− مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
كوپ پاراساتىن كەڭىنەن توپتاپ دامۋدى جوسپارلاپ، تىلەك توعىستىرىپ، كۇش بىرىكتىرىپ جاڭا تاراۋ جازدى. 3 - ايدىڭ 10 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى ءتۇرلى كەڭەستىك تارتىپتەرىن تولىق تابىسپەن ورىنداپ، بەيجيڭدە جەڭىسپەن جابىلدى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!
بۇل ءبىر رەتكى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى. ءماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى مۇشەلەر گرۋپپالارىنا باردى ءارى بىرىككەن گرۋپپا جيىنىنا قاتىناسىپ پىكىر جانە ۇسىنىس تىڭداپ، مۇشەلەرمەن بىرگە مەملەكەت ءىسىن اقىلداستى. قالىڭ ساياسي كەڭەس مۇشەلەرى مىندەتتەرىن مۇقيات وتەپ، جاۋاپكەرشىلىكتەرىن ادا ەتىپ، ۇكىمەت ءىسىن ىشكەرىلەي كەڭەسىپ، كەڭىنەن ورتاق تانىم ۇيىستىرىپ، مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتى جاعدايى جونىندەگى باياندامانى تىڭدادى جانە قارادى، 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە سىرتتاي قاتىناستى، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭدادى جانە تالقىلادى. ءماجىلىستىڭ كەڭەستىك ءتارتىبى جيناقى، ناقتى، جوعارى ءونىمدى بولىپ، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسىندىق جانە ارناۋلى كەڭەس قۇرىلىمىندىق ماڭىزدى رولىن تولىق ساۋلەلەندىرىپ، قالىڭ ساياسي كەڭەس مۇشەلەرىنىڭ وتان ءۇشىن مىندەت وتەيتىن، حالىق ءۇشىن جاۋاپكەرشىلىكتەرىن ادا ەتەتىن جاۋاپكەرشىلىك ارقالاۋ رۋحىن تولىق كورسەتىپ، سوتسياليستىك كەڭەستىك دەموكراتيانىڭ دارا ابزالدىلىعىن تولىق ايگىلەپ، جاڭا جورىقتا ەكپىندەي ىلگەرىلەۋگە، جاڭا داۋىردە ەسە قوسۋعا ونان ارى اقىل - پاراسات جانە كۇش - قۋات توپتادى.
قازىر حالىقارالىق جاعدايدا تەرەڭ، كۇردەلى وزگەرىستەر ۇزدىكسىز تۋىلۋدا، 100 جىلدىق وزگەرىس پەن عاسىرلىق ىندەت قاباتتاسىپ، ەكونوميكانىڭ جاھاندانۋى كەرەعارلىققا تاپ بولدى، ءىرى ەلدەر سايىسى كۇن سايىن شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، ەل ءىشىنىڭ رەفورما، دامۋ، ورنىقتىلىق مىندەتتەرى ماشاقاتتى دا اۋىر. ءبىز ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار ەكەندىگىن كورە ءبىلۋىمىز كەرەك. ءبىرىنشى، جۇڭگو كوممۋنيستىك پارتياسىنىڭ پارمەندى باسشىلىعى بار، جالپى جاعدايدى مەڭگەرىپ، ءار جاقتى سايكەستىرىپ، ءار ءتۇرلى ەلەۋلى حاۋىپ - قاتەرلەر مەن سىن - سايىستارعا بايسالدىلىقپەن توتەپ بەرۋگە ءتۇبىرلى ساياسي كەپىلدىك ازىرلەپ وتىر. ەكىنشى، جۇڭگوشا سوتسياليستىك ءتۇزىمنىڭ كورنەكتى ابزالدىلىعى بار، ەلىمىزدىڭ ساياسي ءتۇزىمى مەن باسقارۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋ سياقتى اماليات بارىسىندا كورنەكتى ابزالدىلىعىن ونان ارى ايگىلەدى، ”جۇڭگونىڭ باسقارۋى“ مەن ”باتىستىڭ بىلىقپالىعى“ اراسىنداعى سالىستىرما اناعۇرلىم ايقىندالا ءتۇستى. ءۇشىنشى، باياندى، تەز دامۋ قوردالانعان مىعىم نەگىز بار، ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، مەملەكەت قورعانىس ناقتى قۋاتى، كەشەندى مەملەكەت قۋاتى كورنەكتى ارتتى، ەكونوميكانىڭ كولەمى زور، مۇمكىندىكتەرى كەڭ، ونىڭ ۇستىنە ەرەكشە زور كولەمدى بازارى بار، ۇزاق ۋاقىت جاقسارۋ سىندى نەگىزگى جاعى وزگەرمەيدى، كۇشتى سەرپىمدىلىككە جانە ومىرشەڭدىككە يە. ءتورتىنشى، ۇزاق ۋاقىت ورنىقتى بولعان قوعامدىق ورتا بار، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيىپ، قوعامدىق باسقارۋ دەڭگەيى ۇزدىكسىز جوعارىلاپ، قوعامنىڭ ۇزاق ۋاقىت ورنىقتى بولۋ كەرەمەتىن ۇزدىكسىز جارىققا شىعاردى. بەسىنشى، وزىنە سەنۋ، ءوزىن الۋەتتەندىرۋ سىندى رۋحاني كۇش - قۋاتى بار، جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداپ، ەرىك - جىگەرى، قاجىر - قايراتى، سەنىمى بۇرىن بولماعان دەڭگەيدە كۇشەيدى، پارتيانىڭ بەكىمى، ارميانىڭ بەكىمى، حالىقتىڭ تىلەگى سەرپىلدى. ءبىز ءتيىمدى شارت - جاعدايدى يگەرىپ، دامۋ سەنىمىن بەكەمدەپ، تاريحي ىرىقتىلىق رۋحىن اسقاقتاتىپ، ءوز ءىسىمىزدى مىزعىماس تاباندىلىقپەن ويداعىداي ىستەپ، كوكىرەك كەرە، ارشىندى قاداممەن العا باسۋىمىز كەرەك!
قازىر ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا جورىعىنا قادام تاستادىق. نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ءتۇزىم ابزالدىلىعىن سولعۇرلىم ساۋلەلەندىرە ءتۇسىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، مەملەكەت ءىشى - سىرتىنداعى جۇڭحۋا پەرزەنتتەرىنىڭ ويدى ءبىر جەرگە شوعىرلاندىراتىن، كۇشتى ءبىر جەرگە جۇمسايتىن قۇدىرەتتى بىرىككەن كۇشىن قالىپتاستىرۋىمىز كەرەك. حالىق ساياسي كەڭەسى ىنتىماقتىڭ ارقاسىندا دۇنيەگە كەلىپ، ىنتىماقپەن ءومىر ءسۇرىپ، ىنتىماققا سۇيەنىپ كوركەيدى، ول − ۇلى ىنتىماقتىڭ، ۇلى بىرلىكتىڭ سيمۆولى. جاڭا جورىقتا جۇڭحۋا پەرزەنتتەرىنىڭ ۇلى ىنتىماعىن كۇشەيتۋ جاڭا داۋىردەگى حالىق ساياسي كەڭەسىنىڭ تاريحي جاۋاپكەرشىلىگى ەكەندىگىن جەتە تانىپ، بىركەلكىلىك پەن الۋان تۇرلىلىكتىڭ بىرلىگىنە تاباندى بولىپ، ءتۇزىم ابزالدىلىعىنان ءونىمدى پايدالانىپ ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەر سىزىپ، اناعۇرلىم كوپ ادامدى جۇڭگو كوممۋنيستىك پارتياسىنىڭ توڭىرەگىنە ىنتىماقتاستىرۋىمىز، اناعۇرلىم مول كۇش - قۋاتتى گۇلدەنۋ ۇلى ءىسىنىڭ تاريحي بارىسىنا جابال ۇيىستىرۋىمىز كەرەك. حالىق ساياسي كەڭەسىنىڭ كەڭەسۋ ابزالدىلىعىن اناعۇرلىم ويداعىداي ساۋلەلەندىرىپ، جالپى بارىستىق حالىق دەموكراتياسىن دامىتىپ، كەڭەسۋ ارقىلى ورتاق تانىم ۇيىستىرىپ، ورتاق تانىم ارقىلى ىنتىماقتى بەكەمدەپ، حالىق ساياسي كەڭەسىنىڭ تۇزىمدىك ابزالدىلىعىن شىن مانىندە مەملەكەتتى باسقارۋدىڭ تيىمدىلىگىنە اينالدىرۋىمىز كەرەك. ىنتىماقتاسۋ ءۇشىن سەنترلەس شەڭبەر بولۋ كەرەك، سەنترلەس شەڭبەردى مىقتى ساقتاعاندا عانا كۇللى حالىق ءبىر نيەتپەن جۇمىلاتىن بولادى. جۇڭگو كوممۋنيستىك پارتياسى جۇڭحۋا پەرزەنتتەرىنىڭ ۇلى ىنتىماق شەڭبەرىنىڭ سەنترى، بۇل تاريحتىڭ تاڭداۋى، حالىقتىڭ تاڭداۋى. حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىنا تاباندى بولۋى، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋى، پارتيا تۋى استىندا وتانشىلدىق بىرلىكساپتى بەكەمدەپ جانە زورايتىپ، جۇڭگو حالقىنىڭ جانە ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ءونىمدى ۇيىستىرىپ، شىنايى، كەڭ كولەمدى، بەرىك ۇلى ىنتىماق قالىپتاستىرۋى كەرەك.
2022 - جىلى جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. ءار جاقتاعى قىزمەتتى 20 - قۇرىلتايدى قارسى الۋدى، 20 - قۇرىلتايدى جاقسى اشۋدى، 20 - قۇرىلتايدىڭ رۋحىن دايەكتىلەندىرۋدى ارقاۋ ەتىپ جوسپارلاۋ جانە ورىستەتۋ كەرەك. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىنتىماق جانە دەموكراتيا سىندى ەكى ءىرى نەگىزگى تاقىرىپقا تاباندى بولىپ، ۇسىنىس قويىپ، ۇكىمەت ءىسىن اقىلداسۋ جانە ورتاق تانىم ۇيىستىرۋ سىندى ەكى جاققا كۇش سالۋعا تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىمەن تىعىز بايلانىستىرا وتىرىپ كەڭىنەن ورتاق تانىم ۇيىستىرىپ، جوعارى ساپالى ۇسىنىس قويۋ ارقىلى جوعارى ساپالى دامۋعا قىزمەت ەتىپ، ارناۋلى كەڭەس قۇرىلىمى قۇرىلىسىن ۇزدىكسىز تەرەڭدەتىپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ ءۇشىن ۇلەس قوسۋى كەرەك.
ىنتىماق − كۇش، كۇرەس بولاشاققا جول اشادى. جاڭا ۇلى جورىقتا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مۇرات - سەنىم تۋىن بيىك جەلبىرەتىپ، جۇدىرىقتاي جۇمىلاتىن ۇلى كۇش ۇيىستىرىپ، ەرلىكپەن شىنايى ىستەيتىن باتىلدىقتى ساقتاپ، جۇڭحۋا پەرزەنتتەرىنىڭ ۇلى ىنتىماعىن نىعايتىپ، ءبىر نيەت، ءبىر تىلەكتە بولا وتىرىپ قايراتتانا ىسكەرلىك كورسەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزىپ، جاڭا، اناعۇرلىم ۇلى جەڭىس پەن داڭققا قول جەتكىزۋگە قۇلشىنايىق!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
