ما شيڭرۇي، حاۋ پىڭ، ەركىن تۇنياز، لي يفي قاتىناستى
3 - ايدىڭ 12 - كۇنى شينجياڭ مەن ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋ جونىندەگى كەڭەس ءماجىلىسى جانە نىساندار سەلبەستىك كەلىسىمىنە قول قويۋ قيمىلى بەيجيڭدە وتكىزىلدى.
□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 12 - كۇنى بەيجيڭنەن حابارلايدى. 3 - ايدىڭ 12 - كۇنى تۇستەن بۇرىن شينجياڭ مەن ورتالىق كاسىپورىندارىنىڭ كاسىپ سالاسى ارقىلى شينجياڭدى گۇلدەندىرۋ جونىندەگى كەڭەس ءماجىلىسى جانە نىساندار سەلبەستىك كەلىسىمىنە قول قويۋ قيمىلى بەيجيڭدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ شۋجيى، مەڭگەرۋشى حاۋ پىڭ قيمىلعا قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى لي يفي قاتىناستى.
ما شيڭرۇي سوزىندە اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت كادرلارى مەن بۇقاراسى اتىنان مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەن ورتالىق كاسىپورىندارىنىڭ ۇزاق ۋاقىتتان بەرى شينجياڭ قىزمەتىنە كوڭىل ءبولىپ، قولداۋ كورسەتىپ جانە كومەكتەسىپ كەلگەندىگىنە شىن جۇرەكتەن العىس ايتتى. ول بىلاي دەدى: مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ورتالىق كاسىپورىندارىن شينجياڭعا كاسىپ سالاسى بويىنشا كومەكتەسۋگە، شينجياڭعا عىلمي كومەكتەسۋگە، شينجياڭعا جان - جاقتى كومەكتەسۋگە، شينجياڭعا شىنايى سۇيىسپەنشىلىكپەن كومەكتەسۋگە ۇيىمداستىرىپ، جەتەكشىلىك ەتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن دەمەۋگە، ۇلتتار ىنتىماعىن جەبەۋگە، قوعامنىڭ ورنىقتىلىعىن قورعاۋعا بەلسەندى ۇلەس قوستى.
ما شيڭرۇي بىلاي دەپ اتاپ كورسەتتى: سوڭعى جىلدارى شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعامدىق كەلەلى جاعدايى ورنىقتى بولىپ، حالقى تىنىش ءومىر، شات - شادىمان تىرشىلىك كەشىرىپ، ەكونوميكانىڭ جوعارى ساپالى دامۋىنىڭ ماڭىزدى ستراتەگيالىق وراي مەزگىلىن قارسى الدى، ورتالىق كاسىپورىندارىنىڭ شينجياڭدا قارجى قوسىپ دامۋىنىڭ كومەسكى كۇشى شەكسىز، بولاشاعى نۇرلى. ءبىز ءتىپتى كوپ ورتالىق كاسىپورىندارىنىڭ شينجياڭعا كەلىپ قارجى قوسۋىن، دامۋىن، كوپ ساتىلى، كوپ سالالى سەلبەستىكتى ۇزدىكسىز تەرەڭدەتىپ، كەڭەيتىپ، نىسان قۇرىلىسىن كۇشەيتىپ، مۇناي حيميا ونەركاسىبى، كومىر ەلەكتر، كومىر حيميا ونەركاسىبى، تازا ەنەرگيا، ەلەكتر قۋاتى، سونداي - اق ەلەۋلى نەگىزدىك قۇرىلعىلار سياقتى نىسانداردىڭ ناقتى تياناقتانۋىن ىلگەرىلەتۋىن؛ جىبەك جولى ەكونوميكالىق بەلدەۋى وزەكتى رايون قۇرىلىسىن كۇشەيتىپ، توڭىرەكتەگى مەملەكەتتەرمەن جانە وڭىرلەرمەن ەكونوميكا - ساۋدا سەلبەستىگى، قوس باعىتتى قارجى قوسۋ تۇعىرىن ورناتۋىن؛ كاسىپ سالاسىنىڭ دامۋىن كۇشەيتىپ، نىسان جوباسىن جوسپارلاۋدى تەزدەتىپ، شينجياڭ كاسىپورىندارىمەن كاسىپ سالاسى تىزبەگى، قامداۋ تىزبەگى، جاڭالىق اشۋ تىزبەگى بويىنشا سەلبەستىك جاساۋدى تەرەڭدەتىپ، تەحنيكا، دارىندى جاعىنان شينجياڭعا كومەكتەسۋ سەرپىنىن ارتتىرۋىن؛ حالىق تۇرمىسىن قامتاماسىز ەتۋدى جانە جاقسارتۋدى كۇشەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى جاپپاي ىلگەرىلەتۋ، جۇمىستاندىرۋدى جەبەۋ سياقتىلارعا ىشكەرىلەي ات سالىسىپ، ورتالىق كاسىپورىندار مەن جەرگىلىكتى ورىننىڭ بىرگە يگىلىككە كەنەلىپ دامۋىن جەبەۋىن شىن ىقىلاسىمىزبەن قارسى الامىز. شينجياڭ قىزمەت مەحانيزمىن بار كۇشپەن اقاۋسىزداندىرىپ، ساياساتتىق قولداۋدى دالمە - ءدال ويداعىداي ىستەپ، سايكەستى قىزمەت وتەۋدى ىرىقتىلىقپەن كۇشەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا قالىپتاستىرىپ، ورتالىق كاسىپورىندارىنىڭ شينجياڭدا دامۋىن، زورايۋىن بار كۇشپەن قولدايدى.
حاۋ پىڭ مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرەدى. جاڭا داۋىردەگى پارتيانىڭ شينجياڭدى جونگە سالۋ جالپى جوباسى جاڭا داۋىردەگى شينجياڭ قىزمەتىن جاقسى ىستەۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەپ بەردى. مەملەكەت مەنشىگىندەگى مال - مۇلىك، ورتالىق كاسىپورىندارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، شينجياڭعا كاسىپ سالاسى بويىنشا كومەكتەسۋدى ارقاۋ ەتە وتىرىپ، قىزمەتتەردى بەلسەنە ورىستەتىپ، شينجياڭنىڭ جوعارى ساپالى دامۋىن ىلگەرىلەتۋمەن قاتار، ورتالىق كاسىپورىندارى قادامداس العا باسۋدى، تەز دامۋدى جۇزەگە اسىرىپ، شينجياڭ قۇرىلىسىمەن توعىسۋ، شينجياڭنىڭ دامۋىنا دەم بەرۋ سەنىمىن، بەكىمىن اناعۇرلىم بەكەمدەدى.
حاۋ پىڭ بىلاي دەپ اتاپ كورسەتتى: ساياسي دەڭگەيدى شىن مانىندە جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭعا كاسىپ سالاسى بويىنشا كومەكتەسۋ سەرپىنىن ۇزدىكسىز ارتتىرىپ، كاسىپ سالاسى ارقىلى شينجياڭدى گۇلدەندىرۋ ونىمدىلىگىن ۇزدىكسىز جوعارىلاتۋ كەرەك. يدەيالىق تانىمدى تاعى دا جوعارىلاتىپ، كاسىپ سالاسى ارقىلى شينجياڭدى گۇلدەندىرۋ قىزمەتىنىڭ كەلەلى ءمانىن ونان ارى تەرەڭ تانىپ، قىزمەت بەتالىسىن دۇرىس مەڭگەرىپ، نىسانداردى تياناقتاندىرۋدى كۇشەيتىپ، وسكەلەڭ ساياسي جاۋاپكەرشىلىك سەزىممەن جانە كۇشتى تاريحي بورىشتىلىق سەزىممەن كاسىپ سالاسى ارقىلى شينجياڭدى گۇلدەندىرۋدى جوبالاۋ جانە ىلگەرىلەتۋ؛ قىزمەت ءتۇيىنىن تاعى دا كورنەكتىلەندىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا جەدەل دەم بەرىپ، شينجياڭ ونەركاسىبىنىڭ نەگىزىن كۇشەيتۋدى، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋىن بار كۇشپەن قولداپ، ستراتەگيالىق جاڭادان گۇلدەنگەن كاسىپ سالاسى جانە وسى زامانعى اۋىل شارۋاشىلىعى سياقتىلاردى كۇش سالا دامىتىپ، شينجياڭنىڭ دامۋ قاجەتىمەن تىعىز بايلانىستىرىپ، ابزال كاسىپ سالالارىن جەتىلدىرۋ، زورايتۋ؛ ورتالىق كاسىپورىندار مەن جەرگىلىكتى ورىنداردىڭ سەلبەستىگىن تاعى دا تەرەڭدەتىپ، باستاماشىلىق، جەتەكشىلىك رولىن ساۋلەلەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن تەرەڭدەتىپ، وزىق دامۋ ۇستانىمىن جەتىلدىرىپ، جەرگىلىكتى كاسىپورىنداردى سايكەسە دامۋعا، توعىسا دامۋعا باستاۋ، جەتەكتەۋ؛ حالىق تۇرمىسىنا قىزمەت وتەۋگە تاعى دا كۇش قوسىپ، جاسىل، تومەن كومىر قىشقىل گازدى دامۋدى ىلگەرىلەتىپ، جۇمىستاندىرۋدى بەلسەنە جەبەپ، ۇلتتاردىڭ ارالاسۋىن، ىشتەسۋىن، توعىسۋىن ىلگەرىلەتىپ، ءار ۇلت حالىق بۇقاراسىنىڭ تۇرمىس ساپاسىن شىن مانىندە جوعارىلاتۋ كەرەك.
ماجىلىستە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ورتالىق كاسىپورىندارىنىڭ شينجياڭعا كاسىپ سالاسى ارقىلى كومەكتەسۋ قىزمەت جاعدايىن تانىستىردى. جۇڭگو مۇناي حيميا ونەركاسىپ توبى شەكتى سەرىكتەستىگى، مەملەكەتتىك ەلەكتر تورى شەكتى سەرىكتەستىگى، مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگى، مەملەكەتتىك ەنەرگيا قارجى قوسۋ توبى شەكتى جاۋاپكەرشىلىك سەرىكتەستىگى، جۇڭلياڭ توبى شەكتى سەرىكتەستىگى، جۇڭگو جۇڭمەي ەنەرگيا توبى شەكتى سەرىكتەستىگى، جۇڭگو مۇناي، تابيعي گاز توبى شەكتى سەرىكتەستىگى سياقتى 7 ورتالىق كاسىپورنىنىڭ نەگىزگى جاۋاپتى جولداستارى ىلگەرىندى - كەيىندى اۋىس - كۇيىس جاساپ، لەبىز ءبىلدىردى. اۆتونوميالى رايوندىق حالىق ۇكىمەتى 11 ورتالىق كاسىپورنىمەن نىسان سەلبەستىك كەلىسىمىنە قول قويىستى.
مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ باسشىلارىنان تان زوجۇن، پىڭ حۋاگاڭ، اۆتونوميالى رايون باسشىلارىنان ەلزات احمەتجان، قادەن كابەن، شۋە بين قاتارلىلار قيمىلعا قاتىناستى. مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ قاتىستى تاراۋلارىنداعى جاۋاپتى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار، ورتالىق كاسىپورىندارىنىڭ شينجياڭداعى تارماق قۇرىلىمدارىنداعى جاۋاپتى جولداستار قاتارلىلار قيمىلعا قاتىناستى.
