تيانشان تورى
تيانشان تورى   ›   ۇيرەنۋ   ›   شولۋ

ىنتىماقتاسا كۇرەس جۇرگىزىپ، جاڭا ۇلى ءىس جاراتايىق

− 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز

حالىق گازەتى باسماقالاسى

  كوپتىڭ كۇشى بىرىكسە، الىنبايتىن قامال بولماق ەمەس، جۇرت تىلەگى توعىسسا، تايشان تاۋىن دا كوشىرۋگە بولادى. 3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر حالىقتىڭ ماڭىزدى تاپسىرماسىن ورىنداپ، بەلسەندىلىكپەن اقىل - كەڭەس بەرىپ، مۇقياتتىلىقپەن مىندەتىن اتقارىپ، جاۋاپكەرشىلىگىن وتەپ، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن شىت جاڭا تاراۋ جازدى. ءماجىلىستىڭ تابىستى بولعاندىعىن قىزۋ قۇتتىقتايمىز!

  بۇل رەتكى ءماجىلىس − ەلىمىز جاپپاي سوتسياليستىك وسىزاماندانعان مەملەكەت قۇرۋعا قادام باسىپ، ەكىنشى 100 جىلدىق كۇرەس نىساناسىنىڭ جاڭا جورىعىنا اتتانعان ماڭىزدى ساتتە اشىلعان ءبىر رەتكى ماڭىزدى ءماجىلىس بولدى. ءماجىلىس وتكەن ءبىر جىلدا پارتيا مەن مەملەكەت ىستەرىندە قول جەتكەن تىڭ دا كەلەلى تابىستارعا، ”14 - بەسجىلدىقتىڭ“ جاقسى باستاما اشقاندىعىنا ايرىقشا جوعارى باعا بەردى، ۋاكىلدەر ءبىر اۋىزدان بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ ناتيجەسى دەپ قارادى. ءماجىلىس ۇكىمەت قىزمەتىنەن باياندامانى جانە باسقا دا ءتۇرلى ماڭىزدى باياندامالاردى قارادى ءارى بەكىتتى، ۋاكىلدەر ءبىر اۋىزدان: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ بيىلعى ەكونوميكالىق، قوعامدىق دامۋ جونىندەگى شەشىمدەرىن، ورنالاستىرۋلارىن جاپپاي دايەكتىلەندىرگەن، تياناقتاندىرعان، شىندىققا جۇگىنىپ، ناقتى ءىس ىستەۋگە ۇمتىلعان، ءورىس اشا جاڭالىق جاساعان، ادامدى جىگەرلەندىرەتىن تاماشا بايانداما دەپ قارادى. ءماجىلىس «جۇڭحۋا حالىق رەسپۋبليكاسىنىڭ جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا» وزگەرىس ەنگىزۋ جونىندەگى قاۋلىنى قاراپ ماقۇلدادى، بۇل جەرگىلىكتى حالىق قۇرىلتايلارىنىڭ جانە جەرگىلىكتى ۇكىمەتتەردىڭ ۇيىمدىق جانە قىزمەت ءتۇزىمىن ونان ارى كەمەلدەندىرۋ، جەرگىلىكتى بيلىك قۇرىلىسىن كۇشەيتۋ، حالىق قۇرىلتايى تۇزىمىنە اناعۇرلىم ويداعىداي تاباندى بولۋ جانە كەمەلدەندىرۋ، جالپى بارىستىق حالىق دەموكراتياسىن دامىتۋ، مەملەكەتتى جاپپاي زاڭمەن باسقارۋعا تاباندى بولۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ جونىنەن كەلەلى ماڭىز الادى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭداپ، قاراپ، مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرى زاڭ بويىنشا مىندەت وتەپ، جاۋاپكەرشىلىكتى ارقالاپ، ادا ەتىپ، ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزگەندىگىن تولىق تۇراقتاندىردى. ءماجىلىستىڭ تابىستى بولۋى پارتيا مەن مەملەكەت ىستەرىنىڭ دامۋىن ىلگەرىلەتۋگە، جاڭا داۋىردەگى جۇڭگوشا سوتسياليزمنىڭ جاڭا جەڭىسىنە ۇزدىكسىز قول جەتكىزۋگە كەڭىنەن ورتاق تانىم ۇيىستىرىپ، پارمەندى كۇش - قۋات ۇستەدى.

  قازىر حالىقارالىق جاعدايدا تەرەڭ، كۇردەلى وزگەرىستەر ۇزدىكسىز تۋىلۋدا، 100 جىلدىق وزگەرىس پەن عاسىرلىق ىندەت قاباتتاسىپ، ەكونوميكانىڭ جاھاندانۋى كەرەعارلىققا تاپ بولدى، ءىرى ەلدەر سايىسى كۇن سايىن شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، ەل ءىشىنىڭ رەفورما، دامۋ، ورنىقتىلىق مىندەتتەرى ماشاقاتتى دا اۋىر. جاڭا باستامادا تۇرىپ، ۇلى ىستەردى ىلگەرىلەتۋدە تاپتىرماس ورايعا ءدوپ كەلدىك، سونداي - اق قاتاڭ سىن - سايىسقا دا ءدوپ كەلدىك. بيىلعى جىلدىڭ سوڭعى جارتىسىندا جۇڭگو كوممۋنيستىك پارتياسى مەملەكەتتىك 20 - قۇرىلتايىن اشىپ، وتكەن 5 جىلداعى قىزمەتتى قورىتىندىلاپ، بولاشاقتاعى ءبىر مەزگىلدەگى دامۋ جوباسىن جوسپارلايدى، بۇل پارتيا مەن مەملەكەتتىڭ ساياسي ومىرىندەگى ءىرى ءىس، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ كەرەك. جاڭا داۋىردەگى پارتيا مەن حالىقتىڭ ەكپىندەي ىلگەرىلەگەن بارىسىنا قايىرىلا قاراساق، ءبىز مىنانى تەرەڭ اڭعارامىز: پارتيانىڭ جالپى بەتتىك باسشىلىعىنا تاباندى بولۋ − جۇڭگوشا سوتسياليزمگە تاباندى بولۋدا جانە ونى دامىتۋدا، ءسوزسىز، باسىپ وتەتىن جول، جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول، ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ءىس جاراتۋدا، ءسوزسىز، باسىپ وتەتىن جول، جاڭا دامۋ ۇستانىمىن دايەكتىلەندىرۋ − جاڭا داۋىردەگى ەلىمىزدىڭ دامىپ، زورايۋىندا، ءسوزسىز، باسىپ وتەتىن جول، پارتيانى جاپپاي قاتاڭ باسقارۋ − پارتيانىڭ جالىندى ومىرشەڭدىك كۇشىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋدا، ءسوزسىز، باسىپ وتەتىن جول. جاڭا، ۇلى جورىقتا ءبىز مۇراتتان اينىماۋ، جولدى وزگەرتپەۋ بەكىمىنە تاباندى بولىپ، ستراتەگيالىق تاباندىلىق پەن سابىرلىلىقتى ساقتاپ، ەلىمىزدىڭ دامۋىنداعى كوپتەگەن ستراتەگيالىق ءتيىمدى شارت - جاعدايدى يگەرىپ، تاريحي ىرىقتىلىق رۋحىن ساۋلەلەندىرىپ، قيىندىقتارعا قارسى اتتانىپ، باتىلدىقپەن كۇرەس جاساپ، ۇدەرە العا تارتىپ، قايراتتانا ىسكەرلىك كورسەتىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋىمىز كەرەك.

  ىنتىماق − كۇش، كۇرەس بولاشاق اشادى. پارتيانىڭ 100 جىلدىق كۇرەس تاريحى بىزگە مىنانى ۇعىندىردى: پارتيا مەن حالىقتىڭ قول جەتكىزگەن بارلىق تابىستارى ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ ايقىن رۋحاني بەلگىسى. پارتيانىڭ 100 جىلدىق كۇرەس تاريحى بىزگە تاعى مىنانى ۇعىندىردى: ايقىن كۇرەس نىساناسىن ارقاۋ ەتىپ قالىپتاسقان ىنتىماق عانا ەڭ بەكەم ىنتىماق، تىعىز ىنتىماققا سۇيەنىپ جۇرگىزىلگەن كۇرەس عانا ەڭ پارمەندى كۇرەس بولماق. ءبىز ىنتىماقتاسا كۇرەس جۇرگىزۋگە سۇيەنىپ، شۇعىلالى تاريح جاراتتىق، سونداي - اق ىنتىماقتاسا كۇرەس جۇرگىزۋگە سۇيەنىپ تاماشا بولاشاق اشۋىمىز كەرەك. ءبىر ميلليارد 400 ميلليوننان استام جۇڭگو حالقى تەك قاي - قاشان دا قول ۇستاسىپ بولاشاققا بىرگە اتتاناتىن، 95 ميلليوننان استام جۇڭگو كوممۋنيستەرى تەك قاي - قاشان دا حالىقپەن تىلەكتەس بولىپ بولاشاققا بىرگە اتتاناتىن بولسا بولعانى، ءبىز، ءسوز جوق، العا باسۋ جولىنداعى بارلىق قيىنشىلىقتى، سىن - سايىستى جەڭىپ، جۇرتتى جالت قاراتاتىن جاڭا كەرەمەتتەردى ۇزدىكسىز جاراتا الامىز!

  حالىق دەموكراتياسى − سوتسياليزمنىڭ جانى، جالپى بارىستىق دەموكراتيا. جالپى بارىستىق حالىق دەموكراتياسى − پارتيانىڭ حالىقتى ىنتىماقتاستىرىپ، باستاپ، دەموكراتياعا تالپىنعان، دەموكراتيانى دامىتقان، دەموكراتيانى جۇزەگە اسىرعان ۇلى جاسامپازدىعى، پارتيانىڭ جۇڭگو دەموكراتياسىنىڭ نازاريالىق جاڭالىعىن، ءتۇزىم جاڭالىعىن، امالياتتىق جاڭالىعىن ۇزدىكسىز ىلگەرىلەتۋدەگى تاجىريبە جاۋھارى. حالىق قۇرىلتايى ءتۇزىمى − پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ، ەلىمىزدىڭ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى. جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋدا ءبىز جالپى بارىستىق حالىق دەموكراتياسى قۇرىلىسىن ۇزدىكسىز ىلگەرىلەتىپ، حالىقتىڭ قوجايىن بولۋىن پارتيانىڭ ەل باسقارۋ ساياسات - شارالارىندا ناقتى، رەال تۇردە ايگىلەۋىمىز، پارتيا مەن مەملەكەت ورگاندارىنىڭ ءار جاعىنداعى، ءار ساتىسىنداعى قىزمەتتەرىندە ناقتى، رەال تۇردە ايگىلەۋىمىز، حالىقتىڭ تاماشا تۇرمىسقا تالپىنىسىن جۇزەگە اسىرۋ قىزمەتتەرىندە ناقتى، رەال تۇردە ايگىلەۋىمىز كەرەك. حالىق قۇرىلتايى تۇزىمىنە تيتتەي دە مىزعىماستان تاباندى بولىپ، داۋىرمەن بىرگە ىلگەرىلەي كەمەلدەندىرىپ، جاڭا داۋىردەگى حالىق قۇرىلتايى قىزمەتىن كۇشەيتۋىمىز جانە جاقسارتۋىمىز، ءتۇزىم ارتىقشىلىعىن مەملەكەتتى باسقارۋ ونىمدىلىگىنە اينالدىرىپ، ءار جاقتىڭ اقىل - پاراساتى مەن كۇش - قۋاتىن پارتيا مەن حالىقتىڭ ىستەرىنە ءتىپتى دە جاقسى ۇيىستىرۋىمىز كەرەك.

  زامانىمىزداعى جۇڭگونىڭ تاۋ - وزەنى كوركەم، حالقىنىڭ ايبىنى اسقاق، بولاشاعى زور. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى العا ىلگەرىلەتەيىك!

(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.