تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو حالىق ساياسي ءماسليحات كەڭەسى مەملەكەتتىك كوميتەتى تۇراقتى كوميتەتىنىڭ قىزمەتىنەن بايانداما

− ساياسي كەڭەس 13 - كەزەكتى مەملەكەتتىك كوميتەتىنىڭ 5 - ماجىلىسىندە جاسالدى

(2022 - جىلى 3 - ايدىڭ 4 - كۇنى)

ۋاڭ ياڭ

  مۇشەلەر:

  مەن جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى وتىنەمىن.

  1. 2021 - جىلى: ”14 - بەسجىلدىق“ پلاندى باستاۋدى، جاڭا جورىقتى باستاۋدى كوزدە ۇستاي وتىرىپ، مىندەتىمىزدى وتەپ، جاۋاپكەرشىلىگىمىزدى ادا ەتتىك

  2021 - جىل پارتيا مەن مەملەكەت تاريحىندا بەلەستىك مانگە يە ءبىر جىل بولدى. كۇردەلى دە قاتاڭ حالىقارالىق جاعداي جانە جاپالى دا اۋىر ەل ىشىندەگى رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسىنىڭ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، 100 جىلدا بولماعان وزگەرىس پەن عاسىردا كەزدەسپەگەن ىندەتكە بايسالدىلىقپەن توتەپ بەردى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا اتتانۋدىڭ جاڭا جورىعىن باستادى، ”14 - بەسجىلدىق“ پلاننىڭ تاماشا باستاماسىن جۇزەگە اسىردى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن ماقۇلداپ، بۇكىل پارتيانىڭ، بۇكىل ەلدەگى ءار ۇلت حالقىنىڭ ۇيىسۋ قۋاتى، باۋراۋ قۋاتى ايرىقشا كۇشەيىپ، تاريحتى اينا ەتىپ، بولاشاققا جول اشۋ سەنىمىمىز بەن بەكىمىمىز اناعۇرلىم بەكەمدەلدى.

  جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن تاقىرىپقا، ساياسي كەڭەستىڭ سيپاتى مەن ورنىنا تاباندى بولىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى نەگىزگى جەلى ەتىپ، يدەيالىق - ساياسي جەتەكشىلىكتى كۇشەيتىپ، ”14 - بەسجىلدىق“ پلاننىڭ تاماشا باستاماسىن جەبەۋدى ءتۇيىن ەتىپ، مۇقياتتىلىقپەن مىندەتىن وتەپ، جاۋاپكەرشىلىگىن ادا ەتتى، ساياسي كەڭەس ءتۇزىمىنىڭ ونىمدىلىگىن جوعارىلاتۋدى نىسانا ەتىپ، ارناۋلى كەڭەس قۇرىلىمى قۇرىلىسىن ىلگەرىلەتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

  (1) نازاردى جۇڭگو كوممۋنيستىك پارتياسىنىڭ 100 جىلدىق مەرەيتويىن قۇتتىقتاۋعا شوعىرلاندىرىپ، ورتاق يدەيالىق - ساياسي نەگىزدى بەكەمدەدىك. جۇڭگو كوممۋنيستىك پارتياسىنىڭ تاريحىن ءتۇيىن ەتكەن ”ءتورت تاريح“ تاربيەسى ىشكەرىلەي ورىستەتىلدى، پارتياداعىلار پارتيا سىرتىنداعىلارعا جەتەكشىلىك ەتىپ، ساتىلار بويىنشا ۇيرەنۋ ورىستەتىلىپ، ساياسي كەڭەستىڭ ەرەكشەلىگىن كورنەكتىلەندىرىپ، مۇشەلەردىڭ نەگىزگى تۇلعالىق رولىن ساۋلەلەندىرىپ، ورتاق تانىمعا كەلتىرۋگە باسا ءمان بەرىپ، تاريحتى ۇيرەنىپ قاعيدانى بىلۋگە، تاريحتى ۇيرەنىپ سەنىمدى ارتتىرۋعا، تاريحتى ۇيرەنىپ ءمورالدى ارداقتاۋعا، تاريحتى ۇيرەنىپ قۇلشىنا ىستەۋگە كۇش سالىندى. مەملەكەتتىك ساياسي كەڭەس مۇشەلەرىنىڭ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ جونىندە اۋىس - ءتۇيىس جاساۋ ءماجىلىسىن اشىپ، پارتيانىڭ باسشىلىعىندا، جاڭا ەمتيحان تاپسىرۋ جولىمەن ويداعىداي ءجۇرۋ ورتاق ساياسي تىلەگى بەينەلەندى. كوزدەن كەشىرۋگە، تەكسەرۋگە، زەرتتەۋگە ۇشتاستىرىپ، جاقىن ماڭداعى توڭكەرىستىك تاربيە بازالاردى ەكسكۋرسيالاپ، 34 سالاداعى مۇشەلەردى قامتىعان ارناۋلى تاقىرىپتاعى كوزدەن كەشىرۋ ۇيىرمەسىن جياڭشي، گۇيجوۋ سياقتى جەرلەردەگى توڭكەرىستىك بايىرعى ورىندارعا بارىپ پارتيانىڭ ۇلى تاريحىن قايتا ەسكە الۋعا ۇيىمداستىرىپ، يدەيالىق تاربيە تەرەڭدەتىلدى. ”كوممۋنيستەردىڭ رۋحاني قان تامىرىن جالعاستىرۋ“ سىندى مۇشەلەر لەكسياسىن جاساپ تاراتىپ، ”’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ جۇڭگو كوممۋنيستىك پارتياسىنىڭ تاريح كورمەسىن“ ەكسكۋرسيالاۋعا ۇيىمداستىرىپ، جۇڭگو كوممۋنيستىك پارتياسى 8 - قۇرىلتايىنىڭ تاريحي كورمەسىن، پارتيا تۋى، مەملەكەت تۋى، ارميا تۋىنىڭ جارىققا شىعۋى تۋرالى قۇندى تاريحي ماتەريالدار كورمەسىن وتكىزىپ، مۇشەلەردىڭ باستان كەشىرە وتىرىپ ۇيرەنۋ بارىسىندا مۇرات - سەنىمىن بەكەمدەۋىنە جەتەكشىلىك ەتىلدى. جۇڭگو كوممۋنيستىك پارتياسىنىڭ تاريحىن ۇيرەنۋدى 48 نەگىزگى تاقىرىپتاعى كىتاپ وقۋ شوعىرىمەن ساباقتاستىرىپ، مەملەكەتتىك ساياسي كەڭەستىڭ 385 مۇشەسىن جەكە - جەكە شوعىرناي، وقىرمانعا سىلتەمەشى ەتىپ، مۇشەلەر 270 مىڭنان استام لەبىز ءبىلدىرىپ، كورىلىمى ءبىر ميلليون 420 مىڭ ادام - رەتتەن استى، جەلىدەن تىس ”توڭكەرىستىك كلاسسيكالىق شىعارمالاردى ۇڭىلە وقۋ“ سىندى تۇسىندىرمەلى وقۋ جينالىسى وتكىزىلىپ، يدەيالىق تۇسىنىكتەرىمەن ورتاقتاسىپ، ەكپىندەي ىلگەرىلەيتىن كۇش ۇيىستىرىلدى. جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى جابىلعاننان كەيىن، تۇراقتى كوميتەت ءماجىلىسىنىڭ، ءتوراعالار ءماجىلىسىنىڭ توپتىق ۇيرەنۋى دەر كەزىندە وتكىزىلىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى جانە ارناۋلى تاقىرىپتىق ۇگىت لەكسيا سياقتى مەحانيزم ارقىلى ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، قالىڭ ساياسي كەڭەس مۇشەلەرىن ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە جەتەكتەپ، ”ەكىنى قورعاۋدى“ ورىنداۋداعى ساياسي سانالىلىعى، يدەيالىق سانالىلىعى، ارەكەت سانالىلىعى كۇشەيتىلدى.

  (2) وزەكتى مىندەتتى ارقاۋ ەتىپ، ۇكىمەت ىسىنە كەڭەس بەرىپ، ”14 - بەسجىلدىق“ پلاننىڭ تاماشا باستاماسىن دەمەدىك. جىلدىق كەڭەسۋ جوسپارىن تياناقتاندىرىپ، ىندەتتىڭ ىقپالىنا توتەپ بەرىپ، تۇتاس جىلدا 25 رەت ماڭىزدى كەڭەسۋ قيمىلى وتكىزىلىپ، 82 رەت قىزمەتتى كوزدەن كەشىرىپ، تەكسەرۋ - زەرتتەۋ جۇرگىزىلدى، 5039 ۇسىنىس جوبا ارحيۆكە الىنىپ، ماجىلىستەگى 867 جارىس ءسوز رەداكسيالانىپ جاريالاندى، شەشىم جاساۋعا، شارا قولدانۋعا ءونىمدى قىزمەت ەتىلدى. نازاردى جوعارى ساپالى دامۋدى ىلگەرىلەتۋگە شوعىرلاندىرىپ، جاڭا دامۋ جاعدايىن قالىپتاستىرۋ ارناۋلى تاقىرىبىندا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسى اشىلىپ، ىشكى سۇرانىمنىڭ ستراتەگيالىق نەگىزىن كەڭەيتۋگە تاباندى بولۋ، ەكونوميكالىق اينالىمدى تەجەيتىن ءتۇيىندى بوگەتتەردى اشۋ، اۋىل شارۋاشىلىعىنىڭ ساپالى تۇقىم بايلىعىن قورعاۋ جانە ودان پايدالانۋ، مەملەكەتتىڭ عىلىم - تەحنيكالىق كەلەلى، ارناۋلى جاڭا نىساندارىن جەدەل باستاۋ، مەملەكەتتىڭ ستراتەگيالىق عىلىم - تەحنيكا قۋاتىن كۇشەيتۋ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ دامۋ پلانى باعدارلاماسىن تياناقتاندىرۋ، چاڭجياڭ وزەنىنىڭ ورتا اعارىنداعى قالا شوعىرىن سايكەستى دامىتۋ، جاڭاشا نەگىزدىك قۇرىلعىلاردى جۇيەلى ورنالاستىرۋ، كوپ ءتاسىلدى ۇلاسپالى تاسىمالدىڭ جوعارى ساپالى دامۋىن ىلگەرىلەتۋ، ينتەرنەت ويىندارى شارۋاشىلىعىنىڭ اقاۋسىز دامۋىن جەبەۋ سياقتىلار جونىندە تەكسەرۋ - زەرتتەۋ جۇرگىزىلىپ، اقىل - كەڭەس بەرىلدى. حالىق تۇرمىسىنا نازار اۋدارۋدى مىقتى يگەرىپ، اناعۇرلىم جوعارى دەڭگەيدەگى تىنىش جۇڭگو قۇرۋ ارناۋلى تاقىرىبىندا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسى اشىلىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى، حالىقتىڭ قارتتانۋى جونىنەن شارا قولدانۋ سياقتىلاردى ارقاۋ ەتىپ، ارناۋلى تاقىرىپتا كەڭەس ءماجىلىسى اشىلدى، جاڭا داۋىردە شەكارانى گۇلدەندىرىپ، حالىقتى بايىتۋ ارەكەتىن ىلگەرىلەتۋ، جوعارى ساپالى وقۋ - اعارتۋ جۇيەسىن ورناتۋ، مەملەكەتتىڭ الەۋمەتتىك دەنساۋلىق ساقتاۋ قورعانىس تورى، جۇڭگوشا شيپاگەرلىك، ءدارى - دارمەك بايلىعىن اشۋ جانە ونى قورعاۋ، اۋىل - قىستاق شيپاحاناسىن، ەمدەۋ ورنىن سالۋ جانە ونى باسقارۋدى كۇشەيتۋ، قوعامدىق قۇتقارۋ - كومەكتەسۋ زاڭىن جاساۋ، شەكارا وڭىرلەردىڭ دامۋى مەن حاۋىپسىزدىگى سياقتىلار كوزدەن كەشىرىلىپ، ۇسىنىس - پىكىر بەرىلدى. ەكولوگيالىق وركەنيەت قۇرىلىسىن كوزدە ۇستاپ، چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋدى كۇشەيتۋ مەن كليمات وزگەرىسىنە ۇيلەسۋ جونىندەگى ءتۇيىندى ۇسىنىس جوبالاردىڭ ورىندالۋىن باقىلاۋ ورىستەتىلىپ، حۋاڭحى وزەنى الابىنىڭ ەكولوگيالىق وركەنيەت قۇرىلىسى، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ، مەملەكەتتىك ءتۇيىندى كولدەردىڭ ەكولوگيالىق ورتاسىن قورعاۋ، قالا - قالاشىقتارداعى لاس سۋدى ءبىر جاقتى ەتۋ سياقتىلار جونىندە كەڭەس ۇيىمداستىرىلدى. جوعارى دەڭگەيدە سىرتقا ەسىك اشۋعا دەم بەرىپ، ”14 - بەسجىلدىق“ پلانداعى سىرتقا ەسىك اشۋدىڭ كەلەلى شارالارىن تياناقتاندىرۋ، سىرتقى ساۋدانىڭ جالپىلىق باسەكەلىك قۋاتىن ارتتىرۋ، حاينان ەركىن ساۋدا پورتى قۇرىلىسى، شەتەلگە ساياتىن زاڭ اتقارۋدىڭ، ءادىليانىڭ ساپاسىن، ونىمدىلىگىن جوعارىلاتۋ سياقتىلاردى ارقاۋ ەتكەن كەڭەسۋ، اڭگىمە ءماجىلىسى وتكىزىلدى.

  (3) ساياسي كەڭەستىڭ كەڭەسۋ مازمۇنىن بايىتىپ، ارناۋلى كەڭەس قۇرىلىمىنىڭ رولىن اناعۇرلىم ويداعىداي ساۋلەلەندىردىك. ارناۋلى كوميتەتتەردىڭ نەگىزدىك رولى كۇشەيتىلىپ، كەڭەسۋ تاسىلىندە، دانەكەرىندە جاڭالىق اشىلدى، كەڭەسۋ ىشكەرىلەي ورىستەتىلىپ، مىندەت وتەۋ ساپاسى جوعارىلاتىلدى. ماماندار كەڭەسىن قۇرىپ، سالا، ءپان، ءوڭىر ارالىق مامان مۇشەلەر مەن قاتىستى وقىمىستىلاردى ۇيىمداستىرىپ، شاعىن كولەمدە، كوپ رەت ىشكەرىلەي كەڭەس وتكىزىپ، تۇتاس جىلدا عىلىم - تەحنيكادا جاڭالىق اشۋ مەن عىلىم جالپىلاستىرۋ، اۋىل شارۋاشىلىعىن، اۋىل - قىستاقتى وسىزامانداندىرۋ كورسەتكىش جۇيەسىن زەرتتەۋ سياقتىلاردى ارقاۋ ەتكەن ستراتەگيالىق، كورەگەندىك سيپاتتاعى تالقى تاقىرىبىندا 36 رەت جيىن اشىلدى، ءىشىنارا ماڭىزدى جەتىستىكتەر تۇراقتاندىرىلدى جانە پايدالانىلدى. دەموكراتيالىق باقىلاۋ قىزمەت جوسپارىن جاساپ، ءتوراعالار ءماجىلىسى مۇشەلەرىنىڭ ”جاڭا داۋىردەگى حالىق ساياسي كەڭەسىنىڭ دەموكراتيالىق باقىلاۋ قىزمەتىن كۇشەيتۋ جانە جاقسارتۋ“ جونىندەگى تالقى ءماجىلىسى اشىلدى. كەڭەسۋ ۇلگىسىندەگى باقىلاۋ ەرەكشەلىگى كورنەكتىلەنىپ، كەڭەسۋدى كەڭەس تاقىرىبىن باقىلاۋدى بەلگىلەۋ، احۋال ۇعىسۋدى تەكسەرىپ - زەرتتەۋ، باقىلاۋ پىكىرىن قالىپتاستىرۋ سياقتى جالپى بارىسپەن ساباقتاستىرىپ، ءتوراعالار كەڭەسىنىڭ مۇشەلەرى باس بولىپ، 10 ارناۋلى كوميتەت ءار سالا قىزمەتىنىڭ ماڭىزدى ءتۇيىنىن ارقاۋ ەتىپ، جالعاستى قاداعالاي باقىلاۋ جۇرگىزىپ، جۇڭگو كوممۋنيستىك پارتياسى ورتالىق كوميتەتىنە، مەملەكەتتىك كەڭەسكە قوعامدى قارتتارعا بەيىمدەپ دامىتۋدى جەدەل ىلگەرىلەتۋ سياقتى دەموكراتيالىق باقىلاۋ مالىمەتىن جولدادى، بۇل كەڭەسۋ ارقىلى جاقسارتۋدى جەبەۋ، باقىلاۋ ارقىلى تياناقتاندىرۋدى دەمەۋ رولىن اتقاردى. دەربەس تەكسەرىپ - زەرتتەۋدىڭ يكەمدى، قولايلى، ناقتى، جوعارى ءونىمدى بولۋ ابزالدىلىعىن ساۋلەلەندىرىپ، مەملەكەتتىك ساياسي كەڭەستەگى باسشى جولداستاردىڭ دەربەس تەكسەرىپ - زەرتتەۋى ارقىلى مۇشەلەردىڭ دەربەس تەكسەرىپ - زەرتتەۋىن ىشكەرىلەي ىلگەرىلەتۋىنە جەتەكشىلىك ەتىپ، جالپى 120دان استام تەكسەرىپ - زەرتتەۋ ۇيىمداستىرىلىپ ورىستەتىلدى. قوعام جاعدايى مەن جۇرت تىلەگىنە قاتىستى ينفورماتسيالاردى اڭىس ەتۋ ارناسى كەڭەيتىلىپ، ءتۇيىندى تەكسەرىپ - زەرتتەۋ، كەڭەسۋ جەتىستىكتەرىن دالمە - ءدال جولداپ، تۇتاس جىلدا ءتۇرلى ينفورماتسيادان 3010 سان رەداكسيالانىپ جولداندى.

  (4) ىنتىماقتاسۋ، دوستاسۋ ءادىسى مەن دانەكەرىن كەمەلدەندىرىپ، اقىل - پاراسات پەن كۇش - قۋاتتى كەڭ كولەمدە توپتادىق. جۇڭگو كوممۋنيستىك پارتياسى ورتالىق كوميتەتىنىڭ ورنالاستىرۋىن تياناقتاندىرىپ، شينحاي توڭكەرىسىنىڭ 110 جىلدىعىن اتاپ ءوتۋ جينالىسى ءساتتى وتكىزىلدى. باس شۋجي شي جينپيڭنىڭ جينالىستا سويلەگەن ماڭىزدى ءسوزىن ىشكەرىلەي ۇيرەنىپ، وتاننىڭ بۇكىلدەي بىرلىككە كەلۋىن ىلگەرىلەتۋ، ۇلتتىڭ گۇلدەنۋ ۇلى ءىسىن جۇزەگە اسىرۋ جونىندەگى بەرىك بەكىم اناعۇرلىم كۇشەيتىلدى. مەملەكەتتىك ساياسي كەڭەس پارتيا باسشىلىق گرۋپپاسىنىڭ مۇشەلەرى پارتيا سىرتىنداعى 367 مۇشەمەن سىرلاسىپ، اڭگىمەلەسىپ، كەلەلى، ارناۋلى قىزمەت جونىندە مۇشەلەردىڭ 11 مايدان ۇگىت لەكسياسىن ۇيىمداستىرىپ، مۇشەلەر لەكسياسىنان 10 سان جاسالىپ تاراتىلدى، 11 رەت پارتيا سىرتىنداعى مۇشەلەردىڭ ءوزىن - ءوزى تاربيەلەۋىن، ءوزىن - ءوزى جەتىلدىرۋىن نەگىزگى ماقسات ەتكەن ارناۋلى تاقىرىپتىق كوزدەن كەشىرۋ ورىستەتىلدى، ماكرولىق شارۋاشىلىق جاعدايىنا تالداۋ جاساۋ جونىندە 4 رەت اڭگىمە ءماجىلىسى جانە ءتۇيىندى كوڭىل ءبولىپ وتىرعان ماسەلەلەر جونىندە 10 مايدان جاعدايدان حاباردار ەتۋ ءماجىلىسى اشىلدى، ”مۇشەلەردىڭ ايتارى“ اتتى تاقىرىپتا جەلىلەس سۇحباتتى قىسقا بەينەجازبا جاساپ، ساياساتتى ۇگىتتەپ، نازار اۋدارىپ وتىرعان ماسەلەلەرگە جاۋاپ قايتارىپ، ورتاق تانىمعا كەلتىردىك. ورتالىقتىڭ ۇلت قىزمەتى ءماجىلىسى مەن مەملەكەتتىك ءدىن قىزمەتى ءماجىلىسىنىڭ رۋحىن ۇيرەنىپ، دايەكتىلەندىرىپ، از ۇلت سالاسىنداعى، ءدىن سالاسىنداعى مۇشەلەردى كۋرستان وتكىزۋ كلاسىن اشىپ، ۇلتتىق وڭىرلەردە كوپ ارنامەن جۇمىستانۋ، ءدىن ىستەرىن باسقارۋ جونىندە تەكسەرۋ - زەرتتەۋ، كەڭەسۋ ورىستەتىلدى، ۇلتتار ىنتىماعى، دىندەردىڭ جاراسىمدىلىعى جەبەلدى. شياڭگاڭ رايونىنداعى مۇشەلەردى مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋىنە، ”وتانشىلداردىڭ شياڭگاڭدى باسقارۋ“ ءتۇبىرلى پرينسيبىن تياناقتاندىرۋدى جەبەۋگە پىكىر ءبىلدىرىپ، قولداۋ كورسەتۋگە شابىتتاندىرىپ، شياڭگاڭدىق، اۋمىندىق جاستار مەن ورەندەرگە وتانشىلدىق تاربيە بەرۋ مەن ىندەتكە قارسى اتتانۋ جونىندە ۇسىنىس بەرۋدى ارقاۋ ەتىپ، 13 - كەزەكتى بۇعاز تالقى مىنبەرىن · 4 - كەزەكتى ەكى جاعالاۋدىڭ نەگىزگى ساتىلارىن باسقارۋ تالقى مىنبەرىن وتكىزۋگە ات سالىسىپ، شياڭگاڭدىق، اۋمىندىق باۋىرلاستارمەن، تايۋاندىق باۋىرلاستارمەن، شەتەلدەگى چياۋمين باۋىرلاستارمەن ىنتىماق، دوستىق نىعايتىلدى. ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا سىرتپەن بارىس - كەلىس جاساۋ قىزمەتىن ويداعىداي ىستەپ، لاتىن امەريكاسى جانە كارايب ەلدەرىنىڭ جۇڭگودا تۇراتىن ەلشىلەرىنىڭ ساياسي كەڭەسكە ات سالىسۋ قيمىلىن وتكىزىپ، جۇڭگو ەكونوميكالىق، قوعامدىق القالار كەڭەسىنىڭ، جۇڭگو ءدىن سالاسى بەيبىتشىلىك كوميتەتىنىڭ قاتىستى حالىقارالىق ۇيىمداردىڭ قيمىلدارىنا قاتىسۋىنا قولداۋ كورسەتىلدى، جەلىدە 80 رەت شەتەلمەن قارىم - قاتىناس قيمىلى ورىستەتىلدى. جۇڭگو ساياسي ءماسليحات كەڭەسىنىڭ اعىلشىن تىلىندەگى سايتى پارتيا قۇرىلعاندىعىنىڭ 100 جىلدىعىن قۇتتىقتاۋ تۋرالى ارناۋلى تاقىرىپتا ستون اشىپ، ساياسي كەڭەستىڭ شەتەلگە ارنالعان ۇگىت - ءناسيحات قىسقا فيلمىن جاساپ، جۇڭگو كوممۋنيستىك پارتياسىنىڭ 100 جىلدىق كۇرەس بارىسى مەن ەل باسقارۋ جونىندەگى تابىستارى ۇگىتتەلدى، جالپى بارىستىق حالىق دەموكراتياسى، حالىق ساياسي كەڭەس ءتۇزىمى سياقتىلار ۇگىتتەلىپ، تانىستىرىلدى. امەريكانىڭ شينجياڭعا ساياتىن اتالمىش زاڭ جوباسىنا قول قويىپ، زاڭداستىرعانىنا، ەۆروپا پارلامەنتىنىڭ سىرتقى ىستەر كوميتەتى مەن ەۆروپا پارلامەنتىنىڭ تايۋانعا ساياتىن اتالمىش باياندامانى ماقۇلداۋىنا قاراتا قاتاڭ مالىمدەمە جاريالاپ، پرينسيپتىك تۇرعىمىز ەگجەي - تەگجەيلى بايىمدالدى.

  (5) ساياسي كەڭەستىڭ وزىندىك قۇرىلىسىن كۇشەيتىپ، مىندەت وتەۋ ونىمدىلىگىن شىنايى جوعارىلاتتىق. ساياسي قۇرىلىستى ءبىر تۇتاس جەتەكشى ەتىپ، پارتيا قۇرىلىسىن ىلگەرىلەتىپ، «جاڭا داۋىردەگى حالىق ساياسي كەڭەسىنىڭ پارتيا قۇرىلىسى قىزمەتىن كۇشەيتۋ جونىندەگى ءبىرقانشا پىكىردىڭ» تياناقتاندىرىلۋ جاعدايىنا تەكسەرۋ - زەرتتەۋ جۇرگىزىپ، ءماجىلىس اشىپ، ساياسي كەڭەستىڭ پارتيا قۇرىلىسى قىزمەتى جونىندە قورىتىندى جاسالدى جانە تاجىريبە الماستىرىلدى. ۇيرەنىمپاز ساياسي كەڭەس قۇرىلىسىن ىلگەرىلەتىپ، مەملەكەتتىك جانە جەرگىلىكتى ساياسي كەڭەس مۇشەلەرىنىڭ كىتاپ وقۋ جونىندە جەلىدە تاجىريبە الماستىرۋ جيىنىن اشىپ، ساياسي كەڭەس مۇشەلەرىنىڭ كىتاپ وقۋ، ەستەلىك الۋ جونىندەگى جەلىلەس كىتاپتارى باسپادان شىعارىلدى، مۇشەلەردىڭ ۇيرەنۋىن، قىزمەتىن كۇشەيتۋ جانە جاقسارتۋ ادىسىنە تۇزەتۋ ەنگىزىلدى. ۇسىنىس جوبالاردى ءبىتىرۋ كەڭەس ءماجىلىسىنىڭ قىزمەت ەرەجەسىن جاساپ، مەملەكەت بويىنشا جەرگىلىكتى ساياسي كەڭەستەردىڭ ۇسىنىس جوبا قىزمەتى جونىندە تاجىريبە اۋىستىرۋ اڭگىمە ءماجىلىسى اشىلدى. ساياسي كەڭەستىڭ نازاريا زەرتتەۋ قىزمەتىن كۇشەيتۋ جانە جاقسارتۋ جونىندەگى پىكىردى جاريالاپ، جۇڭگو حالىق ساياسي كەڭەسى نازاريا زەرتتەۋ قوعامىنىڭ ارناۋلى كەڭەس قۇرىلىمى رولىن ساۋلەلەندىرىپ، تالقى ورىستەتۋىنە قولداۋ كورسەتىلدى. مەملەكەتتىك ساياسي كەڭەستىڭ ۇگىت - يدەيا قىزمەتى اڭگىمە ءماجىلىسىن اشىپ، قاتىستى يدەولوگيالىق شەپ قۇرۋ جانە ونى باسقارۋ كۇشەيتىلدى. مۇشەلەردىڭ مىندەت وتەۋ تۇعىرى مەن زەردەلى كىتاپ وقۋ تۇعىرى ساپالىلاندىرىلىپ، مىندەت وتەۋ ونىمدىلىگى جوعارىلاتىلدى. پارتيانى جاپپاي قاتاڭ باسقارۋ تالابىن تياناقتاندىرىپ، مەملەكەتتىك ساياسي كەڭەستىڭ پارتيا باسشىلىق گرۋپپاسى ورگان پارتيا باسشىلىق گرۋپپاسىنىڭ ورتالىقتىڭ ارالاپ تەكسەرۋ، رەتتەۋ - تۇزەتۋ قىزمەتىن ويداعىداي ىستەۋىنە جەتەكشىلىك ەتىپ، ارناۋلى كوميتەتتەردىڭ بولىمشە پارتيا باسشىلىق گرۋپپالارىنىڭ ارناۋلى ارالاپ تەكسەرۋ جۇرگىزۋى جونىندە ىزدەنىس جاسالدى.

  مۇشەلەر، ءبىر جىلدان بەرگى قول جەتكىزگەن قىزمەت تابىستارىمىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ ناتيجەسى، ءار جاقتىڭ زور كۇشپەن قولداۋى مەن حالىق ساياسي كەڭەسىنە قاتىناسقان ورىنداردىڭ، ءار دارەجەلى ۇيىمداردىڭ بىرگە كۇرەس جاساۋىنىڭ ناتيجەسى، قالىڭ ساياسي كەڭەس مۇشەلەرىنىڭ داڭقتى قاستەرلەپ، مىندەتىن مۇقياتتىلىقپەن اتقارىپ، جاۋاپكەرشىلىك ارقالاپ، قۇلشىنا ۇلەس قوسۋىنىڭ ناتيجەسى. مەن مەملەكەتتىك ساياسي كەڭەستىڭ تۇراقتى كوميتەتى اتىنان شىن جۇرەكتەن العىس ايتامىن!

  ءبىز قىزمەتتەگى جەتەرسىزدىكتەردى دە سەرگەكتىكپەن كورە بىلدىك: كەڭەس، ۇسىنىس بەرۋ ساپاسى مەن دەڭگەيىن ونان ارى جوعارىلاتۋعا، ورتاق تانىمعا كەلتىرۋ قىزمەتىنىڭ ناقتى ونىمدىلىگىن ونان ارى كۇشەيتۋگە، مۇشەلەردىڭ قىزمەت وتەۋ سالالارىنداعى بۇقارامەن بايلانىس جاساۋ قىزمەتىن ونان ارى جاقسارتۋعا، مۇشەلەردىڭ جاۋاپكەرشىلىك تانىمىن ونان ارى كۇشەيتۋگە تۋرا كەلەدى، ت. ب. بۇل ماسەلەلەر جونىندە بۇدان بىلايعى قىزمەت بارىسىندا تۇزەتۋ شارالارىن مۇقيات زەرتتەۋ جانە تياناقتاندىرۋ قاجەت.

  2. 2022 - جىلى: جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن ارقاۋ ەتىپ، كۇش - قۋاتتى شوعىرلاندىرايىق

  2022 - جىل − جاپپاي سوتسياليستىك وسىزاماندانعان مەملەكەت قۇرۋعا قادام باسىپ، ەكىنشى 100 جىلدىق كۇرەس نىساناسىنىڭ جاڭا جورىعىنا اتتانعان ماڭىزدى ءبىر جىل، جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - قۇرىلتايى مەن 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن مۇقيات تياناقتاندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ۇسىنىس قويۋ، كەڭەس بەرۋ مەن ورتاق تانىمعا كەلتىرۋ سىندى قوس باعىتتا كۇش سالۋعا تاباندى بولىپ، جۇڭگو كوممۋنيستىك پارتياسى 20 - قۇرىلتايىن قارسى الۋدى، 20 - قۇرىلتايدىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تۇتاس جىلداعى ماڭىزدى ساياسي مىندەتپەن ساباقتاستىرىپ، يدەيالىق جاقتان جەتەكشىلىك ەتۋ، كۇش توپتاۋ، ۇكىمەت ىسىنە كەڭەس بەرۋ، جالپى جاعدايعا قىزمەت وتەۋ قىزمەتتەرىن مۇقيات، ويداعىداي ىستەپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋعا ۇلەس قوسادى.

  (1) پارتيا مەن مەملەكەت قىزمەتىنىڭ كەلەلى جاعدايىن مىقتى يگەرىپ، كەڭ كولەمدە ورتاق تانىمعا كەلتىرۋ. جۇڭگو كوممۋنيستىك پارتياسىنىڭ 20 - قۇرىلتايىن قارسى الۋدى ارقاۋ ەتىپ يدەيالىق - ساياسي قۇرىلىستى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى تۇزىمىنە تاباندى بولىپ، پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىن جەتەكشى ەتكەن ۇيرەنۋ ءتۇزىمى جۇيەسىن كەمەلدەندىرىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، پارتيانىڭ جاڭالىق اشۋ نازارياسىن ۇيرەنىپ، جەتە ءتۇسىنىپ، بارشا مۇشەنى جۇڭگوشا سوتسياليزم جولىمەن اۋىتقىماي جۇرۋگە ىنتىماقتاستىرۋ جانە جەتەكتەۋ كەرەك. سىرلاسۋ، اڭگىمەلەسۋ، مۇشەلەر ساباقحاناسى، كەلەلى، ارناۋلى قىزمەت جونىندەگى مۇشەلەردىڭ ۇگىت لەكسيا ۇيىرمەسى، ارناۋلى كوميتەتتەردىڭ مەديالارمەن كەزدەسۋ ءماجىلىسى، ءتۇيىندى كوڭىل ءبولىپ وتىرعان ماسەلەلەر جونىندە جاعدايدان حاباردار ەتۋ ءماجىلىسى سياقتى مەحانيزمدەندىرۋ ءادىسى دەڭگەيىن اناعۇرلىم جوعارىلاتىپ، مۇشەلەردى ءوز كەشىرمەلەرىمەن ۇشتاستىرىپ، جۇڭگو كوممۋنيستىك پارتياسى 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەردى الۋان ءتۇرلى تاسىلمەن بايانداۋعا شابىتتاندىرۋ كەرەك. ىنتىماقتاسۋ، دوستاسۋ جاعىنداعى قيمىل فورماسىن مولايتىپ، قوعامدىق اۋقىمدى يگەرىپ، سالالارداعى بۇقارانىڭ تالابىن اڭىس ەتىپ، قوعامنىڭ جاراسىمدىلىعىن جەبەۋ كەرەك. جۇڭگو كوممۋنيستىك پارتياسى 20 - قۇرىلتايى اشىلعاننان كەيىن، تۇراقتى كوميتەت ءماجىلىسى، ءتوراعالار ءماجىلىسى، نازاريا وزەكتى گرۋپپاسىنىڭ ۇيرەنۋى، ارناۋلى تاقىرىپتاعى پىسىقتاۋ بايانداماسى، مۇشەلەردىڭ كىتاپ وقۋى سياقتى فورمالار ارقىلى ۇيرەنۋ، ۇگىتتەۋ، دايەكتىلەندىرۋ قىزمەتىن ىشكەرىلەي ويداعىداي ىستەپ، يدەيا مەن ارەكەتتى قۇرىلتايدىڭ رۋحىمەن شىن مانىندە بىرلىككە كەلتىرىپ، حالىق ساياسي كەڭەسىنە قاتىناسقان پارتيا - توپتار مەن ءار ۇلت، ءار سالا قايراتكەرلەرىن كۇشتى تاريحي ىرىقتىلىق رۋحپەن جاڭا جورىققا اتتانىپ، جاڭا داۋىرگە ۇلەس قوسۋعا ىنتىماقتاستىرۋ جانە جەتەكتەۋ كەرەك.

  (2) جوعارى ساپالى كەڭەس بەرۋ ارقىلى جوعارى ساپالى دامۋعا قىزمەت وتەۋ. جاسىل، تومەن كومىر قىشقىل گازدى، جوعارى ساپالى دامۋدى ءبىر تۇتاس ىلگەرىلەتۋ جانە جۇمىستانۋدى الدىڭعى ورىنعا قويۋ ساياساتىن اتقارۋعا تاباندى بولۋدى كەڭەس تاقىرىبى ەتىپ، ۇكىمەت ءىسىن ارناۋلى تاقىرىپتا كەڭەسۋ سيپاتتى تۇراقتى كوميتەت ءماجىلىسىن اشۋ. سيفرلى ەكونوميكانىڭ اقاۋسىز دامۋىن ىلگەرىلەتۋ، جاڭا داۋىردە مەملەكەتتى دارىندىلار ارقىلى قۇدىرەتتەندىرۋ ستراتەگياسىن ىشكەرىلەي اتقارۋ جونىندە ارناۋلى تاقىرىپتا كەڭەس وتكىزۋ. قوس اپتالىق كەڭەسۋ، الىس ارالىقتى كەڭەسۋ، ۇسىنىس جوبالاردى ءبىتىرۋ جونىندە كەڭەسۋ، باعىتتامالى كەڭەسۋ سياقتى فورمالاردى جان - جاقتى قولدانىپ، تۇقىم شارۋاشىلىعىن ساياساتتىق قولداۋ جۇيەسىن ورناتۋ، اقاۋسىزداندىرۋ، اۋىل - قىستاقتىڭ ەمدەۋ - دەنساۋلىق ساقتاۋ ىستەرىنىڭ اقاۋسىز دامۋىن جەبەۋ، وتاندى، شياڭگاڭدى، اۋمىندى سۇيەتىن كۇش - قۋات قۇرىلىسىن ونان ارى نىعايتۋ، تورەلىك ايتۋ زاڭىنا تۇزەتۋ ەنگىزۋ، كاسىپتىك وقۋ - اعارتۋدىڭ اۋىل - قىستاقتى كوركەيتۋدەگى رولىن تولىق ساۋلەلەندىرۋ، حۋاڭحى مەملەكەتتىك مادەنيەت باقشاسى قۇرىلىسىن ىلگەرىلەتۋ، ”ءبىر بەلدەۋ، ءبىر جول“ بويىنداعى حالىق تىلەگىنىڭ توعىسۋىن ىلگەرىلەتۋ سياقتىلار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، كەڭەس وتكىزۋ. تەكسەرۋ - زەرتتەۋدى كەڭەسۋدەن بۇرىن جۇرگىزۋگە تاباندى بولىپ، تەكسەرۋ - زەرتتەۋدىڭ ىشكەرىلەي جۇرگىزىلۋى مەن ناقتى ونىمدىلىگىن نىعايتۋعا كۇش سالۋ. ماماندار كەڭەس ءتۇزىمى مەحانيزمىن كەمەلدەندىرىپ، بىرگە بايۋدى جۇزەگە اسىرۋ جولى، تۋىندامالى ەنەرگيانى دامىتۋ، اۋەلگى جاسامپازدىق سيپاتتى، جەتەكشىلىك سيپاتتى عىلىم - تەحنيكادان قامال الۋدى كۇشەيتۋ، حالىقتىڭ قارتتانۋى جونىنەن شارا قولدانۋ، كوشىرۋگە بولمايتىن مادەني مۇرالاردى قورعاۋ جانە ودان پايدالانۋ سياقتىلار جونىندە بولجامدىق زەرتتەۋ جۇرگىزۋ جانە ىشكەرىلەي كەڭەسۋ. ”14 - بەسجىلدىق“ پىلاندى اتقارۋدى ارقاۋ ەتىپ، دەموكراتيالىق باقىلاۋدى ۇزدىكسىز ورىستەتۋ، مۇنداعى ماڭىزدى ءتۇيىن ماسەلەنى بايقاپ، ونى تۇزەتۋ پىكىرىن ورتاعا قويۋ، قىزمەتتىڭ تياناقتاندىرىلۋىنا دەم بەرۋ.

  (3) ارناۋلى كەڭەس قۇرىلىمى قۇرىلىسىن ۇزدىكسىز تەرەڭدەتۋ. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جانە ورتالىقتىڭ ساياسي كەڭەس قىزمەتى ءماجىلىسىنىڭ رۋحىن دايەكتى تياناقتاندىرۋ جاعدايىن ارقاۋ ەتە وتىرىپ ”قايتا تەكسەرۋدى“ ورىستەتىپ، جۇڭگو كوممۋنيستىك پارتياسى 18 - قۇرىلتايىنان بەرگى حالىق ساياسي كەڭەس قىزمەتىنىڭ ءار جاقتاعى جاڭالىق اشۋ جەتىستىكتەرى جونىندە تەكسەرۋ - زەرتتەۋ جۇرگىزىپ جانە ونى قورىتىندىلاپ، حالىق ساياسي كەڭەسىنىڭ كەلەلى نازاريالىق جانە امالياتتىق ماسەلەلەرىن زەرتتەۋدى تەرەڭدەتىپ، كەڭەسۋ مازمۇنىن كەمەلدەندىرۋ، كەڭەسۋ فورماسىن مولايتۋ، كەڭەسۋ ەرەجەسىن اقاۋسىزداندىرۋ، كەڭەسۋ مادەنيەتىن جەتىلدىرۋ، كەڭەسۋ قابىلەتىن جوعارىلاتۋ جاعىندا تىڭ ونىمدىلىككە قول جەتكىزۋ. ساياسي كەڭەس ەرەكشەلىگىنە يە قولدانىلمالى اقىل - پاراسات قويماسى قۇرىلىسىن ىلگەرىلەتۋ. جاڭا داۋىردەگى قالالىق، اۋداندىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى حۇجاتتىڭ دايەكتى تياناقتانۋىنا جەتەكشىلىك ەتۋ. حالىق ساياسي كەڭەسىنىڭ نازاريالىق زەرتتەۋىن كۇشەيتىپ، ”حالىق ساياسي كەڭەسى مەن جالپى بارىستىق حالىق دەموكراتياسى“ جونىندەگى نازاريالىق تالقى ءماجىلىسىن اشۋ. ۇسىنىس جوبالاردى ءبىتىرۋ جونىندەگى كەڭەسۋدى تەرەڭدەتىپ، ءتۇيىندى ۇسىنىس جوبالاردىڭ ءبىتىرىلۋىن باقىلاۋدى كۇشەيتىپ، تاڭداۋلى ۇسىنىس جوبالار مەن وزات ورىنداۋشى ورىنداردى ماراپاتتاۋ ءماجىلىسىن اشۋدى ۇيىمداستىرۋ. ساياسي كەڭەستىڭ ينفورماتسيا، ءماجىلىس جارىس ءسوزى، ادەبي جانە تاريحي ماتەريالدار، اقپارات، ۇگىت سياقتى قىزمەتتەرىنىڭ ساپاسىن جوعارىلاتۋ. مەملەكەتتىڭ ديپلوماتيالىق قىزمەت جونىندەگى جالپى تۇلعالىق ورنالاستىرۋىنا ساي، شەتەلدەرمەن دوستىق بارىس - كەلىستى بەلسەنە ورىستەتۋ. جۇڭگو كوممۋنيستىك پارتياسى ورتالىق كوميتەتىنىڭ ورنالاستىرۋلارىن، تالاپتارىن تياناقتاندىرىپ، ءتارتىپتى قاتايتىپ، مەملەكەتتىك ساياسي كەڭەستىڭ كەزەك الماسۋداعى دايىندىق قىزمەتتەرىن سايكەسىپ ويداعىداي جاقسى ىستەۋ. ۇلگىلى ورگان قۇرۋدى نىسانا ەتىپ، پارتيا ستيلى، پاكتىك قۇرىلىسىن كۇشەيتىپ، جاڭا ءداۋىردىڭ تالابىنا ۇيلەسەتىن جوعارى ساپالى ماماندانعان ورگان كادرلار قوسىنىن قۇرۋ.

  3. بورىش پەن جاۋاپكەرشىلىكتى كۇشەيتۋ: جۇڭحۋا پەرزەنتتەرىنىڭ ۇلى ىنتىماعىن كۇشەيتۋ جولىندا قۇلشىنا كۇرەس جۇرگىزەيىك

  باس شۋجي شي جينپيڭنىڭ ”1 - شىلدەدە“ سويلەگەن ماڭىزدى ءسوزى مەن جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىندا بىرلىكساپقا تاباندى بولۋ، جۇڭحۋا پەرزەنتتەرىنىڭ ۇلى ىنتىماعىن كۇشەيتۋ سىندى كەلەلى تاريحي تاجىريبە تەرەڭ قورىتىندىلاندى. حالىق ساياسي كەڭەسى ەڭ كەڭ كولەمدى وتانشىلدىق بىرلىكساپ ۇيىمى رەتىندە ۇلى ىنتىماقتىڭ، ۇلى بىرلىكتىڭ سيمۆولى، تاڭداۋلى ءداستۇردى ساۋلەلەندىرىپ، مىندەت - جاۋاپكەرشىلىك پەن بورىشتى ارقالاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇدىرەتتى ورتاق تانىمعا كەلىپ، جويقىن كۇش توپتاۋ كەرەك.

  (1) جۇڭحۋا پەرزەنتتەرىنىڭ ۇلى ىنتىماعىن كۇشەيتۋ − جاڭا داۋىردەگى حالىق ساياسي كەڭەسىنىڭ تاريحي جاۋاپكەرشىلىگى. حالىق ساياسي كەڭەسى ىنتىماقتىڭ ارقاسىندا دۇنيەگە كەلگەن، ىنتىماققا سۇيەنىپ ءومىر ءسۇرىپ، ىنتىماققا سۇيەنىپ گۇلدەندى، تۇرلىشە تاريحي داۋىردە جۇڭحۋا پەرزەنتتەرىنىڭ ۇلى ىنتىماعىن جەبەۋگە ماڭىزدى ۇلەس قوستى. كەزەكتە دۇنيە جۇزىندە 100 جىلدا بولماعان زور وزگەرىس جىلدام دامىپ، زامانىمىزداعى جۇڭگو ادامزات تاريحىنداعى اسا ۇلى دا وزگەشە امالياتتا جاڭالىق اشۋدى باستان كەشىرۋدە، رەفورما، دامۋ، ورنىقتىلىق مىندەتى بۇرىن بولىپ كورمەگەن دارەجەدە اۋىر، قايشىلىق، حاۋىپ - قاتەر مەن سىن - سايىستار بۇرىن بولىپ كورمەگەن دارەجەدە كوپ، ەل باسقارۋعا قويىلعان سىن بۇرىن بولىپ كورمەگەن دارەجەدە قاتاڭ بولىپ وتىر، مىنە بۇل جۇڭحۋا پەرزەنتتەرىنىڭ ۇلى ىنتىماعىن كۇشەيتۋدى ءتىپتى دە قاجەت ەتەدى. جاڭا ءداۋىردىڭ حالىق ساياسي كەڭەسىنە جۇكتەگەن مىندەت - جاۋاپكەرشىلىگى مەن بورىشىن شىنايى اتقارۋ ءۇشىن، بىردەيلىك پەن كوپ تۇرلىلىكتىڭ بىرلىگىنە تاباندى بولىپ، ءتۇزىم ابزالدىلىعىنان ۇتىمدى پايدالانا وتىرىپ، ەڭ ۇلكەن ورتاق بولگىشتى تاۋىپ، ەڭ ۇلكەن سەنترلەس شەڭبەردى سىزىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەۋ كەرەك. ساياسي كەڭەس مۇشەلەرى ساياسي دەڭگەيىن جوعارىلاتىپ، ءاربىر مۇشەنىڭ جۇڭحۋا پەرزەنتتەرىنىڭ ۇلى ىنتىماعىن كۇشەيتۋدەگى ماڭىزدى كۇش ەكەنىن، سالالارداعى بۇقارانىڭ بارلىعى ءوزىنىڭ ىنتىماقتاساتىن وبيەكتىسى ەكەنىن تەرەڭ تانىپ جەتىپ، بارلىق ادام ىنتىماققا ءمان بەرىپ، ىنتىماققا ۇمتىلىپ، ىنتىماقتى جەبەپ، قول قۋسىرىپ قاراپ تۇرۋشى ەمەس، قايتا جاۋاپكەرشىلىك ارقالاۋشى، اۋىزبەن وراق ورۋشى ەمەس، قايتا ىسكە كىرىسۋشى بولۋعا ۇمتىلىپ، اناعۇرلىم كوپ ادامدى جۇڭگو كوممۋنيستىك پارتياسىنىڭ توڭىرەگىنە ىنتىماقتاستىرىپ، اناعۇرلىم كوپ كۇشتى گۇلدەنۋ ۇلى ءىسىن بىرگە ىلگەرىلەتەتىن تاريحي ۇردىسكە شوعىرلاندىرۋ كەرەك.

  (2) جۇڭحۋا پەرزەنتتەرىنىڭ ۇلى ىنتىماعىن كۇشەيتۋدە حالىق ساياسي كەڭەسىنىڭ كەڭەسۋ ابزالدىلىعىن اناعۇرلىم ويداعىداي ساۋلەلەندىرۋ. كەڭەسۋ ارقىلى ورتاق تانىمعا كەلۋ، ورتاق تانىم ارقىلى ىنتىماقتى بەكەمدەۋ جالپى بارىستىق حالىق دەموكراتياسىنىڭ قۇن ۇستانىمىن، ارناۋلى كەڭەس قۇرىلىمدارىنىڭ تۇزىمدىك ونىمدىلىگىن ايگىلەدى. جاڭا ءداۋىر شارت - جاعدايىندا ورتاق تانىمعا كەلۋدىڭ ىنتىماقتى كۇشەيتۋدەگى ماڭىزدىلىعىن تەرەڭ تانىپ، دەموكراتيالىق ءادىستى، تالقىلاۋ ءادىسىن، سىن ءادىسىن، يلاندىرۋ - تاربيە ءادىسىن قولدانۋعا شەبەر بولىپ، حالىق ىشىندەگى قايشىلىقتاردى دۇرىس شەشۋ كەرەك. ءبىر نيەت، ءبىر باعىتتا بولا وتىرىپ، شىنايى كەڭەسۋ ارقىلى ىشتەن سىرتقا باعىتتالعان، نازاريادان امالياتقا كوشەتىن قىزمەت جاعدايىن قالىپتاستىرۋدى ىلگەرىلەتۋ كەرەك. ءادىس - ءتاسىلدى قاراپايىمداستىرۋدى تيىپ، مۇشەلەردىڭ تۇرلىشە سالادان، وڭىردەن، كاسىپتەن كەلگەن ەرەكشەلىكتەرىنە باعىتتاي وتىرىپ، يدەيالىق اۋقىمدى دەر كەزىندە قاداعالاي يەلەپ، ادامىنا قاراي مامىلە جاساپ، مۇمكىندىككە قاراي ىستەپ، جاعدايعا ساي ءتيىمدى جاققا جەتەكتەپ ۇيرەنۋ - اڭگىمەلەسۋ، سىرلاسۋ - سويلەسۋ، ساياساتتى ءتۇسىندىرۋ سياقتى قىزمەتتەردى ويداعىداي ورىستەتىپ، ورىندى ارمان - تىلەكتەردى بەلسەنە اڭىس ەتىپ، كوپشىلىكتى ەكونوميكالىق، قوعامدىق دامۋ جاعدايىنا دۇرىس مامىلە جاساۋعا جەتەكتەپ، پارتيانىڭ باعىت - ساياساتىن اناعۇرلىم ويداعىداي ءتۇسىنىپ جانە ونى تياناقتاندىرىپ، كوڭىل كۇيدى ارناعا سالۋ، مەجەگە جەتەكشىلىك ەتۋ، سەنىمدى بەكەمدەۋ قىزمەتىن دالمە - ءدال، ءونىمدى تۇردە ويداعىداي ىستەۋ كەرەك. نىسانا - ارەكەتتىڭ قىسقا مەرزىمدى بولۋىنان ساقتانىپ، ءتارتىپ بويىنشا بىرتىندەپ ىلگەرىلەتۋگە تاباندى بولىپ، ۇزدىكسىز كۇش سالىپ، ۇزاق ۋاقىت ەڭبەك ەتىپ، كەيبىر كۇردەلى، سەزىمتال ماسەلەلەردە يدەيالىق - ساياسي جەتەكشىلىكتى كۇشەيتۋدى ۇنەمىلىك يدەيالىق - ساياسي قىزمەتپەن ۇشتاستىرىپ، نازاردى قوعام كوڭىل ءبولىپ وتىرعان قيىن، قولامتالى جانە وركەندىك ماسەلەلەرگە شوعىرلاندىرىپ، مىندەتىن حالىق ءۇشىن وتەۋ بارىسىندا دەموكراتيانى ساۋلەلەندىرۋ مەن حالىق تىلەگىن ۇيىستىرۋدىڭ ورگانيكالى بىرلىگىن تاباندىلىقپەن جۇزەگە اسىرۋ كەرەك. باعالاۋ ولشەمىنىڭ سىڭار جاقتى بولۋىنان ساقتانىپ، ناقتى ونىمدىلىگىنە قاراعاندا، ناقتى ماسەلەلەردى شەشۋگە پايدالى بولعان - بولماعانىنا ءارى كومەسكى حاۋىپ - قاتەردى جويۋعا ءتيىمدى بولعان - بولماعانىنا قاراۋ؛ شەشۋشى كەزدە تۇرعىنىڭ بەرىكتىگىنە جانە پوزيتسيا بىلدىرگەنىنە قاراۋ ءارى سالالارداعى بۇقاراعا ىشكەرىلەي ارالاسىپ ساياساتتى ۇگىتتەگەندەگى، قايشىلىقتى شەشكەندەگى، ىنتىماقتى كۇشەيتكەندەگى مىندەت وتەۋ امالياتىنا دا قاراۋ كەرەك. قىزمەت شارالارىن فورمالاندىرۋدى جويىپ، بۇقارالىق لۋشياندى امالياتتا ايگىلەۋ مەن ساياسي كەڭەستىڭ كەڭەسۋىن ىلگەرىلەتۋدىڭ بىرلىگىنە تاباندى بولىپ، ءىس جۇزىندىكتى تياناق ەتىپ، جاقىن ماڭدا، سول جەردىڭ وزىندە بۇقارامەن بايلانىس جاساۋ ءادىسىن قاراستىرىپ، وسى زامانعى ينفورماتسيا تاسىلىنەن پايدالانىپ، بۇقاراعا جوعارى ءونىمدى قىزمەت وتەۋ تاسىلىندە جاڭالىق اشىپ، بارشا ساياسي كەڭەس مۇشەسىنىڭ پارتيانىڭ ساياساتىن ۇگىتتەۋشى، يدەيالىق - ساياسي جەتەكشىسى، سالالارداعى بۇقارانىڭ جان اشىرى بولۋىن اناعۇرلىم جاقسى جەبەۋ كەرەك.

  (3) جۇڭحۋا پەرزەنتتەرىنىڭ ۇلى ىنتىماعىن كۇشەيتۋدە، ءسوز جوق، پارتيانىڭ باسشىلىعىنا تاباندى بولۋ. ىنتىماقتا ۇيىساتىن وزەك بولۋى كەرەك، وسى وزەك بەكەم بولعاندا عانا، بارشا جۇرت ءبىر نيەت، ءبىر تىلەكتە بولادى. جۇڭگو كوممۋنيستىك پارتياسى جۇڭحۋا پەرزەنتتەرىنىڭ ۇلى ىنتىماعىنىڭ وزەگىنە اينالدى، ول تاريحتىڭ تاڭداۋى، حالىقتىڭ تاڭداۋى. تاريح پەن اماليات مىنانى تولىق دالەلدەدى: پارتيانىڭ باسشىلىعى نەعۇرلىم پارمەندى بولسا، پارتيا تۋى سولعۇرلىم ايقىن بولىپ، وتانشىلدىق بىرلىكساپ اناعۇرلىم بەكەمدەلىپ، زورايىپ، جۇڭگو حالقى مەن ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتىن، كۇش - قۋاتىن ۇتىمدى توپتاپ، شىنايى، كەڭ كولەمدى، تىعىز ۇلى ىنتىماقتى قالىپتاستىرا الامىز. حالىق ساياسي كەڭەسى تۋى ايقىن تۇردە ساياسيدى دارىپتەپ، جۇڭگو كوممۋنيستىك پارتياسىنىڭ باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ ءتۇرلى قىزمەتكە باسشىلىق ەتۋىنە تاباندى بولۋدىڭ جانە ونى كۇشەيتۋدىڭ ماڭىزدى شەبىنە، ءار ۇلت، ءار سالا ۋاكىل قايراتكەرلەرىن پارتيانىڭ جاڭالىق اشۋ نازارياسىمەن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرىنا، ورتاق يدەيالىق - ساياسي نەگىزدە قايشىلىقتى شەشۋدىڭ جانە ورتاق تانىمعا كەلتىرۋدىڭ ماڭىزدى ارناسىنا اناعۇرلىم ويداعىداي اينالۋى كەرەك. ساياسي كەڭەس پارتيا ۇيىمدارى مەن كوممۋنيستىك پارتيا مۇشەلەرى پارتيانىڭ باسشىلىعىن جۇزەگە اسىرۋدىڭ ساياسي جاۋاپكەرشىلىگىن ارقالاپ وتىر، زەيىن - زەردەنى، كۇش - قۋاتتى شوعىرلاندىراتىن جاۋاپكەرشىلىك تانىم ورناتىپ، تاربيەلەۋ، جەتەكتەۋ جاعىندا باتىل ءۇن قاتىپ، قايشىلىقتى جويۋ جاعىندا ىسكەرلىك كورسەتۋگە شەبەر بولۋ كەرەك. ايتقاندى ەمەس، دۇرىس ايتقاندى ءجون ساناۋ سىندى مىندەت وتەۋ ۇستانىمىن كۇشەيتىپ، دۇرىس ايتۋدان كوكەيدە سايراتىپ، ساناعا ۇيالاتۋ سىندى قىزمەت قابىلەتىن جوعارىلاتىپ، ورتاق تاريحي كەشىرمە، ورتاق رۋحاني مەكەن ارقىلى مادەنيەت مۇراتتاستىعىن، قۇن مۇراتتاستىعىن تەرەڭدەتىپ، عاسىرلىق ۇلى تابىس، بىرگە كۇرەس جاساۋ نىساناسى ارقىلى جول مۇراتتاستىعىن، ءتۇزىم مۇراتتاستىعىن كۇشەيتىپ، يدەيالىق - ساياسي قۇرىلىس، مۇددەگە كوڭىل ءبولۋ ارقىلى نازاريالىق مۇراتتاستىقتى، ساياساتتىق مۇراتتاستىقتى دەن قويا كۇشەيتىپ، مىندەتتى قۇلشىنا اتقارۋ بارىسىندا ىنتىماقتى نىعايتىپ، سەلبەستىك جاساپ، جۇمىستى بىرگە تىندىرۋ بارىسىندا ىنتىماقتى بەكەمدەپ، بىرگە كۇرەس جاساۋ بارىسىندا ىنتىماقتى تەرەڭدەتىپ، بارشا جۇڭحۋا پەرزەنتتەرى ءبىر ماقساتقا تالپىناتىن، ءبىر بەتالىسقا كۇش سالاتىن جالىندى جاعدايدىڭ قالىپتاسۋىن ىلگەرىلەتۋ كەرەك.

  مۇشەلەر! كۇش ىنتىماقتان تۋادى، بورىش ىنتىماققا شاقىرادى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قاجىرلىلىقپەن قۇلشىنا ىستەپ، ەرلىكپەن العا ىلگەرىلەپ، جاڭا داۋىردەگى حالىق ساياسي كەڭەسى ىستەرىنىڭ دامۋىنىڭ جاڭا جاعدايىن ۇزدىكسىز اشىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسىپ، جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الايىق!

  (شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)

  (باياندامانى مەملەكەتتىك ساياسي كەڭەس 13 -كەزەكتى كوميتەتى 5 - ءماجىلىسىنىڭ حاتشىلار باسقارماسى اۋدارتىپ بەرگەن)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.