− باس شۋجي شي جينپيڭنىڭ مەملەكەتتىك ەكى ءماجىلىستىڭ ۋاكىلدەرىمەن، مۇشەلەرىمەن بىرگە مەملەكەت ءىسىن اقىلداسقان 10 جىلدان ەستەلىك
□ شينحۋا اگەنتتىگىنىڭ تىلشىلەرى
2022 − 2013.
10 جىلداعى مەملەكەتتىك ەكى ماجىلىستە تالاي - تالاي ونەگەلى ساتتەر ورنەكتەلدى.
باس شۋجي شي جينپيڭ ۇيىرمە - گرۋپپالاردىڭ باياندامانى قاراۋىنا، تالقىسىنا 53 رەت قاتىناسىپ، مولشەرمەن 400دەي ۋاكىلدىڭ، مۇشەنىڭ ءسوزىن تىڭدادى. ىشكەرىلەي پىكىرلەسۋلەر، شىنايى سۇيىسپەنشىلىككە تولى ءوزارا ءىس - قيمىلدار تالاي - تالاي تەرەزەنى اشتى
−بۇل ارادا جاڭا داۋىردەگى جۇڭگونىڭ تاريحي تابىستارى، تاريحي وزگەرىستەرى جاتىر، بۇل ارادا جاڭا داۋىردەگى جول باستاۋشىنىڭ تەرەڭ يدەيالارى مەن اسقاق ونەگەسى بار، بۇل ارادا جۇڭگونىڭ جالپى بارىستىق حالىق دەموكراتياسىن ورناتۋىنىڭ جالىندى امالياتى بار...
مامىراجاي كوكتەمدە سەڭى سوگىلگەن ءداۋىردىڭ ۇلى اعىنى تاسقىندادى.
10 جىلداعى مەملەكەتتىك ەكى ءماجىلىس ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى امالياتىنا كۋا بولدى
جاپپاي دوڭگەلەك داۋلەتتى قوعام ورناتۋدىڭ ايبىندى تاريحي داستانىندا سىچۋاننىڭ جاۋجۋە اۋدانىنداعى ”جار باسىنداعى قىستاق“ تۇرعىندارىنىڭ اسقار تاۋدان اسقان بەينەلەرى جاتىر.
بيىل 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەستىڭ اۋىل شارۋاشىلىعى سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەردىڭ بىرلەسكەن گرۋپپا جيىنىندا سىچۋاننان كەلگەن مۇشە يشيداۋا باس شۋجي شي جينپيڭگە ”جار باسىنداعى قىستاقتىڭ“ كەشەگىسى مەن بۇگىنىن سالىستىرعان 2 سۋرەتتى كورسەتتى −
اتۋليەىر قىستاعىنىڭ 10 مىڭ سارجان جالاما جارتاسىندا كەزىندە ءۇزىلىپ كەتەيىن دەپ تۇرعان ورمە ساتى بەرىك بولات ساتىعا اۋىستىرىلىپتى.
يشيداۋا باس شۋجيگە قىستاق تۇرعىندارىنىڭ تاۋ ەتەگىندەگى شوعىرلى قونىستاندىرۋ تۇيىنىنە كوشىپ بارىپ عيمارات ۇيگە كىرگەندىگىن، سونىمەن بىرگە قاتىناس قۇرىلعىلارىنىڭ جاقسارۋىنا بايلانىستى تاۋدا حالىقتىق تۇسەلحانالار سالىنىپ، ساياحات كاسىبىن زور كۇشپەن دامىتىپ جاتقاندىقتارىن ايتتى. ”2017 - جىلعى ەكى ماجىلىستە ءسىز ايتقان، ءوزىڭىز ۋايىمداعان ’جار باسىنداعى قىستاق‘ بۇكىلدەي وزگەردى، باس شۋجي، الاڭسىز بولىڭىز“.
ورمە ساتىدان بولات ساتىعا دەيىن، قانشاما ”جار باسىنداعى قىستاقتار“ اقىرى عاسىرلار بويى اسا الماي كەلگەن ”كەدەيلىك تاۋىنان“ استى.
ۋايىمداۋدان الاڭسىز بولۋعا دەيىن، باس شۋجي شي جينپيڭ بۇكىل پارتيانى، بۇكىل ەلدەگى ءار ۇلت حالقىن باستاپ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ نىساناسىن مەجەلى مەرزىمدە جۇزەگە اسىردى.
مىنا ءبىر ءسات كوپتەگەن ۋاكىلدەردىڭ انىق ەسىندە −
2013 - جىلى 3 - ايدىڭ 17 - كۇنى تۇستەن بۇرىن حالىق سارايىنىڭ 10 مىڭ ادامدىق ۇلكەن زالى شام ساۋلەلەرىمەن الۋان نۇرعا مالىنىپ تۇر. مەملەكەت گەربىنىڭ استىندا زالداعى مەملەكەتتىك حالىق قۇرىلتايىنىڭ 3000عا جۋىق ۋاكىلىنە قاراپ تۇرىپ، جاڭادان سايلانعان مەملەكەت ءتوراعاسى شي جينپيڭ اسقاق داۋىسپەن مىناداي سەرت بەردى:
”بۋىرقانعان ءداۋىر اعىنى الدىندا، حالىق بۇقاراسىنىڭ اناعۇرلىم تاماشا تۇرمىس كەشىرۋگە دەگەن كۇشتى تىلەگى الدىندا ءبىزدىڭ تيتتەي دە توقمەيىلسۋىمىزگە، تيتتەي دە بوساڭسۋىمىزعا بولمايدى، ءسوز جوق، كۇش ۇستىنە كۇش ۇستەپ، العان بەتتەن قايتپاي، جۇڭگوشا سوتسياليزم ىستەرىن ۇزدىكسىز العا ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز قۇلشىنا كۇرەس جۇرگىزۋىمىز كەرەك“.
بۇل كەزدەگى جۇڭگو جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ سوڭعى ۇمتىلىس كەزەڭىنە وتكەن بولاتىن.
الايدا ءبىر ”ءسوزسىز ورىنداۋعا ءتيىستى مىندەت“ الدىمىزدا تۇردى.
”مەن جاپپاي دوڭگەلەك داۋلەتتى قوعام ورناتۋ نىساناسىن جۇزەگە اسىرۋعا تولىق سەنىمدىمىن. سونىمەن قاتار نىسانانى جۇزەگە اسىرۋ بارىسىنداعى ولقىلىقتار مەن ءالسىز بۋىندارعا دا ايرىقشا ءمان بەرەمىن. سولاردىڭ ءبىرى كەدەيلەردى سۇيەمەلدەۋ“. بىرنەشە جىلدان بەرى مەملەكەتتىك ەكى ءماجىلىس كەزىندە باس شۋجي شي جينپيڭنىڭ ەڭ كوپ سۇراعانى، ەڭ ىجداعاتپەن تىڭداعانى، ەڭ جەتكىزە سويلەگەنى كەدەيلىكتەن ارىلتۋدان قامال الۋ ماسەلەسى بولدى.
2015 - جىلى 3 - ايدىڭ 8 - كۇنى تۇستەن بۇرىن حالىق سارايىنىڭ گۋاڭشي زالىندا باس شۋجي شي جينپيڭ گۋاڭشي ۋاكىلدەر ۇيىرمەسىنىڭ ۋاكىلدەرىمەن بىرگە كەدەيلىكتەن ارىلتۋدىڭ ەگجەي - تەگجەيلى ەسەبىن جاسادى.
”قازىر گۋاڭشيدە تاعى قانشا كەدەي جان سانى بار؟“، - دەپ سۇرادى باس شۋجي.
”تاعى 5 ميلليون بار“، - دەپ جاۋاپ قاتتى اۆتونوميالى رايونداعى جاۋاپتى جولداس.
”2020 - جىلعا دەيىن ەسەپتەگەندە، جىلىنا ءبىر ميلليون جان سانىن كەدەيلىكتەن ارىلتۋ كەرەك ەكەن“.
”سولاي، بۇل ءبىزدىڭ كەلەلى جاۋاپكەرشىلىگىمىز، ءسوز جوق، بار كۇشىمىزدى سالامىز“.
”2020 - جىلى جاپپاي دوڭگەلەك داۋلەتتى قوعام ورناتتىق دەپ جاريالاعان كۇنى، كەدەي وڭىرلەردەگى قالىڭ بۇقارانىڭ دا قۋانىشتان جۇزدەرىنەن شاتتىق كۇلكىسى ەسۋىن ءۇمىت ەتەمىن“، - دەدى باس شۋجي شي جينپيڭ تاباندى تۇردە.
بۇل جىلى 2020 - جىلى جاپپاي دوڭگەلەك داۋلەتتى قوعام ورناتۋدى جۇزەگە اسىرۋعا 6 جىلعا جەتپەيتىن ۋاقىت قانا قالعان ەدى، ال بۇكىل ەلدە ءالى 70 ميلليوننان استام كەدەي حالىق بار بولاتىن.
دوڭگەلەك داۋلەتتىلىك جولىندا بىردە - ءبىر از ۇلتتى، بىردە - ءبىر ءوڭىردى قاتاردان قالدىرۋعا استە بولمايدى. بۇل باس شۋجي شي جينپيڭنىڭ جۇڭگو كوممۋنيستەرى اتىنان بەرگەن سالتاناتتى ۋادەسى.
بۇل ۋادەنى ورىنداۋ ءۇشىن باس شۋجي شي جينپيڭ ەكى ماجىلىستەن تارتىپ تاۋلى قىستاقتارداعى شارۋا وتباسىلارىنا دەيىن ىشكەرىلەي تەكسەرۋ - زەرتتەۋ جۇرگىزىپ، ناعىز كەدەيلىكتى كورىپ، ءمان - ءجايىن ابدەن ءبىلدى.
بۇل ۋادەنى ورىنداۋ ءۇشىن، پارتيا 18 - قۇرىلتايىنان بەرى كەدەيلىكتەن ارىلتۋدان قامال الۋ باس شۋجيدىڭ ”زەيىن - زەردەسىن ەڭ كوپ جۇمساعان ءىسى“، سونداي - اق ءار جىلعى مەملەكەتتىك ەكى ماجىلىستە، ءسوزسىز، ايتاتىن ءىسى بولدى.
2013 - جىلى 11 - ايدا باس شۋجي شي جينپيڭ شياڭشيدەگى شىبادۇڭ قىستاعىنا كەلىپ، كەدەي بۇقاراعا امانداسىپ، كەدەيلەردى دالمە - ءدال سۇيەمەلدەۋ ماڭىزدى ۇستانىمىن ورتاعا قويدى. قىستاقتا بويداقتاردىڭ كوپ ەكەنىن ەستىگەن باس شۋجي كوپشىلىكتى ىنتالاندىرىپ: بىلەك تۇرە ىستەسەڭدەر، كەدەيلىكتىڭ تامىرى ءۇزىلىپ، تۇرمىس جاقسارعان سوڭ، كەلىن بوساعادان ءوزى - اق اتتايدى، - دەدى.
2016 - جىلعى مەملەكەتتىك ەكى ءماجىلىس كەزىندە باس شۋجي شي جينپيڭ حۋنان ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، بۇل ءىستى ءالى ۇمىتپاپتى: ”بىلتىر قانشا ادام كەلىنشەك الدى“؟
”جەتەۋ“. جەرگىلىكتى ورىنداعى جاۋاپتى جولداس باس شۋجيگە 2 جىلدان استام ۋاقىتتان بەرى كەدەيلەردى دالمە - ءدال سۇيەمەلدەۋ تالابى بويىنشا ىستەپ، بۇقارانىڭ كىرىسى مولايىپ، قىستاق كەلبەتىنىڭ وزگەرگەنىن، ءتىپتى، جىگىت اعاسى بولىپ قالعان بويداق جىگىتتەردىڭ ”سالت باستىق“ ماسەلەسىن شەشۋ دە وڭايلاسقانىن ايتتى.
”كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدىڭ ءتۇبىرلى ءادىسى دالمە - ءدال بولۋدا“، - دەدى باس شۋجي ريزاشىلدىقپەن باس يزەپ، - ”كەدەيلەردى سۇيەمەلدەۋدە تاعى دا سول دالمە - ءدال بولۋ كەرەك، ويتپەگەندە بيتكە پىشاق سىلتەگەندەي بولىپ، دابىرالى، دۋماندى سياقتى كورىنگەنىمەن، ۇرىمتال تۇسى ءدال تابىلماي، ماسەلە شەشىلمەي قالادى“.
كەدەيلەردى دالمە - ءدال سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، باعىتتامالى كومەكتەسۋ - سۇيەمەلدەۋ، تومەنگى شەكتەن تۇسىرمەي قامتاماسىز ەتۋ... مەملەكەتتىك ەكى ماجىلىستە باس شۋجي ۋاكىلدەرمەن، مۇشەلەرمەن بىرگە كەدەيلىكتەن ارىلتۋدىڭ ۇلى جوباسىن اقىلداسىپ، اماليات بارىسىندا ءبىر - بىردەن تياناقتاندىردى.
2015 - جىلى 3 - ايدىڭ 6 - كۇنى تۇستەن بۇرىن جياڭشي ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە، باس شۋجي شي جينپيڭ 100 جاستاعى قارت قىزىل ارميا جاۋىنگەرى ۋاڭ چىڭدىڭنىڭ وزىنە جازعان ءبىر پارشا حاتىن الىپ شىقتى. حاتتا قاريا مەملەكەتتىڭ گانناننىڭ شاي مايى سياقتى كەدەيلەردى سۇيەمەلدەيتىن كاسىپ سالالارىنا كورسەتىلەتىن قولداۋدى ارتتىرۋىن ءۇمىت ەتىپتى.
باس شۋجي سول جەردە وتىرعان مينيسترلىك - كوميتەتتەردەگى جاۋاپتى جولداستارعا بۇل جونىندە كەيبىر تەكسەرۋ - زەرتتەۋ جۇرگىزۋلەرىڭىزگە بولادى دەدى.
مىڭ شاقىرىم الىستا جاتقان ۋاڭ چىڭدىڭ اقپارات قۇرالدارىنان بۇل جايتتى بىلگەن سوڭ ايرىقشا تەبىرەندى: ”باس شۋجي تەكسەرۋ - زەرتتەۋگە ادام جىبەرىپ، ءبىزدىڭ گانناننىڭ شاي مايى كاسىپ سالاسىن دامىتۋىمىزعا كومەكتەسەمىز دەپتى، بۇل، شىنىندا، وتە جاقسى بولدى. اۋىلداستاردىڭ كەدەيلىكتەن ارىلۋىنان، بايۋىنان ءۇمىت بايقالدى“.
ۋاڭ چىڭدىڭ قاريا الدەقاشان ومىردەن ءوتتى. سوناۋ جىلدارى ونىڭ باس شۋجيگە قويعان ۇسىنىسى تياناقتانىپ، گانناننىڭ شاي مايى گانناننىڭ چيچىڭ اپەلسينىنەن كەيىن سول جەردىڭ بايۋعا باستايتىن تاعى ءبىر كاسىپ سالاسىنا اينالدى.
شەت، شالعاي وڭىرلەردە ەگىلەتىن، سول اۋماقتىڭ بۇقاراسىن اسىراپ وتىرعان داقىلدار، جەرگىلىكتى ەرەكشەلىككە يە ونىمدەر كەدەيلىكتەن ارىلتۋدان قامال الۋدىڭ ۇلى جوباسىمەن بايلانىسىپ جاتىر.
پارتيا 18 - قۇرىلتايىنان بەرى جەرگىلىكتى ورىندارعا قىزمەت تەكسەرە بارعاندا، باس شۋجي شي جينپيڭنىڭ بەينەسى ۇنەمى جىلىجايلاردا، اتىز باستارىندا، جەمىس اعاشتارىنىڭ اراسىندا، شارۋا ۇيلەرىنىڭ الدىندا كورىنىس بەرىپ، بۇقارانىڭ ”كەدەيلىكتەن ارىلتاتىن شوپتەرىنىڭ“، ”بايۋعا باستايتىن اسىلدارىنىڭ“ ءوندىرىس، كىرىس جاعدايلارىن تەرەڭدەي، ەگجەي - تەگجەيلى سۇراستىرىپ وتىردى.
گانناننىڭ شاي مايى، ىشكى موڭعۇلدىڭ كارتوبى، شينجياڭنىڭ الماسى... الۋان - الۋان داقىلدار، جەرگىلىكتى ەرەكشەلىككە يە ونىمدەر باس شۋجيدىڭ كوڭىلىندەگى ”دوڭگەلەك داۋلەتتىلىكتىڭ كوكونىس كەستەسىنە“ ەنىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەتىن سەنىم مەن قۇلشىنىسقا كۋا بولدى.
باس شۋجي شي جينپيڭ كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ استە جەڭىل - جەلپى، وڭاي - وسپاق جۇزەگە اسا سالاتىن ءىس ەمەس ەكەندىگىن، نەعۇرلىم سوڭعى ساتكە تاياعان سايىن قىزمەتتەردى سولعۇرلىم قاجىماس تاباندىلىقپەن جاقسى ىستەۋ كەرەكتىگىن ابدەن بىلەتىن - دى.
2016 - جىلعى مەملەكەتتىك ەكى ءماجىلىس ”13 - بەسجىلدىقتىڭ“ باستالۋىمەن تۇسپا - تۇس كەلدى، ول بىلاي دەپ باسا دارىپتەدى: ”’13 - بەسجىلدىق‘ مەزگىل كەدەيلىكتەن ارىلتۋدان قامال الۋدا ماشاقاتتى تۇيىندەردى شەشەتىن، قامال الىپ، اتوي سالاتىن مەزگىل، ءسوز جوق، بەلدى بەكەم بۋىپ، سەرپىندى ارتتىرىپ، جىلدامدىقتى تەزدەتىپ، قارقىندى ۇدەتۋ كەرەك“.
2018 - جىلى 1 - ايدا باس شۋجي شي جينپيڭ ىشكى موڭعۇل اۆتونوميالى رايونىنان تولىق داۋىسپەن 13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى. ول اۋەلگى ماقساتىن بىلاي دەپ ايقىن باياندادى: ”ىشكى موڭعۇل اۆتونوميالى رايونىنان سايلاۋعا قاتىسۋدى تاڭداعانىم پارتيا ورتالىق كوميتەتىنىڭ ۇلتتىق شەكارا وڭىرلەرگە ايرىقشا ءمان بەرەتىندىگىن كورسەتىپ، پارتيا ورتالىق كوميتەتىنىڭ دامۋى كەنجە وڭىرلەردىڭ دامۋىن جەدەل ىلگەرىلەتەتىن، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەتىن بەكىمىن ايگىلەيدى“.
2020 - جىلعى مەملەكەتتىك ەكى ءماجىلىس جاڭا تيپتى ايدارشا ۆيرۋس وكپە قابىنۋ ىندەتى سەبەبىنەن كەشەۋىلدەتىپ وتكىزىلدى، كەدەيلىكتەن ارىلتۋدان قامال الۋدىڭ قارقىنى دا اۋىر سايىسقا تاپ بولدى. باس شۋجي شي جينپيڭ تاباندى تۇردە مىنانى ءبىلدىردى: ”ءبىز جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن قۇلشىنا جەڭىپ، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋىمىز كەرەك. بۇل پارتيامىزدىڭ حالىققا، تاريحقا بەرگەن ايبىندى ۋادەسى“!
...
مەملەكەتتىك ەكى ءماجىلىس ارقىلى باس شۋجي شي جينپيڭ بۇكىل پارتياعا، بۇكىل ەلگە ايبىندى ۇندەۋ جاريالاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە ايقىن باعدار كورسەتىپ، شارا بەلگىلەپ، قوزعاۋشى كۇش ۇستەدى.
قازىرگە دەيىن اۋىل - قىستاقتاعى 100 ميلليونعا جۋىق كەدەي حالىق كەدەيلىكتەن ارىلىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورنادى، جۇڭگو ەكونوميكاسىنىڭ جالپى مولشەرى 114 تريلليون يۋاندىق ۇلكەن وتكەلدەن ءوتتى... جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى.
10 جىلداعى مەملەكەتتىك ەكى ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، جاڭا داۋىردەگى جۇڭگو قول جەتكىزگەن تاريحي جەتىستىككە، تاريحي وزگەرىسكە كۋا بولدى، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى امالياتىنا كۋا بولدى.
2022 - جىلى 3 - ايدىڭ 5 - كۇنى، كۇللى تىرشىلىك ويانا باستاعان شاق. استانا بەيجيڭدە اۋا شايداي اشىق.
حالىق سارايىنىڭ شىعىس قاقپاسىنىڭ سىرتىنداعى الاڭدا گۇيجوۋدىڭ ليۋپانشۇيىنەن كەلگەن ۋاكىل، بۋ - ي ۇلتىنىڭ ءداستۇرلى كيىمىن كيگەن ۋ ميڭلان ءبىرتالاي ادامنىڭ نازارىن اۋداردى. ونىڭ جانىنداعى تانىس ۋاكىلدەر جاپا - تارماعاي: ”’ءسىزدىڭ كوك ءتۇستى كيىمىڭىز‘ بەيجيڭنىڭ كوك اسپانىمەن بىردەي ادەمى ەكەن“، - دەستى ماقتاپ.
ۋ ميڭلاننىڭ ەسىندە، 2014 - جىلعى مەملەكەتتىك ەكى ءماجىلىس كەزىندە اتموسفەرانىڭ لاستانۋ ماسەلەسى بەيجيڭدى مازالاپ تۇرعان ەدى. باس شۋجي گۇيجوۋ ۋاكىلدەر ۇيىرمەسىنە كەلىپ، سول جەردىڭ تاماشا اۋاسى جايلى ايتىپ، گۇيجوۋدىڭ ”اۋا سالىنعان كانسەرۆاسىن“ جاساپ ساتۋعا بولادى دەپ ازىلدەدى.
”قازىر بۇكىل ەلدىڭ جەر - جەرىندەگى اۋانىڭ بارلىعى جاقساردى، اشىق اسپاندى دا ۇنەمى كورەتىن بولدىق، گۇيجوۋدىڭ ’اۋا سالىنعان كانسەرۆاسى‘ بەيجيڭدە وتپەي قالاتىن بولدى“، - دەدى ۋ ميڭلان كۇلىمسىرەي.
مەملەكەتتىك حالىق قۇرىلتايى ۋاكىلىنىڭ نازارىنداعى بەيجيڭنىڭ كوك اسپانى جاڭا داۋىردەگى جۇڭگونىڭ حالىق تۇرمىسىنداعى وزگەرىستەردى ورنەكتەپ تۇر.
حالىق قۇرىلتايى ۋاكىلدەر ۇيىرمەلەرىنىڭ باياندامانى قاراۋىنا قاتىناسقاندا ءۇش وزەن قاينارى، چيليانشان تاۋى، چينليڭ تاۋى، ۋلياڭسۋحاي سياقتى جەرلەردى قورعاۋ، جونگە سالۋ تۋرالى كوپ رەت ءسوز قوزعاپ، ساياسي كەڭەستىڭ بىرلەسكەن گرۋپپا جيىندارىندا ”اۋرۋىن ويداعىداي كورسەتە الۋ“، ”جاقسى ءبىلىم الۋ“ ماسەلەلەرىن تالاي مارتە تالقىلاپ، اۋىل - قىستاقتاعى قارتتار، بالالار، ”ۇيدە قالعان ءۇش ءتۇرلى“ ادامدار سياقتى ەرەكشە قاۋىمدار مەن قيىنشىلىعى بار بۇقاراعا كوڭىل ءبولۋدى، قامقورلىق جاساۋدى سان دۇركىن دارىپتەدى...
10 جىلداعى مەملەكەتتىك ەكى ماجىلىستەن جۇرت حالىق كوسەمىنىڭ حالىقتىڭ تۇرمىسىن، ىرىس - قۇتىن جاقسارتۋعا دەگەن دايەكتى پەيىلىن جانە جاپپاي دوڭگەلەك داۋلەتتى قوعام ورناتۋ نىساناسىنا دەگەن تالىقپاس تالپىنىسىن سەزىندى.
كورىكتى جۇڭگو قۇرىلىسى ماڭىزدى قادام تاستادى، سالاماتتى جۇڭگو قۇرىلىسى جاپپاي العا ىلگەرىلەدى، قوعامدىق قۇرىلىس جالپى بەتتىك كۇشەيدى، حالىق تۇرمىسى جان - جاقتى جاقساردى...
10 جىلداعى مەملەكەتتىك ەكى ماجىلىستەن جۇرت جۇڭگونىڭ اناعۇرلىم تىنىش، جاراسىمدى، كوركەيىپ - گۇلدەنگەن جۇڭگوعا اينالعاندىعىن سەزىندى.
2022 - جىلعى مەملەكەتتىك ەكى ءماجىلىستىڭ اشىلۋى بەيجيڭ قىسقى وليمپيادا سپورت جارىسىنىڭ اياقتاۋ ساتىنە تۋرا كەلدى.
3 - ايدىڭ 5 - كۇنى تۇستەن كەيىن باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقان كەزدە بەيجيڭ قىسقى وليمپيادا سپورت جارىسىنا القاۋ ايتتى: ”وتە تاماشا بولدى، كوپ جاقتاردان تاريح بەتىندە قالادى، جۇڭگو ۋاكىلدەر ۇيىرمەسى قول جەتكىزگەن التىن مەدال سانى مەنىڭ مەجەلەگەنىمنەن اسىپ كەتتى“.
دەنە تاربيە ارمانى، سالاماتتىق ارمانى جۇڭگو ارمانىنىڭ جاندى كورىنىسى.
3 - ايدىڭ 6 - كۇنى تۇستەن كەيىن ساياسي كەڭەستىڭ بىرلەسكەن گرۋپپا جيىنىنا قاتىناسقاندا، باس شۋجي شي جينپيڭ 2021 - جىلى پارتيا مەن مەملەكەت ىستەرىندە قول جەتكەن جاڭا، كەلەلى جەتىستىكتەردى ەسكە الىپ، نىق سەنىممەن بىلاي دەدى:
”كەدەيلىكتەن ارىلتۋدان قامال الۋ شايقاسىنىڭ جەڭىسىنە ءدال ۋاعىندا قول جەتكىزىپ، جاپپاي دوڭگەلەك داۋلەتتى قوعامدى ۋاعىندا ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادىق“.
شىنىمەن دە باس شۋجيدىڭ بىلتىرعى مەملەكەتتىك ەكى ماجىلىستە ايتقانىنداي: ”وسى جىلدارداعى دامۋ ارقىلى جۇڭگونىڭ 70 - جىلداردىڭ تۇلەگى، 80 - جىلداردىڭ تۇلەگى، 90 - جىلداردىڭ تۇلەگى، 2000 - جىلداردىڭ تۇلەگى مەملەكەت قاقپاسىنان شىعىپ، دۇنيەگە تەڭ تۇرعىدا كوز جىبەرەتىن بولدى، سەنىم دەگەنىمىز مىنە وسى“.
10 جىلداعى مەملەكەتتىك ەكى ءماجىلىس ەل باسقارۋدىڭ جاڭا يدەيالارىنىڭ، جاڭا ستراتەگيالارىنىڭ مولىعىپ بايۋىنا، دامۋىنا كۋا بولدى
بيىلعى مەملەكەتتىك ەكى ماجىلىستە باس شۋجي شي جينپيڭ ءۇرتىس 2 كۇن ەكى ماڭىزدى تۇجىرىم جاسادى −
3 - ايدىڭ 5 - كۇنى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، بەس ”ءسوزسىز باسىپ وتەتىن جول“ ارقىلى جاڭا داۋىردەگى پارتيا مەن حالىقتىڭ ەكپىندەي ىلگەرىلەۋ بارىسىندا ايگىلەنگەن ماڭىزدى تانىمدى تەرەڭدەي ءتۇسىندىردى.
3 - ايدىڭ 6 - كۇنى ساياسي كەڭەستىڭ اۋىل شارۋاشىلىعى سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەردىڭ بىرلەسكەن گرۋپپا جيىنىندا ەلىمىز دامۋىنداعى ”ستراتەگيالىق ءتيىمدى شارت - جاعدايدى“ بەس جاقتان اتاپ كورسەتتى.
”بەس ’ءسوزسىز باسىپ وتەتىن جول‘، بەس ’ءتيىمدى شارت - جاعداي‘ ارقىلى تەرەڭ تولعانىپ، الىستى ويلادى، اسقاق داۋىس ايبىندى لەپ اڭداتتى، جاڭا داۋىردەگى جۇڭگونىڭ دامۋ ۇلكەن اۋقىمىنا تەرەڭ باعام جانە جان - جاقتى قورىتىندى جاساپ، ءبىزدىڭ جاڭا جورىقتا جەلكەن جايىپ، ەكپىندەي ىلگەرىلەۋىمىزگە قۋاتتى سەنىم جانە قوزعاۋشى كۇش ۇستەپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ونان ارى تەرەڭدەگەندىگىن جانە دامىعاندىعىن بەينەلەدى“، - دەدى مەملەكەتتىك ساياسي كەڭەس تۇراقتى كوميتەتىنىڭ مۇشەسى ۋان جيانمين تەرەڭ تەبىرەنىسپەن.
10 جىلداعى مەملەكەتتىك ەكى ماجىلىسكە جالپىلاي كوز جىبەرسەك، باس شۋجي شي جينپيڭ وسى ارادا ءبىرسىپىرا جاڭا ۇستانىمداردى، جاڭا يدەيالاردى، جاڭا تۇجىرىمداردى جاسادى، العا قويدى، ءتۇسىندىردى.
10 جىلداعى مەملەكەتتىك ەكى ماجىلىسكە ۇڭىلە قاراساق، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جۇڭگونى دامۋعا باستاعان ىشكى لوگيكاسىن وقىپ تۇسىنە الامىز.
ءداۋىر تاقىرىبىنا بەتپە - بەت كەلىپ، عىلمي تۇجىرىم جاسادى −
2013 - جىلعى مەملەكەتتىك ەكى ءماجىلىس قارساڭىندا مەملەكەتتىك ساناق مەكەمەسى العاشقى ەسەپ - قيساپ ساندى مالىمەتىن جاريالادى، جۇڭگونىڭ ىشكى ءوندىرىس جالپى ءونىم قۇنى سالىستىرۋعا بولاتىن باعا بويىنشا ەسەپتەگەندە الدىڭعى جىلداعىدان ％7.8 ارتىپ، تالاي جىلدان بەرى تۇڭعىش رەت ％8تەن تومەنگى دەڭگەيگە قايتا تۇسكەن.
جۇڭگو ەكونوميكاسى قايدا بەتتەپ، قايدا بارادى؟
باس شۋجي شي جينپيڭ ەكونوميكاداعى ماڭىزدى قالا شاڭحايدىڭ ۋاكىلدەر ۇيىرمەسىنە كەلىپ باياندامانى قاراۋعا قاتىناسىپ، قۋاتتى ستراتەگيالىق تاباندىلىقپەن جۇڭگو ەكونوميكاسىنىڭ بەتالىسىن تۇراقتاندىردى:
”ەلىمىز ەكونوميكاسى ءبىرشاما ۇزاق مەزگىل ەكى ورىندى سانمەن ارتۋدان ءبىر ورىندى سانمەن ارتۋ كەزەڭىنە ءوتتى. وسى كەزەڭدە وزىندىك دامۋداعى بوگەتتەردى بۇزۋدىڭ، تەرەڭ قاتپارلى قايشىلىقتار مەن ماسەلەلەردى شەشۋدىڭ ءتۇبىرلى شىعار جولى − جاڭالىق اشۋدا، تەتىگى − عىلىم - تەحنيكا كۇشىنە سۇيەنۋدە“.
2 جىلدان كەيىن تاعى دا شاڭحاي ۋاكىلدەر ۇيىرمەسىندە باس شۋجي شي جينپيڭ ءبىر ءتامسىل ارقىلى ونان ارى تانىم نازارياسىنان ءادىس نازارياسىنا دەيىن توقتالدى:
”ادامداردا ەنجارلىق بولادى، زاتتاردا دا ينەرتسيا بولادى. ەگەر داعدىلى كونە جول جۇرۋگە قولايلى بولىپ، سول قاراپايىم دا ۇتىمسىز دامۋ ءتاسىلى ءالى دە ىڭعايلى بولىپ، تاعى ۇزدىكسىز سولاي جۇرە بەرۋگە بولادى دەسەك، كىم جاڭا قالىپقا كوشەدى؟ شەشۋشى ماسەلە قازىر جالعاستىرۋ قيىن بولىپ قالدى، باياندى ەتۋگە بولماي قالدى“.
سول جەردىڭ وزىندە ەكى رەت ماڭىزدى بايىمداۋدى تىڭداعان ۋاكىل جاڭ جاۋ - ان تەرەڭ اسەر الدى: ”قازىر ويلاسام، سول كەزدەگى جاڭا قالىپ جونىندەگى كەلەلى تۇجىرىم شي جينپيڭنىڭ ەكونوميكا يدەياسىنىڭ كورەگەندىگىن تولىق بەينەلەگەن ەكەن، ونىڭ ستراتەگيالىق سيپاتى، بولجامپازدىق سيپاتى، جەتەكشىلىك سيپاتى، جۇڭگو ەكونوميكاسىنىڭ، قوعامىنىڭ دامۋى جونىنەن كەلەلى رەال ماڭىز جانە تەرەڭ تاريحي ماڭىز الادى“.
10 جىلدىق دامۋ جەتىستىكتەرى شي جينپيڭنىڭ ەكونوميكا يدەياسىنىڭ جەتەكشىلىگىندە جۇڭگو ەكونوميكاسىنىڭ، ءسوزسىز، كۇردەلى دە قاتاڭ ەل ءىشى - سىرتى جاعدايى مەن كوپتەگەن حاۋىپ - قاتەرلەر، سىن - سايىستار بارىسىندا قامال الىپ، قيىنشىلىقتاردى جەڭىپ، اسۋلاردان اسىپ، بىرتىندەپ جوعارى ساپالى دامۋ جولىنا تۇسەتىندىگىن تولىق ايگىلەدى.
بيىلعى مەملەكەتتىك ساياسي كەڭەستىڭ بىرلەسكەن گرۋپپا جيىنىندا باس شۋجي شي جينپيڭ مىناداي ساندى مالىمەتتەردى تىلگە تيەك ەتتى:
”قازىرگى سىندىرىلىم بويىنشا، ەلىمىز ەكونوميكاسىنىڭ جالپى مولشەرى امەريكانىڭ ەكونوميكا جالپى مولشەرىنىڭ ％77ىنە بارابار كەلەدى. كەشە مينيسترلەر ارناسىندا مەملەكەتتىك دامۋ جانە رەفورما كوميتەتىندەگى جاۋاپتى جولداس بىلتىر ءبىزدىڭ ءبىر جىلداعى GDPمىز 13 تريلليون يۋان ارتتى، بۇل 20 ەل توبىندا 6 - ورىندا نەمەسە 7 - ورىندا تۇراتىن مەملەكەتتىڭ جىلدىق ەكونوميكا جالپى مولشەرىنىڭ ورەسىمەن قارايلاس دەپ تانىستىردى“.
ساندى مالىمەت ءتىلسىز بولعانىمەن، يلاندىرۋ قۋاتى وتە كۇشتى. جۇڭگو ەكونوميكاسىنىڭ قۋاتتى دامۋ تەبىنى مەن سەرپىمدىلىگىن وسىدان - اق كورۋگە بولادى.
ءداۋىر تاقىرىبىن شەشۋ ءۇشىن ءارى ورنىقتى دا باياندى ىلگەرىلەيتىن تاباندىلىق، ءارى تولقىن جارا العا ىلگەرىلەيتىن ارىن بولۋ كەرەك.
ءۇرتىس 5 جىل بويى ءوزى قۇرامىندا بولعان شاڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، رەفورما جاساۋ، جاڭالىق اشۋ باستان - اياق باس شۋجي شي جينپيڭ باسا دارىپتەگەن كىندىك ءسوز بولدى.
وسىمەن قاتار جۇڭگونىڭ ءارقايسى سالالارىندا رەفورمانى جاپپاي تەرەڭدەتۋدىڭ زور تولقىنى كوتەرىلدى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ اياق الىسى ۇزدىكسىز جەدەلدەدى.
رەفورما جاساۋشى عانا العا ىلگەرىلەيدى، جاڭالىق اشۋشى عانا كۇشەيەدى، رەفورما جاساپ، جاڭالىق اشۋشى عانا جەڭىسكە جەتەدى.
2013 - جىلدان 2017 - جىلعا دەيىنگى 5 رەتكى مەملەكەتتىك ەكى ماجىلىستە باس شۋجي شي جينپيڭ شىعىس سولتۇستىكتەگى 3 ولكەنىڭ ۋاكىلدەر ۇيىرمەسىنە 4 رەت بارىپ، جاڭالىق اشۋدىڭ شىعىس سولتۇستىك سياقتى بايىرعى ونەركاسىپ بازالارىنىڭ گۇلدەنىپ، دامۋدا، ءسوزسىز، باسىپ وتەتىن جول ەكەندىگىن ايقىن اتاپ كورسەتىپ، ”’ونەركاسىپكە عانا سۇيەنەتىن، قۇرىلىمى جالاڭ‘ بولعان ’ەكى ارناعا‘ عانا سۇيەنۋگە ەندىگارى بولمايتىندىعىن، بارلىق ادىستەردەن ويداعىداي پايدالانۋ كەرەكتىگىن“ باسا دارىپتەدى.
2018 - جىلدان 2022 - جىلعا دەيىن باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا ءۇرتىس 5 رەت قاتىناسىپ، ىشكى موڭعۇلدىڭ تيبىن وزگەرتىپ دامۋىنا زور ءۇمىت ارتتى.
”تەك ’قويعا، كومىرگە، جەرگە، گازعا‘ جابىسىپ الماي، جاڭا كاسىپ سالاسىن، جاڭا قوزعاۋشى كۇشتى، جاڭا ارتۋ ۇيەگىن زور كۇشپەن جەتىلدىرۋ كەرەك“، ”جاڭا دامۋ ۇستانىمىن دايەكتىلەندىرىپ، ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قۇلشىنا قاراستىرۋ كەرەك“.
جاڭا قالىپتى بايانداۋدان رەفورما جاساۋدى، جاڭالىق اشۋدى ىلگەرىلەتۋگە دەيىن، قامداۋ جاعىنداعى قۇرىلىمدىق رەفورمانى اتقارۋدان جاڭا دامۋ ۇستانىمىن دايەكتىلەندىرۋگە دەيىن 10 جىلدان بەرى ۋاكىلدەرمەن، مۇشەلەرمەن پىكىرلەسۋ، سۇحباتتاسۋ بارىسىندا باس شۋجي شي جينپيڭ كەلەلى ءداۋىر تاقىرىبىن شەشۋدى كوزدە ۇستاپ، ەكونوميكالىق، قوعامدىق دامۋداعى ”قالاي قاراۋدان“ ”قالاي ىستەۋگە“ دەيىنگى جاڭا ءادىستى، جاڭا جولدى انىق كورسەتتى.
جالپى جاعدايدى ءبىر تۇتاس جوسپارلاپ ويلاستىرىپ، جۇيەلى تۇردە جوبا جاسادى −
”جالپىلىق ازىق - تۇلىك كوزقاراسىن ورناتۋ كەرەك“.
بيىلعى مەملەكەتتىك ەكى ماجىلىستە باس شۋجي شي جينپيڭ العا قويعان وسى كوزقاراس سونى لەپ اڭعارتتى.
”جالپىلىق ازىق - تۇلىك كوزقاراسىندا“ ءارى حالىقتىڭ تاماشا تۇرمىسقا دەگەن قاجەتىن اناعۇرلىم ويداعىداي قاناعاتتاندىرۋ سىندى تولعانىس بار − ”استىقپەن قامداۋعا شىنايى كەپىلدىك ەتۋمەن بىرگە، ەت تۇرلەرى، كوكونىس، جەمىس - جيدەك، سۋ ونىمدەرى سياقتى ازىق - تۇلىكتەرمەن ۇتىمدى قامداۋدى قامتاماسىز ەتۋ كەرەك“، ءارى ازىق - تۇلىك بايلىعىن جان - جاقتى، كوپ جولدارمەن اشۋ سىندى جوسپار بار − ”ورماننان ازىق - تۇلىك الۋ، داريا، وزەن، كول، تەڭىزدەردەن ازىق - تۇلىك الۋ، قۇرىلعىلى اۋىل شارۋاشىلىعىنان ازىق - تۇلىك الۋ كەرەك“، ەكەۋى دە باس شۋجيدىڭ جۇيەلى ويلاۋ ءادىسىن ايگىلەدى.
ەرتەدە فۋجياندا قىزمەت ىستەگەن كەزىندە شي جينپيڭ جولداس «كەدەيلىكتەن ارىلۋ» دەگەن كىتابىندا مىنانى العا قويعان بولاتىن: ”قازىر ايتىپ وتىرعان استىق، ياعني ازىق - تۇلىك، جالپىلىق استىق كوزقاراسى استىقتى ارقاۋ ەتكەن كونە كوزقاراستىڭ ورنىن باستى“.
30 نەشە جىلدان بەرى باس شۋجي شي جينپيڭنىڭ ”جالپىلىق ازىق - تۇلىك كوزقاراسى“ ءداۋىردىڭ العا ىلگەرىلەۋىمەن ۇزدىكسىز بايىپ، دامىپ، ءبىزدىڭ استىق حاۋىپسىزدىگى ماسەلەسىنە توتەپ بەرۋىمىزگە اناعۇرلىم كەڭ كوز ايا ازىرلەپ بەردى.
باس شۋجيدىڭ جۇيەلى ويلاۋ ءادىسى تۇرلىشە كەزەڭدەگى ءداۋىر تاقىرىپتارىنا بەرىلگەن داۋىرمەن بىرگە العا ىلگەرىلەگەن جاۋاپتا بەينەلەنىپ قالماستان، ۇقساس ءداۋىر تاقىرىبىن ۇزدىكسىز جالعاستىرا تەرەڭدەتۋ بارىسىندا دا بەينەلەندى.
”تاۋ، سۋ، ورمان، ەگىنجاي، كول، جايلىم، قۇمدى جۇيەلى جونگە سالۋدى ءبىر تۇتاس جوسپارلاۋ قاجەت، مۇندا ’قۇم‘ دەگەن ءسوز قوسىلدى“. 2021 - جىلى ىشكى موڭعۇل ۋاكىلدەر ۇيىرمەسىندە باس شۋجي شي جينپيڭ اتاپ كورسەتكەن وسى ءبىر ءسوزدىڭ قوسىلۋى جاسىل دامۋ جونىندەگى تانىمنىڭ اناعۇرلىم تەرەڭدەگەندىگىن بەينەلەپ، ەكولوگيالىق وركەنيەت قۇرىلىسىن بۇلجىماستان ىلگەرىلەتۋدەگى بەكىمىن ايگىلەدى.
بيىلعى مەملەكەتتىك ەكى ماجىلىستە وسى ”قۇم“ دەگەن ءسوز ”تاۋ، سۋ، ورمان، ەگىنجاي، كول، جايلىم“ قاتارلىلارمەن بىرگە ۇكىمەت قىزمەتىنەن بايانداماعا جازىلدى.
ءىس جۇزىندە 2013 - جىلى باس شۋجي شي جينپيڭ تاۋ، سۋ، ورمان، ەگىنجاي، كول ءبىر تۇتاس تىرشىلىك ورتاق تۇلعاسى ەكەندىگىن اتاپ كورسەتكەن بولاتىن؛ 4 جىلدان كەيىن تاعى ”جايلىم“ وسى جۇيەگە ەنگىزىلدى... ەكولوگيالىق وركەنيەت قۇرىلىسىنا قاتىستى جۇيەلى باسقارۋ ۇستانىمى وسىلايشا بىرتىندەپ قالىپتاستى.
جۇيەلى ويلاۋ باس شۋجي شي جينپيڭنىڭ جاڭا دامۋ ۇستانىمى جونىندەگى كورەگەندىگىن ايگىلەدى: ”جاڭا دامۋ ۇستانىمى ءبىر تۇتاس تۇلعا، ءسوز جوق، تولىق، دالمە - ءدال، جاپپاي ءتۇسىنىپ جانە دايەكتىلەندىرىپ، جاڭا دامۋ ارناسىنا كۇش سالا قىزمەت ەتۋ جانە وعان توعىسۋ كەرەك“.
2021 - جىلعى مەملەكەتتىك ەكى ءماجىلىس ءدال ”14 - بەسجىلدىقتىڭ“ باستالعان جىلىنا تۋرا كەلدى.
ءماجىلىس كەزىندە باس شۋجي شي جينپيڭ نازاردى جوعارى ساپالى دامۋ سىندى نەگىزگى تاقىرىپ پەن جاڭا دامۋ كەزەڭى، جاڭا دامۋ ۇستانىمى، جاڭا دامۋ ارناسى سىندى نەگىزگى جەلىگە شوعىرلاندىرىپ، جۇيەلى ويلاۋ ارقىلى ستراتەگيالىق جالپى جاعدايدى جوسپارلاپ، بولاشاق 5 جىلداعى، ءتىپتى، 15 جىلداعى جۇڭگونىڭ قانداي دامۋدى جۇزەگە اسىراتىندىعىنا، دامۋ سىندى كەلەلى تاقىرىپتى قالاي جۇزەگە اسىراتىندىعىنا تەرەڭدەي جاۋاپ بەردى.
10 جىلدان بەرى ”بەستى ءبىر تۇلعالاندىرۋ“ جالپى تۇلعالىق ورنالاستىرۋىنان ”ءتورتتى جاپپاي ورىنداۋ“ ستراتەگيالىق ورنالاستىرۋىنا دەيىن، بەس ۇلكەن دامۋ ۇستانىمىنان ”ءۇش جاڭا، ەكى جوعارىعا“ دەيىن باس شۋجي شي جينپيڭ ۋاكىلدەرمەن، مۇشەلەرمەن بۇكپەسىز پىكىرلەسىپ، ىشكەرىلەي سۇحباتتاسىپ، اقىل - پاراسات قابىلداپ، ۇستانىمدى نارلەندىرىپ، پارتيانىڭ جاڭالىق اشۋ ۇستانىمىنىڭ قالىپتاسۋىنا، بايۋىنا جانە دامۋىنا ۇزدىكسىز ومىرشەڭدىك قوستى.
ۇلكەن اۋقىمدى قاداعالاپ، كەلەلى جاعدايدى كوزدەپ، جالپى جاعدايدى يگەردى، جۇڭگو ەكونوميكاسىنىڭ دامۋ تەڭگەرىمدىلىگى، سايكەسىمدىلىگى، باياندىلىعى كورنەكتى كۇشەيىپ، مەملەكەتتىڭ ەكونوميكالىق قۋاتى، عىلىم - تەحنيكالىق قۋاتى، جالپى مەملەكەت قۋاتى تىڭ ورەگە كوتەرىلدى، دۇنيە جۇزىندەگى ەكىنشى ۇلكەن ەكونوميكالىق تۇلعا اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋ جولىنا قادام تاستادى.
داۋىرمەن بىرگە ىلگەرىلەۋگە تاباندى بولىپ، شىت جاڭا تۇجىرىمداردى العا قويدى −
2018 - جىلى 3 - ايدىڭ 8 - كۇنى باس شۋجي شي جينپيڭ شاندۇڭ ۋاكىلدەر ۇيىرمەسىنە كەلىپ باياندامانى قاراۋعا قاتىناستى.
ساۋشيان اۋدانى ۋليدۇن قىستاعىنان كەلگەن پارتيا ياچەيكا شۋجيى، ۋاكىل ۋاڭ يىنشياڭ بىلاي دەدى: اۋىلداستاردى اۋقاتتانىپ، دوڭگەلەك داۋلەتتىلىككە جەتۋگە باستاۋ ءۇشىن، قالاداعى تەمەكى، اراق دۇكەنىن وتكەرىپ بەرىپ، قىستاققا قايتىپ كەلىپ مال شارۋاشىلىعىن، كوكونىس، گۇل كاسىپ سالاسىن دامىتتىم، بۇل كۇندەرى وتباسىلاردىڭ ورتاشا كىرىسى 200 مىڭ يۋاننان استى.
ۋاڭ يىنشياڭنىڭ ءسوزىن ەستىگەننەن كەيىن باس شۋجي قاتتى اسەرلەنىپ بىلاي دەدى: ”كەلەشەكتە قالا - قالاشىقتانۋ سالىستىرماسى ％70كە جەتسە دە، بۇكىل ەلدە ءالى دە 400 ميلليوننان استام حالىق اۋىل - قىستاقتا تۇرمىس كەشىرەدى... تەاتردىڭ جاقسى ورىندالۋى تەاتردى ورىنداۋشىعا بايلانىستى، ادامدار كەتىپ، قىستاقتار قاڭىراپ، جەر بوس قالسا، اۋىل - قىستاقتى گۇلدەندىرۋ قۇر ءسوز بولىپ قالادى“.
اۋىل - قىستاق كاسىپ سالالارى، دارىندىلارى، مادەنيەتى، ەكولوگياسى، ۇيىمى سىندى ”بەستى گۇلدەندىرۋدى“ ىلگەرىلەتىپ، ”وزىندىك ەرەكشەلىككە يە وسى زامانعى فۋچۇن تاۋلى مەكەنىنىڭ كورىنىسىن تۇلعالاۋ“ − وسى رەتكى باياندامانى قاراۋ بارىسىندا، باس شۋجي شي جينپيڭ اۋىل - قىستاقتى گۇلدەندىرۋدىڭ جول كارتاسىن ايقىن كەسكىندەپ، كەدەيلىكتەن ارىلتۋدان قامال الۋدان كەيىنگى اۋىل - قىستاقتى گۇلدەندىرۋدى ۇزدىكسىز ىلگەرىلەتۋگە ايقىن بەتالىس كورسەتتى.
سول جىلى 9 - ايدا ەلىمىزدىڭ اۋىل - قىستاقتى گۇلدەندىرۋ ستراتەگياسىنىڭ العاشقى 5 جىلدىق جوباسى شىعارىلىپ، ءبىرسىپىرا كەلەلى ينجەنەريالاردى، كەلەلى جوسپارلاردى، كەلەلى ءىس - قيمىلداردى ورنالاستىردى.
10 جىلداعى مەملەكەتتىك ەكى ماجىلىستە باس شۋجي شي جينپيڭ وسى سياقتى كوپتەگەن جاڭا بايىمداۋلاردى، جاڭا تۇجىرىمداردى العا قويدى، بۇل پارتيا مەن مەملەكەت قىزمەتىندە ماڭىزدى جەتەكتەۋ، ىلگەرىلەتۋ رولىن اتقاردى.
2014 - جىلى انحۇي ۋاكىلدەر ۇيىرمەسىندە باسشى كادرلارعا ”ۇشتە قاتاڭ، ۇشتە شىنايى بولۋ“ تالابىن قويدى، 2015 - جىلى جياڭشي ۋاكىلدەر ۇيىرمەسىندە بىلاي دەپ باسا دارىپتەدى: ”جاراتىلىستىق ەكولوگيانىڭ كورىنىسى كوركەم، تاماشا بولۋى، ساياسي ەكولوگيا دا تاماشا، كىرشىكسىز بولۋى كەرەك“؛
2016 - جىلى جۇڭگو دەموكراتيالىق مەملەكەت قۇرۋ قوعامى، ونەركاسىپ - ساۋدا بىرلەستىگى مۇشەلەرىنە امانداسا بارعاندا ”باۋىرمالدىق“، ”پاكتىك“ ارقىلى ۇكىمەت پەن ساۋدانىڭ جاڭاشا قاتىناسىن بەلگىلەدى، 2018 - جىلى جۇڭگو دەموكراتيالىق وداعى، جۇڭگو ادىلەت پارتياسى، پارتيادا، توپتا جوق قايراتكەرلەر، چياۋمين ىستەرى بىرلەستىگى سالاسىنداعى مۇشەلەردىڭ بىرلەسكەن گرۋپپا جيىنىنا قاتىناسقاندا ”جاڭاشا ساياسي پارتيا ءتۇزىمىن“ بايىمدادى؛
2019 - جىلى ىشكى موڭعۇل ۋاكىلدەر ۇيىرمەسىندە تۇڭعىش رەت ”ءتورت ءبىر“ ارقىلى ەكولوگيالىق وركەنيەت يدەياسىن ىشكەرىلەي بايىمدادى، 2021 - جىلى چيڭحاي ۋاكىلدەر ۇيىرمەسىندە ”جوعارى ساپالى دامۋدى ىلگەرىلەتۋدى، جوعارى ساپالى تۇرمىس جاراتۋدى ورگانيكالى ۇشتاستىرىپ، ءبىر - بىرىنە سايكەستىرۋدى“ العا قويدى...
ەل باسقارۋداعى كورەگەندىككە بارىنشا باي ءبىرسىپىرا جاڭا ۇستانىمدار، جاڭا يدەيالار، جاڭا ستراتەگيالار باس شۋجي شي جينپيڭ ۋاكىلدەرمەن، مۇشەلەرمەن مەملەكەت ىستەرىن بىرگە اقىلداسىپ ىشكەرىلەي ىقپالداسۋ بارىسىندا ازىرلەنىپ، العا قويىلىپ، كەمەلدەنىپ، تولىسىپ، زامانىمىزداعى جۇڭگو ماركسيزمىن، 21 - عاسىر ماركسيزمىن قالىپتاستىرۋعا، ماركسيزمنىڭ جۇڭگوشالانۋىن جۇزەگە اسىرۋدىڭ تىڭ قارىشتاۋىنا سارقىلماس قوزعاۋشى كۇش ازىرلەدى.
10 جىلداعى مەملەكەتتىك ەكى ءماجىلىس حالىق كوسەمىنىڭ حالىقتى سۇيەتىن، حالىق كوسەمىن حالىق سۇيەتىن شىنايى سۇيىسپەنشىلىگىنە كۋا بولدى
حالىق كوسەمى حالىقتى سۇيەدى، حالىق كوسەمىن حالىق سۇيەدى.
10 جىلداعى مەملەكەتتىك ەكى ماجىلىستە باس شۋجي شي جينپيڭ وسى جەردەن نەگىزگى ساتىنىڭ ءۇنىن تىڭداپ، حالىقتىڭ حال - جايىن سەزىندى؛ حالىق بۇقاراسى دا وسى جەردەن ”ماڭگى حالىقپەن بىرگە بولاتىن“ حالىق كوسەمىنىڭ شۇعىلالى ونەگەسىن كورىپ، ”حالىقتى وزەك ەتۋگە تاباندى بولعان“ حالىق كوسەمىنىڭ مەيىرىمدى دە قادىرلى ەكەنىن سەزىندى.
كەدەي بۇقارانى، بايىرعى رايوندى، سوۆەتتىك رايوندى اۋىزعا العاندا، ونىڭ جانارى جايناپ، سوزىنەن تەرەڭ سۇيىسپەنشىلىك اڭعارىلدى؛ نەگىزگى ساتىنىڭ جاعدايىن، تاريح قاينارىن اڭگىمەلەگەندە، ول بۇگە - شىگەسىنە دەيىن ايتىپ، ادەمى تىركەستەر مونشاقتارشا ءتىزىلدى؛ ماسەلەنىڭ شەشىلىپ، بۇقارانىڭ ريزا بولعانىن بىلگەندە، ول نەگىزگى ساتى كادرلارىنا القاۋ ايتىپ، ولاردان تاباندىلىقپەن جالعاستىرۋدى تالاپ ەتتى؛ كەيدە ول ءبىر ۋاكىلمەن 20 مينۋتتىڭ ۇستىندە اڭگىمەلەسىپ، تەرەڭنەن ءۇڭىلدى، كەيدە كوپشىلىكتىڭ لەبىزىن تىڭداعاننان كەيىن، جارتى ساعاتقا جۋىق ۋاقىتپەن ءبىر - بىرلەپ اڭىس قايتارىپ، بار پەيىلىمەن جەتەكشىلىك ەتتى...
ىقىلاسپەن حال - جاعداي ۇعىسۋلار، ۋادەلەر اۋەلگى ماقساتتان اينىماعان حالىق ءۇشىن ىستەۋ سۇيىسپەنشىلىگىن ايگىلەدى −
”قىستاق تۇرعىندارىنىڭ ەلەكترمەن جىليتىن سۇپىسى قانداي؟“
جاقىن جان اشىرىنداي حال - جاعدايدى ۇعىسقان وسى ءسوز چيڭحايدىڭ حايدۇڭ قالاسى حۋجۋ اۋدانىنان كەلگەن تۋزۋ ۋاكىل اشىڭچيڭدى ۇزاققا دەيىن تەبىرەنتتى.
2021 - جىلى 3 - ايدىڭ 7 - كۇنى باس شۋجي شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناستى. ۋاكىل اشىڭچيڭ باس شۋجي شي جينپيڭگە حۋجۋ اۋدانى بانيان قىستاعىندا زور وزگەرىس بولعاندىعىن، قىستاقتاعىلاردىڭ كىسى باسىندىق جىلدىق كىرىسىنىڭ زور مولشەردە ارتقاندىعىن ايتتى.
اشىڭچيڭنىڭ لەبىزىن تىڭداعاننان كەيىن باس شۋجي ەلەكترمەن جىليتىن سۇپىنى سۇرادى. بىرنەشە جىلدىڭ الدىندا ول جەرگىلىكتى ورىنعا قىزمەت تەكسەرە بارعاندا جاڭبىردان كەيىنگى بالشىقتى باسىپ، كەدەي وتباسىلاردىڭ حال - جايىن سۇراستىرا باردى، سول كەزدە قىستاقتا مۇنداي سۇپى جوق بولاتىن.حالىق كوسەمىنىڭ كوكەيىنەن شىعارماعان باۋىرمالدىعى سول جەردەگى ۋاكىلدەردى، مۇشەلەردى عانا ەمەس، ءتىپتى، جيىن زالىنان تىسقارى جەردەگى قا
لىڭ اۋىلداستى مەيىرىمگە بولەدى.
كىشى - گىرىم ىستەردەن شىنايى سۇيىسپەنشىلىك مەن مۇندالايدى. بۇقارانىڭ ءىسىن باس شۋجي شي جينپيڭ قاشاندا ماڭىزدى ساناپ، ەگجەي - تەگجەيلى سۇراپ، ەسىندە بەرىك ساقتادى.
2019 - جىلى 3 - ايدىڭ 8 - كۇنى باس شۋجي شي جينپيڭ حىنان ۋاكىلدەر ۇيىرمەسىنىڭ باياندامانى قاراۋىنا قاتىناستى. جيىندا باس شۋجي ”’مومى كەڭسەسى‘ جوق بولعان شىعار؟“ دەپ سۇراعاندا، وتىرعاندار دۋ كۇلىپ، تۇس - تۇستان ”قازىر جوق بولدى!“ دەپ جاۋاپ بەردى.
”حىناندىقتار مومىنى ۇناتىپ جەيدى، وتكەندە جىڭجوۋدا ’مومى كەڭسەسى‘ بار بولاتىن، مومى ساتىپ الا الماۋدىڭ ءوزى تۇراقسىزدىق فاكتور سانالادى، قازىر ارناۋلى قۇرىلىم قۇرۋدىڭ قاجەتى قالمادى“، - دەدى باس شۋجي شي جينپيڭ.
”مومى كەڭسەسىنىڭ“ ءبىر باسى بۇقارانىڭ ىشەر اسىمەن بايلانىسىپ جاتسا، ەندى ءبىر ۇشى رەفورما تاقىرىبىمەن بايلانىسىپ جاتىر.
حالىق تۇرمىسىندا كىشكەنە ءىس بولمايدى، بارلىق ىسكە بىردەي كوڭىل ءبولۋ كەرەك.
چيڭحاي ەگىنشى - مالشىلارىنىڭ ”دەنساۋلىق ساقتاۋ ءۇيى“، جياڭشي بايىرعى رايونىنداعى جوعارى قارقىندى تاس جول، شاڭحايداعى ”اشىق اسپان كورسەتكىشى“... ىشەر اس، حال - جاعدايعا قاتىستى حالىق تۇرمىسىنداعى كىشكەنە ىستەر باس شۋجي شي جينپيڭنىڭ كوكەيىندەگى مەملەكەتتىڭ زور ىستەرى سانالادى.
ىندەت جاعدايىندا حالىقتىق كاسىپورىنداردىڭ ”20 مىڭ ادامنىڭ جۇمىستانۋ بەتالىسى نە“ ەكەنىنە كوڭىل ءبولدى؛ ۇلتتاردىڭ ۇلى شاڭىراعىندا شينجياڭ ۋاكىلدەرىنەن ”سىزبەن كىم جۇپ قۇراعان بولدى“ دەپ سۇرادى؛ جاڭاشا اۋىل - قىستاق قۇرىلىسىندا ”قوقىر - قوقسىقتى قاي جەرگە تاسىپ اپاردىڭىزدار“ دەگەندەردى ۇعىستى... تالماۋ جەردى سۇراستىرۋ حالىق تۇرمىسى ىرىس - قۇتىنىڭ ۇزدىكسىز ارتۋىنا سايادى.
”حالىق“ ءسوزىنىڭ باس شۋجي شي جينپيڭنىڭ جۇرەگىندە يەلەيتىن سالماعى ەڭ اۋىر.
2020 - جىلى 5 - اي، ەرەكشە مەزگىلدە ەرەكشە ەكى ءماجىلىس اشىلدى.
ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسىپ، حالىقتىڭ باس اماندىعى مەن دەنساۋلىق اقاۋسىزدىعىن اۋىزعا العاندا، باس شۋجي شي جينپيڭنىڭ ”ءارقانداي بوداۋ بەرۋدەن تايىنباۋ كەرەك!“ دەگەن ءبىر اۋىز ءسوزى اسقاق تا ارىندى بولدى −
سول رەتكى ءماجىلىستىڭ ”ۋاكىلدەر ارناسىندا“ حۋبەي ولكەسى شىيان قالاسى تايحى شيپاحاناسىنان كەلگەن لو جيە ىندەتكە قارسى اتتانۋدىڭ الدىڭعى شەبىندە 87 جاستاعى كاريانى كۇش سالا قۇتقارىپ ەمدەگەن حيكاياسىن باياندادى.
”حالىقتى بارىنەن جوعارى قويۋ دەگەن نە؟ وسىنشاما كوپ ادامنىڭ ءبىر ناۋقاسقا زىر جۇگىرۋى ءارقانداي بوداۋ بەرۋدەن تايىنباۋدى شىن مانىندە ايگىلەدى“. باس شۋجي شي جينپيڭ باياندامانى قاراعان كەزدە لو جيە ايتقان وسى ءىستى ايرىقشا اۋىزعا الدى.
بيلىك دەگەنىمىز حالىق، حالىق دەگەنىمىز بيلىك.
”وتانعا ادال بولۋ، حالىققا ادال بولۋ“؛
”تاباندىلىقپەن جۇڭگو حالقىن باقىتقا كەنەلتۋ“؛
”حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويۋ“؛
”جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرۋ“؛
...
حالىقتى كوكەيىندە ساقتادى! 10 جىلدان بەرى باس شۋجي شي جينپيڭ ۋاكىلدەرمەن، مۇشەلەرمەن مەملەكەت ىستەرىن بىرگە اقىلداسىپ، حالىق بارىنەن جوعارى دەگەن بيلىك جۇرگىزۋ ۇستانىمى مەن شىنايى سۇيىسپەنشىلىكتەن باستان - اياق جازبادى.
ۋادەگە بەرىك بولدى! 10 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى اۋەلگى ماقساتتى ۇمىتپاي، اسقاق جىگەرمەن قايراتتانا ۇمتىلىپ، ماقساتتان اينىماي ايبىندى سەرتتى امالياتتا ورىنداپ، حالىقتى باقىتقا كەنەلتىپ، ۇلتتىڭ گۇلدەنۋىنە تالپىندى.
تالايلاعان حيكايا، تالايلاعان كورىنىس باس شۋجي شي جينپيڭنىڭ ەل باسقارۋداعى ۇلى جالپى جوباسىن باياندادى −
حالىق تىنىس - تىرشىلىگىمىزدىڭ تياناعى، حالىق كۇش - قۋاتىمىزدىڭ نەگىزى، حالىق اقىل - پاراساتىمىزدىڭ قاينارى، جۇڭگو كوممۋنيستەرىنىڭ ساياسي قاسيەتى كوكتەمدەگى سالتاناتتى جينالىستا ايگىلەندى.
”قوعامداعى ءار جاقتىڭ رولىن ساۋلەلەندىرىپ، تۇتاس قوعامنىڭ ومىرشەڭدىگىن قاۋلاتىپ، بۇقارانىڭ ءىسىن بۇقارامەن كوبىرەك اقىلداسۋ، كوپشىلىكتىڭ ىسىنە بارلىق ادام ات سالىسۋ كەرەك“، - دەدى باس شۋجي شي جينپيڭ.
شاڭحاي قالاسى چاڭنيڭ رايونى حۇڭچياۋ مالىسىنەن كەلگەن ۋاكىل جۋ گوپيڭ ءوزىنىڭ باس شۋجي شي جينپيڭمەن ەكى رەتكى جاقىن ارالىقتا اڭگىمەلەسكەنىن اۋىق - اۋىق ەسىنە الادى.
8 جىلدىڭ الدىندا حالىق سارايىنىڭ شاڭحاي زالى. جۋ گوپيڭ باس شۋجيگە بۇقارانىڭ شۇعىل، قيىن، ۋايىمداعان، ءزارۋ 3 ءىسىن باياندادى: بۇقارا وقۋ اۋماعىنداعى ۇيلەردى قالاي ”تالاسا - تارماسا الادى“؟ ادام سەڭدەي سوعىلىسقان بالالار اۋرۋى بولىمىنە ناۋقاس كورسەتۋ قانشالىقتى قيىن؟ جاسى ەگدەلەگەن قارتتاردىڭ ابىرويلى كۇتىمدەلۋىنە قالاي مۇمكىندىك جاساۋ كەرەك؟
باس شۋجي شي جينپيڭ جاۋاپ قايتارىپ بىلاي دەدى: ”قوعامدىق باسقارۋدىڭ ءتۇيىنىن، ءسوز جوق، قالا، اۋىل الەۋمەتتىك اۋماقتارىنا قويۋ كەرەك، الەۋمەتتىك اۋماقتاردىڭ قىزمەت وتەۋى مەن باسقارۋ قابىلەتى كۇشەيسە، قوعامدىق باسقارۋدىڭ نەگىزى نىعايا تۇسەدى“.
2019 - جىلى 11 - ايدىڭ 2 - كۇنى باس شۋجي شي جينپيڭ جۋ گوپيڭ تۇرعان حۇڭچياۋ مالىسىنە تەكسەرۋ - زەرتتەۋ جۇرگىزە باردى، جۋ گوپيڭ تاعى باس شۋجيگە نەگىزگى ساتىنىڭ زاڭ شىعارۋ امالياتىنان مالىمەت بەردى.
ءدال وسى جەردە باس شۋجي شي جينپيڭ ”جالپى بارىستىق حالىق دەموكراتياسى“ دەگەن كەلەلى تۇجىرىمدى العا قويدى.
”باس شۋجي ءار جىلى ۋاكىلدەرمەن، مۇشەلەرمەن مەملەكەت ىستەرىن بىرگە اقىلداسادى، مۇنىڭ ءوزى جالپى بارىستىق حالىق دەموكراتياسىنىڭ ناقتى بەينەسى، جۇڭگو دەموكراتياسىنىڭ جاندى امالياتى“، - دەدى جۋ گوپيڭ.
ۋاكىلدەر، مۇشەلەر باس شۋجي شي جينپيڭگە نەگىزگى ساتىنىڭ حيكاياسىن الا كەلدى، باس شۋجي دە ۇنەمى كوپشىلىككە ءوزىنىڭ كەشىرمەسىن باياندايدى.
2014 - جىلعى ەكى ماجىلىستە گۇيجوۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، باس شۋجي شي جينپيڭ سولتۇستىك شانشيدە اۋىلعا تۇسكەن كەزىندەگى وتكەن ىستەرىن تەرەڭ سەزىممەن ەسكە الدى:
”مەنىڭ اۋىل - قىستاققا سۇيىسپەنشىلىگىم بار، 1969 - جىلى 1 - ايدا سولتۇستىك شانشيدە اۋىلعا ءتۇستىم، سول كەزدە بۇقارا ماعان كومەكتەستى، ولار جەيتىن نارسەسى بولسا ماعان ءبىرازىن بەرىپ ءجۇردى، سول كەزدە كىم ماعان ءبىر شىنى اشىتىلعان كوكونىس اكەلىپ بەرسە، سول كۇنگى تۇرمىسىم تاعى دا وڭالىپ قالعانداي سەزىنەتىنمىن...“
”سوندىقتان قازىر كەدەي وڭىرلەردەگى بۇقارانى كورسەم، ىشتەي، شىنىمەن، ولاردىڭ قامىن جەيمىن. كوممۋنيست رەتىندە ولاردى، ءسوز جوق، كوكەيدە ساقتاۋ، ولار ءۇشىن شىن مانىندە ناقتى ءىس ىستەۋ كەرەك، ايتپەگەندە ءبىزدىڭ ادامگەرشىلىگىمىز قايدا قالادى؟“
ىستىق ىقىلاسپەن باياندالعان سوزدەر، دامۋدى ويلاعان، حالىقتى ۋايىمداعان تەرەڭ ويلار كوپشىلىكتىڭ قيىنشىلىقتاردان قامال الۋداعى، شىنايى يگەرىپ، ناقتى ىستەۋدەگى بويسۇنۋ ولشەمى مەن قوزعاۋشى كۇشىنە اينالدى.
مەملەكەتتى باسقارۋدىڭ وزگەرمەس زاڭ - قاعيداسى بولادى، حالىققا پايدا جەتكىزۋ سونىڭ نەگىزى سانالادى.
”كوممۋنيستىك پارتيا حالىقتى باقىتقا كەنەلتۋدى كوزدەيدى، حالىق بۇقاراسى قاي جاقتاردان باقىتسىز، كوڭىلسىز سەزىنسە، ريزا بولماسا، سول جاقتارعا كۇش سالۋىمىز، امالدىڭ بارىنشا بۇقارانى ۋايىمنان ارىلتىپ، قيىنشىلىعىن شەشۋىمىز كەرەك“. 2018 - جىلى 3 - ايدىڭ 7 - كۇنى گۋاڭدۇڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، باس شۋجي شي جينپيڭ وسىلاي كەسەتە ايتتى.
جۇمىستاندىرۋدى ورنىقتىرۋدان، حالىق تۇرمىسىن قامتاماسىز ەتۋدەن رەفورمانى جەبەۋگە، دامۋدى كوزدەۋگە دەيىن، نەگىزگى ەمدەۋ قىزمەت وتەۋ دەڭگەيىن جوعارىلاتۋدان وقۋ - اعارتۋدىڭ ءادىل دامۋى مەن ساپاسىنىڭ جوعارىلاۋىن ىلگەرىلەتۋگە دەيىن... باس شۋجي شي جينپيڭ ۋاكىلدەرمەن، مۇشەلەرمەن پىكىر اۋىستىرعاندا اقىل - پاراساتتى ۇيىستىرىپ، كۇش - قۋاتتى قاۋلاتتى، ”وكپە - ناز تۇيىنىنە“ جاۋاپ قايتارىپ، ”كەسىرلى تۇيىندەردى“ الاستاپ، ”بوگەتتى تۇيىندەردى“ اشتى.
ءار رەتكى ۇسىنىسپەن شاقىرۋ، ءار رەتكى ۋادەدە تۇرۋ، حالىققا دەگەن تەرەڭ سۇيىسپەنشىلىك جۇڭحۋا ۇلتىنىڭ تەلەگەي كۇشىن ۇيىستىردى −
بيىل 3 - ايدىڭ 5 - كۇنى تۇستەن كەيىن، حالىق سارايىنىڭ شىعىس زالىندا، باس شۋجي شي جينپيڭ ءوزى قۇرامىندا بولعان ىشكى موڭعۇل ۋاكىلدەر ۇيىرمەسىنە ءۇرتىس 5 - رەت كەلىپ باياندامانى قاراۋعا قاتىناستى.
چىفىڭ قالاسى سۇڭشان رايونى دامياۋ قالاشىعى شياۋمياۋزى قىستاعى پارتيا باس ياچەيكاسىنىڭ شۋجيى جاۋ حۇيجيە ورنىنان تۇرىپ لەبىز بىلدىرگەن كەزدە باس شۋجي ونى تاني قويدى.
”2018 - جىلى مەن وسى ارادا ءسىزدى ءبىزدىڭ اۋىلىمىزدى كورىپ قايتۋعا ۇسىنىس ەتكەن ەدىم، ويلاماعان جەردەن 2019 - جىلى ءسىز شىنىمەن دە باردىڭىز. ءسىزدىڭ مەنى كورگەندە العاش ايتقان ءسوزىڭىز ءالى ەسىمدە،’سىزدىڭ شاقىرعان ۇسىنىسىڭىز ويىمدا ءجۇردى، بۇگىن ۋادە بويىنشا كەلىپ تۇرمىن‘ دەگەن ەدىڭىز، سول ساتتە جانارىم جاسقا تولدى، قازىر دە سونداي اسەرلەنىپ وتىرمىن“.
حالىق قويۋ سۇيىسپەنشىلىكپەن ۇسىنىس ەتكەندە، باس شۋجي ۋادەسىن مۇقيات ورىندادى، مۇنداي اسەرلى حيكايالار تولىپ جاتىر.
2014 - جىلى 3 - ايدا انحۇي ولكەسىنىڭ چۋجوۋ قالاسىنان كەلگەن ۋاكىل جاڭ شياڭ - ان باس شۋجي شي جينپيڭگە اۋىلداستارىنىڭ سالەمى مەن ۇسىنىسىن جەتكىزدى.
”اۋىلداستارعا مەنىڭ سالەمىمدى جەتكىزگەيسىڭ، مەنىڭ چۋجوۋعا وتە تەرەڭ سۇيىسپەنشىلىگىم بار“. باس شۋجي 1978 - جىلى چۋجوۋعا تەكسەرۋ - زەرتتەۋ جۇرگىزە بارعانداعى وتكەن ىستەردى تەرەڭ سۇيىسپەنشىلىكپەن ەسكە العاندا، سول جىلدارداعى ادامدار مەن ىستەر ءالى دە ەسىندە ەكەن.
”مەنىڭ جازعان ەستەلىكتەرىم بار، ءالى دە اقتارىپ كورەمىن“. باس شۋجي: ”وڭاتى كەلىپ جاتسا، ءسوزسىز، تاعى بارامىن!“، - دەدى.
ارادا 2 جىل وتكەندە 2016 - جىلى 4 - ايدا باس شۋجي شي جينپيڭ انحۇيدا قىزمەت تەكسەرگەندە، ليۋ - ان قالاسىنىڭ جينجاي اۋدانىنا باردى، چۋجوۋ قالاسىنىڭ شياۋگاڭ قىستاعىنا دا بارىپ، بايىرعى رايوننىڭ كەدەيلىكتەن ارىلۋىن تەكسەرىپ - زەرتتەپ، رەفورما ۇلى جوسپارىن جوبالادى.
ىجداعاتتى ادامدار باس شۋجي شي جينپيڭنىڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاننان كەيىن، ۇنەمى نازار اۋدارعان ماسەلەلەرىن الا ءجۇرىپ، مۇنىڭ اراسىنداعى كەيبىر ولكەلەردى تاڭداپ، سول جەردىڭ وزىندە تاعى دا قىزمەت تەكسەرىپ، تەكسەرۋ - زەرتتەۋ جۇرگىزەتىندىگىن بايقاي الادى.
2016 - جىلى باس شۋجي شي جينپيڭ چيڭحاي ۋاكىلدەر ۇيىرمەسىنە كەلدى. ول ”ءبىر وزەننىڭ تۇنىق سۋىنىڭ شىعىسقا قاراي جوڭكىلە اعۋىنا“ شىنايى كەپىلدىك ەتۋدى قاداعالاي تاپسىردى. سول جىلى 8 - ايدا ول چيڭحايعا ۇشاقپەن بارىپ، چاڭجياڭ وزەنىنىڭ قاينارىن تەكسەردى.
2021 - جىلى ول تاعى دا چيڭحاي ۋاكىلدەر ۇيىرمەسىنە كەلدى. ماجىلىستە ول چيڭحايدان، ءسوز جوق، ەكولوگيالىق حاۋىپسىزدىكتى قورعاۋدىڭ، ءۇش وزەن قاينارىن قورعاۋدىڭ، ”جۇڭحۋانىڭ سۋ مۇناراسىن“ قورعاۋدىڭ كەلەلى جاۋاپكەرشىلىگىن ويداعىداي ارقالاۋدى، مەملەكەتكە، ۇلتقا، ۇرپاقتارعا جاۋاپتى بولۋدى تالاپ ەتتى. 3 ايدان كەيىن باس شۋجي چيڭحايدىڭ وزىندە تاعى دا ىشكەرىلەي تەكسەرۋ - زەرتتەۋ جۇرگىزىپ، تاعى دا ورنالاستىرۋ جاساپ، تاعى دا ىلگەرىلەتتى.
2014 - جىلى شاڭحاي ەركىن ساۋدا سىناق رايونىنا باردى، 2015 - جىلى جيليننىڭ زاۆود سەحتارىن، اتىز باستارىن ىشكەرىلەي ارالادى، 2016 - جىلى حيلۇڭجياڭعا بارىپ مەملەكەت مەنشىگىندەگى كاسىپورىندار رەفورماسىن، اۋىل شارۋاشىلىعى ءوندىرىسىن، ورمان شارۋاشىلىعىنىڭ تيبىن وزگەرتۋدى كوزدەن كەشىردى... باس شۋجيدىڭ تەكسەرۋ - زەرتتەۋىنىڭ ءتۇيىنى، كوبىنەسە، ۋاكىلدەر مەن مۇشەلەر اڭىس ەتكەن ماسەلەلەرگە جانە جاعدايلارعا شوعىرلاندى.
شىن ىقىلاسپەن قىزمەت ەتۋ اۋەلگى ماقساتتان كەلەدى، شىنايى سۇيىسپەنشىلىك قىزۋ سۇيۋدەن كەلەدى.
2016 - جىلى چيڭحاي ۋاكىلدەر ۇيىرمەسىنىڭ ءماجىلىس الاڭىنداعى سول ءبىر كورىنىس كۇنى بۇگىنگىدەي ەسىمىزدە:
”بۇگىن سىزبەن وسىلايشا بەتپە - بەت وتىرىپ كوڭىل سىرىمدى اقتارارىمدى ويلاماعان ەكەنمىن. كوڭىلىم ابدىراپ، اۋزىما ءسوز تۇسپەي، جۇرەگىم دۇرسىلدەپ كەتتى“. گۇيدى اۋدانى حىيىن قالاشىعى داشىجيا قىستاعى پارتكومىنىڭ شۋجيى بي شىڭجۇڭ ءسوز باستاي بەرگەندە، كوپشىلىكتىڭ تۇسىنە قويىپ كۇلگەن كۇلكىسىنەن ءسوزى ءۇزىلىپ قالدى.
بي شىڭجۇڭ ءمۇدىرىپ بارىپ ءسوزىن جالعاپ: ”مەنىڭ پۋتۇڭحۋام ونشا ەمەس، ءتوراعانىڭ تۇسىنىستىكپەن قاراۋىن ءۇمىت ەتەمىن“، - دەدى.
”جاقسى سويلەيدى ەكەنسىز“، - دەپ باس شۋجي شي جينپيڭ ونى شابىتتاندىردى.
”بىزدە قازىر بارلىق وتباسىندا تەلەۆيزور بار، قول تەلەفونمەن ينتەرنەتكە شىعا الامىز، باس شۋجي ءسىزدىڭ قاي جەرلەرگە بارساڭىز دا ءبىز بۇقارانىڭ وسى ىستەرىن ايتاتىنىڭىزدى كورىپ، ءسىزدىڭ وسى ىستەردى كوڭىلىڭىزدە ساقتاپ جۇرەتىندىگىڭىزدى سەزىندىك“.
”ءبىز جاقتاعى بۇقارا ءسىزدى... نە دەپ ايتسام بولار ەكەن، ءسىزدى توتەنشە جاقسى كورەدى!“
شاتىرلاعان شاپالاق ءۇنى بي شىڭجۇڭنىڭ ءسوزىن تاعى دا ءۇزىپ جىبەردى.
قاراپايىم سوزدەردىڭ استارىندا حالىقتىڭ باس شۋجي شي جينپيڭگە دەگەن تەرەڭ سۇيىسپەنشىلىگى، قۇرمەتى، باتىل قولداۋى جاتىر.
حالىقتى جان اشىرىنداي سۇيسەڭ، جالپى حالىقتىڭ ىقىلاسىنا بولەنەسىڭ.
اماليات مىنانى ايگىلەدى: باس شۋجي شي جينپيڭ جاڭا داۋىردەگى جۇڭگوشا سوتسياليزمنىڭ كوشباسشىسى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ جول باستاۋشىسى.
ۋاقىت مىنالاردى، ءسوز جوق، ۇزدىكسىز دالەلدەيدى: شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋ − ءداۋىردىڭ ۇندەۋى، تاريحتىڭ تالعامى، حالىقتىڭ قالاۋى، جاڭا داۋىردەگى پارتيا مەن مەملەكەت ىستەرىن دامىتۋدا، جۇڭحۋا ۇلتىنىڭ ۇلى گۇلدەنۋى تاريحي اياق الىسىن ىلگەرىلەتۋدە شەشۋشى ماڭىزعا يە.
10 جىلداعى مەملەكەتتىك ەكى ءماجىلىس جوعارى مەن تومەن ءبىر نيەتتە بولىپ، ىنتىماقتاسا ەكپىندەي ىلگەرىلەۋدىڭ تەلەگەي كۇشىنە كۋا بولدى
حالىق سارايىنىڭ شىعىس زالى تاريحقا جازىلعان ساتتەرگە كۋا بولدى.
2012 - جىلى 11 - ايدىڭ 15 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ ەندى عانا سايلانعان شي جينپيڭنىڭ جۇڭگولىق - شەتەلدىك تىلشىلەرمەن كەزدەسكەندەگى ايبىندى سەرتى ءالى دە قۇلاعىمىزدا:
”ءبىزدىڭ مىندەتىمىز بۇكىل پارتياداعىلاردى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاريحي اماناتتى ارقالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ۇزدىكسىز قۇلشىنا كۇرەس جۇرگىزىپ، جۇڭحۋا ۇلتىنىڭ اناعۇرلىم پارمەندى تۇردە دۇنيە ءجۇزى ۇلتتارىنىڭ قاتارىندا ەڭسەسىن بيىك ۇستاۋىنا مۇمكىندىك جاساپ، ادامزاتقا جاڭا دا اناعۇرلىم زور ۇلەستەر قوسۋ“.
10 جىلدان بەرى باس شۋجي شي جينپيڭ وسى ارادا تالاي رەت حالىق ۋاكىلدەرىمەن مەملەكەت ىستەرىن اقىلداسىپ، ۇزدىكسىز العا باسۋدىڭ اقىل - پاراساتى مەن كۇش - قۋاتىن ۇيىستىردى.
10 جىل ىشىندە وراسان زور وزگەرىستەر تۋىلىپ، ءداۋىر تاعى ءبىر تىڭ ساپارعا قادام تاستادى.
ەڭسە كوتەرۋدەن، بايۋدان قۇدىرەتتەنۋگە دەيىن، جۇڭحۋا ۇلتىنىڭ ۇلى گۇلدەنۋى سىندى كەمە كەرى بۇرۋعا كەلمەيتىن تاريحي جولعا ءتۇستى، ءبىر ميلليارد 400 ميلليوننان استام جۇڭگو حالقى تاسقىنداعان جىگەرمەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ۇدەرە العا تارتتى.
كوكتەم ناجاعايىنىڭ ءۇنى كۇللى تىرشىلىككە تىنىس اكەلدى، كوكتەمگى سالتاناتتى جينالىستا باس شۋجي شي جينپيڭ بۇكىل پارتيانى، بۇكىل ەل حالقىن باستاپ تالايلاعان تىڭ ساپارلارعا اتتاندى.
كوكتەمگى سالتاناتتى جينالىس العان بەتىنەن قايتپايتىن باسشىلىق كۇشىن ايگىلەدى −
بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ پارتيانىڭ 100 جىلدىق كۇرەس بارىسىنا قايىرىلا قاراپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋدى كوزدە ۇستاپ، بەس ”ءسوزسىز، باسىپ وتەتىن جول“ ارقىلى وتكەندە نە ءۇشىن تابىسقا جەتكەندىگىنىڭ، بولاشاقتا قايتكەندە ۇزدىكسىز تابىسقا جەتۋگە بولاتىندىعىنىڭ جۇڭگو قۇپيا سيفرىن تەرەڭ ءتۇسىندىردى.
جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى.
2020 - جىلعى مەملەكەتتىك ەكى ءماجىلىس كەزىندە حۋبەي ۋحان شينجوۋ رايونى چىنيۇي قىستاعى پارتيا ياچەيكاسىنىڭ شۋجيى، ۋاكىل جاڭ ۋىنشي ءتول كەشىرمەلەرى ارقىلى باس شۋجي شي جينپيڭگە ءوزىنىڭ ”ىندەتپەن“ شايقاسقان اسەرىن ءبولىستى:
”ىندەتتى توسىپ قالا الۋ - الماۋدا، ماڭىزدىسى، پارتيا ياچەيكاسىنا قاراۋ كەرەك“. جاڭ ۋىنشي 5 پارتيالى كادردى باستاپ، تومەنگە تۇسكەن كادرلاردى، ەرىكتىلەردى شاقىرىپ، 24 ادامدىق قوسىن قۇرىپ، جەكە - جەكە كوتەرمەگە الىپ، بۇقارانى اتتانىسقا كەلتىرىپ، ”قۇرىش قورعان“ ورناتىپ، ەڭ سوڭىندا بۇكىل قىستاق بويىنشا دياگنوزى تۇراقتاندىرىلعان بىردە - ءبىر ناۋقاس، بىردە - ءبىر كۇماندى ناۋقاس بولماۋدى ورىندادى.
”وسى رەتكى ىندەت ءبىزدىڭ نەگىزگى ساتىنىڭ باسقارۋ جۇيەسىنىڭ باسقارۋ قابىلەتى مەن دەڭگەيىن سىننان وتكىزدى، سونداي - اق ءبىزدىڭ ءمالى مەن الەۋمەتتىك اۋماق، اۋىل - قالاشىق جانە قىستاق نەگىزگى ساتى ۇيىمدارىنىڭ رولىن اناعۇرلىم كورنەكتىلەندىردى“. باس شۋجي شي جينپيڭ: ”شەشۋشى ساتتە العا شىعا الاتىن، توتەپ بەرە الاتىن بولۋ كەرەك“، - دەپ اتاپ كورسەتتى.
100 جىلدا بولماعان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتاندى، ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدى، سىرتقى كۇشتەردىڭ شەگىنە جەتكىزە قىسىم تۇسىرۋىنە ورىندى، ءتيىمدى، تەجەمدى توتەپ بەردى... جاڭا داۋىردەگى ۇلى كۇرەس جۇڭگو كوممۋنيستىك پارتياسىنىڭ شەكسىز پارمەندى باسشىلىق قۋاتىنىڭ بوران - شاشىنعا تاپ بولعان كەزدەگى جۇڭگو حالقىنىڭ ەڭ سەنىمدى تىرەگى ەكەندىگىن تالاي رەت تالاسسىز دالەلدەدى.
بيىلعى مەملەكەتتىك ەكى ءماجىلىس كەزىندە ۋاكىلدەر مەن مۇشەلەر باياندامانى قاراۋ، تالقىلاۋ جانە قىزمەت ءىس جۇزىندىگىمەن ۇشتاستىرىپ، پىكىرلەرىن، اسەرلەرىن سويلەپ، مىناداي ورتاق جۇرەك ءۇنىن ۋادەلەسىپ قويعانداي جەتكىزدى: پارتيا مەن مەملەكەت ىستەرىندە بەلەستىك مانگە يە تابىستارعا قول جەتكىزە الۋىمىزدىڭ سەبەبى، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋىندا، تۇپتەپ كەلگەندە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جاتىر.
كوكتەمگى سالتاناتتى جينالىس نىق قاداممەن الىسقا جەتۋدىڭ العا باسۋ بەتالىسىن كورسەتتى −
”استىق حاۋىپسىزدىگى −’مەملەكەتتىڭ زور ءىسى‘ ءارقانداي ىستە ىشەر اس ماسەلەسى ەڭ ماڭىزدى“.
بيىل 3 - ايدىڭ 6 - كۇنى تۇستەن كەيىن باس شۋجي شي جينپيڭ ساياسي كەڭەستىڭ بىرىككەن گرۋپپالار ماجىلىسىنە قاتىناسقاندا، استىق حاۋىپسىزدىگىن قامتاماسىز ەتۋ ماسەلەسىن ءتۇيىندى تۇردە سويلەدى.
”جۇڭگونى كىم باعادى؟ جۇڭگو ءوز كۇشىنە سۇيەنىپ ءومىر ءسۇرىپ، ءوزىن - ءوزى باعۋى كەرەك“! باس شۋجي شي جينپيڭ: ”قولىڭدا استىق بولسا، كوڭىلىڭ الاڭ بولمايدى“، ”ەگەر ءوز توستاعانىمىزدى مىقتى ۇستاي الماساق، وزگەلەردىڭ ىرقىندا كەتەمىز“ دەپ اتاپ كورسەتتى.
استىق حاۋىپسىزدىگىنىڭ ستراتەگيالىق تومەنگى شەگىن، ونان قوعامدىق قامتاماسىزداندىرۋدى تومەنگى شەكتەن تۇسىرمەۋ ءتۇزىمىن تىلگە الدى: ”قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ىلگەرىلەتۋگە ۇزدىكسىز كۇش سالىپ، تۇزىمدىك ورنالاستىرۋدىڭ اناعۇرلىم ءادىل، قامتۋ كولەمىنىڭ اناعۇرلىم كەڭ بولۋىن جۇزەگە اسىرىپ، حالىق تۇرمىسىنىڭ تىنىش - الاڭسىز بولۋىن قامتاماسىز ەتۋ كەرەك“
”مەملەكەتتىڭ زور ءىسى“ دەگەندى قايتا - قايتا دارىپتەپ، ءتۇرلى قىزمەتتەردىڭ ماڭىزدى ءتۇيىنىن بەلگىلەپ بەردى.
10 جىلدان بەرى ۇكىمەت قىزمەتىنەن بايانداما، 5 جىلدىق جوبا باعدارلاماسى سياقتى ماڭىزدى حۇجاتتاردى قاراۋ، تەكسەرۋ ارقىلى باس شۋجي شي جينپيڭ ءماجىلىستىڭ كەڭەستىك تاقىرىبىمەن تىعىز بايلانىستىرىپ، جۇڭگونىڭ ەكونوميكالىق، قوعامدىق دامۋىنا بەتالىس بەلگىلەپ، جوبا جاسادى.
2016 - جىل جۇڭگو ەكونوميكاسىنىڭ تيبىن وزگەرتۋ شەشۋشى كەزەڭىنە ءدوپ كەلدى.
سول جىلى اشىلعان مەملەكەتتىك ەكى ءماجىلىستىڭ ماڭىزدى كەڭەستىك تاقىرىبىنىڭ ءبىرى ”13 - بەسجىلدىق“ جوبا باعدارلاماسى جوباسىن تەكسەرۋ بولدى. سوندىقتان باس شۋجي شي جينپيڭ جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن باستان - اياق ساباقتاستىرۋدى قايتا - قايتا باسا دارىپتەدى.
ول تەرەڭنەن تولعاپ بىلاي دەدى: ”دامۋ ۇستانىمى دۇرىس بولسا، نىسانا - مىندەتتەردى بەلگىلەۋ وڭاي بولادى، ساياسات - شارالاردى بىرگە بەلگىلەۋ دە وڭاي بولادى“.
5 جىلدان كەيىن ۇكىمەت قىزمەتىنەن باياندامادا سول جىلعى ەكونوميكالىق ارتۋ نىساناسى ％6تەن جوعارى بولىپ بەلگىلەندى، ال ”14 - بەسجىلدىقتاعى“ ەكونوميكانىڭ ارتۋ قارقىنى كورسەتكىشىن ”ۇيلەسىمدى ارالىقتا ساقتاۋ، ءار جىلدا جاعدايعا قاراي العا قويۋ“ دەپ بەلگىلەندى، بۇل 5 جىلدىق جوبا تاريحىندا تۇڭعىش رەت بولىپ وتىر.
بۇل جونىندە باس شۋجي شي جينپيڭ بىلاي دەدى: ”بيىل ％6تەن جوعارى بولۋىن بەلگىلەدىك، ءىس جۇزىندە بۇل كورسەتكىشتەن دە جوعارى بولسا بولادى، ءبىراق ءبىز مۇمكىندىك قالدىردىق، وسىلاي بولعاندا ءبىز باستى زەيىنىمىزدى جوعارى ساپالى دامۋ جاعىنا اناعۇرلىم كوبىرەك جۇمسايمىز“.
جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جوعارى ساپالى دامۋ جولىمەن جۇرۋگە تاباندى بولۋ؛ جالپى بارىستىق حالىق دەموكراتياسىن دامىتىپ، جۇڭگوشا سوتسياليستىك دەموكراتيا جولىمەن بۇلجىماي ءجۇرۋ؛ بىرگە بايۋدى تىڭعىلىقتى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋ... شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ الىستى بولجاپ، باعدار بەلگىلەپ جول باستاۋىندا، جۇڭگو اتتى الىپ كەمە، ءسوز جوق، نىق قاداممەن الىستارعا بارادى.
كوكتەمگى سالتاناتتى جينالىس باياندى تىنىشتىقتىڭ تۇزىمدىك نەگىزىن بەكەمدەدى −
2018 - جىلى 3 - ايدىڭ 11 - كۇنى تۇستەن كەيىن حالىق سارايىنىڭ 10 مىڭ ادامدىق ۇلكەن زالى تاريحي سيپاتتى ءساتتى قارسى الدى: مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسىن» داۋىسقا سالىپ ماقۇلدادى.
شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى زاڭعا ەنگىزىلىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ مازمۇنى تولىقتانىپ، باقىلاۋ - تەكسەرۋ كوميتەتىنە قاتىستى بەلگىلەمەلەر قوسىلدى...دۋ قول شاپالاق ءۇنى كوتەرىلدى. حالىقتىڭ ورتاق جۇرەك ءۇنى مەن كۇشتى ەرىك - جىگەرىن ۇيىستىرىپ، پارتيا مەن حالىق اماليات بارىسىندا قول جەتكىزگەن كەلەلى نازاريالىق جاڭالىق اشۋ، امالياتتىق جاڭالىق اشۋ، تۇزىمدىك جاڭالىق اشۋ جەتىستىكتەرى مەملەكەتتىڭ ەركىنە اينالىپ، ەل باسقارىپ، حالىقتى تىنىشتىققا كەنەلدىرۋدىڭ باس قاعيداسىنا ەنگىزىلدى.
6 كۇننەن كەيىن، 3 - ايدىڭ 17 - كۇنى تۇستەن بۇرىن حالىق رەسپۋبليكاسى تاريحىندا تۇڭعىش رەت مەملەكەت باسشىسىنىڭ نەگىزگى زاڭ الدىندا سەرت بەرۋى وسى ارادا وتكىزىلدى.
مەملەكەت گەربى بيىكتە تۇر، نەگىزگى زاڭ ايبىندى. تولىق داۋىسپەن مەملەكەت ءتوراعاسى بولىپ سايلانعان شي جينپيڭ سول قولىن نەگىزگى زاڭعا قويىپ، وڭ قولىن كوتەرىپ، سەرت ءسوزىن وقىدى:
”مەن جۇڭحۋا حالىق رەسپۋبليكاسىنىڭ نەگىزگى زاڭىنا ادال بولىپ، نەگىزگى زاڭنىڭ بەدەلىن قورعايمىن دەپ سەرت بەرەمىن“...
10 جىلدان بەرى باس شۋجي شي جينپيڭ باستاماشىلدىقپەن ونەگە كورسەتىپ، ءوزى ىلگەرىلەتىپ، زاڭمەن باسقارۋ سەنىمىن ميلليارد حالىقتىڭ جۇرەگىنە ۇيالاتىپ، ەل باسقارىپ، حالىقتى تىنىشتىققا كەنەلدىرۋدىڭ ەرەجەسى ەتىپ سومدادى.
جۇرت پارتيا ورتالىق كوميتەتى العا قويعان ماڭىزدى نازاريالاردىڭ، جاساعان كەلەلى ورنالاستىرۋلاردىڭ ۇنەمى دەر كەزىندە باس شۋجيدىڭ ۋاكىلدەرمەن، مۇشەلەرمەن مەملەكەت ىستەرىن بىرگە اقىلداسۋداعى ماڭىزدى كەڭەستىك تاقىرىبىنا، سونداي - اق مەملەكەتتىك حالىق قۇرىلتايىنىڭ ءتۇزىم تۇعىرىندا زاڭدا بەلگىلەنگەن ءتارتىپ ارقىلى مەملەكەتتىڭ ەركىنە اينالاتىندىعىن بايقادى.
2013 - جىلى 11 - ايدا پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋدىڭ شىمىلدىعىن اشتى. 2014 - جىلعى مەملەكەتتىك ەكى ماجىلىستە باس شۋجي شي جينپيڭ: ”رەفورمانىڭ جۇمىلۋ دابىلى قاعىلدى، ماڭىزدىسى، جەر - جەر وزدەرىنىڭ ءىس جۇزىندىك جاعدايىمەن ۇشتاستىرا وتىرىپ تياناقتاندىرۋ كەرەك“، - دەپ باسا دارىپتەدى.
2014 - جىلدىڭ سوڭىندا پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە مەملەكەتتى جاپپاي زاڭمەن باسقارۋ جونىندە ورنالاستىرۋ جاسالدى. 2015 - جىلعى مەملەكەتتىك ەكى ماجىلىستە باس شۋجي شي جينپيڭ ”ءار دارەجەلى پارتيا، ۇكىمەت ورگاندارى مەن ءاربىر باسشى كادر، ءاربىر قىزمەتكەر تۇگەلدەي زاڭمەن باسقارۋ تانىمىن، زاڭمەن باسقارۋ كوزقاراسىن كۇشەيتىپ، بويسۇناتىن زاڭ بولسا، ءسوزسىز، بويسۇنۋعا تاباندى بولىپ، زاڭمەن باسقارۋ ءتاسىلىن قولدانىپ قىزمەت ورىستەتۋگە شەبەر بولۋ كەرەكتىگىن“ ايرىقشا تالاپ ەتتى.
جاڭا جۇڭگو تاريحىنداعى تۇڭعىش ازاماتتىق زاڭناما ماقۇلدانعاننان تارتىپ، 30 نەشە جىلدان بەرى مەملەكەتتىك حالىق قۇرىلتايىنىڭ ۇيىمدىق زاڭىنا جانە مەملەكەتتىك حالىق قۇرىلتايىنىڭ ءىس قاراۋ ەرەجەسىنە تۇڭعىش رەت تۇزەتۋ ەنگىزگەنگە دەيىن، ودان باقىلاۋ - تەكسەرۋ زاڭى، قايىرىمدىلىق زاڭى، شەتەل ساۋداگەرلەرىنىڭ قارجى قوسۋ زاڭى قاتارلى ماڭىزدى نەگىزدىك زاڭداردى قاراپ ماقۇلداعانعا دەيىن... باس شۋجي شي جينپيڭ ۋاكىلدەرمەن، مۇشەلەرمەن بىرگە مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋ ءۇشىن، مەملەكەتتىڭ باياندى تىنىشتىعى ءۇشىن جىلدىق مىندەت بەلگىلەپ، ۇزاق بولاشاقتىق شارا قاراستىردى.
كوكتەمگى سالتاناتتى جينالىس ىنتىماقتاسا ەكپىندەي ىلگەرىلەۋدىڭ تەلەگەي كۇشىن ۇيىستىردى −
”بالالاردىڭ ’ءار ۇلت اناردىڭ دانىندەي تىعىز ۇيىسۋى كەرەك‘ دەگەن قاعيدانى وبرازدى تىكە تۇسىنۋىنە مۇمكىندىك جاساۋ ءۇشىن، كەيبىر باستاۋىش مەكتەپ وقىتۋشىلارى بازارعا بارىپ انار ساتىپ اكەلىپ، ساباقحانادا بالالاردىڭ كورۋىنە، سەزىنۋىنە ۇسىندى“.
بيىل 3 - ايدىڭ 5 - كۇنى تۇستەن كەيىن ىشكى موڭعۇل ۋاكىلدەر ۇيىرمەسىنىڭ باياندامانى قاراۋ ورنىندا تۇڭلياۋ قالاسى حورچين كوركەمونەر كاسىپتىك شۋەيۋانىنان كەلگەن ۋاكىل ۋاڭ شياۋحۇڭ جەرگىلىكتى ورىننىڭ ۇلتتار ىنتىماعى، العاباسارلىعى تاربيەسىن ورىستەتۋىندەگى ءبىر شاعىن حيكايانى باياندادى.
”سەندەر جاقتا انار وسە مە“؟
”وسپەيدى، كوپتەگەن بالا اناردى كورمەگەن“.
”وتە جاندى، وبرازدى ەكەن“، - دەدى باس شۋجي كۇلىپ.
”ىشكى موڭعۇلدىڭ بۇگىنى ءار ۇلت بۇقاراسىنىڭ بىرگە كۇرەس جاساۋىنىڭ ناتيجەسى، ىشكى موڭعۇلدىڭ ەرتەڭى ءالى دە ءار ۇلت بۇقاراسىنىڭ ىنتىماقتاسا كۇرەس جاساۋىن قاجەت ەتەدى“. ىشكى موڭعۇل جونىنەن وسىلاي، ۇلتتىق وڭىرلەر ءۇشىن دە وسىلاي، تۇتاس جۇڭحۋا ۇلتى ۇلى شاڭىراعى ءۇشىن، ءتىپتى، وسىلاي.
10 جىلدىق مەملەكەتتىك ەكى ماجىلىستە باس شۋجي شي جينپيڭ ساياسي كەڭەستىڭ از ۇلت سالاسىنداعى مۇشەلەرىنە امانداسا باردى ءارى بىرىككەن گرۋپپالار جيىنىنا قاتىناستى، ۇلتتىق اۆتونوميالى رايون ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بارىندە ۇلتتار ىنتىماعىنىڭ ”جان تامىر“ ءمانىن باسا دارىپتەپ، ءار ۇلت بۇقاراسىن جۇڭحۋا ۇلتى ورتاق تۇلعا تانىمىن بەرىك ورناتىپ، ۇلى وتاندى بىرگە قۇرىپ، تاماشا تۇرمىستى بىرگە جاراتۋعا جەتەكتەدى.
بيىل 3 - ايدىڭ 7 - كۇنى ءتوراعا شي جينپيڭ ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا، ارميانى زاڭ بويىنشا باسقارۋ ستراتەگياسىن دايەكتىلەندىرىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتىپ، ارميانى قۇدىرەتتەندىرۋ ىستەرىن ىلگەرىلەتۋگە پارمەندى زاڭمەن باسقارۋ قامتاماسىزدىعىن ازىرلەۋدى باسا دارىپتەدى.
بۇل ءتوراعا شي جينپيڭنىڭ ءۇرتىس 10 - جىلداعى ادامدى العا باسۋعا جەبەيتىن كوكتەمدەگى ارميانى قۇدىرەتتەندىرۋ بۇيرىعى ەدى.
10 جىلدا ارميانى عىلىم - تەحنيكا ارقىلى قۇدىرەتتەندىرۋدەن رەفورما ارقىلى ارميانى قۇدىرەتتەندىرۋگە دەيىن، ارميا مەن حالىق ىنتىماعىنان سوعىسقا دايىندالىپ شايقاس جۇرگىزۋگە دەيىن، ارميانى دارىندىلار ارقىلى قۇدىرەتتەندىرۋدەن ارميانى زاڭ بويىنشا باسقارۋعا دەيىن... جۇڭگو ارمانىن جۇزەگە اسىرۋ بيىك تۇرعىسىنان ءتوراعا شي جينپيڭ جاڭا ءداۋىردىڭ جاڭا جورىعىندا ارميانى قۇدىرەتتەندىرۋدىڭ ايبىندى دا اسقاق دابىلىن قاعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا پارمەندى ستراتەگيالىق تىرەك ازىرلەدى.
ءبىز ىنتىماقتاسا كۇرەس جۇرگىزۋ ارقىلى شۇعىلالى تاريح جاراتتىق، سونداي - اق ىنتىماقتاسا كۇرەس جۇرگىزۋگە سۇيەنىپ كوركەم بولاشاق اشۋىمىز كەرەك.
2019 - جىلعى مەملەكەتتىك ەكى ماجىلىستە باس شۋجي شي جينپيڭنىڭ ءسوزى تەرەڭ مانگە يە بولدى −
”’الىپ قۇس شىعانعا جەكە ءبىر قاناتىمەن عانا وڭاي - وسپاق شىقپاعان؛ تۇلپار جالعىز اياعىنىڭ كۇشىمەن شاپقىلاي المايدى‘. جۇڭگو بيىككە سامعاپ، جىلدام زىمىراۋدا ءبىر ميلليارد 400 ميلليون حالىقتىڭ تەلەگەي كۇشىن ۇيىستىرۋ جانە جۇمىلدىرۋ كەرەك“.
كوكتەمدە تاعى جولعا شىققان جۇڭگو حالقىنىڭ كوكىرەگى اسقاق سەزىمگە تولى!
(تىلشىلەر حو شياۋگۋاڭ، جاڭ شياۋسۇڭ، جۋ جيچاي، لين حۇي، حۋ حاۋ، جازۋعا قاتىناسقاندار تان موشياۋ، حى شينرۇڭ)
(شينحۋا اگەنتتىگىنىڭ 3-ايدىڭ 12-كۇنى بەيجيڭنەن بەرگەن حابارى)
