تيانشان تورى
تيانشان تورى   ›   جاڭالىقتار   ›   شينجياڭ حابارلارى

”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا سەنىمىمىز اسا زور“

مۇشە ۋ گاڭ ”مۇشەلەر ارناسىندا“ سەنىم جانە قايرات جونىندە وي ءبولىستى −

”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا سەنىمىمىز اسا زور“

انار بۇلت / شينجياڭ گازەتىنىڭ ءتىلشىسى جاڭ يۇنمەي

  3 - ايدىڭ 10 - كۇنى ساعات 8 مولشەرىندە مەملەكەتتىك ساياسي كەڭەس 13 - كەزەكتى كوميتەتى 5 - ءماجىلىسىنىڭ 3 - رەتكى ”مۇشەلەر ارناسى“ كوزەۋلى ۋاقىتتا اشىلدى.

  جۇڭگو سايتىنىڭ ءتىلشىسى ”تالاسا“ ەكىنشى بولىپ سۇراۋ قويۋ ورايىنا قول جەتكىزدى ءارى مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ القا باستىعى ۋ گاڭعا سۇراۋ تاستادى، ”ەلىمىز جەل ەلەكتر سالاسى دامۋىنىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا دەم بەرۋىندەگى سەنىمى مەن قايراتى قايدان كەلىپ وتىر؟“.

  كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ ەلىمىزدىڭ دۇنيە جۇزىنە بەرگەن ايبىندى ۋادەسى. بۇل نىسانانى جۇزەگە اسىرۋ جەل ەلەكتر كاسىپ سالاسىن قامتىعان جاڭا ەنەرگيا سالاسىنىڭ اناعۇرلىم مىعىم كۇشپەن دەم بەرۋىنەن قول ۇزە المايدى.

  بيىلعى بەيجيڭ قىسقى وليمپيادا سپورت جارىسى قازىرگە دەيىن تۇڭعىش رەت ”كومىر قىشقىل گازىن بەيتاراپتاندىرعان“ قىسقى وليمپيادا سپورت جارىسى بولدى، مۇندا جاڭبەيدىڭ جەل ەلەكترى ماڭىزدى رول اتقاردى، ءتىپتى، ”جاڭبەيدىڭ جەلى بەيجيڭنىڭ شامدارىن نۇرلاندىردى“ دەگەن ءسوزدى دۇيىم جۇرتقا تانىمال ەتتى.

  جەل ەلەكتر سالاسىندا 35 جىل ىزدەنىس جاساعان مۇشە ۋ گاڭنىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا سەنىمى كامىل.

  ”مەن جۇڭگونىڭ قايتا تۋىندايتىن ەنەرگيا كاسىپ سالاسىنىڭ جوقتان بار بولىپ، كىشكەنەدەن زورايىپ ءوسىپ - جەتىلۋىنە كۋا بولدىم“، - دەدى مۇشە ۋ گاڭ، - قازىر شينجياڭنىڭ دابانچىڭىنان، قۇمىلىنان يۇنناننىڭ داليىنا دەيىنگى، حيلۇڭجياڭنىڭ دابايشان، شاۋبايشان تاۋلارىنان فۋجياننىڭ شيڭحۋاۋانىنا دەيىنگى جەرلەردىڭ بارلىعىنان نۋ ورمانداي كوككە بوي سوزعان جەل ەلەكتر الاڭدارىن كورەسىز.

  مۇشە ۋ گاڭنىڭ قاراۋىنشا، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋداعى سەنىم جانە قايرات كورىپ - ءبىلىپ وتىرعان رەالدىقتان تۋىپ قانا قويماي، ونان دا ماڭىزدىسى، وسى رەالدىقتاردىڭ استارىنداعى ساندى مالىمەتتەردى نەگىز ەتەدى ەكەن.

  جۇڭگونىڭ جەل ەلەكتر اگراگاتتارىنىڭ سانى دۇنيە ءجۇزى بويىنشا قاتارىنان 10 جىل ءبىرىنشى ورىندى يەلەپ، جۇڭگو دۇنيە ءجۇزى بويىنشا ەڭ ۇلكەن جەل ەلەكتر جابدىقتارىن جاساۋ بازاسىنا ءارى قۇراستىرۋلى دايىن جابدىق پەن بولشەكتەردىڭ ەكسپورت بازاسىنا اينالدى، وتكەن 10 جىلدا جۇڭگونىڭ جەل ەلەكتر اگراگاتتارىنىڭ سيىمدىلىعى 4 ەسە ءوستى، مۇنىڭ ىشىندە تەڭىزدەگى جەل ەلەكترىنىڭ ءوسۋى 100 ەسەدەن استى؛

  جەل كۇشىمەن ەلەكتر شىعارۋ قازىر وت ەلەكتر، سۋ ەلەكترىنەن كەيىنگى ءۇشىنشى ۇلكەن نەگىزگى ەلەكتر قاينارىنا اينالىپ، جالپى اگراگات سيىمدىلىعى 300 ميلليون كيلوۆاتتان استى.

  ”قازىر شينجياڭ، گانسۋ، چيڭحاي سياقتى جەل، جارىق بايلىعى مول وڭىرلەر جابدىق جاساۋ كاسىبىنىڭ جاسىل دامۋىنىڭ قۇتتى ىرىستى مەكەنىنە اينالدى“، - دەدى مۇشە ۋ گاڭ.

  ەندەشە، جەل ەلەكترىنىڭ دامۋى كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ جونىندە، زايىرى، نەنى بىلدىرەدى؟

  مۇشە ۋ گاڭ تاعى دا ساندى مالىمەتتەرمەن سويلەدى: قازىر شينجياڭ، ىشكى موڭعۇل سياقتى جەرلەر جىلىنا ورتا، شىعىس وڭىرلەرگە 140 ميلليارد كيلوۆات ساعاتتان اساتىن جاسىل، تازا ەلەكتر قۋاتىن جەتكىزەدى. 40 نەشە جىل كۇرەس جاساۋ ارقىلى قازىر جەل ەلەكتر جابدىقتارىن جاسايتىن دۇنيە ءجۇزىنىڭ الدىڭعى 10 كاسىپورنىنىڭ التاۋىن جۇڭگو يەلەدى. جۇڭگو جاساعان جەل كۇشىمەن ەلەكتر شىعاراتىن ءىرى تيپتى جابدىقتار دۇنيە جۇزىندەگى 6 قۇرلىققا، 40تان استام مەملەكەتكە جەتكىزىلىپ وتىر.

  ”قازىر جاڭبەيدىڭ جەلى بەيجيڭنىڭ شامدارىن نۇرلاندىرىپ قانا قويماي، جۇڭگو جاساعان جەل كۇشىمەن ەلەكتر شىعاراتىن ءىرى تيپتى جابدىقتار سيلاعان جاسىل ەنەرگيا دا دۇنيە جۇزىندەگى سان مىڭ وتباسىلارىنا جەتكىزىلۋدە“، - دەدى مۇشە ۋ گاڭ ماقتانىشپەن.

  ”ءبىزدىڭ كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا سەنىمىمىز اسا زور! ءبىز وسى جولمەن تارتىپ بارامىز“، - دەدى مۇشە ۋ گاڭ.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.