”ارالىق بوگەتتەردى“ ىركىلىسسىزدەندىرىپ، ورنىقتى ارتۋدى جۇزەگە اسىردى
”2 + 1“ ساياساتتىق كەشەندى شارالار ورتا، شاعىن كاسىپورىنداردىڭ دامۋىنا قولداۋ كورسەتتى
انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ”ءساتتى باستاماعا دەم بەرىپ، ورنىقتى ارتۋدى جۇزەگە اسىرۋ“ ورتا، شاعىن كاسىپورىنداردىڭ دامۋىنا قولداۋ كورسەتۋگە قاتىستى ءبىرقانشا ساياسات - شارالاردى ۇگىتتەۋ - دايەكتىلەندىرۋ ماجىلىسىنەن ۇعىسۋىمىزشا، جۋىقتا، رايونىمىزداعى ورتا، شاعىن كاسىپورىنداردىڭ دامۋىنداعى جاڭا قيىنشىلىقتارعا، جاڭا ماسەلەلەرگە باعىتتاي وتىرىپ، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى اۆتونوميالى رايوننىڭ ورتا، شاعىن كاسىپورىنداردىڭ، حالىقتىق شارۋاشىلىقتىڭ دامۋىن جەبەۋ جانە كاسىپورىنداردىڭ اۋىرتپالىعىن جەڭىلدەتۋ باسشىلىق گرۋپپاسىنا مۇشە قاتىستى ورىندارمەن بىرگە ساياسات - شارالاردى ورتاعا قويىپ، ”2 + 1“ ساياساتتىق كەشەندى شارالاردى قالىپتاستىرىپ، ورتا، شاعىن كاسىپورىنداردىڭ دامۋىنداعى ”ارالىق بوگەتتەردى“ ىركىلىسسىزدەندىرىپ، ورتا، شاعىن كاسىپورىنداردىڭ ورنىقتى، اقاۋسىز دامۋىن ىلگەرىلەتكەن.
مۇندا ”1“ دەگەنىمىز كاسىپورىندارعا كومەك بەرىپ، قيىنشىلىقتان قۇتىلدىرۋ سەرپىنىن ونان ارى ارتتىرىپ، كاسىپورىنداردىڭ اۋىرتپالىعىن جەڭىلدەتىپ، ورتا، شاعىن كاسىپورىنداردىڭ قاجەتىنە باعىتتاي وتىرىپ، كەزەكتەگى ورتا، شاعىن كاسىپورىنداردىڭ دامۋىندا ورىن تەپكەن ەڭ تىكە، ەڭ كوكەي تەستى ماسەلەلەردى شەشۋ ءۇشىن، اۆتونوميالى رايوندىق حالىق ۇكىمەتى باسىپ تاراتقان «ورتا، شاعىن كاسىپورىنداردى قيىنشىلىقتان قۇتىلدىرۋ بويىنشا سۇيەمەلدەۋ سەرپىنىن ونان ارى ارتتىرۋ جونىندەگى اتقارۋ پىكىرىن» مەڭزەيدى، وندا جالپى 30 ناقتى مازمۇن بار، ولار قيىنشىلىقتان قۇتىلدىرۋ ماقساتىنداعى قارجىلىق قولداۋ سەرپىنىن ارتتىرۋ، سالىقتى ازايتۋدى، اقىنى تومەندەتۋدى ونان ارى ىلگەرىلەتۋ، كاسىپورىنداردىڭ جۇمىس ورىندارىن ورنىقتىرۋىنا، جۇمىس ورىندارىن كوبەيتۋىنە قولداۋ كورسەتۋ، ورتا، شاعىن كاسىپورىنداردىڭ قارجى تولەۋىن قامتاماسىز ەتۋ، بازار سۇرانىمىن كۇش سالا كەڭەيتۋ سياقتى 9 جاقتاعى مازمۇنعا سايادى.
”2“ دەگەنىمىز جەكە - جەكە «اۆتونوميالى رايوننىڭ <ارنايى، كەمەلدى، ەرەكشە، جاڭا> ورتا، شاعىن كاسىپورىندار ءۇشىن ناقتى ءىس ىستەۋ ءتىزىمىن دايەكتىلەندىرۋدىڭ، تياناقتاندىرۋدىڭ قىزمەت شارالارىن»، «اۆتونوميالى رايوننىڭ ورتا، شاعىن كاسىپورىنداردىڭ باسەكەلىك قۋاتىن جوعارىلاتۋ جونىندەگى ءبىرقانشا شارالاردى دايەكتىلەندىرۋدىڭ، تياناقتاندىرۋدىڭ قىزمەت شارالارىن» مەڭزەيدى. الدىڭعىسىندا قازىنا - سالىق جاعىنداعى قولداۋ سەرپىنىن ارتتىرۋ، امانات - قارىز بويىنشا قولداۋ ساياساتتارىن كەمەلدەندىرۋ، بازارلانعان قارجى قۇرۋ ارنالارىن ىركىلىسسىزدەندىرۋ، كاسىپ سالاسى تىزبەگىنىڭ سايكەسە جاڭالىق اشۋىن ىلگەرىلەتۋ، كاسىپورىنداردىڭ جاڭالىق اشۋ قابىلەتىن جوعارىلاتۋ، سيفرلانۋعا قاراي تيبىن وزگەرتۋدى ىلگەرىلەتۋ، دارىندىلار، اقىل - پاراسات جاعىنان قولداۋدى كۇشەيتۋ سياقتى 10 جاقتان 32 ءتۇرلى ناقتى شارا ورتاعا قويىلسا، كەيىنگىسىندە قازىنا - سالىق جاعىنان سۇيەمەلدەۋ ساياساتىن تياناقتاندىرۋ، ناقتىلاندىرۋ، قارجى قۇراۋ جاعىنان قولداۋ كورسەتۋ سەرپىنىن ارتتىرۋ، جاڭالىق اشۋعا، شارۋاشىلىق قۇرۋعا قولداۋ كورسەتۋدى كۇشەيتۋ، سيفرلانىپ دامۋ دەڭگەيىن جوعارىلاتۋ سياقتى 11 جاقتان 34 ءتۇرلى ناقتى شارا ورتاعا قويىلعان.
”بيىل ونەركاسىپ جانە ينفورماتسيالاندىرۋ مەڭگەرمەسى كاسىپورىندارعا كومەك بەرىپ، قيىنشىلىقتان قۇتىلدىرۋ سەرپىنىن ارتتىرىپ، ساپالى كاسىپورىندار جەتىلدىرۋدى نىعايتىپ، قىزمەت وتەۋ جۇيەسى تىرەگىن نىعايتىپ، كاسىپورىنداردىڭ جاڭالىق اشا دامۋىن جەبەپ، قارجى قۇراۋ قيىنشىلىعىن كۇش سالا شەشىپ، كاسىپورىنداردىڭ دامۋ ورتاسىن ساپالىلاندىرادى. ورتا، شاعىن كاسىپورىنداردىڭ شىنايى تيىمدىلىكتەرگە قول جەتكىزۋىنە، شيراقىلىقپەن شەپكە اتتانىپ، دامۋعا ۇمتىلۋىنا مۇمكىندىك جاساپ، كاسىپورىنداردىڭ تابىس سەزىمىن شىنايى كۇشەيتىپ، ورتا، شاعىن كاسىپورىنداردىڭ دامۋ سەنىمىن سەرپىلتىپ، بۇكىل رايون ەكونوميكاسىنىڭ ورنىقتى اينالىمىنا شىنايى كەپىلدىك ەتەدى“، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ چيڭحۇي.
2021 - جىلدىڭ سوڭىنا دەيىن رايونىمىزداعى ورتا، شاعىن كاسىپورىندار 446 مىڭنان اسىپ، بۇكىل رايونداعى جالپى كاسىپورىندار سانىنىڭ ％99تەن استامىن ۇستاعان. مۇنىڭ ىشىندە 2021 - جىلى جاڭادان 85 مىڭ ورتا، شاعىن كاسىپورىن قوسىلعان.
