(ساياسي كەڭەس 13 - كەزەكتى مەملەكەتتىك كوميتەتىنىڭ 5 - ماجىلىسىندە 2022 - جىلى 3 - ايدىڭ 10 - كۇنى ماقۇلداندى)
جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى 2022 - جىلى 3 - ايدىڭ 4 - كۇنىنەن 10 - كۇنىنە دەيىن بەيجيڭدە وتكىزىلدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ىستەرىن اقىلداستى. ءماجىلىس ءتوراعا ۋاڭ ياڭنىڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ اتىنان جاساعان قىزمەت بايانداماسىن قاراپ بەكىتتى، ورىنباسار ءتوراعا ليۋ شينچىڭنىڭ ۇسىنىس جوبالار قىزمەتى جاعدايىنان جاساعان بايانداماسىن قاراپ بەكىتتى، مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى باياندامانى ماقۇلدادى. مۇشەلەر 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە سىرتتاي قاتىناسىپ، لي كىچياڭ زۇڭلي جاساعان ۇكىمەت قىزمەتىنەن باياندامانى تىڭدادى ءارى تالقىلادى، ەڭ جوعارى حالىق سوتى مەكەمەسىنىڭ قىزمەتىنەن بايانداماسىن، ەڭ جوعارى حالىق پروكۋراتۋراسىنىڭ قىزمەتىنەن بايانداماسىن، ت. ب تىڭدادى ءارى تالقىلادى، قوسىلاتىندىقتارىن ءبىلدىردى ءارى پىكىرلەرى مەن ۇسىنىستارىن العا قويدى.
ءماجىلىس بىلاي دەپ قارادى: 2021 - جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، 100 جىلدىق وزگەرىس پەن عاسىرلىق ىندەتكە ۇستامدىلىقپەن توتەپ بەرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتاپ، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسىن جەڭىسپەن اشىپ ءارى 3 - تاريحي قاراردى جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ءدال ۋاعىندا قول جەتكىزىپ، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا ساپارىن باستاپ، ”14 - بەسجىلدىقتىڭ“ تاماشا باستاماسىن جۇزەگە اسىردى. حالىق ساياسي كەڭەسى پارتيانىڭ ساياسي كەڭەس قىزمەتىنە جاپپاي باسشىلىعىنا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جۇڭگو كوممۋنيستىك پارتياسىنىڭ پارتيا تاريحىن ۇيرەنۋ تاربيەسىن ماڭىزدى ءتۇيىن ەتىپ، يدەيالىق - ساياسي جەتەكشىلىكتى كۇشەيتىپ، ەكونوميكالىق، قوعامدىق دامۋداعى كەلەلى ماسەلەلەردى ارقاۋ ەتە وتىرىپ ىشكەرىلەي اقىلداسىپ، كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
ءماجىلىس بىلاي دەپ قارادى: جۇڭگو كوممۋنيستىك پارتياسى قۇرىلعان 100 جىلدان بەرى جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى مۇرات تۇتتى، كۇرەس بارىسى اسا جاپالى بولدى، ۇلى تابىستارى تاريح پاراقتارىنا جازىلدى، تاريحي تاجىريبەلەرى اسا باعالى بولدى. حالىق ساياسي كەڭەسىنە قاتىناسقان ءارقايسى پارتيا - توپتار، ۇيىمدار جانە ءار ۇلت، ءار سالا قايراتكەرلەرى جۇڭگو كوممۋنيستىك پارتياسىنىڭ 100 جىلدىق شۇعىلالى بارىسىنان، جۇڭگو كوممۋنيستىك پارتياسىنىڭ باسشىلىعىنداعى بىرلىكساپ ىستەرىنىڭ دامۋىنان، اسىرەسە، جۇڭگو كوممۋنيستىك پارتياسىنىڭ 18 - قۇرىلتايىنان بەرى پارتيا مەن مەملەكەت ىستەرىندە قول جەتكەن تاريحي تابىستاردان، تۋىلعان تاريحي وزگەرىستەردەن ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ قۋاتتى ساياسي ابزالدىلىعىن تەرەڭ تانىپ، حالىق ساياسي كەڭەسى ءتۇزىمى مەن حالىق ساياسي كەڭەسى ۇيىمىنىڭ ايقىن ساياسي سيپاتىن تەرەڭ يگەرىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىندادى.
ءماجىلىس بىلاي دەپ قارادى: باس شۋجي شي جينپيڭنىڭ اۋىل شارۋاشىلىعى سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەردىڭ بىرلەسكەن گرۋپپا جيىنىندا سويلەگەن ماڭىزدى ءسوزى اۋىل - قىستاقتى گۇلدەندىرۋ ستراتەگياسىن اتقارۋ، اۋىل شارۋاشىلىعىنىڭ كەشەندى ءوندىرىس قۋاتىن جوعارىلاتۋ، ماڭىزدى اۋىل شارۋاشىلىق ونىمدەرىمەن، اسىرەسە، استىقپەن قامداۋعا شىنايى كەپىلدىك ەتۋ، قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋ، قوعامدىق قامتاماسىزداندىرۋ حاۋىپسىزدىك تورىن ءجيى توقۋ سياقتىلارعا ماڭىزدى نۇسقاۋ بەردى، ايقىن تالاپ قويدى، اسا كۇشتى يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە، ءسوز جوق، ىشكەرىلەي ۇيرەنىپ، ءتۇسىنىپ، ءسوزدىڭ رۋحىن شىن مانىندە ساياسي كەڭەس قىزمەتىندە دايەكتىلەندىرۋ كەرەك.
ءماجىلىس مىنالاردى باسا دارىپتەدى: بيىل جۇڭگو كوممۋنيستىك پارتياسى 20 - رەتكى مەملەكەتتىك قۇرىلتايىن اشادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسىنىڭ 20 - قۇرىلتايىن قارسى الۋدى، 20 - قۇرىلتايدىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، ارناۋلى كەڭەس قۇرىلىمى جانە بىرلىكساپ ۇيىمى ابزالدىلىعىن، رولىن ساۋلەلەندىرىپ، جالپى بارىستىق حالىق دەموكراتياسى ۇستانىمىن امالياتتا ايگىلەپ، جۇڭحۋا پەرزەنتتەرىنىڭ ۇلى ىنتىماعىن كۇشەيتۋ تاريحي جاۋاپكەرشىلىگىن شىن مانىندە ارقالاپ، وڭ ەنەرگيا تاراتىپ، قايرات - جىگەردى سەرپىلتىپ، يدەيالىق - ساياسي جاقتان جەتەكتەۋ، كەڭ كولەمدە ورتاق تانىم ۇيىستىرۋ جانە ۇكىمەت ىسىنە اقىل - كەڭەس بەرۋ، دەموكراتيالىق باقىلاۋ سياقتى قىزمەتتەردى مۇقيات ويداعىداي ىستەپ، ”14 - بەسجىلدىق“ جوبانىڭ ىشكەرىلەي اتقارىلۋىن جەبەۋى كەرەك. جاڭاشا ساياسي پارتيا ءتۇزىم ابزالدىلىعىن ساۋلەلەندىرىپ، پارتيا سىرتىنداعى زيالىلارمەن، جالپىلىق مەنشىككە جاتپايتىن ەكونوميكالىق قايراتكەرلەرمەن، جاڭا قوعامدىق جىكتەگى قايراتكەرلەرمەن بايلانىستى كۇشەيتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ كەرەك. ”ءبىر ەل، ەكى ءتۇزىم“ باعىتىن جاپپاي دالمە - ءدال، بۇلجىماستان دايەكتىلەندىرىپ، ”وتانشىلدار شياڭگاڭدى باسقارۋدى“، ”وتانشىلدار اۋمىندى باسقارۋدى“ باتىل تياناقتاندىرۋ كەرەك. ءبىر جۇڭگو پرينسيبىنە جانە ”1992 - جىلعى ورتاق تانىمعا“ تاباندى بولىپ، ”تايۋاندى دەربەستەندىرۋ“ بولشەكتەۋشىلىك ارەكەتىنە باتىل قارسى تۇرۋ كەرەك. سىرتپەن دوستىق بارىس - كەلىستى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ۇزدىكسىز دايەكتىلەندىرىپ، تياناقتاندىرىپ، حالىق ساياسي كەڭەسىنىڭ امالياتتىق جاسامپازدىق، نازاريالىق جاسامپازدىق، تۇزىمدىك جاسامپازدىق جەتىستىكتەرىن مۇقيات تەكسەرىپ - زەرتتەپ، قورىتىندىلاپ، زاڭدىلىق تانىمدى تەرەڭدەتىپ، ارناۋلى كەڭەس قۇرىلىمى قۇرىلىسىن ىلگەرىلەتىپ، حالىق ساياسي كەڭەس ءتۇزىمىنىڭ مەملەكەتتى باسقارۋ جۇيەسىندەگى رولىن اناعۇرلىم ويداعىداي ساۋلەلەندىرۋ كەرەك. قالىڭ ساياسي كەڭەس مۇشەلەرى باستان - اياق اسقاق رۋحاني كۇيدى ساقتاپ، وسى كەزەكتى ساياسي كەڭەستىڭ قىزمەتتەرىن جوعارى ساپالى ويداعىداي ورىنداپ، تىرىسشاڭدىقپەن مىندەت وتەۋ بارىسىندا ساياسي كەڭەس مۇشەلەرىنىڭ جاۋاپكەرشىلىك ارقالاۋىن ايگىلەۋلەرى كەرەك.
ءماجىلىس مىناعان ۇندەدى: حالىق ساياسي كەڭەسىنىڭ ءار دارەجەلى ۇيىمدارى، وعان قاتىناسقان ورىندار جانە قالىڭ ساياسي كەڭەس مۇشەلەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قايراتتانا العا ىلگەرىلەپ، ەرلىكپەن العا تارتىپ، جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتتەرىمەن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋى كەرەك!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
