− 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ جابىلۋىنان ەستەلىك
□ شينحۋا اگەنتتىگىنىڭ تىلشىلەرى
ۇمىتكە تولى كوكتەم، ومىرشەڭدىك كۇشكە تولى تاڭەرتەڭگى شاق.
3 - ايدىڭ 11 - كۇنى تاڭەرتەڭ، مەملەكەتتىك حالىق قۇرىلتايىنىڭ ۋاكىلى، حىبەي ولكەسى لۋاننان اۋدانى لييىڭ قىستاعى پارتيا ياچەيكاسىنىڭ شۋجيى لي جىگاڭ اۆتوكولىكپەن تيان - انمىن الاڭىنا جەتىپ، 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ جابىلۋ ماجىلىسىنە قاتىناستى.
حالىق سارايىنىڭ الدىندا تۇرعان لي جىگاڭ ايرىقشا اسەرلەندى. بىلتىر جازدا جۇڭگو كوممۋنيستىك پارتياسىنىڭ 100 جىلدىق مەرەيتويى قارساڭىندا ول مەملەكەتتىك ”ەكى تاڭداۋلى، ءبىر وزات“ بويىنشا ماداقتاۋ - سيلاۋ وبيەكتىسى رەتىندە وسى اراعا كەلىپ، باس شۋجي شي جينپيڭنىڭ ”1 - شىلدە وردەنىن“ تاراتۋ سالتىنداعى ماڭىزدى ءسوزىن دەن قويا تىڭداعان بولاتىن.
”مەملەكەتتىڭ دامۋى تاعى دا جاڭا كەلەلى تابىسقا قول جەتكىزدى، ’14 - بەسجىلدىق‘ تاماشا باستاما اشۋدى جۇزەگە اسىردى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدە جوعارىدان تومەنگە دەيىنگىلەردىڭ ورتاق قۇلشىنىس جاساۋىنىڭ ارقاسى. بيىلعى ەكى ماجىلىستە باس شۋجي شي جينپيڭ ’ءسوزسىز، باسىپ وتۋگە ءتيىستى‘ بەس جول، بەس ’ءتيىمدى شارت - جاعداي‘ سياقتى ماڭىزدى تۇجىرىم جاساپ، العا باسۋ سەنىمىمىزدى ونان ارى بەكەمدەپ، العا باسۋ بەتالىسىن ايقىن كورسەتتى“، - دەدى لي جىگاڭ.
100 جىلدىق ساپاردى باسىپ ءوتىپ، ۇلى جاڭا داۋىردە ەكپىندەي ىلگەرىلەدى.
كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋدەن اۋىل - قىستاقتى گۇلدەندىرۋدى ىلگەرىلەتىپ، بىرگە بايۋدى جەبەۋگە دەيىن، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرۋدان جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستاۋعا دەيىن...
تاياۋ زاماننان بەرى جۇڭحۋا ۇلتىنىڭ ۇلى گۇلدەنۋىندەگى شۇعىلالى ىستەرى قۇلاشىن كەڭ جايدى؛ حالىقتىڭ سارايى جۇڭحۋا پەرزەنتتەرىنىڭ قول ۇستاسا ساپارلاس بولىپ، اسقاق كۇيمەن ەكپىندەي ىلگەرىلەگەندىگىنە كۋا بولدى.
جاڭا جورىققا قادام تاستاعان كەزدە اشىلعان وسى رەتكى ءماجىلىس شىندىقتى ءىس جۇزىنەن ىزدەگەن، سەنىمدى سەرپىلتكەن ءبىر رەتكى سالتاناتتى جينالىس بولىپ، بۇكىل ەلدەگى ءار ۇلت حالقىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ارىندى جىگەرمەن، بىركەلكى قاداممەن العا باسۋداعى قۇرىشتاي بەرىك سەنىمىن ونان ارى تاسقىنداتتى.
بۇل رەتكى ءماجىلىس جالپى بارىستىق حالىق دەموكراتياسىنىڭ تەلەگەي ومىرشەڭ كۇشىن جان - جاقتىلى ايگىلەدى −
ۋاكىلدەر 487 كەڭەس جوباسىن ورتاعا قويىپ، ءار جاقتاعى قىزمەتكە 8000داي ۇسىنىس، سىن جانە پىكىردى ورتاعا قويىپ، ميلليارد حالىقتىڭ ويلاعانىن مەملەكەتتى دامىتۋدىڭ جوعارى دەڭگەيدەگى جوباسىنا جانە شەشىم - ورنالاستىرۋلارىنا توعىستىردى.
”ۋاكىلدەر ارناسىندا“، ”مينيسترلەر ارناسىندا“ ۋاكىلدەر ءىس جۇزىندىك جاعدايدى شىعار ءتۇيىن ەتىپ، اسەرلەرىن اڭگىمەلەپ، كەڭ كولەمدە ۇسىنىس بەردى، مينيسترلىكتەردىڭ، كوميتەتتەردىڭ جاۋاپتى جولداستارى نازاردى قولامتالى ماسەلەلەرگە شوعىرلاندىرىپ، قوعام نازار اۋدارىپ وتىرعان ماسەلەلەرگە ءۇن قاتىپ، ”بۇقارانىڭ كۇتكەنىن“ ”پارتيا مەن ۇكىمەتتىڭ ىستەگەنىمەن“ بىرگە سايكەسە ىلگەرىلەتىپ، دەموكراتيا مەن حالىق تۇرمىسىن تىعىز بايلانىستىردى.
...
ون مىڭ ادامدىق زال سالتاناتتى دا دۋماندى بولدى، تۇتاس الاڭدى كەرنەگەن شاپالاق ءۇنى ىشىندە شي جينپيڭ قاتارلى پارتيا مەن مەملەكەت باسشىلارى نىق قاداممەن ءتوراعالار مىنبەسىنە كوتەرىلدى. تۇستەن بۇرىن ساعات 9دا جابىلۋ ءماجىلىسى باستالدى.
− ۇكىمەت قىزمەتىنەن بايانداما جونىندەگى قاراردى داۋىسقا سالىپ ماقۇلدادى.
− جەرگىلىكتى ءار دارەجەلى حالىق قۇرىلتايلارىنىڭ جانە جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى داۋىسقا سالىپ ماقۇلدادى.
− 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى جانە سايلاۋ ماسەلەلەرى جونىندەگى قاۋلىنى داۋىسقا سالىپ ماقۇلدادى.
...
شاپالاق ءۇنى دۇركىن - دۇركىن كوتەرىلگەندە، پارتيانىڭ دارىپتەمەسى، حالىقتىڭ قالاۋى ارت - ارتىنان مەملەكەتتىڭ ەركى بولىپ ۇيىستى.
تۇستەن بۇرىن ساعات 9دان 42 مينۋت وتكەندە 13 - كەزەكتى مەملەكەتتىك حالىق قۇرىلتايى 5 - ءماجىلىسى جەڭىسپەن جابىلدى، ايبىندى مەملەكەت ءانى تۇتاس زالدى كەرنەدى.
حاۋىپ - قاتەرلەر مەن سىن - سايىستار الدىندا ءبىز ەكپىندەي العا ىلگەرىلەۋدىڭ جىگەرىن تاسقىنداتتىق −
2022 - جىل پارتيا مەن مەملەكەت ىستەرىنىڭ دامۋ بارىسىنداعى ايرىقشا ماڭىزدى جىل، ۇكىمەت قىزمەتىنەن باياندامادا ءبىر قىدىرۋ جاڭا نىسانا، جاڭا ورنالاستىرۋلار العا قويىلىپ، جۇڭگونىڭ ەكونوميكالىق، قوعامدىق دامۋىندا ەكپىندەي العا ىلگەرىلەۋدىڭ سەنىمى مەن ارىنىن جەتكىزدى.
”ماڭگى بوساڭسىمايتىن، ماڭگى سالعىرتتىققا سالىنبايتىن رۋحاني كۇيدى ساقتاپ، قىزمەت ورنىمدا تىڭ دا اناعۇرلىم زور ناتيجە جاراتامىن“، - دەدى مەملەكەتتىك حالىق قۇرىلتايىنىڭ ۋاكىلى، جۇڭگو تەمىر جولى نانچاڭ مەكەمەسى توبى شەكتى سەرىكتەستىگىنىڭ باسالقاسى ۋاڭ پەي ارىندى جىگەرمەن.
بولاشاقتى جاراتۋدىڭ دابىلى قاعىلدى، ءبىز جالپى جۇرت جۇدىرىقتاي جۇمىلۋدىڭ وڭ ەنەرگياسىن ۇيىستىرامىز −
”باس شۋجي شي جينپيڭ ’وزىنە سەنۋ، ءوزىن الۋەتتەندىرۋ سىندى رۋحاني كۇش - قۋاتتى‘ تىلگە تيەك ەتتى، بۇل جۇڭگو حالقىنىڭ قاجىماي - تالماي كۇرەس جۇرگىزۋىنىڭ قوزعاۋشى كۇش قاينارى“. ءشول دالاعا 30 جىل تامىر تارتقان دۇنحۋاڭ زەرتتەۋ ورنىنىڭ باستىعى، ۋاكىل سۋ بومين بىلاي دەدى: ”جاڭا داۋىردە مادەنيەت سەنىمىنىڭ نەگىزىن بەكەمدەپ، ۇلتتىڭ گۇلدەنۋىنە ءتىپتى دە نەگىزدىك، ءتىپتى دە بەرىك، ءتىپتى دە باياندى كۇش - قۋات ۇيىستىرۋ ءبىزدىڭ قىزمەت جاۋاپكەرشىلىگىمىز، بورىشىمىز. ءبىز ۇزدىكسىز ايانباي ىستەپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الامىز“.
ۋاكىلدەر ارشىندى قاداممەن، تاسقىنداعان كوڭىل كۇيمەن حالىق سارايىنان شىقتى.
دوڭگەلەك داۋلەت ارمانى، گۇلدەنۋ ارمانى... ارمانعا تالپىنۋدان ارماندى جۇزەگە اسىرۋعا دەيىن، جۇزەگە اسقان ارماننان قايتا ارمانعا تالپىنۋعا دەيىن، ميلليارد جۇڭحۋا پەرزەنتى ءبىر نيەتپەن قول ۇستاسا وتىرىپ، جاڭا جورىقتا ەكپىندەي ىلگەرىلەي بەرەدى.
تيان - انمىن الاڭىندا قىزىل تۋ جەلبىرەپ تۇر؛ جۇڭحۋانىڭ بايتاق دالاسى ايرىقشا كوكتەم شۋاعىنا شومدى.
(تىلشىلەر شى يۇيسىن، حۋ حاۋ، باي ياڭ، سۇن شاۋلۇڭ، لو شا)
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
