تيانشان تورى
تيانشان تورى   ›   جاڭالىقتار   ›   ماڭىزدى حابارلار

”گۇلدەي جايناپ، قۇلپىرا اشىلىپ كەلە جاتقان بالالاردىڭ جۇرەك ۇنىنە دەن قويامىن“

شينحۋا اگەنتتىگىنىڭ تىلشىلەرى ليۋ مين، رىن چينچين

  بىلتىر مەملەكەتتىك ەكى ءماجىلىس كەزىندە باس شۋجي شي جينپيڭمەن وقۋ - اعارتۋداعى تولعاقتى ماسەلەلەر جونىندەگى كەڭەسۋى مەملەكەتتىك ساياسي كەڭەستىڭ مۇشەسى، بەيجيڭ شىجيا وقۋ - اعارتۋ توبى باس مەكتەپ باستىعى ۋاڭ حۋاننىڭ ەسىندە ماڭگى ساقتالدى −

2021 - جىلى 3 - ايدىڭ 6 - كۇنى تۇستەن كەيىن، باس شۋجي شي جينپيڭ مەملەكەتتىك ساياسي كەڭەس 13 - كەزەكتى كوميتەتى 4 - ماجىلىسىنە قاتىناسقان ەمدەۋ، ءدارى - دارمەك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە ىستىق ىقىلاسپەن امانداستى ءارى بىرىككەن گرۋپپا ماجىلىسىنە قاتىناستى. مۇشە ۋاڭ حۋان وقۋ - اعارتۋ سالاسىندا ساقتالعان ءىشىنارا ماسەلەلەرگە توقتالعاندا، باس شۋجي شي جينپيڭ بار زەيىن - زەردەسىمەن تىڭدادى، ءالىسىن - ءالى ءسوز قوسىپ وتىردى، سوزىنەن بارىنشا دەن قويعان ىقىلاسى مەن مۇندالاپ تۇردى.

  ”وقۋ - اعارتۋدا مەيلى مەكتەپ تاربيەسى الدە وتباسى تاربيەسى بولسىن، نومىرگە ەرەكشە ءمان بەرىپ كەتۋگە بولمايدى. ءنومىر تەك ءبىر مەزەتتىك ناتيجە عانا، ومىرلىك جەتىلۋ نىساناسىنان قاراۋ كەرەك. سوڭىندا اقاۋسىز، تولىسقان ادامگەرشىلىك قاسيەت قالىپتاستىرا الماسا، ول تولىمدى سانالمايدى“، - دەدى باس شۋجي شي جينپيڭ تەرەڭ ىقىلاسپەن.

  باس شۋجيدىڭ بۇل ءسوزى مۇشەلەردىڭ جاپپاي اڭىسىن قوزعادى.

  ”باس شۋجي بالالاردىڭ دەنساۋلىق، پسيحيكالىق اقاۋسىزدىعىنا جانە ادامگەرشىلىك قاسيەتىنىڭ تولىسۋىنا ەرەكشە كوڭىل بولەدى، ءبىرىنشى شەپتەگى نەگىزدىك وقۋ - اعارتۋدىڭ ءىس جۇزىندىك جاعدايى مەن بۇقارا كوڭىل ءبولىپ وتىرعان ماسەلەلەردى ەرەكشە تۇسىنەدى ەكەن“، - دەدى ۋاڭ حۋان.

  ”بۇل ماسەلەلەر تۇگەلدەي قوعامدىق سيپاتتى ماسەلەلەر، وقۋ - اعارتۋ تاراۋلارى جەكە - دارا شەشە المايدى، قوعامداعى ءار جاقتىڭ، قاتىستى تاراۋلاردىڭ ورتاق قۇلشىنىپ، زەرتتەۋى ارقىلى شەشۋىنە مۇقتاج“، - دەدى باس شۋجي شي جينپيڭ.

  باس شۋجيدىڭ جاۋابىنان ۋاڭ حۋان ەرەكشە شابىتتاندى: ”نەگىزگى ساتىداعى وقۋ - اعارتۋ شايقاس شەبىندە قۇلشىنىس جاساۋدىڭ ءتىپتى بەرىك سۇيەنىشى بار ەكەنىن سەزىندىم!“.

  پارتيا 18 - قۇرىلتايىنان بەرى مەيلى ”ءومىردىڭ تۇيمەسىن ءاۋ باستان دۇرىس تۇيمەلەۋ كەرەك“ دەگەن ىقىلاستى تاپسىرما بولسىن، الدە ”پارتيا مەن حالىق ريزا بولاتىن جاقسى ۇستاز بولۋ كەرەك“ دەگەن ايقىن تالاپ بولسىن، باس شۋجي شي جينپيڭنىڭ وقۋ - اعارتۋدى كوكەيىنەن شىعارماۋى 40 نەشە جىل وقۋ - اعارتۋمەن اينالىسقان ۋاڭ حۋانعا ەرەكشە مەيىر سەزىندىردى. بىلتىردان بەرى مىندەتتى وقۋ - اعارتۋدىڭ ساپالى، تەپە - تەڭ دامۋىن ىلگەرىلەتۋ سىندى جاقتارداعى ءبىر قىدىرۋ جاڭا شارا ۋاڭ حۋانعا ”جاڭا وقۋ - اعارتۋ ءداۋىرىن“ ءتىپتى سەزىندىردى.

  بىلتىر ەكى ءماجىلىس اياقتاپ، 5 ايدان كەيىن بەيجيڭ قالاسىنىڭ وقىتۋشىلاردى اۋىستىرىپ كەزەكپەن ىستەتۋ ورنالاستىرۋى بويىنشا ۋاڭ حۋان گىشينلي باستاۋىش مەكتەبىنىڭ مەكتەپ باستىعى مىندەتىن قوسىپ اتقاردى. شىجيا وقۋ - اعارتۋ توبىنىڭ ساپالى بايلىعىنا سۇيەنگەن ول بالالاردىڭ دەنە جانە پسيحيكالىق اقاۋسىزدىعىن ايالاۋ، وقۋ - اعارتۋ رەفورماسىن تەرەڭدەتۋ ۇستانىمىنا ”شىت جاڭا ءنار“ ءسىڭىردى.

  اقاۋسىز ادەت، كورۋ قۋاتىن قورعاۋ، اقاۋسىز شىنىعۋ، كوڭىل سىرىن اقتارۋ، سيفرلى اس ءۇي سياقتى وقىتۋ مازمۇندارى جاپپاي ورىستەتىلىپ، جاڭا جىلدىق ولەڭ وقۋ سياقتى ادەبيەت - كوركەمونەر قيمىلدارىنىڭ مازمۇنى بايىتىلا ءتۇستى...

  2022 - جىلعى جاڭا جىلدىق ولەڭ وقۋ جينالىسىندا گىشينلي باستاۋىش مەكتەبىندەگى جابىعۋ اۋرۋىنا شالدىققان ءبىر بالا العاش رەت مەكتەپتىڭ توپتىق ونەر كورسەتۋىندە رول وينادى.

  ”بالام، راسىندا، جارايدى ەكەن!“. سول كۇنى بالانىڭ شەشەسىنىڭ قۋانعانىنان كوز جاسىن كولدەتكەن بەينەسى ۋاڭ حۋاننىڭ كوڭىل تۇكپىرىندە قالدى.

  ”بالالاردىڭ دەنە جانە پسيحيكا جاعىنداعى اقاۋسىزدىعىن قورعاۋ وقۋ - اعارتۋ قىزمەتكەرلەرىنىڭ بورىشى. باس شۋجي ءبىزدى بالالاردىڭ دەنە جانە پسيحيكا اقاۋسىزدىعىن قورعاۋعا تاربيەلەدى، مەن، ءسوزسىز، باس شۋجيدىڭ تاپسىرماسىن جەردە قالدىرمايمىن، ءومىر بويى گۇلدەي جايناپ، قۇلپىرا اشىلىپ كەلە جاتقان بالالاردىڭ جۇرەك ۇنىنە دەن قويامىن“، - دەدى ۋاڭ حۋان.

  (شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.