انار بۇلت / شينجياڭ گازەتىنىڭ تىلشىلەرى لي ياڭ، ۋاڭ شيڭرۇي 3 - ايدىڭ 9 - كۇنى بەيجيڭنەن حابارلايدى. 3 - ايدىڭ 8 - كۇنى، 3 - ايدىڭ 9 - كۇنى ساعات 12گە دەيىنگى ۋاقىت جەكە - جەكە 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى بەلگىلەگەن ۋاكىلدەردىڭ كەڭەستىك جوبا مەن ۇسىنىس تاپسىرۋى اياقتايتىن ۋاقىت شەگى. شەكتى ۋاقىتقا دەيىن شينجياڭ ۋاكىلدەر ۇيىرمەسى ماجىلىسكە 8 كەڭەستىك جوبا، ۋاكىلدەردىڭ 148 ۇسىنىسىن تاپسىرىپ، تاپسىرعان كەڭەستىك جوبالارىنىڭ، ۇسىنىستارىنىڭ سانى وسى كەزەكتى ءار رەتكى ماجىلىستەردەگى ەڭ كوپ ءبىر رەتكىسى بولدى.
ماجىلىستەن ىلگەرى ۋاكىلدەر بەلسەنە تەكسەرۋ، تەكسەرىپ زەرتتەۋ جۇرگىزىپ، نەگىزگى ساتىنىڭ ءبىرىنشى شەبىنە ىشكەرىلەي بارىپ، بۇقارادان كەڭ كولەمدە پىكىر تىڭداپ، اۆتونوميالى رايوننىڭ رەفورما، دامۋ، ورنىقتىلىق جاعدايىن جان - جاقتى ۇعىسىپ، يگەرىپ، جوعارى ساپالى كەڭەستىك جوبا، ۇسىنىستاردى قويۋعا بەرىك نەگىز قالادى. ماجىلىستە ۋاكىلدەر وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن، زاڭ بويىنشا مىندەتتەرىن اتقارىپ، مۇقيات تالقىلاپ، ءبىرشاما كەمەلدى كەڭەستىك جوبا، ۇسىنىس نۇسقالارىن قالىپتاستىردى.
8 كەڭەستىك جوبا مىنالار: «جۇڭحۋا حالىق رەسپۋبليكاسىنىڭ عىلىم - تەحنيكانى جالپىلاستىرۋ زاڭىنا» وزگەرىس ەنگىزۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ مەملەكەتتى بولشەكتەۋگە قارسى تۇرۋ زاڭىنا» وزگەرىس ەنگىزۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ مەملەكەتتە ءبىر تۇتاس قولدانىلاتىن ءتىل - جازۋ زاڭىنا» وزگەرىس ەنگىزۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ وتانشىلدىق زاڭىن» جاساۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ ەڭبەك زاڭناماسى» جونىندە زاڭ شىعارۋ قىزمەتىنە دايىندالۋ جونىندەگى كەڭەستىك جوبا؛ ەسىرتكى شەگىپ اۆتوكولىك جۇرگىزۋدى قىلمىسقا جاتقىزۋ جونىندەگى كەڭەستىك جوبا؛ لاتاريا بەلەتى تۋرالى زاڭ شىعارۋدى جەدەلدەتۋ جونىندەگى كەڭەستىك جوبا؛ ايەلدەر مەن بالالاردى الداپ ساتۋ قىلمىسىنا جازا بەلگىلەۋ ولشەمىن اۋىرلاتىپ، زاڭسىز ادام ساۋدالاۋ قىلمىسىن زاڭ بويىنشا تيۋ جونىندەگى كەڭەستىك جوبا. ۇسىنىستار، باستىسى، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋ، ”ءبىر بەلدەۋ، ءبىر جول“ قۇرىلىسىنا تەرەڭدەي ات سالىسۋ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ، شينجياڭدى مادەنيەتپەن نارلەندىرۋ، اۋىل - قىستاقتى گۇلدەندىرۋ، ەكولوگيالىق ورتانى قورعاۋ سياقتى جاقتارعا شوعىرلانعان.
قۇربان نياز قاتارلى ۋاكىلدەر بىلاي دەپ قارادى: «جۇڭحۋا حالىق رەسپۋبليكاسىنىڭ مەملەكەتتە ءبىر تۇتاس قولدانىلاتىن ءتىل - جازۋ زاڭى» اتقارىلعانىنا 20 نەشە جىل بولدى. جۇڭگوشا سوتسياليزم جاڭا داۋىرگە ءوتتى، بۇل زاڭعا داۋىرمەن بىرگە ىلگەرىلەپ وزگەرىس ەنگىزۋ قاجەت. مەملەكەتتە ءبىر تۇتاس قولدانىلاتىن ءتىل - جازۋ جونىندە زاڭ شىعارۋدىڭ جەتەكشى يدەياسىن ايقىنداپ، ۇيرەنۋ جانە قولدانۋ جاعىندا ازاماتتاردىڭ ۇقىعى مەن مىندەتىنىڭ بىرلىگىنە تاباندى بولۋ جونىندە ۇسىنىس بەرەمىز.
ايەلدەر مەن بالالاردى الداپ ساتاتىن زاڭعا قايشى قىلمىستىق ارەكەتتەردى باتىل تيۋ، ايەلدەر مەن بالالاردىڭ زاڭدى ۇقىق - مۇددەسىن قورعاۋ ءۇشىن فاتيما قاتارلى ۋاكىلدەر «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» قاتىستى تارماقتارىنا وزگەرىس ەنگىزىپ، ”ايەلدەر مەن بالالاردى الداپ ساتۋ قىلمىسىن“، ”زاڭسىز ادام ساۋدالاۋ قىلمىسى“ دەپ وزگەرىس ەنگىزىپ، ساتىپ بەرۋ مەن ساتىپ الۋدى بىردەي قىلمىس دەپ قاراپ اتقارۋ، سونىمەن بىرگە سىبايلاستارىن جازالاۋ سەرپىنىن ارتتىرۋ ۇسىنىسىن بەردى.
