلىك رايونىنان 14 - كەزەكتى مەملەكەتتىك حالىق قۇرىلتايىنا ۋاكىل سايلاۋ ءادىسى جوباسىنىڭ وزگەرىس ەنگىزىلگەن نۇسقاسىن قارادى، ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى قارادى.
مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى، مەملەكەتتىك حالىق قۇرىلتايىنىڭ ۋاكىلى، شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك حالىق قۇرىلتايىنىڭ ۋاكىلدەرى ەركىن تۇنياز، شاۋكەت يمىن، شوكىرات زاكىر، نايىم ياسىن قاتارلىلار قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار جيىنعا سىرتتاي قاتىناستى. ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جولداستار بەينە ەكران ارقىلى پىكىرلەردى تىڭدادى.
ۋاكىلدەر جەرگىلىكتى ورىنداردىڭ ۇيىمدىق زاڭىنا وزگەرىس ەنگىزۋ جونىندەگى قاۋلى جوباسى مەن ”ءبىر قاۋلى، ەكى ءادىس“ جوبالارىنىڭ وزگەرىس ەنگىزىلەتىن نۇسقاسىن ءبىر اۋىزدان قۇپتادى. كوپشىلىك مىنالاردى ءبىلدىردى: جەرگىلىكتى ورىنداردىڭ ۇيىمدىق زاڭىنا وزگەرىس ەنگىزۋ جالپى بارىستىق حالىق دەموكراتياسى كەلەلى ۇستانىمىن ايگىلەپ، عىلمي جولمەن زاڭ شىعارۋ، دەموكراتيالىق جولمەن زاڭ شىعارۋ، زاڭ بويىنشا زاڭ شىعارۋ رۋحىن دايەكتىلەندىردى، بۇل جەرگىلىكتى حالىق قۇرىلتايى مەن جەرگىلىكتى ۇكىمەتتىڭ مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى ماڭىزدى رولىن اناعۇرلىم ويداعىداي ساۋلەلەندىرۋىنە دەم بەرەدى؛ ”ءبىر قاۋلى، ەكى ءادىس“ جوبالارىنىڭ مازمۇنى قاجەتتى، اتقارۋعا وڭتايلى، 14 - كەزەكتى حالىق قۇرىلتايىنا ۋاكىل سايلاۋ قىزمەتىن جاقسى ىستەۋگە، ۋاكىل سايلاۋ قىزمەتىنىڭ ءساتتى جۇرگىزىلۋىنە كەپىلدىك ەتۋگە بەرىك زاڭمەن باسقارۋ قامتاماسىزدىعىن ازىرلەيدى.
ۋاكىلدەر مىنالاردى ءبىلدىردى: ەڭ جوعارى حالىق سوتى مەكەمەسىنىڭ قىزمەتىنەن بايانداما مەن ەڭ جوعارى حالىق پروكۋراتۋراسىنىڭ قىزمەتىنەن بايانداما، شي جينپيڭنىڭ زاڭمەن باسقارۋ يدەياسىن دايەكتىلەندىرۋدىڭ، سوتسياليستىك زاڭمەن باسقارۋ قۇرىلىسىن ىلگەرىلەتۋدىڭ امالياتتىق جەتىستىكتەرىن تولىق ايگىلەدى، حالىقتى وزەك ەتۋگە تاباندى بولۋ، حالىق بۇقاراسىنا ادىلدىكتىڭ، تۋراشىلدىقتىڭ جاندارىندا ەكەندىگىن سەزىندىرۋ نىسانا - تالاپتارىن تولىق ايگىلەدى، ەكى باياندامانى تولىق قۇپتايمىز. كوپشىلىك بىلاي دەپ قارادى: وتكەن ءبىر جىلدا ەڭ جوعارى حالىق سوتى مەكەمەسى كەلەلى جاعدايعا قىزمەت وتەۋگە، ءادىليانى حالىق ءۇشىن جۇرگىزۋگە، ءادىليانى ادىلدىكپەن جۇرگىزۋگە مىقتاپ تاباندى بولىپ، نەگىزگى زاڭ مەن زاڭدار جۇكتەگەن مىندەت جاۋاپكەرشىلىگىن ادالدىقپەن وتەپ، قىزمەتتەردە تىڭ ىلگەرىلەۋشىلىكتەرگە قول جەتكىزدى؛ ەڭ جوعارى حالىق پروكۋراتۋراسى مەملەكەتتى باسقارۋعا سانالى تۇردە ات سالىسىپ، زاڭ بويىنشا ىرىقتىلىقپەن مىندەت وتەپ، قىلمىستىق ىستەر، ازاماتتىق ىستەر، اكىمشىلىك ىستەر، الەۋمەتتىك يگىلىكتىك ارىز - شاعىم سياقتى پروكۋراتۋرالىق قىزمەتتەردە تىڭ ىلگەرىلەۋشىلىكتەرگە قول جەتكىزدى. ”ەكىنى تۇراقتاندىرۋدى“ قورعاۋدىڭ، ”ەكىنى قورعاۋدى“ امالياتتا ايگىلەۋدىڭ ساياسي سانالىلىعىن اناعۇرلىم جوعارىلاتىپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، شينجياڭدى جالپى بەتتىك زاڭمەن باسقارۋدى، زاڭمەن باسقارىلاتىن شينجياڭ قۇرۋدى اناعۇرلىم زور تەبىنمەن ىلگەرىلەتىپ، شينجياڭدى زاڭمەن باسقارۋدى، بيلىكتى زاڭ بويىنشا جۇرگىزۋدى، اكىمشىلىكتى زاڭ بويىنشا جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالى قۇرىپ، ءار ۇلت بۇقاراسىنا ناقتى ماسەلەلەردى شەشۋ بارىسىندا ادىلدىكتى، تۋراشىلدىقتى شىنايى سەزىندىرۋ كەرەك.
مەملەكەتتىك حالىق قۇرىلتايى ۋاكىلدەرى شى داگاڭ، لي ۋي، ءزۇمىرات وبۇل، عانيبات سابىكەي، مۇقيات جارمۇقامەت، جۋ حايلۇن، پىڭ جيارۇي، ابدۇرىقىپ ءتومۇرنياز، ءدىلشات قىدىرقان قاتارلىلار قاتىناستى.
