(ساياسي كەڭەس 13 - كەزەكتى مەملەكەتتىك كوميتەتىنىڭ 5 - ماجىلىسىندە 2022 - جىلى 3 - ايدىڭ 10 - كۇنى ماقۇلداندى)
مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى ىلگەرىلەتىپ، بەلسەنە ۇسىنىس جوبا قويۋ ارقىلى ۇكىمەت ىسىنە اقىل - كەڭەس بەرىپ، ورتاق تانىم ۇيىستىرىپ، مىندەت وتەپ، جاۋاپكەرشىلىگىن ادا ەتكەن ءىس جۇزىندىك ارەكەت ارقىلى جۇڭگو كوممۋنيستىك پارتياسى 20 - قۇرىلتايىنىڭ جەڭىسپەن اشىلۋىن قارسى الدى.
3 - ايدىڭ 5 - كۇنى ساعات 20عا دەيىن جيىنى 5979 نۇسقا ۇسىنىس جوبا تاپسىرىپ الىندى. «جۇڭگو حالىق ساياسي ءماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسىنە نەگىزدەلىپ، تەكسەرۋ ارقىلى تىزىمگە الىنعان ۇسىنىس جوبا 4979 نۇسقا، بىرىكتىرىپ ءبىر جايلى ەتىلگەن ۇسىنىس جوبا 35 نۇسقا، پىكىرگە جانە ۇسىنىسقا اينالعان ۇسىنىس جوبا 965 نۇسقا بولدى.
تىزىمگە الىنعان ۇسىنىس جوبادا مۇشەلەر ۇسىنعان ۇسىنىس جوبا 4503 نۇسقا بولىپ، ％90.4ىن ۇستادى؛ ءارقايسى دەموكراتيالىق پارتيا - توپتار، حالىقتىق ۇيىمدار جانە سالالار، مۇشەلەر گرۋپپالارى سياقتىلار ۇسىنعان ۇسىنىس جوبا 476 نۇسقا بولىپ، ％9.6ىن ۇستادى. مۇندا ەكونوميكالىق قۇرىلىس جاعىنداعى ۇسىنىس جوبا 1911 نۇسقا بولىپ، ％38.4ىن ۇستادى؛ ساياسي قۇرىلىس جاعىنداعى ۇسىنىس جوبا 499 نۇسقا بولىپ، ％10.0ىن ۇستادى؛ مادەنيەت قۇرىلىسى جاعىنداعى ۇسىنىس جوبا 389 نۇسقا بولىپ، ％7.8ىن ۇستادى؛ قوعامدىق قۇرىلىس جاعىنداعى ۇسىنىس جوبا 1543 نۇسقا بولىپ، ％31.0ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 613 نۇسقا بولىپ، ％12.3ىن ۇستادى؛ باسقا جاقتارداعى ۇسىنىس جوبالار 24 نۇسقا بولىپ، ％0.5ىن ۇستادى.
وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ءبىرىنشى، ۇسىنىس جوبالار ”مەملەكەتتىڭ زور ىسىمەن“، حالىق كوڭىل ءبولىپ وتىرعان ماسەلەلەرمەن تىعىز بايلانىستىرىلدى، تاقىرىپ تاڭداۋ اناعۇرلىم شوعىرلى بولىپ، ۇسىنىستار اناعۇرلىم ناقتى بولدى، ساپاسى ۇزدىكسىز جوعارىلادى. ەكىنشى، مۇشەلەر مۇقياتتىلىق ارىندى باستان - اياق ساقتاپ، ايرىقشا جاۋاپكەرشىلىكپەن قارادى، جيىنى 1944 مۇشە ۇسىنىس جوبا تاپسىرىپ، مۇشەلەر جالپى سانىنىڭ ％90.1ىن ۇستادى. ءۇشىنشى، ۇسىنىس جوبا قىزمەتىنىڭ ينفورماتسيالانۋ دەڭگەيى ايتارلىقتاي جوعارىلاپ، ۇسىنىس جوبالاردى زەردەلى باسقارۋ جۇيەسى رەسمي ىسكە قوسىلىپ، ينتەرنەت ارقىلى تاپسىرىلعان ۇسىنىس جوبالار ％99.97ىن ۇستادى.
ءماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى. بۇل رەتكى ءماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار تەكسەرىلىپ ەستەلىككە الىنعاننان كەيىن، ءماجىلىس جابىق مەزگىلدەگى ۇسىنىس جوبا رەتىندە، ۇسىنىس جوبانى اتقارۋعا جاۋاپتى ورىنداردىڭ ءبىر جايلى ەتۋىنە دەر كەزىندە تاپسىرىلادى.
جوعارىداعى باياندامانى قاراپ شىعۋلارىڭىزدى سۇرايمىز.
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
