شينحۋا اگەنتتىگىنىڭ تىلشىلەرى شيۇڭ جىڭيان، رىن چينچين، لياڭ جيانچياڭ
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ شەشۋشى ساتىندە شيپاگەرلىكپەن 30 نەشە جىل اينالىسقان مەملەكەتتىك حالىق قۇرىلتايىنىڭ ۋاكىلى لو جيە 2 رەت باس شۋجي شي جينپيڭنىڭ ماڭىزدى ءسوزىن جاقىننان ەت قۇلاعىمەن ەستىپ ”ءومىردى بارىنەن جوعارى قويۋ“ جونىندە اناعۇرلىم تەرەڭ تۇسىنىككە يە بولدى.
ءبىرىنشى رەتكىسى، 2020 - جىلى 5 - ايدىڭ 24 - كۇنى حالىق سارايىنىڭ شىعىس ۇلكەن زالى 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى حۋبەي ۋاكىلدەر ۇيىرمەسىنىڭ باياندامانى قاراعان كەزى ەدى.
”ءسىزدى تەلەۆيزوردان كورگەم“.
حۋبەي ولكەسى شىيان قالاسى تايحى شيپاحاناسىنان كەلگەن ۋاكىل لو جيە سوزگە شىعا سالىسىمەن، باس شۋجي شي جينپيڭ ونى تاني قويدى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، لو جيە حاۋىپكە قارسى اتتانىپ، شىيان قالالىق قۇتقارۋ - ەمدەۋ ماماندار گرۋپپاسىنىڭ باستىعى بولدى. بەيجيڭگە كەلىپ حالىق قۇرىلتايى ماجىلىسىنە قاتىناسقاندا لو جيە قۇرىلتاي باستالۋدان ىلگەرى ”ۋاكىلدەر ارناسىندا“ ىندەتكە قارسى اتتانۋدىڭ الدىڭعى شەبىندە 87 جاستاعى قارت ادامدى بار كۇشپەن قۇتقارىپ ەمدەگەن اڭگىمەسىن ايتتى.
”حالىقتى بارىنەن جوعارى قويۋ دەگەن نە؟ وسىنشاما كوپ ادام ءبىر ناۋقاستىڭ قاسىنان شىقپادى، بۇل بوداۋ بەرۋدەن تايىنباۋدى شىنايى ايگىلەدى“. باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا لو جيە ايتقان وسى اڭگىمەنى ارنايى تىلگە تيەك ەتتى.
حۋبەي ۋاكىلدەر ۇيىرمەسىنىڭ باياندامانى قاراۋى كەزىندە لو جيە ءبىرىنشى شەپتە ىندەتكە قارسى اتتانعان اسەرىمەن ۇشتاستىرا وتىرىپ، نەگىزگى ساتىنىڭ ەمدەۋ - دەنساۋلىق ساقتاۋ جۇيەسى قۇرىلىسىن كۇشەيتۋ ۇسىنىسىن العا قويدى. باس شۋجي مۇقيات تىڭداپ، ارا - تۇرا ءسوز قىستىرىپ قويدى −
”شىياننان وسى رەت جيىنى دياگنوزى تۇراقتاندىرىلعان ناۋقاستان نەشەۋى بايقالدى؟“.
”ءولىم - ءجىتىم سالىستىرماسى قانشا؟“.
”شيپاحانالارىڭىزدا جۇقپالى اۋرۋلار جاعىنداعى ەمدەۋ - كۇتىمدەۋ قىزمەتكەرلەرىنەن قانشا ادام بار؟“.
...
باس شۋجي ناقتاپ سۇراپ قالماستان، ”الەۋمەتتىك دەنساۋلىق ساقتاۋ ساقتانۋ - قورعانۋ تورىن بەرىك، ءجيى توقۋ“ سياقتى ماڭىزدى نۇسقاۋ بەردى، لو جيە بۇدان باس شۋجي العا قويعان ”ءومىردى بارىنەن جوعارى قويۋدىڭ“ ۇستانىم ەكەندىگىن، ونان دا ماڭىزدىسى، ارەكەت ەكەندىگىن تانىدى.
سول كۇنى لو جيە تولتىرىپ 2 بەت ەستەلىك الدى. ول تاعى مىنا ءبىر اۋىز ءسوزدى جازىپ قويدى: باس شۋجي حالىق بۇقاراسىنىڭ ءومىرىن، سالاماتتىعىن بارىنشا جوعارى ورىنعا قويدى. ءبىز نەگىزگى ساتى ەمدەۋ قىزمەتكەرلەرى ”ءومىردى بارىنەن جوعارى قويۋدى“ ءار رەتكى ءومىردى قۇتقارۋ - ەمدەۋدىڭ بارىسىندا تياناقتاندىرۋىمىز كەرەك.
تاعى ءبىر رەت باس شۋجيدىڭ ماڭىزدى ءسوزىن جاقىننان ەت قۇلاعىمەن ەستۋى سول جىلى 9 - ايدا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى كەزىندە بولدى.
”حالىقتىڭ ءومىرىنىڭ حاۋىپسىزدىگىن قورعاۋ الدىندا، ءبىز، ءسوز جوق، بارلىق بوداۋ بەرۋدەن ايانباۋىمىز كەرەك، سونداي - اق بارلىق بوداۋ بەرۋدەن ايانباۋ قولىمىزدان كەلەدى“؛
”حالىقتىڭ ءومىرىنىڭ حاۋىپسىزدىگىن قورعاۋ جولىندا ءبىز بارىنەن كەشۋگە دايىنبىز“؛
...
مىنبەدە باس شۋجي حالىقتى بارىنەن جوعارى قويۋدى، ءومىردى بارىنەن جوعارى قويۋدى تەرەڭدەي ءتۇسىندىردى؛ مىنبە استىندا لو جيە كوزىنە جاس الدى.
ول ىندەتتەن ساقتانۋ - تىزگىندەۋ كەزىندەگى حۋبەيدى قورعاۋ شايقاسىنداعى، ۋحاندى قورعاۋ شايقاسىنداعى ماڭىزدى ساتتەردى، باس شۋجي شي جينپيڭنىڭ حۋبەيدىڭ ۋحانىنا ارنايى بارىپ ىندەتتەن ساقتانۋ - تىزگىندەۋ قىزمەتىن تەكسەرگەن كورىنىستى ەسكە الدى؛ بۇكىل ەل حالقىنىڭ قيىن - قىستاۋ كۇندەردى بىرگە وتكىزگەن، حۋبەيگە كومەك بەرگەن كەزدەرىن ەسكە الدى؛ ەمدەۋ - كۇتىمدەۋ قىزمەتكەرلەرىنىڭ بار كۇشپەن قۇتقارىپ - ەمدەپ، تيتتەي ۇمىتتەن دە باز كەشپەگەندىگىن ەسكە الدى...
”باس شۋجيدىڭ ماڭىزدى نۇسقاۋىن تياناقتاندىرۋدا ءبىز حالىقتى بارىنەن جوعارى قويۋدى، ءومىردى بارىنەن جوعارى قويۋدى ەڭ ماڭىزدى تاباندىلىق دەپ ساناۋىمىز كەرەك“، - دەدى لو جيە.
2021 - جىلى 5 - ايدا تۋعانىنا 7 كۇن عانا بولعان نارەستە لو جيە تۇرعان تايحى شيپاحاناسىندا شۇعىل قۇتقارىلۋعا جەتكىزىلدى.
بىرلەسىپ انىقتاۋ ارقىلى كوكساكي ۆيرۋسى تۋدىرعان كوپتەگەن مۇشەلەردىڭ قىزمەتىنىڭ السىرەگەندىگى انىقتالدى، دەنە سىرتىنداعى جارعاق وكپە ارقىلى وتتەگىمەن قامتاماسىزداندىرىپ ەمدەۋ وسى ۇل بالانىڭ امان قالۋىنداعى بىردەن - ءبىر ءۇمىت بولاتىن.
شيپاحانا كوپ سالالى ەمدەۋ - كۇتىمدەۋ ۇجىمىن ۇيىمداستىرىپ، ەمدەۋ قىزمەتكەرلەرى كۇندىز - ءتۇنى تاپجىلماي، 140 نەشە ساعات شۇعىل قۇتقارۋ ارقىلى ناۋقاس نارەستەنىڭ بەتى بەرى قارادى.
لو جيە قۇتقارۋ - ەمدەۋ بارىسىن ەسكە العاندا بىلاي دەدى: ”سول كەزدە باس شۋجي ايتقان ’ءومىردى بارىنەن جوعارى قويۋدى‘ ەسكە الىپ، بار كۇشىمىزبەن قۇلشىنا قۇتقارىپ ەمدەدىك“.
شيپاگەرلىكپەن 30 نەشە جىل شۇعىلدانعان لو جيە سارسقا قارسى اتتانۋ، ۋىنچۋان جەر سىلكىنىسى سياقتى تۇتقيىل تۋىلعان الەۋمەتتىك وقيعالارداعى قۇتقارۋ - ەمدەۋ جۇمىسىنا قاتىناسقان.
2022 - جىلى مەملەكەتتىك ەكى ءماجىلىس اشىلۋ قارساڭى. بەيجيڭگە اتتانۋدان ىلگەرى لو جيە شيپاحانا بىلتىر قۇتقارىپ ەمدەگەن سول جاڭا تۋعان نارەستەنىڭ جۋىقتاعى جاعدايىن ۇعىستى، ”قالپىنا كەلۋى جاقسى، سالامات ەكەن“.
(شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)
