( 13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە 2022 - جىلى 3 - ايدىڭ 11 - كۇنى ماقۇلداندى)
«جۇڭحۋا حالىق رەسپۋبليكاسىنىڭ نەگىزگى زاڭىنا» جانە «جۇڭحۋا حالىق رەسپۋبليكاسى مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ سايلاۋ زاڭىنداعى» قاتىستى بەلگىلەمەلەرگە ساي، 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى جانە سايلاۋ ماسەلەلەرى جونىندەگى قاۋلىسى تومەندەگىدەي:
1. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى 3000 ادامنان اسپايدى.
2. ولكە، اۆتونوميالى رايون، توتە قاراستى قالالاردان سايلانۋعا ءتيىستى 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانى حالىق سانىنا قاراي ەسەپتەلىپ تۇراقتاندىرىلعان ۋاكىل سانىنا، ۇقساس وڭىرلەردىڭ نەگىزگى ۋاكىل سانىنا جانە باسقا دا سايلانۋعا ءتيىستى ۋاكىل سانىنا ساي قالىپتاسادى.
(1) 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ سانىندا حالىق سانىنا قاراي بولىنگەن ۋاكىلدەردىڭ سانى 2000 ادام، ولكە، اۆتونوميالى رايون، توتە قاراستى قالالاردىڭ حالىق سانىنا قاراي ەسەپتەلگەن ۋاكىل سانى مولشەرمەن ءار 700 مىڭ ادامعا ءبىر سان بولىنەدى؛
(2) ولكە، اۆتونوميالى رايون، توتە قاراستى قالالاردىڭ ءارقايسى ءبولىس وڭىرلەرىنىڭ نەگىزگى ۋاكىل سانى 8؛
(3) ولكە، اۆتونوميالى رايون، توتە قاراستى قالالارداعى باسقا سايلانۋعا ءتيىستى ۋاكىل سانىن مەملەكەتتىك حالىق قۇرىلتايى تۇراقتى كوميتەتى زاڭداعى بەلگىلەمەگە ساي ايىرىم ءبولىپ بەرەدى.
3. شياڭگاڭ ەرەكشە اكىمشىلىك رايونىنان سايلانۋعا ءتيىستى 14 - كەزەكتى مەملەكەتتىك حالىق قۇرىلتايىنىڭ ۋاكىلى 36، اۋمىن ەرەكشە اكىمشىلىك رايونىنان سايلانۋعا ءتيىستى 14 - كەزەكتى مەملەكەتتىك حالىق قۇرىلتايىنىڭ ۋاكىلى 12، ۋاكىل سايلاۋ ءادىسىن مەملەكەتتىك حالىق قۇرىلتايى ايىرىم بەلگىلەيدى.
4. 14 - كەزەكتى مەملەكەتتىك حالىق قۇرىلتايىنا تايۋان ولكەسىنەن ۋاقىتشا سايلاناتىن ۋاكىل 13، ولار ءارقايسى ولكە، اۆتونوميالى رايون، توتە قاراستى قالالارداعى، سونداي - اق جۇڭگو حالىق ازاتتىق ارمياسىنداعى جانە جۇڭگو حالىق قارۋلى ساقشى بولىمىندەگى تايۋاندىق باۋىرلاستاردان سايلانادى. ۋاكىلدەردى سايلاۋ ءادىسىن مەملەكەتتىك حالىق قۇرىلتايىنىڭ تۇراقتى كوميتەتى بەلگىلەيدى. زاڭ بويىنشا سايلانۋعا ءتيىستى باسقا ۋاكىلدەر سانى ساقتالادى.
5. جۇڭگو حالىق ازاتتىق ارمياسىنان جانە جۇڭگو حالىق قارۋلى ساقشى بولىمىنەن سايلانۋعا ءتيىستى 14 - كەزەكتى مەملەكەتتىك حالىق قۇرىلتايىنىڭ ۋاكىلدەر سانى 278.
6. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ اراسىندا از ۇلت ۋاكىلدەرىنىڭ سانى جالپى ۋاكىلدەر سانىنىڭ ％12تى اينالاسىندا بولۋى كەرەك. حالىق سانى وتە از ۇلتتاردان كەم دەگەندە ءبىر ۋاكىل بولۋى ءتيىس.
7. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ اراسىندا سايلانۋعا ءتيىستى وتانعا ورالعان چياۋمين ۋاكىلدەر سانى 35.
8. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ اراسىندا ايەل ۋاكىلدەردىڭ سالىستىرماسى پرينسيپتىك جاقتا وتكەن كەزەكتەگىدەن جوعارى بولۋى كەرەك.
9. 14 - كەزەكتى مەملەكەتتىك حالىق قۇرىلتايى ۋاكىلدەرىنىڭ اراسىندا نەگىزگى ساتى ۋاكىلدەرى، اسىرەسە، ءبىرىنشى شەپتەگى جۇمىسشى، شارۋا جانە كاسىپتىك - تەحنيكالىق قىزمەتكەر ۋاكىلدەرىنىڭ سالىستىرماسى وتكەن كەزەكتەگىدەن جوعارىلاتىلادى، شارۋا جۇمىسكەرلەرى ۋاكىلدەرىنىڭ سانى وتكەن كەزەكتەگىدەن ارتتىرىلادى. پارتيا، ۇكىمەت باسشى كادرلار ۋاكىلدەرىنىڭ سالىستىرماسىن ۇزدىكسىز قاتاڭ مەڭگەرۋ كەرەك. جالعاستى ۋاكىل بولىپ سايلاناتىندار بەلگىلى سالىستىرمانى يەلەۋى ءتيىس.
10. 14 - كەزەكتى مەملەكەتتىك حالىق قۇرىلتايىنىڭ ۋاكىلدەرى 2023 - جىلى 1 - ايدا سايلانىپ شىعادى.
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
