تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى جابىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، ۋاڭ ياڭ ءسوز سويلەدى

  3 - ايدىڭ 10 - كۇنى، جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى بەيجيڭدە جابىلدى. شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، ۋاڭ ياڭ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  3 - ايدىڭ 10 - كۇنى، جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى بەيجيڭ حالىق سارايىندا جابىلدى. مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ جيىنىن باسقاردى ءارى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى ءتۇرلى كەڭەستىك تارتىپتەرىن تولىق اياقتاتقان سوڭ، 3 - ايدىڭ 10 - كۇنى تۇستەن بۇرىن حالىق سارايىندا جابىلدى. ءماجىلىس حالىق ساياسي كەڭەستىڭ ءار دارەجەلى ۇيىمدارىن، ءارقايسى قاتىسۋشى ورىنداردى جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ىلگەرىلەپ، قايسارلىقپەن العا تارتىپ، ءىس جۇزىندىك ارەكەتى ارقىلى جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن جاڭا دا اناعۇرلىم زور ۇلەس قوسۋعا ۇندەدى.

  ءماجىلىستى مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.

  تۇستەن بۇرىن ساعات 9دا جابىلۋ جيىنى باستالدى. ۋاڭ ياڭ جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ماجىلىسىنە قاتىناسۋعا ءتيىستى مۇشە 2157 ادام ەكەندىگىن، ناقتى 1969 ادام قاتىناسقاندىعىن، بەلگىلەمەدەگى ادام سانىنا ۇيلەسەتىندىگىن جاريالادى.

  ءماجىلىس ساياسي كەڭەس 13 - كەزەكتى مەملەكەتتىك كوميتەتى 5 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، ساياسي كەڭەس 13 - كەزەكتى مەملەكەتتىك كوميتەتى 5 - ءماجىلىسىنىڭ ساياسي كەڭەس 13 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەتىنىڭ جاعدايى بايانداماسى جونىندەگى قارارىن، ساياسي كەڭەس 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى كوميتەتىنىڭ 5 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، ساياسي كەڭەس 13 - كەزەكتى مەملەكەتتىك كوميتەتى 5 - ءماجىلىسىنىڭ ساياسي قارارىن ماقۇلدادى.

  ۋاڭ ياڭ سوزىندە بىلاي دەدى: بۇل رەتكى ءماجىلىس وڭ ەنەرگيانى كەڭ كولەمدە توپتاعان، كوتەرىڭكى كوڭىل كۇي اسقاقتاعان، تۋدى بيىك ۇستاعان، دەموكراتيالى، ىنتىماقتى، شىنايىلىققا، ناقتى ىسكە تالپىنعان، قىسقا دا جوعارى ءونىمدى ءبىر رەتكى ءماجىلىس بولدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جيىنى مەن جابىلۋ جيىنىنا قاتىناسىپ، سالالىق گرۋپپالارعا بارىپ، پىكىرلەرىن تىڭداپ، مۇشەلەرمەن بىرگە مەملەكەت ىستەرىن اقىلداستى. بارلىق مۇشەلەر ۇكىمەت قىزمەتىنەن باياندامانى جانە باسقا دا باياندامالاردى مۇقيات تالقىلادى، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى سياقتى حۇجاتتاردى قارادى، پارتيا مەن مەملەكەتتىڭ وزەكتى قىزمەتىن ارقاۋ ەتە وتىرىپ ۇكىمەت ىستەرىن ىشكەرىلەي كەڭەستى. مۇشەلەر ءبىر اۋىزدان مىنالاردى ءبىلدىردى: ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي ءتۇسىنىپ، جاڭا داۋىردەگى ءتول جاسامپازدىق يدەيالاردى، بۇرىلىستىق امالياتتى، سەرپىلىستىك ىلگەرىلەۋشىلىكتى، نىشاندىق جەتىستىكتەردى تەرەڭ تانىپ، ”ەكىنى قورعاۋ“ ساياسي سانالىلىعىن شىنايى كۇشەيتتى. جۇڭگو كوممۋنيستىك پارتياسىنىڭ 20 - قۇرىلتايىن قارسى الۋدى، 20 - قۇرىلتاي رۋحىن ۇيرەنۋدى، ۇگىتتەۋدى، دايەكتىلەندىرۋدى بيىلعى كەلەلى ساياسي مىندەت ەتىپ، يدەيالىق جەتەكشىلىكتە ناقتى ونىمدىلىككە تالپىنىپ، كەڭەس بەرىپ، ۇسىنىس قويۋدا جەتىستىككە جەتىپ، كەلەلى جاعدايعا قىزمەت وتەۋدە ىسكەرلىك كورسەتىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ ءۇشىن ساياسي كەڭەستىڭ كۇش - قۋاتىن قوسۋ كەرەك.

  ۋاڭ ياڭ بىلاي دەپ باسا دارىپتەدى: بيىل − 13 - كەزەكتى مەملەكەتتىك ساياسي كەڭەستىڭ قىزمەت اتقارۋىنىڭ سوڭعى جىلى. وسى كەزەكتى ساياسي كەڭەستىڭ 1 - ءماجىلىسىنىڭ جابىلۋ جيىنىندا ءبىز جۇڭگو حالىق ساياسي ءماسليحات كەڭەسى سىندى وسى ساياسي ۇيىمنىڭ بىزگە جۇكتەگەن جاۋاپكەرشىلىگىن دالمە - ءدال يگەرۋ كەرەكتىگىن ورتاعا قويىپ، ءسوز جوق، تۋى ايقىن تۇردە ساياسيدى دارىپتەۋدى، ءسوز جوق، حالىقتى وزەك ەتە وتىرىپ مىندەت اتقارىپ، جاۋاپكەرشىلىكتى ادا ەتۋ، ءسوز جوق، شىندىققا جۇگىنىپ، ناقتى ىستەپ، كەڭەسۋ قابىلەتىن، دەڭگەيىن جوعارىلاتۋ كەرەكتىگىن باسا دارىپتەدىك. 4 جىلدان بەرى ءبىز وسى قىزمەت پرينسيپتەرى مەن ۇستانىمدارىن مۇقيات امالياتتا ايگىلەپ، ساياسي قابىلەتتى، حالىق ءۇشىن ىستەۋدەي ىنتا - ىقىلاس پەن كەڭەسۋ قابىلەتىن كۇشەيتتىك. جاڭا جورىقتا وسى پرينسيپتەر مەن ۇستانىمداردى امالياتتا ايگىلەۋدى، ءسوز جوق، دايەكتى جالعاستىرۋ، اناعۇرلىم ويداعىداي ىستەۋ كەرەك. ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن تياناقتاندىرۋ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋدىڭ ساياسي جاۋاپكەرشىلىگىن شىنايى ارقالاۋ كەرەك. حالىق ءۇشىن مىندەت اتقارۋعا تاباندى بولىپ، ءىس جۇزىندىككە تەرەڭ بويلاپ، حالىق جاعدايىن تەكسەرىپ، حالىقتى ۋايىمنان ارىلتۋ جونىندە اقىل - كەڭەس بەرىپ، كۇش سالىپ، حالىق تىلەگىن توعىستىرۋعا يگى اقىل كورسەتىپ، ورەلى كەڭەس بەرىپ، حالىقتىڭ ۇنىنە قۇلاق اسىپ، حالىقتىڭ تالاپ - تىلەگىن اڭىس ەتىپ، حالىقتىڭ اقىل - پاراساتىن شوعىرلاندىرىپ، حالىقتىڭ تاماشا تۇرمىسقا دەگەن تىڭ ۇمىتىمەن تىعىز بىرلەستىرە ۇكىمەت ىسىنە اقىل - كەڭەس بەرىپ، مۇشەلەردىڭ مىندەت اتقارۋىن جۇڭحۋانىڭ بايتاق دالاسىندا بەينەلەۋ، ءار سالاداعى بۇقارانىڭ قۇپتاۋى جاعىندا ايگىلەۋ كەرەك. كەڭەسۋ ساپاسىن ونان ارى جوعارىلاتىپ، كەڭەسۋ ءتۇزىمىن اقاۋسىزداندىرىپ، كەڭەسۋ مادەنيەتىن جەتىلدىرىپ، جاڭا تاجىريبەلەر مەن ادىستەردى قورىتىندىلاۋعا كوڭىل ءبولىپ، ءىس بولسا اقىلداسقان جاقسى، كوپتىڭ ءىسىن كوپ بولىپ اقىلداسقان ءجون دەيتىن تۇزىمدەنگەن امالياتتى ۇزدىكسىز بايىتىپ، ءدوپ كەلگەن ماسەلەلەر جونىندە كوبىرەك كەڭەسۋ، قوس باعىتتا ءوزارا كەڭەسۋ، بەتپە - بەت كەزدەسىپ، بۇكپەسىز، شىنايى كەڭەسۋ، تولىق اۋىس - كۇيىس جاساپ، ىشكەرىلەي كەڭەسۋ كەرەك.

  ۋاڭ ياڭ بىلاي دەپ باسا دارىپتەدى: ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مۇرات - سەنىم تۋىن بيىك ۇستاپ، ىنتىماقتاسا كۇرەس جاساۋدىڭ جەلكەنىن كەڭ جايىپ، قاجىماس تاباندىلىقپەن ۇمتىلا مىندەت اتقارىپ، كۇش ۇستىنە كۇش قوسىپ تاماشا تاراۋدى جالعاستى جازىپ، 5 جىلدىق مەرزىمىنىڭ تولىمدى ەمتيحان جاۋابىن تاپسىرىپ، ءىس جۇزىندىك ارەكەتىمىز ارقىلى جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا جابىلۋ جيىنىنا قاتىناستى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جيىنىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، ت. ب ۇسىنىس بويىنشا جابىلۋ جيىنىنا قاتىناستى.

  ءماجىلىس ايبىندى مەملەكەت انىمەن جابىلدى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.