تيانشان تورى
تيانشان تورى   ›   جاڭالىقتار   ›   ەل ءىشى حابارى

جاڭا ساپاردا ىنتىماقتاسا كۇرەس جاساۋدىڭ جەلكەنىن كەڭ جايامىز

− مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ جابىلۋىنان ەستەلىك

شينحۋا اگەنتتىگىنىڭ تىلشىلەرى جاۋ ۋىنجۇن، رىن چينچين، دۇڭ رۇيفىڭ

  كوكتەم ورالىپ، بار الاپ شىت جاڭا تۇسكە ەندى.

  حالىق سارايى، حالىقتىڭ سارايى جالپى بارىستىق حالىق دموكراتياسىنىڭ ەرەن بارىسىنا كۋا بولدى.

  3 - ايدىڭ 10 - كۇنى تۇستەن بۇرىن مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ جابىلۋ جينالىسى وسى جەردە وتكىزىلدى.

  كوكتەمنىڭ جىلى شۋاعىندا سارايدىڭ شىعىس قاقپاسىنىڭ سىرتىندا مەملەكەتتىك نانومەتر عىلىم ورتالىعىنىڭ مەڭگەرۋشىسى، مۇشە جاۋ يۇيلياڭ باسپالداقپەن جوعارى ورلەدى، مىندەت اتقارعان 4 جىلدان بەرگى ءبىر - بىرلەگەن ۇمىتىلماس ساتتەردى ەسكە العاندا كۇشتى بورىشتىلىق سەزىمدى تەرەڭ سەزىنەدى.

  وسى بىرنەشە جىلدا ول ءتىپتى دە كوپ عىلىم - تەحنيكا جەتىستىكتەرىن ناقتى وندىرگىش كۇشكە اينالدىرۋعا ۇندەپ كەلەدى. ”جاڭالىق اشۋ ومىرشەڭدىگىن قاۋلاتاتىن ساياساتتاردى جەدەل تياناقتاندىرىپ، ۇزدىك دارىندىلاردى باۋراۋ قۋاتىن ونان ارى كۇشەيتۋ كەرەك“.

     مۇشە جاۋ يۇيلياڭنىڭ مىندەت وتەۋ امالياتى وسى رەتكى سالتاناتتى جينالىستىڭ جاندى كۋاسى بولدى.

  2022 - جىلعى ساياسي كەڭەس جينالىسى وزگەشە بولدى.

  6 كۇن قاربالاس، تىعىز ورنالاستىرىلعان ماجىلىستە ءماجىلىس 5979 نۇسقا ۇسىنىس جوبا تاپسىرىپ الدى، بۇل ساياسي، ەكونوميكا، قوعام، مادەنيەت، ەكولوگيالىق وركەنيەت قۇرىلىسى سالالارىن شارپىدى... ”مۇشەلەر ارناسىنان“ تىلشىلەر ماجىلىسىنە دەيىن، سالالار كەڭەس ماجىلىسىنەن ماجىلىستە لەبىز بىلدىرۋگە دەيىن مۇشەلەر ىشكەرىلەي تەكسەرۋ - زەرتتەۋ جۇرگىزگەن جەتىستىكتەرىن ماجىلىسكە الا كەلىپ، جوعارى ساپالى ۇسىنىس قويۋ ارقىلى جوعارى ساپالى دامۋعا قىزمەت وتەپ، جۇڭگوشا سوتسياليستىك كەڭەستىك دەموكراتيانى تولىق ايگىلەدى.

  بۇل ءبىر رەتكى اشىق، سەنىمدى، دامۋدى بىرگە جەبەيتىن سالتاناتتى جينالىس بولدى −

  تۇستەن بۇرىن ساعات 8 مولشەرىندە حالىق سارايىنىڭ اقپار جاريالاۋ زالىندا، جايناعان شام استىندا 3 - رەتكى ”مۇشەلەر ارناسى“ سۇحباتى وتكىزىلىپ جاتتى.

  ”جاڭبەيدىڭ جەلى بەيجيڭ وليمپياداسىنىڭ شامىن جايناتتى“، ”جان سانى ازداۋ ۇلتتار اۋىل - قىستاقتى گۇلدەندىرۋدى جاپپاي ىلگەرىلەتتى“، ”جاڭا داۋىردەگى حالىقتىق كاسىپورىندار ’يمىڭ‘ رۋحىن جالعاستىرىپ، امالياتتا ايگىلەدى“، ”شىعىس سولتۇستىك جولبارىسىنىڭ قايتا ورالۋى مەن مەكەندەۋى ەلىمىزدىڭ ەكولوگيالىق وركەنيەت قۇرىلىسىندا قول جەتكىزگەن ماڭىزدى جەتىستىگىنىڭ ءبىر ايقىن كۋاسى بولدى“، ”مادەنيەت مۇراجاي ونىمدەرىنىڭ ءوتىمدى بولۋىنىڭ استارىندا مادەنيەت سەنىمى جاتىر“... تۇرلىشە كاسىپتەن، تۇرلىشە سالادان كەلگەن 8 مۇشە تىلشىمەن ”بەتپە - بەت كەزدەسىپ“، مىندەت وتەۋ حيكاياسىن سەنىممەن بايانداپ، جاڭا جورىقتاعى كۇرەس پەن اسقاق سەزىمدى بەينەلەدى.

  جاندى اڭگىمەلەۋ اناعۇرلىم اشىق، بۇكپەسىز دەموكراتيانىڭ جاڭا لەبىن ايگىلەدى.

  ”مەملەكەتتىڭ زور ءىسىن“ كوكەيدە ساقتاپ، حالىق تۇرمىسىنداعى تالاپ - تىلەكتەردى كوڭىلىندە ءتۇيىپ، پارتيا مەن مەملەكەتتىڭ وزەكتى مىندەتىنە، كەلەلى جاعدايىنا قىزمەت وتەدى.

  بۇل ءبىر رەتكى كوپتىڭ اقىل - پاراساتىن كەڭىنەن شوعىرلاندىرىپ، ورتاق تانىم ۇيىستىرعان سالتاناتتى جينالىس بولدى −

  ”اۋىل شارۋاشىلىعىنىڭ جاسىل دامۋعا قاراي بۇرىلىس جاساۋىن ىلگەرىلەتۋدىڭ ءتۇبىرلى تياناعى عىلىم - تەحنيكانىڭ العا باسۋىندا، اۋىل شارۋاشىلىعى عىلىم - تەحنيكاسىندا دەربەس جاڭالىق اشۋ قابىلەتىن كۇش سالا جوعارىلاتۋ كەرەك“. بيىلعى ساياسي كەڭەس ماجىلىسىندە جۇڭشان داشۋەسىنىڭ پروفەسسورى، مۇشە ليۋ شين 8 ۇسىنىس جوبا الا كەلدى، مۇندا تۇقىم قاينارىن ىلگەرىلەتۋ سياقتى اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋ جونىندەگى ۇسىنىس جوبادان تورتەۋى بار.

  ”حالىقتىق ەكونوميكانىڭ جوعارى ساپالى دامۋىن ىلگەرىلەتۋدە، ءسوز جوق، وزەكتى تەحنيكالاردى يگەرۋدى جاڭالىق اشا دامۋ جالپى جاعدايىنىڭ ماڭداي الدى ورنىنا قويۋ كەرەك“. مەملەكەتتىك ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى، مۇشە حۋاڭ لي بىلاي دەدى: عىلىم - تەحنيكالىق كاسىپورىندار ىرىقتىلىقپەن ىسكەرلىك كورسەتىپ، عىلىم - تەحنيكا ۇسىنىلىمى مەن دەربەس جاڭالىق اشۋ سەرپىنىن ۇزدىكسىز ارتتىرىپ، ”القىمداپ وتىرعان“ سياقتى شەشۋشى تەحنيكالىق سالالاردان قامال الۋداعى قيىن ماسەلەلەردى شەشىپ، جوعارى ساپالى دامۋعا جاڭا قوزعالتقىش قوسۋ كەرەك.

  بۇل ءبىر رەتكى ءبىر نيەتپەن ارمان قۋىپ، ىنتىماقتاسا كۇرەس جاساعان سالتاناتتى جينالىس بولدى −

  ”ءدال جۇڭگو كوممۋنيستىك پارتياسىنىڭ باسشىلىعىندا ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدىك، تۇرمىسىمىزدا وراسان زور وزگەرىس تۋىلدى، بۇقارانىڭ كىرىسى جوعارىلادى، اۋىل - قىستاقتىڭ دامۋ ومىرشەڭدىگى اناعۇرلىم نىعايدى“. 3 - ايدىڭ 6 - كۇنى باس شۋجي شي جينپيڭنىڭ ساياسي كەڭەس اۋىل شارۋاشىلىعى سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەردىڭ بىرلەسكەن گرۋپپا ماجىلىسىندە سويلەگەن ماڭىزدى ءسوزىن ەت قۇلاعىمەن ەستىگەن حاينان ولكەسى بايشا ليزۋ اۆتونوميالى اۋدانى دا - ان قالاشىعىنىڭ كادرى، مۇشە ياڭ فىڭجي بارىنشا جىگەرلەندى.

  ”قوعامدىق قامتاماسىزداندىرۋ ەل باسقارىپ، حالىقتى تىنىشتىققا كەنەلدىرۋدەگى ءىرى ماسەلە. قوعامدىق قامتاماسىزداندىرۋ جۇيەسى قالىڭ حالىق بۇقاراسىنىڭ كوكسەگەنىن ۇزدىكسىز ارتتىرىپ، ەكونوميكانىڭ، قوعامنىڭ جوعارى ساپالى دامۋىنا دەم بەرۋ كەرەك“. جۇڭگو ەڭبەك جانە قوعامدىق قامتاماسىزداندىرۋ عىلىم اكادەمياسىنىڭ باستىعى، مۇشە مو رۇڭ اسەرلەنە: ۇكىمەت ءىسىن كەڭەسۋ بارىسىندا مەملەكەت ستراتەگياسى مەن حالىق تۇرمىسىنداعى ناقتى ىستەر اناعۇرلىم ورگانيكالى بايلانىسىپ، جاڭا ساپاردىڭ اسەم كارتيناسىن كەسكىندەدى، - دەدى.

     تۇستەن بۇرىن ساعات 9دا جابىلۋ جينالىسى باستالدى. شي جينپيڭ قاتارلى پارتيا مەن مەملەكەت باسشىلارى قاتىناستى.

  10 مىڭ ادامدىق ۇلكەن زالدا شامدار جاينادى. ساياسي كەڭەس تۇراقتى كوميتەتىنىڭ قىزمەت بايانداماسى جونىندەگى قارار، ۇسىنىس جوبا قىزمەتى جاعدايى بايانداماسى جونىندەگى قارار، ۇسىنىس جوبالاردى تەكسەرۋ جاعدايى جونىندەگى بايانداما، ءماجىلىستىڭ ساياسي قارارى ءبىر - بىردەن ماقۇلداندى، قىزۋ شاپالاق ءۇنى ءالسىن - ءالى كوتەرىلدى.

  ”تۋى ايقىن تۇردە ساياسيدى دارىپتەۋدى، ءسوز جوق، باستان - اياق جالعاستىرۋ، اناعۇرلىم ويداعىداي ىستەۋ كەرەك. حالىق ساياسي كەڭەسى ساياسي ۇيىم، ساياسيدى دارىپتەۋ باستان - اياق ءبىرىنشى ورىنداعى تالاپ بولىپ تابىلادى“؛

  ”حالىق ساياسي كەڭەسى تەك حالىق ءۇشىن مىندەت وتەۋگە تاباندى بولعاندا عانا، نەگىزگى ساياسي ءتۇزىمنىڭ تىڭ تىنىسىن، ومىرشەڭدىگىن ماڭگى ساقتاي الادى، سوندا عانا جالپى بارىستىق حالىق دەموكراتياسىنىڭ وزگەشە ابزالدىلىعىن اناعۇرلىم ويداعىداي ايگىلەي الادى“؛

     ”جاعداي كۇردەلى، مىندەت اۋىر، يدەيا الۋان ءتۇرلى بولعان سايىن كەڭەسۋ ورەسىن جوعارىلاتۋ ارقىلى جۇرت پاراساتىن كەڭىنەن شوعىرلاندىرۋ، تاماشا ساياساتتاردى كەڭىنەن جوسپارلاۋ، ورتاق تانىمدى كەڭىنەن ۇيىستىرۋ كەرەك“...

  مەملەكەتتىك ساياسي كەڭەستىڭ ءتوراعاسى ۋاڭ ياڭنىڭ ءسوزى مۇشەلەردىڭ كۇشتى ۇندەستىگىن تۋدىردى.

  جايدارى قوڭىر سامال، نارت قىزىل تۋ. حالىق سارايىنان شىققان جۇڭگو قوعامدىق عىلىمدار اكادەمياسى ساياسي ءىلىمىن زەرتتەۋ ورنىنىڭ باستىعى، مۇشە جاڭ شۋحۋا بارىنشا جىگەرلەندى.

  ”وسى رەتكى ساياسي كەڭەس ماجىلىسىنەن اناعۇرلىم كۇشتى ىنتىماق كۇشىن سەزىندىم. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، مەملەكەتتىڭ باياندى تىنىشتىعى مەن جۇڭحۋا ۇلتىنىڭ ۇلى گۇلدەنۋى ءۇشىن جاڭا ۇلەس قوسايىق“! ونىڭ داۋىسى ەكپىندى دە پارمەندى شىقتى.

(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.