(13 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە 2022 - جىلى 3 - ايدىڭ 11 - كۇنى ماقۇلداندى)
13 - كەزەكتى مەملەكەتتىك حالىق قۇرىلتايى 5 - ءماجىلىسى ەڭ جوعارى حالىق سوتى مەكەمەسىنىڭ باستىعى جوۋ چياڭ جاساعان قىزمەت بايانداماسىن تىڭدادى جانە قارادى. ءماجىلىس ەڭ جوعارى حالىق سوتى مەكەمەسىنىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا ورتاعا قويىلعان 2022 - جىلعى قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
ءماجىلىس مىنالاردى تالاپ ەتتى: ەڭ جوعارى حالىق سوتى مەكەمەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى سيپاتتى ءمانىن تەرەڭ تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ شارتسىز باسشىلىعىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، جالپى بارىستىق حالىق دەموكراتياسىن سانالى تۇردە امالياتتا ايگىلەپ، نەگىزگى زاڭدا جانە زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، سوت ورگانىنىڭ فۋنكتسيالىق رولىن تولىق ساۋلەلەندىرىپ، ءادىليا ءتۇزىلىسى رەفورماسىن تەرەڭدەتىپ، زەردەلى حالىق سوتى مەكەمەسى قۇرىلىسىن ىلگەرىلەتىپ، ءبىر ورىندا الۋان ءتۇرلى داۋ - شاردى شەشۋدىڭ جانە ارىز - شاعىمعا قىزمەت وتەۋدىڭ جۇڭگوشا جۇيەسىن اقاۋسىزداندىرىپ، تەرگەۋ، اتقارۋ ساپاسىن، ونىمدىلىگىن بەكەمدەپ، جوعارىلاتىپ، ساياسي - زاڭ قوسىنىن تاربيەلەۋ، تارتىپكە سالۋ جەتىستىكتەرىن بەكەمدەپ، جاڭا داۋىردەگى حالىق سوتى مەكەمەسى قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، مەملەكەتتىڭ حاۋىپسىزدىگىن، قوعامنىڭ تىنىشتىعىن، حالىقتىڭ اماندىعىن قورعاۋ كەلەلى جاۋاپكەرشىلىگىن شىن مانىندە ويداعىداي اتقارىپ، اناعۇرلىم جوعارى دەڭگەيدەگى تىنىش جۇڭگو، زاڭمەن باسقارىلاتىن جۇڭگو قۇرۋدى ىلگەرىلەتىپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك!
(شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى)
